吉豚屋吉列豬扒專門店

營業中

休息中

下午3點鐘去到要排隊，入面有4張2人吉枱，排第3等左40分鐘先入到去坐，舉手叫野無人會理你，人手就多，手腳散慢態度差，講野客人完全聽唔到佢講咩。。。。。。。。。。

吉列豬扒太瘦，無彈性，也切得太薄，完全影響口感，而且因為太瘦，冇油脂香味。炸雞太大嚿，外皮炸得不夠脆， 吉列炸蝦麵粉太厚，麵包糠太多，基本上是食唔到隻蝦，連蝦味都無。白飯完全無米飯香味，麵豉湯尚算可以，全餐飯最好食係用來墊底的椰菜絲，但都切得太粗，而且好碎，最可借就係，無好像其他食日本吉列料理的餐館一樣，可以無限添加椰菜絲和白飯，服務還算可以，但員工手腳太慢，現在疫情期間，食客不多都“招呼唔到”，疫情過後會怎樣？

下午五點幾星期日 人流唔多 有幾張空枱 只有一兩枱客等位 下單已經出錯 唔會主動同客人講set所包括嘅飲品 只答你只有可樂 其實尚有其他選擇 只係為咗快 而唔同你講 杯可以洗小隻 最令我驚訝 有3-4枱空枱 但我見waitress只叫人客外面line up至少30 mins 利申本人正在內享用午餐另一驚訝 隔離枱向waitress投訴 塊豬扒𥚃面竟然係凍架 炸豬扒𥚃面係凍 真係無言！ 唯一可以讚 就係價錢 如果你遇到既炸豬扒唔係凍最差係waitress既服務 唔改善係呢個時世 真係...

開頭服務態度還好，野食普通，餐牌好少選，啲吉列豬扒都幾硬口，加18蚊個塘楊雞可以試下。到餐既速度慢，坐左30分鐘仲未黎，要催單，到40分鐘又要催，懷疑擺左好耐，想比錢受氣可以一試。。。。。。。。。。。。。。。。。。。。。。。。。。。。。。

今日又約左朋友行企鵝店，去之前醫飽個肚先，如心廣場2期開左好多餐廳，好多都想試，最後就試左呢間炸豬扒飯!我叫左個炸吉列豬扒定食，朋友就叫左個滑蛋豬扒鰻魚飯。炸吉列豬扒定食，有飯，味噌湯，炸豬扒同沙律菜，整體都ok, 湯好味足料，主角🐷夠鬆夠軟又夠脆，但豬扒香味差少少($69)滑蛋豬扒鰻魚飯，朋友話唔好食，因為旦唔夠滑，鰻魚無味，豬扒可以接受($89)，食左一半無再食。所以炸吉列豬扒較穩陣，可以再試!

我排咗30分鐘先有位,入到去佢比咗張四人枱我,張枱下面隔離有幾個垃圾橙,上面了佈滿了頭髮和超級大嘅塵,見到都覺得好嘔心仲點食啊！之後我叫個侍應同我搬開佢,佢好串咁走埋嚟踢咗幾下就走咗去,我同佢講咁核突點食啊！佢黑晒面反晒白眼,然後擰轉面冇理我。太態度勁差！大家千萬不要幫襯。

荃灣如心廣場新店陸續開張，見到有間連鎖集團吉豚屋吉列豬扒專門店新開張，都有幾多人排隊，見咁強人排隊，當然要試試啦，大約排左十幾分鐘就進店，入內店的位不是太多，所以坐下來都有小小擠逼，先睇餐單，我就叫咗個吉列豬扒定食，我女朋友就叫左個滑蛋豬扒飯我就叫左個吉列豬定食，首先請份量，豬扒夠大份，飯就正常，味道方面豬扒都好有肉汁，唔會太乾，飯就使用珍珠米至於滑蛋豬扒飯就有蛋汁撈飯一流，吉列豬扒就乾身D，但旁邊都有好多豬扒醬汁供選擇總結來講價錢正常份量正常味道唔錯，值得再試

同家姐去荃灣行街街，未行先同她去如心廣場食吉豚屋，她未食過，她最關心係。。。椰菜有冇得添食!去到係1：30，排左大約10分鐘隊。竟然發現出示工作證，可以免加一，好彩家姐有帶可以慳番15蚊! 家姐心大心細吾知食乜好，我話叫兩個吾同吉列豬排set可以share叫左呢兩個set, 其實本想試下烏冬鍋，但最後。。都係叫飯因為我係飯桶,日本米真好好食 仲有，呢度個豚肉湯好好飲有洋蔥甘筍豬肉片好豐富吉列豬排黃金豚肉餅定食(77蚊), 我覺得吉列豬排真好好味脆口吾油而且吾un, 豚肉餅裡面有洋蔥，但口感同味道我吾太鐘意，下次都係食番豬排或豬柳吉列三重奏定食(75蚊)，有吉列蝦，豬柳同豚肉餅，我覺得豬柳好好食蝦無乜特別，下次。。我一定要試下烏冬鍋我家姐食好少野，未食先俾多1/3碗飯+半件豚肉餅我。。食完她猛叫非常飽! 我呢。。Ok 飽喇吉豚屋真好抵食，2人埋單152蚊，經濟飽肚之選，啱哂呢2隻為食貓!

