吉豚屋吉列豬扒專門店

營業中

休息中

突然間好想食日式嘅吉列豬扒飯所以去咗呢一間吉列豬扒專門店本身吉豚家有好多分店嘅所以一搵就搵到夜晚黑八點幾去到咁啱有位坐唔駛等之後好快就full左炸蝦豬柳泡菜鍋烏冬$79個泡菜鍋湯底都幾好味，有啲蛋花喺度好鍾意，泡菜有少少辣，有好幾舊豆腐，好滑嘅正！個吉列炸蝦感覺上好似炸得over咗因為個色水都幾深色，但係味道係冇問題嘅！覺得個個炸粉好碎。超多椰菜絲，個烏冬煙韌到啱啱好而且份量都屬於多，女仔晚上食可能會覺得多食唔晒。加咗$12要多碗椰菜豚肉湯同罐裝汽水咖喱吉列三重奏飯$79初頭睇個樣覺得唔係好大份，其實三重嘅吉列炸物遮住晒啲飯，分別係吉列炸蝦，吉列豬樓，唐揚炸雞，都係一樣覺得炸得比較深色但食落都係冇問題嘅。咖喱唔算好出色但係都係都好味。今次冇食到滑蛋嘅嘢食，個人認為滑蛋類產品先係呢間餐廳最好食嘅。

最鍾意食呢度嘅滑蛋豬扒飯疫情關係，唯有買外賣返屋企食當然外賣質素一定冇堂食咁好不過豬扒依然啖啖肉，加埋和風醬汁甜甜地地送飯一流即使豬扒炸過都唔會好油膩，如果堂食嘅話直頭卜卜脆添，不過外賣就一定爭少少㗎啦略嫌滑蛋唔夠多，如果再多啲就好啦

價錢夠大眾化，出品又唔錯，所以每次lunch想食炸豬扒，同事都會揀嚟呢間。我最愛係呢個餐，每次嚟都必叫，炸豬柳配泡菜烏冬。炸衣好酥脆，有口感得嚟又唔會過厚，入面嘅豬肉juicy又軟滑，呢個價錢呢個質素，我覺得係超值，係有啲可惜椰菜絲冇得refill。烏冬用讚岐烏冬比較彈牙，唔係cheap cheap烏冬，泡菜少少辣好開胃，仲有隻蛋吸埋湯汁，好滿足。唯一要彈下間鋪都係時候要保養下，幅牆同啲梳化都好殘好污糟

外賣鰻魚飯問店員有冇餐牌睇吓，佢回覆冇，之後問佢有冇骨，又唔答，答其他嘢，九唔搭八，咁問佢幾錢又唔講，完全唔係做生意，之後我真係忍唔住問佢，你不如俾個餐牌我睇吓啦，之後先死死地氣拎俾我睇，原來真係有餐牌，但係佢唔俾，最終買到返去係鰻魚係有骨😤😤

旺角太子日本野食好多，冇為意太子寵物街有間吉豚屋吉列豬扒專門店，吉列當然係名物，但天氣涼涼地，被火鍋易拉架相片吸引，下於入店一試二人坐位有d迫，店員都幾快落單，不消一會上枱有得食！豚肉牛肉壽喜燒鍋定食，豚肉好肥，牛正正常常，壽喜鍋有蛋、金菇、豆腐、蕃茄、蔥等，配讃岐烏冬入晒味，yummy 吉列蝦、吉列雞扒定食，脆漿唔厚，新鮮炸起唔油膩👍，定食既烏冬本身係鰹魚海帶湯底，較清淡，於是放埋入壽喜汁轉讚岐烏冬加$3，非常合理

