吉豚屋吉列豬扒專門店

營業中

休息中

又來了，又來光顧了因本人和太太都很喜歡這家吉列豬扒專門店，每次來到附近這家餐廳都是首選餐廳一如既往的乾淨，很有日式餐廳的感覺餐廳有自助餐具及醬料，包括特色的豬扒酸味醬汁，以及沙律用的芝麻醬本人點了吉列豬扒定食因為這是它的專門店吉列豬扒炸的非常香脆而且大份配合酸味醬汁真的很美味跟餐配了很甜美足料的豬肉麵豉湯及白飯太太點了期間限定的咖哩烏冬吉列炸雞定食這個套餐真的很特別，又有烏冬又有飯炸雞同樣香脆而咖哩烏冬很入味，不錯之選

每逢假日總想到位於佐敦的現時點商埸看玩具。雖然附近食肆林立，但我和先生總喜歡到吉豚屋食炸豬扒飯，日本的食物總是誘人。店鋪內瀰漫著炸豬扒的香氣，坐下後我們點了 吉列豬扒定食 和 咖哩烏冬吉列雞扒定食。先來的是我的 咖哩烏冬吉列雞扒定食， 配有白飯和豚肉湯。炸雞扒香脆， 煙韌的日式烏冬配上微辣的咖哩汁，口感不錯。最喜歡是跟餐的豚肉湯，用上不同蔬菜和豬肉製成， 香甜鮮美。在香港也可隨時品嚐到美味的日式料理，令人感覺幸福。

好多時經過門口都見到吉豚屋大排長龍而且餐牌張圖真係好吸引所以今日6:30就已經去食差唔多到七點已經坐滿哂人我揀咗細分嘅咖喱吉列豬扒飯朋友揀咗咖喱吉列雞扒咖喱吉列豬扒飯 梅 $65雖然話係細份嘅吉列豬扒不過其實都已經好大塊飯嘅份量亦都佔左半個碟所以都唔會話唔夠食不過咖喱方面就有啲令我失望首先咖喱真係得個汁完全冇任何嘅配料咖喱味道亦都唔夠香濃亦都冇辣到可以選擇而且咖喱汁感覺上唔夠熱不過可能主角係吉列豬扒所以咖喱係冇咁出色味道同出面買返嚟嘅即食咖喱差唔多至於塊豬扒的確係炸得唔錯吉列嘅外層非常之脆豬扒炸完之後仍然充滿肉汁下次可能試吓滑蛋系列不過計埋+1之後要食成$70食一個普通咖喱🍛吉列豬扒飯感覺上唔係太抵

日本連鎖平價吉列豬扒丼店在香港營業了好一陣子😋分店多 而且遍佈全港💪🏻一進內雖然油煙味強 但離開時卻沒有因此帶走殘餘味道✌🏻🍚滑蛋吉列豬扒鰻魚丼HKD$89小編同友人不約而同地都叫了這個！😆整體份量多 其他丼更有豬扒重量選擇🤭鰻魚偏薄 但都軟淋無骨 香氣四溢😆吉列豬扒超厚實 口感鬆軟 炸粉薄 由於經醬汁煮過 就吃不出鬆脆了！🤨滑蛋和醬汁則甜甜的 不是蒲燒汁 而是照燒汁的味道 整體不錯👍🏻📌下午二時至六時 有下午茶優惠

呢度嘅吉列豬扒飯性價比相當高，但質素唔太穩定。有時表面香脆裏面鬆軟，算得上係上品，但差起上嚟有時都幾重雪藏味，令人食咗幾啖就想停。反而炸蝦嘅出品穩定好多，每一次食落去都好脆同埋冇雪藏味。

呢間豬扒飯專門店其實黎過幾次，食物一直保持水準，今次終於的起心肝幫佢寫食評啦！今日朋友叫左滑蛋豬扒飯（竹），其實餐牌寫明（竹）比（梅）份量大啲，不過呢個碗嘅大細好似同想像中有點點出入我就叫左和風汁豬扒飯，水準一如既往，豬扒底下好多椰菜絲，蘸下芝麻醬食又幾開胃不過，呢度上菜速度快，落單5分鐘就有野食，而且食物質素高，朋友就話呢度炸豬扒算唔錯，外皮唔會過厚，炸得好鬆脆，而肉質亦非常鮮嫩，完全唔會覺得乾身！！

在旺角油麻地行街行到攰了，朋友推薦食這間頗有人氣的日式吉列豬扒專門店。不想吃得太飽，點了一個泡菜湯烏冬配吉列豬扒和小食吉列炸蝦。泡菜湯烏冬配吉列豬扒 ｜泡菜湯味道超好，夠辣而且酸鹹度剛好，還有滑溜的蛋絲、豆腐，上面有點泡菜，就像韓國的泡菜湯一樣。烏冬非常彈牙而且有點黏住的感覺，口感又彈，果然是日本的烏冬～吉列豬扒非常脆，肉質也不會炸得太乾，但個人認為炸粉有點厚，我差不多每塊都咬走一點炸皮才吃到豬扒。吉列蝦也有相同的情況。總結，為了烏冬和泡菜湯，我是會再來的～但豬扒就不了。

