吉勝吉列串揚專門店

營業中

休息中

大角咀多美食係人都知，今次被我發現呢間日本居酒屋！餐廳整個裝修好和風， 仲有一個開放式壽司吧檯！前菜蟹子沙律清爽開胃，作前菜好適合！主食就要咗個壽喜牛肉鍋配鳥冬，牛味濃而嫩滑， 壽喜燒湯底非常濃，烏冬就吸滿湯汁！好滋味☺刺身就揀油甘魚薄切，刀工一流 ~口感幼滑細膩，味道鮮而帶微甜，魚質細緻幼滑，好新鮮！火炙三文魚加州卷三文魚厚切，都幾大舊，輕輕燒過，油香味好重！居酒屋點少得炸揚，有分海鮮、蔬菜、肉類等，豚肉蘆筍卷、豚肉韭菜卷，呢2 款都整得好juicy~紫蘇雞肉有種清香撲鼻，雞肉嫩滑，而煙熏豚肉淡淡煙燻味，豚肉口感柔軟、有彈性~另外炸揚秋葵、冬菇、日本茄子同日本迷你甜薯，炸得好吸引，既有香脆但又唔油膩，保留返本身食物嘅味道！下酒一流飲品就有酒類、果汁等 , 因為第日要返工就揀咗果汁信州蘋果同完熟桃子😂

位於大角咀的吉勝吉列串揚專門店是我第二次幫襯！當然係舖頭入邊嘅美食令我食過返尋味啦！第一道前菜，我點咗蟹籽沙律，當沙律嚟到嘅時候幾乎俾佢嚇親！圖文不符！因為比餐牌上的圖片大好多！性價比好高💛而青瓜亦都係非常清爽新鮮！小食方面有脆炸雞軟骨粒，份量都10分足夠😎 其次亦點左特上刺身拼盤五品，當中包括三文魚,油甘魚,八爪魚,赤海蝦同帆立貝。每種海鮮各有各特色，有鮮味之餘不會太油膩。我同事亦叫咗我最鍾意食嘅左口魚邊壽司同埋加州卷🍣下次再嚟會再encore！鍾意食左口魚邊嘅人可以一試！想講吓嘅係佢嘅串揚🍢有和牛肋肉, 紫蘇雞肉, 豚肉蘆筍卷, 三文魚, 煙燻豚肉, 秋葵同埋日本茄子🍢我會話好似去咗大阪食串燒咁😛 和牛肋肉有入口即溶嘅感覺，仲有覺得豚肉蘆筍卷好特別，因為佢配左一個梅醬喺上面！出乎意料之外咁夾！❤️最後點左一個火炙黑豚肉叉燒拉麵，想搵一個主食所以試下！比起出邊拉麵店的份量大，價錢較平！ 拉麵中真材實料，大量粟米粒同洋蔥，配上四塊黑豚肉同阿一隻超好食嘅流心蛋😫 真係有10個胃都唔得！ 今次嘅晚餐得兩個人，但係兩個人都抱住一個大肚腩離開餐廳！非常滿足🍄😍經過大角咀一定會再嚟！

大角咀真係好多小店 試極都試唔哂今日趁着平日放假，又過嚟食午餐今次試左吉列鰻魚 $98🌟🌟🌟🌟 唔油膩 炸得好脆再配翻d椰菜沙律同飯 岩岩好壽司烏冬定食 $78🌟🌟🌟呢個屬於正常發揮 不過壽司新鮮 魚生質素唔錯 烏冬細細碗啱啱好 對得起個價錢午餐仲會配埋一個湯同埋前菜，個湯裏面有啲蘿蔔 好清甜 唔係一般嘅正麵豉湯試多個芝士酒盜漬 $68午餐冇優惠，不過我覺得好好食啲芝士又加少少酒味，苦苦地，加埋芝士嘅香臭味，配埋梳打餅配搭得好好

