吉豚屋吉列豬扒專門店

營業中

休息中

成日行開寵物街都見到吾少人阻系度排隊等位食呢間吉列豬扒飯，今次見人少少，吾洗等好耐終於入左去試。鬆脆嘅皮配上厚切豬扒，雖然厚切，但肉質吾會太鞋口，而且珍珠米做底，好有飽足感。仲要今時今日呢個價錢食到日式飯，好化算！滑蛋吉列豬扒飯$59

上網睇人評論，話必食吉列豬扒舖頭，先特登走去旺角試。結果我哋全部人都勁失望作為吉列專門店全部炸嘢都唔係現炸，完唔香口，腍啤啤又凍凍地。可能舖頭位置喺旺角，所以呢好狹窄，我哋五個人坐卡位完全迫埋一舊。食完都只想快啲走，無論係飯or烏東，雞定豬蝦都唔好食。可以話係完全冇下次，被呃咗。求其搵間茶餐廳嘅吉列豬扒都炸好過佢同埋啲員工好似懶懶閒咁，餐廳都唔係好多人，點餐嘅時候仲會漏單，雖然送多咗個湯當補償，但唔好飲

筆者接在荃灣吃過此店，確實好味，蛋滑扒厚，這間旺角店，烹調時間可能過長，以此滑蛋變成老蛋，像老人院的飯煲蒸水蛋一樣，令人失望，有圖為證，望店能改變。p.s筆者為真顧客，如是打手死全家，包括我自己。

位置好容易搵係附近做完嘢，想食一間日式嘅餐廳😋行行吓就比佢吸引左！見到佢單價都好抵，份量好多，一個人完全夠吉列雞扒真係炸得好味，仲有其他嘢食都好有興趣，下次再試

#fatxmongkok #fatxtsuenwan #fatxyaumatei #fatshatin #fatxtseungkwano #fatxnorthpoint ‼️唔講都唔知有咁多分店‼️•① ［ 吉 列 豬 柳 泡 菜 湯 烏 冬 鍋 ］ ｜擺上枱時熱辣辣，整體上幾好食！不過覺得豬柳雖然係佢地出名嘅野但好似冇想像中咁好食。｜𓋪8/10·② ［ 吉 列 豬 扒 定 食 ］ | 包埋麵豉湯，豬扒份量真係好多。會食到好飽🤰🏻｜𓋪7/10·Ca-Tu-Ya (Mong Kok)Shop A, G/F, Kai Wan Building, 142-146 Tung Choi Street, Mong Kok#food #hongkong #foodie #MK #Mongkok #mongkokfood #旺角 #旺角美食 #旺角食好西 #旺角食乜好 #旺角食物 #hk #hongkongfood #hongkongfoodblogger #hongkongfoodies #香港 #香港食物 #香港美食 #tsuenwan #tsuenwanfood #荃灣 #荃灣美食 #荃灣食好西 #

諗唔到食咩，行下行下見到間吉列豬排專門店就入咗，估唔到都幾驚喜。炸蝦豬柳泡菜鍋烏冬（$79)係稻庭烏冬丫！煮得啱啱好，咬落煙韌帶少少甜味，係理想中既烏冬😍😍d泡菜湯又唔會好鹹酸，整體黎講搭配得好好炸蝦天婦羅都好正，外皮酥脆，入面既蝦肉滑嫩，搭配沙律醬好好味！炸豬柳都係外皮酥脆，入面d豬柳好 juice。不過相比起身，比較鐘意炸蝦🍤🤤滑蛋吉列豬扒鰻魚丼($89)朋友食，試咗一啖，都好好味😋香檳提子蘇打 ($15)荔枝爆珠白桃乳酸特飲 ($15)嗌咗兩杯特飲都有驚喜🤤

今日無意中經過入去嗌咗兩份吉列豬扒咖喱飯（竹），佢哋用左120g豬扒，好好味，豬扒分量足夠，咖喱亦都好香，有少量蔬菜，環境都可以，以呢個價錢已經超低，下次會再去食下其他定食

耐不耐也幫襯這店 ～今日下午五點多行入去叫咗個吉列鷄扒牛肉壽喜燒鍋定食～樓面得另一枱韓國客～無其他人～叫完之後等咗約五至十分鐘～個侍應放低個定食之後頭也不回行入廚房～我發現並不不是我叫的定食～我大叫一聲＂唔該＂也沒聽見的～樓面只有另一侍應在收錢～等了約兩分鐘再向收完錢的侍應反映才將定食拿走～又再等約三分鐘再將定食放下～我滿懷歡喜夾起舊吉列雞扒放入口～居然一點熱嘅感覺也沒有～烏冬也只是微暖～又多一間入了黑名單～～

一間都開左好多年既吉列豬扒專門店間唔時經過都有衝動想食下最緊要因為幾抵食好坦白就一定無之前咁好食啦不過都絕對唔差既今日食滑蛋吉列豬扒肉質正常，不過好淋已經一上枱就食，但都一啲都唔脆好似已經放耐左咁下次都系食番炸豬定食。反而個湯保持到，一樣咁好味