呢排口淡淡，好想食啲香口嘅嘢食。行過荃灣，發現嗰幾條天橋已經開通左，相連嘅幾個新商場已經陸續準備開啟。今日就去咗其中一個商場嘅新鋪頭食日式炸豬扒。未行到入去嘅時候就已經聞到好香嘅炸豬扒味，餐牌可以選擇嘅款式唔算太多，所以我都好快就揀咗要食邊一款，對於有選擇困難症嘅我非常好。呢個吉列豬柳泡菜湯烏冬，個豬扒真係冇得頂，炸得非常之香脆。而個烏冬就正常水準，希望有機會會推出蕃茄味湯底，應該都唔錯。另外呢一個係和風吉列豬扒飯，佢個醬汁非常之有日式味道，甜甜香香，價錢非常之便宜， 10分抵食之選。

新開諗住試下，裝修係可以ge野食都幾多下最後叫左個天婦羅三重奏（豬肉薯餅、豚肉、蝦)～可能人手不足加上新手，所以上菜有D慢，我睇到D野出齊係無人拎過黎放左起碼3分鐘有多，杯野飲到後半段先到。簡單黎講唔會返食同一樣食品，豬肉薯餅只係食到薯餅味；豚肉唔係好厚唔緊要但有D鞋鞋ge感覺；蝦完全唔想再食ge元兇，本身係叫烏冬但出錯俾我就由佢，個D米又唔係珍珠米所只食左面頭個層。其他菜唔敢講，但依個菜真心唔值依個價錢⋯

やっと、荃灣西にも『かつや』上陸。香港で食ったカツカレーの中でも満足度の高いものとなった。なぜなら、CoCo壱は日本では安くて美味いのが売り。しかし、香港では高くて美味しいとは言い難い。自然と足は遠退くし、行きたいと思わない。また、銀座カレーと間違ってしまう店名の銀カレーは、安さを売り物にしている。兎に角、銀カレーのライスは不味い。ということで、まともなカツカレーを食べた事が無かった。泉カレーや白熊カレーなんかもあったけれど、どれもこれも、美味い！と唸るようなカレーには出くわさなかった。『かつや』なので豚カツ・とんかつ・トンカツと行きたいところだが、敢えてカツカレーをお勧めしたい。豚汁(大)とローストンカツのカツカレーは絶品。先ず、カレーのルーが美味い。そして、ライスがもちもちしていて美味い。極め付けは、豚ロースが筋や脂身の少ない柔らかい部位を使用しており、衣のパン粉がこれまたクリスピーで丁度いいサクサク感を演出している。カレーのルーの量も多からず、少なからず正統派な感じ。カツカレーに特化したメニューも『かつや』の矜持が感じられる。カツカレーが食べたいと思ったらすかさず、『かつや』一択

早幾日去荃灣一田買野，等過馬路時有人派傳單，原來吉豚屋響如心廣場2期開左新店，裡面仲夾左2張10蚊折扣券! 今日響荃灣做完野，一於去食先! 其實我覺得勝博殿的吉列豬排最yummy，又可以任食椰菜, 醬汁亦做得好! 但係尖沙咀店執左後，要去銅鑼灣先有得食。去到如心廣場，究竟邊度係2期??原來係勁近荃灣西站，附近太多新樓盤，我成日去荃灣都有少少混亂! 去到剛好lunch time, 所以等左15分鐘先有位。睇下食乜先，我好耐好耐之前食過油麻地店，覺得吉豚屋真勁抵，平勝博殿一半有多，但係味道相當好，係快餐抵食之選呵呵～張券食50蚊就可以平10蚊!我要左69蚊的吉列豬排定食 ，都幾大份!下面的椰菜我覺得切得太碎吉列炸得吾油，睇到脂肪紋理個豬排吾鞋吾un, 但我喜歡更肥既豬排我真係好喜歡食飯，食哂成碗飯仲有2舊豬排個set 仲有小豚肉湯有豬肉片+洋蔥甘筍片，今日天氣凍，飲左暖笠笠埋單76蚊，仲要減10蚊coupon變66蚊，抵到無朋友!! 我覺得吉豚屋真係高質抵食快餐之選! 下次響荃灣做野又可以去食飽飽