本來去完旅行心情都極好，諗住偽日本之旅，所以晚餐也選擇日式，經過食店門口看見一人一鍋，覺得也不錯，於是就入內，坐低後開始點餐，點咗一個壽喜燒，一個泡菜豬扒定食，兩杯飲品，落餐後餸菜好快送到，但食咗40分鐘後，有位員工走埋嚟同我哋講你們尚餘10分鐘用餐時間，來不切反應她已行開了，之後再有一位員工行埋嚟收碟，我問他是否有限用餐時間，他說不清楚，話幫我哋問下，但走咗之後就一直沒有比答案我們，之後嗰位同我地講剩十分鐘的員工又走埋嚟同我哋講小姐用餐時間已到，我們真的莫名其妙，我們由進入此餐廳，帶位的，落單的從未提過有用餐時間限制，而我們點的是壽喜燒，試問1小時由點菜到上菜，再由我們煑熟所有食材怎可能一小時內完成，而且他們也從未提及，我再揭menu內連一些小字都沒有寫明1小時用餐，我反問她，她就說帶位冇同你講咩？不好意思喎，說話裏跟本一點誠意也沒有，就算食物點好食，我也不會再回頭，而且啲食物我個人覺得太咸，希望老闆正視一下員工態度，否則.........自己諗！

我以前唔係太中意食吉列既炸物，因為覺得好油膩好熱氣。但之前喺日本食過一次吉豚屋之後另我大大改觀。香港開左咁多分店，身為吉豚屋fans既我真係好開心！。是日早左收工，未到晚飯時間，仲有下午茶可以嗌，滑蛋吉豬丼+大豚汁湯仲送一杯凍飲～都係50幾蚊，加$5多隻炸蝦～埋單岩岩好70蚊～～真係好抵食！味道好食既，分量亦都多既，不過炸皮比滑蛋搞到軟左，無咁好食！最中意佢個豚汁湯，好好味，又足料。下午茶供應時間下午2-6pm

好多時出街食野, 去到一 D 未幫襯過既食肆既時候, 一般都會係門口睇下有無餐牌, 同埋最好有埋相睇下, 但好多時睇相同食物來到時會好有驚喜,  今次呢間就係今日行過旺角諗住去買少少野, 見有 D 肚餓就是但搵間醫下肚啦, 門口睇完相入到去坐低再睇多次, 揀左個鐵板滑蛋鰻魚飯, 好快就上枱, 但來到就見到水汪汪咁浸住 D 鰻魚, 同照片同想像中完全幾大出入, 味道有 D 咸, 鰻魚浸到有少少淋, 同埋只係食到醬油味, 鰻魚既味道被蓋去左7-8 成, 都算係幾失敗

夜晚經過入嚟食啲嘢 叫咗個鐵板生薑燒汁豬扒定食話係鐵板 但係個鐵板完全唔熱 啲汁好少同餐牌上邊個樣完全唔同都算 如果味道OK就都冇問題餐牌寫住會跟 黃金蒜沙上菜嗰陣唔見 跟住問店員佢先話冇 落單嗰陣冇講 跟住淨係話唔好意思啲豬扒好似有煎過 但係一食就知 係用水煮完 跟住再煎下個面就算跟住佢將生薑同洋蔥同燒汁都係分開唔係一齊煮 可能係一齊煮 一齊用水煮囉完全食得出係水煮 啲洋蔥仲要有啲變一開始我好聲好氣問店員（定係店長？生薑燒汁唔係應該生薑同燒汁一齊煮？佢諗都唔諗就話俾我聽生薑係分開嘅好似係我錯咗咁樣 跟住我打去問其他店舖都話係薑同汁一齊煮嘅 知道答案之後我再問返嗰個人佢問我打去邊間舖 跟住打去其他鋪確認之後我就埋咗單先 我費事你覺得我係呃你飯食 因為我要嘅係是非對錯 然後確認完 再同我轉口風話生薑洋蔥豬扒一齊炒過 再淋汁上去我當個做法真係咁 你都唔係咁做啦周圍啲店員係咁望 想比壓力我？呵呵然後我轉身離開 走之前先再講俾職員知同埋啲洋蔥變咗 佢就話會反映番比廚房sorry都冇聲 仲要不耐煩咁問我 使唔使退翻錢我就話唔使 無必要 然後就走因為我要嘅唔係嗰餐飯錢係要個態度我都費事同佢講咁多

