吉豚屋吉列豬扒專門店

營業中

休息中

今日嚟左荃灣搵食🥳🥳🥳行到如心廣場附近食吉列豬扒專門店🇯🇵本身吉豚屋有好多分店嘅，紅日的時間都好多人～排左大概半個鐘先入座🍡呢間餐廳成日都嚟～食物質素都唔錯😗有唔同size嘅飯❤️份量都好足夠，食到好滿足🥰揀完主食仲可以加錢轉做套餐，就有湯加可樂❤️我就加左$11要左碗椰菜豚肉湯🍥滑蛋豬排飯 $49吉列豬扒炸得好鬆脆，吉列豬扒炸到入面保持到濕潤及有肉汁，豬扒炸過唔會好油膩，直頭卜卜脆添。真係好值得一讚嘅！滑蛋類產品先係呢間餐廳最好食嘅，個滑蛋真係好食。值得一提嘅就係佢會有唔同嘅醬汁，呢到有佢獨家嘅醬汁，個人嚟講就比較鐘意芝麻醬🥹🥹絕配呢～。椰菜豚肉湯好足料❤️每次嚟都必點🤤🤤有好多豚肉🇯🇵不過店內衛生可以更好🫡

呢間餐廳係中學時期成日都食，以為係九龍灣岩岩開一間果時覺得佢好高汁，價錢唔算平，都算係香港第一間食吉列豬既餐廳。依定開多左分店，同埋價錢媽依親民左，有下午茶，同埋好似無乜加過價。整體感覺有d似吉野家feel,其實佢不嬲都行緊呢個檔次，只係我以前對佢有莫明既好感，依家食過其他高級既餐廳，就分得出。當然佢係對得起佢既價錢，有時都會想食下日式炸豬扒又唔想食到百幾蚊一餐，佢絕對係你既好選擇。下午茶餐麵仲係45蚊包野飲，加碗幾足料麵屎湯， hahah

當諗唔到食咩，或者好想食啲香口野嘅時候，就會諗起要去幫襯吉豚屋吉列豬扒專門店。叫得吉列豬扒專門店，當然主打嘅菜式就係吉列豬扒啦，不過佢除咗吉列豬扒仲有吉列雞扒可以揀，亦有炸蝦。朋友今日就揀咗吉列豬扒炸蝦再配泡菜鍋，跟白飯，吉列豬扒好香好趣好Juicy,炸蝦翼係啖啖肉。而我因為有少少喉嚨痛，於是就揀咗滑蛋鰻魚煱套餐套餐，有碟滑蛋鰻魚，有飯，仲有麵豉湯。鰻魚好香好肥美，同滑蛋都幾夾。但係我最欣賞嘅就係佢嘅麵豉湯。同出邊一般嘅唔同，佢係用豚汁黎煮成既，所以除咗有麵豉嘅香味，仲有豚汁嘅香味，入邊亦會有豚肉同蔬菜。嗰種香味係我喺其他日本餐廳冇食過嘅，推介大家試吓，我每次來都一定會叫。餐牌選擇唔算多，但勝在試過大部分都唔錯！

荃灣店米飯份量偏少炸物可接受「服務費」四捨五入本來冇問題但取至整數!? 唔收毫紙???八達通付款都唔收毫紙!? 咩理由呢?大部份員工不斷放聲吹水大笑爆粗係冇人做以致招聘門欖過低?還是佢地係義工來的?其中一員好心提醒唔好傾計反被呼喝「我傾計關你X事呀」(what!?)想像唔倒會係座落如心廣場嘅日式餐廳內裡員工嘅表現搬貨期間還要擲地有聲不下十數次貨物又不斷撞牆講真接受唔倒差d 未落單就想走本來想俾一星可惜野食還算入得口但同本地另一日式餐廳sukiya 比...我都係食返sukiya 算結論：餐廳質素與價錢相違背職員態度與服務有待改善以上問題解決前不再光顧亦不推薦光顧