每次經過呢間舖頭都會見到有人排緊隊同飄出黎既吉列香氣，今日終於試到啦餐廳唔算好大，位置唔算好多，不過都坐得幾舒適，衛生程度不可不失。叫咗吉列豬扒加雞扒定食，天氣咁熱又食炸野，點可以無可樂呀﹗ 可樂跟餐要加$9，喺旺角旺區餐廳黎講，我覺得算可接受，呢個定食加可樂，加埋一，承惠$100。呢個價位喺旺角食日式晚飯，份量都幾大碗，仲要有兩塊肉(一塊豬扒、一塊雞扒)，我覺得值回票價﹗吉列豬扒外脆內鬆軟，完全唔會韌，白飯煲得唔錯，粒粒分明，有咬口有嚼咀感，我鐘意﹗呢間餐廳食物同價位都唔錯，唯一唔好既就係服務就一般啦，職員態度都係一般，冇咩特別可以講，因為要"加一服務費"，所以本身係有些少期望既，而家唔係入唔洗收加一的快餐店呀嘛。

最近好想食炸嘢！見荃灣都開咗吉列豬扒專門店！之前，應該疫情之前喺旺角食過，抵食又好食！之後就一直冇食過啦🫣收工嚟到大概6:30，已經坐滿晒，要喺出面排隊等位。滑蛋吉列炸蝦丼$52今次試炸蝦，一共有四條炸蝦，咁多年冇食，依然keep到水準，炸蝦外層炸得鬆脆、冇油膩感！滑蛋飯夠大碗，珍珠米粒粒分明好味道，以呢個價錢嚟講，真心抵食！不過配飲品都唔太抵，今次+$9配左杯巨峰乳酸，淡到不得了，應該冰太多啦，完全溝淡晒！仲要勁細杯，下次唔會再叫😓

好耐冇食霖住來試下，點知咁伏⋯⋯炸物呈黑黃色，明顯用劣質反覆用過既萬年油。豬扒冇香味，肉質柴、散。炸蝦d粉厚到尼，嚼落去完全食唔出蝦肉，剝開一睇，原來係迷你蝦。服氣虽然价钱唔算贵，但餐既质素一定唔值咯，太差！Black List!

好想去日本旅行啊🥹🙏🏽黎到MK成日都覺得好多野食但又唔知食乜好🤔就食日本野啦🤩窮遊MK😙今次尼間專門店環境好啱比d想坐耐小小嘅朋友仔😊傾下計 d餐睇落唔算貴但有加一 食物質素上就中等😗唔算特別有驚喜🧐勝在都夠大份😛同埋d職員好熱情😍平時一個人放工放學去食都幾滿足🥰🍛吉列豬排烏冬吉列豬排正常發揮🥴都幾脆🤤肉質正常🫣烏冬都係普通個隻烏冬🫢但份量幾大🤪啱一d突然想食吉豬嘅朋友仔啊😝💸價錢：$74✨好味：到指數：3/5🤍🤍🤍🍛大阪風味椰菜蛋吉列豬排丼大家見到幅相應該心唸咩黎🤔咁澎拜嘅🫠其實係椰菜🤭尼個餐係全個menu最抵食😲有菜有但又有肉🤤望落好足料 😍💸價錢：$59✨好味·到指數：3/5🤍🤍🤍🍛滑蛋吉列豬排鰻魚丼尼個餐就比較貴😣貴在個鰻魚🫢除左鰻魚之外就同下面最普通個個餐差唔多🥴💸價錢：$89✨好味·到指數：3/5🤍🤍🤍🍛滑蛋豬排飯全個menu最平嘅餐🤑無特別驚喜🥴份量上同吉野家差不多🫣 純粹因為小編今日比較飽🤧就無揀到d好特別嘅餐了🤫建議大家可以試其他🫢💸價錢：$49✨好味·到指數：2.5/5🤍🤍

piggy年紀唔細所以好少食炸嘢🤣 嗰日突然心血來潮想食就上網search下，就見到佢原來都好出名喎，原來係過江龍日本連鎖式吉列豬扒專門店，果然炸得好鬆脆，炸皮亦都唔厚，但豬扒唔算厚切(其實佢無寫係厚切嘅😅)， 下午茶價錢仲好抵食，piggy呢個唔係下午茶，因為想食塊大豬扒🤪

呢間餐廳成日都比到我驚喜！以吉列豬扒來講，佢真係做得非常唔錯。入口佢出面嘅外層，脆皮、輕、薄、鬆散，但係入邊嘅豬扒仍然保持到濕潤及有肉汁，呢個真係要值得一讚嘅！豬扒底下配襯左一大堆幼細嘅椰菜絲，你可以跟沙律醬撈埋嚟食當沙律，減低熱氣嘅感覺。而佢嘅吉列豬扒就有獨家醬去襯托，但我個人就比較鐘意點芝麻醬。就算配烏冬或者飯都非常適合，而且今日原來發現佢有下午茶餐，只係需要40幾蚊，已經有大大塊豬扒10分抵食。