吉豚屋吉列豬扒專門店

5個人，坐4人枱太逼，想轉張6人枱，服務員話唔坐得，我問點解，佢話員工要食飯，望一望個鐘，1:30食飯時間，員工食飯，咁唔緊要，坐迫啲，但到我食完，佢地都未食，留張枱係吉係到….我就坐到手撞手。食完問員工，你地食幾點，樣係串住講：而家食！嬲，仲收服務費啲野食全部淋晒，唔知炸乜，唔好食…查看更多

旺角沙田油麻地荃灣都有分店今次去葵廣唔掃街 想坐低食嘢成日都見呢間吉豚屋 餐牌都幾吸引今次就入去試吓！有好多唔同定食見佢最近仲有個$55 3餸飯內用要加一 定食就包湯同前菜但係唔包嘢飲 不過嘢飲都可以有套餐價特製柚子乳酸 ($13)勁甜！😵‍💫 乳酸味比較重 唔好飲❌吉列炸蝦豬扒泡菜湯烏冬鍋 ($82)前菜係甘味醬油蘿蔔漬 鹹鹹哋 ok啦有兩件炸蝦同一塊吉豬 仲有伴椰菜絲吉豬冇切開有d難去食 不過味道都ok吉列蝦先係最好食！勁脆 個炸粉好夠味烏冬鍋好大份 泡菜湯都辣辣地烏冬口感唔錯 幾煙韌 仲有豆腐勁豐富 勁飽 對得住價錢😌👌🏼鐵板滑蛋吉列雞扒鰻魚定食 ($99)前菜一樣 另外有個野菜豚肉湯普通 唔係特別好飲鰻魚幾滑 有少少骨 但吉列雞扒冧哂淋左個滑蛋上去 食唔到個香脆個汁係類似壽喜燒汁個炸粉索晒個汁 勁甜 太甜啦愈食愈漏 麻麻地😟呢間嘢都係食炸嘢好 冧左就唔好食😂…查看更多

吉豚屋吉列豬扒專門店想不到都有細姨想食的店，當然即刻入去試，只是沒想到她會想吃菠蘿包。店員見到有人排隊居然視而不見， 而是行去跟其他收銀員傾計而不是去幫忙帶位。然後又要我們坐走廊位，明明裡面有其他位，有兩個人仲座四人卡位。遇著這種店員真係唔洗同佢客氣可以一口拒絕，然後說要坐裡面。如果我自己一個就話唔同佢計較，但要朋友接受不公平對待，我唔會做鵪鶉啞忍。入到去用QR code落單時試了細姨想試的豬扒菠蘿包。看海報的確吸引, 味道還可以, 不過不失。…查看更多

葵廣最高層嗰條食街入面嘅其中一間舖個湯嘅味道呢就都OK嘅咁就食咗呢個壽喜燒雞扒牛肉湯烏冬同埋就係吉列炸蝦豬扒泡菜湯烏冬咁但係個炸物呢啲粉呢今日就較為厚咗少少之前食同今次食都差唔多咁一模一樣佢就係位置方便葵廣啦等就等咗一陣嘅上一次就唔使等不過呢就覺得呢個份量呢唔係好夠啦烏冬份量都偏少，我已經係女生來～可能我比較大食咁就都好似唔係好飽～不是太大滿足的咁二人就食咗$179，唔算太平都唔算貴同埋其實今次呢就想試佢有新出兩個拉麵但係都話售罄，下次再有機會嚟葵廣先再試…查看更多

今日嚟到葵芳覓食，平時都係掃街，今晚因為想食飽肚啲，有見食飯時間呢間唔係好多人，又唔使排隊就入咗黎，呢間吉豚屋落單都好方便，係用QR code。我揀咗呢個炸魷魚牛肉壽喜燒烏冬鍋（$82）揀完之後等咗好耐都未有嘢食，見隔籬枱早過我入去嗰啲都未有嘢食，出餐真係好慢。嘢食到咗之後，呢個烏冬鍋真係好食，湯汁鹹香，加埋啲牛肉都唔錯，至於炸魷魚就唔係新鮮即炸，因為食到已經凍凍地，不過都香口嘅，用嘅唔係鮮魷魚，係類似麵粉咁樣嘅口感。…查看更多