位於大角咀大全街的這家店是我和朋友經常來光顧的食肆。這裡的午市便當真的是平靚正，絕對是周邊返工人士的福音。今天我們點了魚生便當和京蔥和牛舌便當🍱。前菜是魷魚沙拉和味增湯，魷魚和蘑菇拌在一起，口味相得益彰！便當🍱的搭配也很考究。魚生便當的魚生刺身很新鮮，份量也很足，搭配著魚子，玉子和蘿蔔蔬菜，滿滿的舖在白飯上面，讓人一看便很有食慾。另外還配有燒鯖魚，炸蝦炸魚塊和菠菜，作為配菜的甜蝦和三文魚刺身也是肉鮮味甜！京蔥和牛舌便當也是一樣的配菜，有甜蝦三文魚刺身，燒鯖魚，炸蝦炸魚塊和菠菜沙拉，不同的是主菜為和牛舌。牛舌薄厚適中，肉質鮮嫩多汁，沒有任何的怪味。配上蔥絲無論從賣相個味道上都是引人入勝的👍。這一餐吃得很滿足，下午可以滿電返工啦！😊

大角咀一向都係平民美食天堂。今次搵到一間日本菜，係吉列串揚專門店。款式多、質素不錯，價錢又夠親民，服務態度亦都好好，絕對值得一試。✨特上刺身拼盤五品三文魚/赤蝦/八爪魚/油甘魚/帶子，全部都非常鮮甜。我最愛油甘魚，非常肥美🤭✨串燒煙肉車厘茄用煙肉包住鮮甜多汁車厘茄，減低油膩感。✨吉列串揚叫左日本茄子/日本迷你甜薯/免治雞肉/豚肉蘆筍卷呢度嘅串揚，外層炸得酥脆，內裏仍保持嫩滑多汁，唔會好乾身。個人好喜歡迷你甜薯同豚肉蘆筍卷。✨壽喜牛肉鍋以小火爐上嘅壽喜鍋，一路保持溫度，非常好。牛肉嘅份量都唔少，壽喜鍋內有豆腐，冬菇，娃娃菜，金菇等配料。配埋個熱烏冬，非常滿足。✨火炙黑豚肉叉燒拉麵份量非常多😳火炙黑豚肉叉燒好香口，肥瘦適中。拉麵好彈脆欣賞係佢嘅溏心蛋處理得非常好。

店內環境企理乾淨，有特別的日式裝飾，充滿小店的溫馨感。前菜、麵豉湯和風牛肉便當（$108）便當🍱配菜十分豐富，有燒鯖魚、炸物、時菜配芝麻醬、刺身和當然少不了的和風牛肉。燒鯖魚鯖魚皮燒得香脆可口，卜卜脆，魚肉肉質嫩滑，配上檸檬汁更加開胃。炸物有炸蝦和炸魚塊，炸皮厚度適中，配上蛋黃醬是經典絕配。刺身有三文魚刺身、甜蝦刺身和劍魚腩刺身。食得出十分新鮮，肥美可口，魚油香味十足。和風牛肉配以洋蔥、芝麻，份量算不小，味道十分滋味，很適合配白飯食用。壽司烏冬定食（$85）一共有八件壽司🍣，有北極貝壽司、腐皮壽司、甜蝦壽司、油甘魚壽司、花之戀壽司、玉子壽司等。烏冬彈牙煙靭，有咬口，有一層薄薄的蛋花鋪滿烏冬，風味十足。

大角咀這家日式居酒屋真係一絕！手工串燒，每一樣都係咁令人垂涎👅。特別係嗰煙燻豚肉，條條滑嘅肉質，煙香味道撲鼻而來，令人食指大動。而家講吓芝心竹輪卷，炸到香脆得嚟，好似口感爆炸咁，夾埋燒汁，味道層次感一流。壽喜燒牛肉鍋嘅牛肉簡直就係柔滑得嚟鮮甜，豆腐同蔬菜都好入味。有個熱烏冬同湯一齊，食得出鍋料係用心準備過嘅。再嚟就係吉列豬扒，外皮炸得金黃，啖啖肉噹噹聲，蘸個芝麻醬，真係百搭！其實，成間店嘅氣氛都係舒服，食物款式多不勝數，而且每樣食物都做得好有水準，充滿咗日本嘅家鄉味。無論係和牛，兔治雞肉，抑或係秋葵，都係用心烹調嘅。令人回味嘅是，配合住一杯白桃麒麟啤酒，簡直係美食之夜嘅完美結束🍺。呢間店嘅感覺真係滿分，下次想食日本料理，一定會再嚟！