今日行過見食品賣相吾錯，門外買外賣也不少人排隊，就入去試下店內推介，炸物三重奏加杯乳酸特飲，坐下不到5分鐘，餸菜便送到，心想不錯，應該人少所以咁快可以有得食，點知惡夢開始，成碟炸物全部都係暖的，食落口感覺就係炸好一段時間等人叫就送出去的感覺，詢問店員後，店長便出現同我換了一碟新的，一分鐘後，新的送到，今次送來的炸物係熱的，但食落口就知係張放係店內等上菜的加熱送出黎，所有炸物油膩到不能想像，入口已感覺成口都是油，就好似張屋企隔夜嘅炸物放入微波爐加熱後的成品，當中雞塊最油，猪扒乾到毫無水份，炸蝦啲炸漿超厚，食落更有淡淡“油益”味，杯特飲就冇特別，正常普通，最後草草食完結帳走人，但下次吾會再食

經過想食炸野，見到依間炸豬扒專門店一個人食又吾洗等位就入到炸蝦豬柳泡菜鍋烏冬 $79設有加一服務費 炸豬柳幾似日本食過既炸豬扒泡菜烏冬好好味，有好濃既泡菜味，帶有小小辣，烏冬口感煙韌非常入味，仲有個鐵鍋裝住，食落去仲熱辣辣，淋上豬扒醬，配搭高麗菜絲食用，又可以加啲芝麻醬撈。同正宗日式豬排 7至8成水準，日式豬扒通常選用較厚身的豬扒，沾上蛋汁、麵包屑及炸粉，於油炸後，再切成細塊淋上豬扒醬，再配可以無限加高麗菜絲。

終於可以放假同朋友食下飯，當然要放肆一下食邪惡嘅炸豬扒！吉豚屋之前都食過幾次，今次就食荃灣如心廣場分店，位置幾方便。今次可能因為過咗午飯時間，大概2:30去到唔使排隊，仲有超抵食嘅下午茶餐！｛吉列豬扒烏冬 $50｝份量正常，一個女仔食都夠飽。用咗80g豬扒，炸到外面酥脆但唔油膩，豬扒肉質都唔乾柴，伴菜有新鮮椰菜絲。主食烏冬可以揀冷或者熱，口感好滑溜、彈牙，湯底係清新嘅昆布湯，口味比較清淡。｛吉列炸蝦鰻魚丼 $55｝有兩大隻吉列炸蝦配埋滑蛋鰻魚，非常豐富，吉列蝦保持一貫水準，炸到外層金黃色，蝦肉仍然彈牙。炒蛋口感軟滑，鰻魚已切到一口大小，方便食！其他時段單點吉列豬定食都要六十幾，而家下午茶餐仲包飲品，真係幾抵食！Ü

今早食完豐富早午餐，行完街係時候坐吓食吓嘢，原來朋友未曾到此好味吉列店，那麼要帶佢試吓啦 因為已過午市，排隊人流只有3組人，不用15分鐘就到我們入座。 對我來說沒有懸念，必食吉列豬扒飯，簡單中已見此店舖功力，烤粉薄，烤後豬扒易咬，加配燒汁更好味。湯內有紅蘿蔔，白蘿蔔，肉片，真心材料豐富。讚。 朋友點了吉列炸蝦配唐揚炸雞，泡菜湯烏冬。佢驚訝湯烏冬內配料超多，有洋蔥，蘿蔔，豆腐，泡菜，單湯烏冬已滿足；仲要有蝦與雞，朋友食到肚皮脹了。朋友較愛烤雞因炸粉與吉列不同，更能食到原味道。 至於飲品椰果荔枝茶，柑桔檸檬汁，都十分清新，令炎夏喝口後冰涼透心，之後再去行街。

之前見同事食過，有時話佢ge 炸豬扒唔熟，所以一直未試過。。剛好lunch 同事話去食，於是試下吧😂🙈.我揀的是。。。炸蝦鰻魚丼意想不到味度唔錯啊，而且炸蝦都好味😋👍🏻.同事揀的豬扒丼飯～.熱青檸柚子蜜