本身我好中意食吉列豬排，見呢間野成日都排長龍，所以就特登黎試下。我6點半到，人未算好多，可以直接入座，但得50min食，有啲急。黎到緊係到吉豬啦，我叫左個滑蛋吉列豬排飯，就算落左蛋，啲豬排都夠晒脆，入面又多汁，真係好好食！價格都只係87蚊咋！食到我頂住個肚走！好味！

同男朋友今日嚟咗試呢間吉列豬扒店~想講下呢度嘅餐牌其實真係做得幾吸引，尤其係飲品，非常多選擇！但可惜嘅係，黎到嘅飲品同餐牌上係有啲出入。。同男朋友都係叫咗乳酸爆爆珠飲品。非常甜🙈🙈感覺好一般！叫餐加半價就可以有飲品。鰻魚滑蛋稻庭烏冬-鰻魚滑蛋同餐牌上。。好大差別下🙈🙈見到嘅時候都嚇一嚇～食落口都係非常之普通，蛋稀 汁咸，鰻魚都唔好食相反男朋友個餐就比我吸引好多~大阪燒吉列豬扒-果醬同埋豬扒都唔錯嘅佢個餐仲有麵豉湯添。

呢間吉豚屋晚飯時間經常大排長龍，因為真係平靚正，我已經食過至少五次！一份吉列豬扒套餐大概都係七十幾八十蚊，包一份吉列豬扒、椰菜絲、湯同埋飯，湯同埋飯都可以加錢增量，男仔來講就會飽肚啲。豬扒水準一啲都唔差，次次都係新鮮炸起熱辣辣上枱，好脆口！配菜、湯同飯就係正常水準，唯一美中不足係佢啲飲品真係好一般，通常我都唔會order。

有時經過呢間餐廳，見到好多人排隊，今日可能因為早，6点半，所以冇乜人，決定早d食飯😍餐廳同日本既快餐廳差吾多，簡左個滑蛋吉列豬扒飯，可以簡豬扒既大細，適合女仔可以揀細件d，男士可以揀大件d👍價錢相差不大，合理！上到枱，香噴噴，噴曬煙咁！吉列豬扒啲粉唔會太厚，咬落去會有少少豬扒汁流出，都幾好味！個飯除咗有蛋汁之外仲有啲日本汁，配埋日本珍珠米，真係好容易食晒成碗飯！總括嚟講，呢間餐廳性價比都幾高，$60左右一個飯，叫個嘢飲都係加幾蚊，坐得又舒服，下次會再嚟試吓其他

CP值高-🐷🐖吉豚屋吉列豬扒專門店裝潢十足似日本小店上菜速度快 不超過10分鐘每抬基本都有麻醬 豬扒汁 & 七味粉比你調味吉列豬扒黃金豚肉餅 🍱🍱🍱吉列三重奏定食 (蝦/ 豬扒/ 豚肉餅)加20HKD變定食 跟湯 & 飯加9HKD 再有一大碟椰菜絲🍛最出色之處炸漿做得好 熱辣香脆 豬扒內裡保存肉汁 稔身有口感 豚肉餅比豬扒稍為嫩口蝦肉紮實 🍤食埋椰菜絲中和炸物既熱氣🥗•食物比預期好食👍🏻職員態度有禮用餐限時一個鐘

炎炎夏日難得可以提早放工，一於就去位於油麻地的現時點商場涼泠氣，睇下最最最新款，又最集中的玩具商場。行街又怎可以沒 力氣呢， 一於就去商場旁邊的日本炸豬扒專門店食飽再行街街餐廳門口就放著不同的 套餐擺設讓顧客選擇，一進店更聞到炸豬扒的香氣，即炸， 新鮮熱辣的豬扒很難會不好味點了一個人氣超值套餐，包括有：炸雞扒，炸蝦，可樂，白飯，還有要大碗很足料的豬肉面鼓湯，真的非常超值。豬扒和炸蝦由於是新鮮即炸的關係，超級鬆脆， 脆脆的炸面包糠包裹住軟滑的豬扒，很是滋味一個套餐絕對可以令男生女生都食飽

「吉豚屋」是來自九州的吉列豬扒專門店，本人第一次光顧是在鹿兒島的天文館通總店，既CP值高食物亦香口，是一個很不錯的選擇！來到了旺角與油麻地之間的分店，第一次是晚餐時段，下單的是吉列厚豬扒及炸蝦，豬扒非常Juicy，很是美味！可惜當時沒有拍下照片！上周末決定再次光臨，下午四時過來時有點太早，進店後才得悉有一個超值下午茶餐，套餐包含予吉列豬扒及炸蝦飯、有蜆肉麵豉湯及日式特飲或汽水一杯，很滿足很好味，在香港的日本料理來說真的是CP值極高，極推荐大家一定要來試試這個下午茶套餐！

星期六日人很多，到了下午茶時間依然有5-6個人排隊，等了20分鐘才有位.店內冷氣非常大，而且出餐時間長，所以都有點不耐煩。但是等待是值得的，雞扒非常香脆，而且飯粒似是珍珠米。感覺與地道日本食物不相伯仲，非常推薦。