呢日行經匯景商場，諗起早前7仔$18只得10粒魚蛋同燒賣，雖然我經常有幫襯，但從來未有數過一份嘅數量，呢次決定嚟數下。叫咗一份魚蛋，一份燒賣，每份都係$9，一共$18，同7仔一樣價錢，醬方面我要咗豉油同辣椒醬。雖然係繁忙時間，兼且要排隊，但佢哋效率驚人，野食好快到手，由於位置所限，加上人多，所以好多人都係揸住兜野企起店舖對面食，而我都係食到半路先至有位埋到店舖側邊條小膊仔放低兜野影相，所以你數唔到佢有7粒燒賣同埋6粒魚蛋。講返食物先，魚蛋係實心陳皮魚蛋，而唔係7仔嘅鬆泡泡魚蛋；燒賣亦食到有魚味，唔似得7仔嗰啲咁得嚿粉，乜味都無。另外呢度嘅醬料亦非常充裕，豉油、麻醬、甜醬、辣椒醬、辣椒油、芝麻、大辣醬、中辣醬、微辣醬通通都有，想點溝就點溝，話時話，佢哋嘅辣醬，即使係微辣都好鬼辣，所以我寧願叫辣椒醬或辣椒油。所以聰明嘅你，用同樣$18價錢，會揀10粒無嚟味道嘅燒賣魚蛋，還是6粒陳皮魚蛋及7粒有魚味嘅魚肉燒賣？我仲未計醬料嘅多元化呢！…查看更多
不過哩間小店d燒賣魚蛋真係唔錯
佢仲有好多野食，糯米飯，雞蛋仔，格仔餅，炒米粉等等下次行開都會再食
🥵🥵🥵店員的服務態度超差，同店員反映食物質素，佢態度極之惡劣，仲話冇客人投訴過佢地的食物喎！店員的臉色臭過過街老鼠，說話語氣惡劣，好似欠左佢好多錢咁，完全係唔想做生意咁款，以後都唔再幫襯佢地差差劣的小食店，從來冇遇到咁差的小食店!!!!!💩💩💩💩💩👎👎👎👎👎 
唔識評價係乜，貴定超貴。 味道ok. 鹹度適中。銀針沒有少少煙韌爽口感，沒有驚喜，不過普遍都係寫煮到焾哂，冇焾到爛已算好。 仲似條粉。麻辣味正正常常，辣味正常，有麻嘅效果。主要想食冬菇肉碎嘅效果，結果又係相片與真實出入完全2回事。 
