吉野家 (新鴻基中心)

藥劑💊年會前速食吉野家，想試下貴牛飯有幾好食😋，已經冇真人賣飛，得返自動售賣機，話有會員價但冇位俾你do會員，想搵位又冇位，最後㨂咗極上炙燒牛肉飯（$68）配熱啡（$3），等咗8分鐘有飯，仲要搵到位，牛同飯份量都ok，牛肥，但質素一般，熱啡一般，純粹暖下胃…查看更多

🍚開心方便🟠吉野家全線分店推出咗早餐及下午茶套餐！真係啱晒鍾意少食多餐嘅我，份量仲要啱啱好㖭😉早餐及下午茶全新推出腸仔配嫩滑炒蛋米粉，仲要非常抵食，$20 起咋！所有餐品都配有飲品 (包括汽水)仲有多款小食可以加配，仲抵過之前啦，加 $5 可升級套餐真係啱晒我地啲為食鬼😉更有鹽燒和牛丼！佢啱晒牛魔王！「鹽燒和牛丼」採用M8-M9優質和牛 ， 精心烹調再配上特調鹽汁，簡直是完美配搭 。再添加海苔、 椰菜絲 、芝麻和七味粉！齒頰留香美味非常！ 只係$78就可以食到鹽燒和牛丼，另加$5升級加配温泉蛋及時菜㖭～…查看更多

最近「吉野家」推出左全新驚喜價早餐及下午茶系列餐牌🎊🎉，特別是輕食之選和風牛肉、嫩滑炒蛋配迷你飯/米粉及腸仔配嫩滑炒蛋米粉，低至$20起❣️所有套餐都有埋飲品，包括汽水架🥤仲可以+$5升級套餐呢👇早餐➡️升級一份嫰滑炒蛋及腸仔下午茶➡️升級一份温泉蛋及鮮嫩時菜 而且即日起除了招牌和風牛肉丼和野菜煎雞丼🤩，人氣鹽燒和牛丼更正式常駐吉野家，大家又多個用餐選擇啦！ 既然放假無咩做，就落街食番個下午茶😝 鹽燒和牛丼 + 汽水/麵豉湯/日本茶 $78升級 奶茶紅豆冰 +$8和牛丼採用了M8-M9優質和牛🐮，和牛食起來肉質軟嫩又juicy，配合特別調製的鹽汁炙燒🧂，更能突出和牛的肉味及油香味，同時亦配有海苔、京蔥絲、蘿蔔漬、芝麻和七味粉，口感豐富，味道富層次❤️真係好正‼️紅豆冰本身已經好味道，原來換上奶茶一樣咁出色，奶茶味香濃🧋，而紅豆唔會太硬，粒粒紅豆都充滿口感🫘和風牛肉迷你飯 + 嫰滑炒蛋/溫泉玉子 + 汽水/麵豉湯/日本茶 $34升級 凍咖啡 +$6牛肉飯味道香甜，食落啖啖肉，超滿足🥰我選擇左嫰滑炒蛋🥚，yummy❗️和風牛肉昆布米粉 + 汽水/麵豉湯/日本茶 $32升級 讚歧烏冬 +$3 | 凍檸樂 +$6除左米粉，可以加錢升級讚歧烏冬或出前一丁🍜我就升級左讚歧烏冬😊彈牙又好味的讚岐烏冬配上牛肉昆布，簡直就係美味❗️另外，小食加配價好抵，比之前平左💃忍唔住都追加左幾款小食😝金菇牛肉卷 $12燒至金黃色的金菇牛肉卷肉汁豐富，配搭惹味的照燒汁，最後加上七味粉調味😋迷你關東煮 $6材料有獅子狗、芋絲、油揚絹豆腐及白蘿蔔☺️全部都盡吸昆布柴魚高湯的味道。炸黃金鱈魚卷 $6鱈魚肉經燒烤而成，口感厚實。 …查看更多

又到糧尾,又係銀包無咩錢既時間,但飯都係要食架,咁點算好???行行下見到間吉野家,見佢有D平既下午茶餐,自己又食得起,所以嗱嗱淋入去坐底叫野食啦沙嗲牛肉丼沙嗲好出色,好好食!!~汁燒豚肉丼因為個沙嗲汁好好食,所以變左哩個飯比較上清淡咗D不過2個飯,用APP 落單有折,仲有飲品跟埋,真係好抵食阿!!…查看更多

呢間我返工咁耐未幫襯過，尋日諗住午餐食吓飯唔食意粉，走入去食。全個餐都正常ok可以接受，唔算好難食，但唔係好好食。仲有我叫南蠻炸雞，佢俾錯咗柚子炸雞我，但呢d我都接受，只有一樣絕對不能接受：就係佢地嘅所謂日式炸餃，細細粒，但食落口係完全另一種餃黎，根本就係中式潮州韮菜餃嘅珍珠版。好過份。我係鍾意食餃嘅，尤其是炸餃子，韮菜餃我成日都食，好鍾意食添，但係，重點係：吉野家喺點餐機/餐牌寫明係日式炸餃子，食落口就變成潮州炸韮菜餃，呢一樣我就絕對接受唔到。…查看更多