晚上同朋友去呢間食，食到中途，係d菜發現有條頭髮，跟住個侍應話「因為你地食晒d肉，唔可以全碟換，只可以換另一碟菜」，ok算數。之後，佢地每隔一陣就來話收碟，碟上仲有食物，我地就話「未食完」，好似趕我地走咁。最後，就攞張單過來「用餐時間到，要埋單」，我地呆左，就問「用餐時間係幾耐?」「50分鐘，你地已經食左1個鐘。」「我地入來時，你地都冇講過。」個侍應好唔耐煩咁講「係咩？唔好意思」。1. 碟上有食物，一睇都知未食完，就急要收走餐碟2. 冇同客人講清楚用餐時間，反而怪客人用餐時間長3. 食物上發現頭髮，一點歉意都冇，理直氣壯咁「只可以換d菜」

今天在這裏看看魚添加到水族館中。這店子正在附近，外表吸引，並且在外面已經列明下午茶餐的餐牌，資料充足。^_^ 吃了下午茶餐。有多種選擇：咖喱飯^_^ 不辣的^_^ 配合炸雞扒 - 肉滑！咖喱烏冬。^_^ 配合炸雞扒。^_^ 再加$5多一隻天婦羅蝦 - 滿足食肉獸需要。^_^ 感覺不是太熱氣。沒有咖喱的烏冬。^_^ 沒有吃，但覺得價錢很合理。座位^_^足夠寬躺。服務^_^ 員工有禮貌。^_^ 有主動提供凍水。^_^ 並沒有吹我們盡快吃完。

呢一間餐廳位於旺角市中心，睇店舖鋪面同埋餐牌都係主打吉列豚嘅，但我今次決定反傳統，叫鰻魚食， order左一個鐵板滑蛋鰻魚定食，有野菜豚肉湯同埋一碗白飯，今次有驚喜嘅係佢嘅豚肉湯，咸度不高，豚肉有少少脂肪容易入口唔覺得硬，鰻魚定食就正常水準，真不錯！

we waited outside in heat for 20 minutes just to be told that tea time menu of this branch showed on the website they don't have. We left right after, such a sad experience for a Birthday. Meanwhile I've been to another branch they had the tea time menu, so that's just weird... not coming again to this place at least

早前去九龍城地茂館點吉列豬扒，結果豬扒變質食唔到，好吊引，第二日落去太子買魚糧，順便去哩間日本風餐廳食吉列豬扒飯止止引.我點咗客滑蛋吉豬鰻魚丼，女友點咗吉列炸蝦豬柳定食.吉列豬扒重豬味無點醃制，雖然厚切但入口鮮嫩唔會硬.由於吉列豬扒面層滲哂滑蛋，變得唔脆，有D可惜.鰻魚略嫌薄身咗D，吉列炸蝦失去蝦嘅鮮甜味，但外層超脆.雖然講唔上好滿意，但吉列豬扒好過唔少港式餐廳嘅吉列豬扒，重有個優點，我坐近門口，大門開開閂閂，我都唔係好熱，証明冷氣足夠.

其實我都幾鍾意食吉列豬扒，而一直好想試嘅＂吉豚屋＂終於試得到，不過係外賣，返到屋企都已經凍晒，打咗一大個折扣，幸好外皮還香脆，不過食慣勝博殿，就好難返轉頭。🥢雙層吉列豬扒便當 $98⭐️⭐️鍾意食厚切豬扒，所以呢度個豬扒當對太薄，炸漿口感味道都唔錯，唯獨豬扒太薄太亁又無乜豬肉味，所以有啲失望🥢吉列豬扒黃金豚肉餅便當 $83⭐️⭐️⭐️仲以為肉餅好乾噌噌，估唔到內裡好juicy兼好有肉味，真係好味過豬扒好多，可惜只得一件仲要兩份分🥢椰菜絲 $10⭐️⭐️⭐️⭐️平時去勝博殿，我同阿sir會勁食椰菜絲，所以今次都齋叫咗一客，最正比咗3個麻醬，麻醬唔夠香但還算ok二人共消費：$144 (foodpanda 優惠)