晚餐已經想食好耐，不過人多多排隊，今次12點前去到食lunch，終於唔洗排✌🏻 餐廳唔算好大，位置唔算好多，不過都坐得幾舒適，較多都係以卡位為主，衛生程度ok。✨吉列豬扒定食 $69湯品幾香唔係味精湯，但偏油。白飯香甜，粒粒分明有咬口。肉旁伴有椰菜沙律，可配枱上芝麻醬，醬汁較稀，味道都唔夠香濃，所以感覺一般。吉列豬扒外脆內鬆軟，完全唔會韌😋 ✨吉列雞扒烏冬 $60白飯湯品+$5可以轉烏冬，正宗讚岐烏冬煙韌彈牙👍🏻 吉列雞扒同樣係外脆內軟，雞肉仲好滑溜又夠嫩夠juicy🤤 ✨可樂 跟餐配 $9✨咸檸碧 跟餐配 $13罐裝汽水一定穩陣，定食跟餐優惠價加配幾抵飲。🔍整體感覺：餐廳環境唔錯，服務就一般啦，職員態度都係一般，冇咩特別可以講。但食物質素幾好，兩款肉類都做到吉列嘅脆口感覺，同時保留肉質嘅肉汁同軟滑，以哩個價錢食到咁嘅質素，性價比真係超抵👏🏻

吉豚屋 吉列豬扒專門店 我所知3間分店，今日就嚟咗 #荃灣如心 食，味道整體普通，不過份量都幾大碗，最後結帳 $194/2人滑蛋吉列豬扒鰻魚丼，滑蛋有點老但份量多，吉列豬扒好食，鰻魚都幾好食醬汁不會過咸。飯十分濕(應不是因醬汁關係)不太好吃雞扒牛肉壽喜燒鍋定食，雞扒份量不少，牛肉完全沒有醬汁味道失望，幸好不太硬。底部先有燒汁，浸住洋蔥十分好味，飯日本珍珠米幾飽肚跟餐加$9配椰果荔枝茶和柑桔檸檬，都幾大杯，甜度偏多，不可少糖只可講多冰，不過多冰都是偏少，荔枝茶的椰果勁少今日打風球不用濕身去到如心廣場就來試，等咗15分鐘就入到去，射燈射住有點不太舒服扣分，幸好整體店舖都乾淨

明明門口個電視有下午茶個 menu，但係一坐底就話今日星期六冇下午茶。算， 點完菜張單寫要加一，仲要4寫5入，我睇匀成個 menu 都冇講依樣野，完全不知所謂。野又唔係特别好食，啲野上枱又係唔熱既，以後都唔會再幫襯

之前行荃灣經過都好想試下的日本餐廳係如心廣場裡面, 位置都幾方便食飯時間要預返時間等位, 今次大概等左15分鐘到佢D定食份量都幾多, 而且味道亦OK~價錢都合理 , 大個7十幾蚊一個定食佢個吉列蝦豬柳泡菜湯好味,  個蝦同豬柳都OK, 好香口不過朋友叫左個吉列蝦雞扒就有D失望, 個蝦就好好味既但係個雞扒係凍冰冰,  同唔太新鮮唔太建議大家叫雞扒~不過佢其他野都不過不失, 價錢環境都OK餐廳人手唔太夠, 所以落單搵人都比較難但態度是ok的!~

呢排冇堂食，諗住喺荃灣西附近搵食，突然間好掛住滑蛋吉列豬扒飯，所以就過咗嚟諗住買個飯食，但係又見到出面有好多poster，宣傳緊呢個飯，所以就買咗。個飯嘅份量好大，仲有好多嘢食，一定會啱唔夠飽嘅你食，水準一如既往唔錯。

每次經過如心都會見倒有人排緊隊同飄出香氣。個炸蝦鮪魚定食啲鮪魚有啲腥腥地嘅感覺，但口感彈牙同實到以為食緊好腍嘅豬扒，吉列蝦啲肉質都好好，但個姜蔥同汁就...ok啦...定食有附上一小碗野菜豚肉湯。滑蛋鰻魚定食嘅讚岐烏冬好大條好彈牙，但個湯好淡，而鐵板滑蛋鰻魚啲汁就好鹹...咁睇balance啲就岩岩好了...