吉野家 (東廣場)

星期日突然好想食MOS Burger嘅早餐，所以特登行咗去東廣場，點知去到嗰時先知舖頭裝修，要11月尾先會開返😅正喺度猶豫應唔應該轉食其他嘢嘅時候，見到對面有間吉野家，於是行過去睇吓有乜嘢食😄餐牌上除咗一般西式早餐之外，亦都有提供日式早餐😆其實一般餐廳好少有日式嘅早餐，而我亦都好少有機會食到，於是就好想試吓☺️😆我叫嘅早餐包括有仿鱈場蟹棒蕃茄濃湯烏冬、一件天婦羅野菜餅同三隻日式雞肉炸餃子，再配一碗麵豉湯😆💪早餐賣相唔錯，而且份量足夠😄我今次試吓將餃子浸係蕃茄湯裏面同烏冬一齊食，發覺味道其實都唔錯😆👍以34蚊一個早餐嚟講，我覺得都算抵食☺️ 假期我通常都係鍾意喺屋企慢慢嘆早餐，所以我今次買早餐都係外賣自取☺️ 返到屋企之後我仲沖咗杯熱咖啡，熱咖啡加上日式早餐，簡直係一個完美嘅假日早餐☺️😋😆👍…查看更多

我對吉野家還停留在牛肉飯層面🤭 今早想食一個輕便早餐， 見到吉野家竟然有22元的套早😱😱 套餐包括：3隻餃子， 餃子真心不錯， 皮邊脆脆的， 沒有漏氣感一份炒麵， 竟然有很多蔬菜😋😋一片午餐肉， 不是茶記的港產那種， 不是粉粉感的飲品是一般的茶，啡， 我選了可樂這一餐， 顛覆了我對吉野家感覺， 甚至比日本的更合心意🤩🤩…查看更多

打住3號風球，急急腳買個吉野家外賣返屋企，今次試吓新推出嘅**海姥胡麻醬牛肉撈烏冬**，果然有驚喜！烏冬**爽滑彈牙**，掛滿濃郁嘅胡麻醬，每一啖都食到芝麻香，仲有微微甜味，好開胃。牛肉片保持吉野家一貫水準，嫩滑唔韌，撈埋隻**半熟蛋**一齊食，蛋汁同胡麻醬混合，口感更滑溜，真係**一流**！ 雖然今次主打烏冬，仲有試埋佢個海姥牛肉窩蛋飯，點可以唔提佢哋嘅日本米飯**？飯粒飽滿有嚼勁，打隻**溫泉蛋**落去，再撒啲拌飯紫菜，簡單又滿足。颱風天懶得煮飯，咁樣一餐有營養、方便又好食，絕對係打工仔同懶人恩物！ 總括而言，新烏冬有心思，胡麻醬配搭新奇，而經典牛肉飯依然穩陣。下次掛8號波，可能又要encore！…查看更多

✨吉野家✨今日自己食lunch，揀咗吉野家，經濟實惠、熟口熟面。試咗佢嘅和風牛肉飯餐，但老實講，整體感覺就係「正常但無驚喜」。和風牛肉飯 ($53) ⭐⭐⭐牛肉片薄而入味，和風醬汁帶甜，但唔算特別突出。飯量夠飽肚，但感覺似乎少咗啲新鮮感，係一個「填飽肚」嘅選擇。牛汁 (0$) ⭐⭐⭐免費附送係好嘅，但牛汁味道普通，濃淡適中，用嚟拌飯或者當湯飲都可以，純粹係加強飽肚感。可樂 ⭐⭐⭐⭐冷冰冰嘅可樂一如既往咁解渴，冇咩挑剔，快餐標配。總結：整體來講，吉野家係匆忙之間搵食嘅可靠選擇，但冇乜令人回味嘅地方。食物質素穩定，但只屬基本水準，適合趕時間或者想簡單食一餐嘅日子。食品評分：⭐⭐⭐（3/5）總體評分：⭐⭐⭐（3/5）一般般嘅午餐體驗，無功無過。…查看更多

下午茶買細牛肉飯見到阿姐拎牛肉嘅時候將一大片牛肉揼返落去嚇到我心都涼咗。而家啲下午茶D牛肉真係好少好彩仲有啲牛肉汁可以撈飯都係嗰啲味道啦，偶然食下都可以希望下次個阿姐唔好再揼返啲牛肉落去啦…查看更多