早幾日我和朋友逛旺角，發現大角咀附近好多餐廳，見到一間頗有日本風的食店，我們就去試試，店員都幾熱情，見到我們進來馬上上前招呼。和風刺身沙律，都算幾大份，最重要的是有不少魚生，有三文魚、油甘魚、鯛魚等等，都好鮮味，沙律汁調得不錯，作為前菜相當好，而且只是幾十元。鐵板牛舌燒，連爐和石鍋一齊上，幾有看頭，牛舌燒超來吱吱聲，燒好即食，真的是熱辣辣香噴噴，牛舌軟滑，味道濃郁，配上他們的燒汁更惹味。時令刺身拼盤七品，共有七種刺身，光看賣相已夠吸引，最得別是梳子魚，平日較少食，魚肉超滑，加些柚子汁，把鮮味進一步提升，好味。帶子亦好大隻，又厚身相當鮮甜。共他刺身也有水準，赤蝦更是超大隻。極上海鮮拼盤定食，吉列炸虎蝦大到你唔信，近十吋長，蝦肉超爽彈，外皮酥脆，好正。還有吉列魚塊、吉列生蠔、吉列帶子，真的很豐富，而且炸蠔幾大隻，外脆內鮮滑。 吉列豬扒定食，有湯有飯，豬扒夠大塊又厚身，最難得是能保持肉汁，不乾，吉豬愛好者必試。

識我嘅人都知我好鍾意去居酒屋度食嘢，今次就嚟到好少踏足嘅大角咀搵食。同朋友兩個嚟到，都係想搵啲小店為主，貪小店夠地道。嚟到居酒屋已經見到精緻嘅日式裝修，好似去咗日本嘅感覺。我哋兩個女仔都係食量細，但係好鍾意試唔同嘅嘢，所以就叫咗好多嘢食。時令刺身拼盤七品$328見到都嘩一聲，好大盤，刺身又大件又新鮮😋因為想試唔同嘅串揚，就叫咗六款最想食嘅嚟試吓：日本南瓜（$ 12）、日本迷你甜薯（$12）、煙燻豚肉（$22）、豚肉蘆筍卷（$12）、帶子（$28）、三文魚（$18），每款都冇令我失望，外面炸得鬆脆，裏面保持原有食物嘅風味。蟹籽沙律$42蟹籽沙律係我每次食日本嘢都必叫嘅食物之一，因為非常清新好味。總括而言，今次居酒屋嘅性價比好高，嘢食份量足，我哋兩個食到捧住個肚走。

朋友生日又搬咗嚟大角咀，所以又嚟呢間我寶藏居酒屋list排名名單名列前茅嘅吉勝食日本野。呢度刺身、串揚都好正，仲有勁多其他菜式揀，朋友都讚口不絕！✔️時令刺身拼盤七品$328包括大拖羅、帶子、赤蝦、三文魚、油甘魚同赤身，每件都非常厚切新鮮，入口即溶。✔️串揚日本南瓜（$ 12）、日本迷你甜薯（$12）、煙燻豚肉（$22）、豚肉蘆筍卷（$12）、帶子（$28）、三文魚（$18）唔講唔知原來串揚喺1921年發源於日本嘅小店，係一款平民小食，口味大眾化，呢幾寸串揚炸得啱啱好，唔會太乾，要來送酒一流。✔️吉列豬扒配烏冬$100豬扒外層炸得鬆化，配冷烏冬，口感彈牙。✔️蟹籽沙律$42非常唔鍾意食青瓜嘅我，竟然唔抗拒呢一碟蟹籽沙律裏面嘅青瓜，覺得清新得來冇一啲青草嘅味道，非常易入口。✔️芝麻雞翼$36/2隻一如既往好鍾意食芝麻雞翼，外皮炸得又香又脆，咬落去雞肉嫩滑多汁！✔️白桃乳酸梳打$18/青蘋果乳酸梳打$18兩杯飲品都唔會太甜，味道清新解渴。

今日同同事慶祝升職，同事話鐘意食日本野，上網睇過呢間一直係口袋名單，咁就建議放工齊齊黎開餐~炸雞軟骨梁配上酸檸檬同埋蛋黃醬 做前菜一流時令刺身7品有七款嘅刺身, 件件都鮮甜又大份其中梭子魚配酸汁食，好鮮甜芝麻雞翼未放入口就聞到芝麻香，個皮又香又脆，雞肉卻充滿肉汁鹽燒油甘魚鮫油甘魚較，啖啖肉而且魚油豐富，配埋蘿蔔泥同埋檸檬汁食，一流！炸物叫左8件有紫蘇葉雞卷配梅子醬,秋葵,冬菇,日本青椒仔,日本蕃薯仔,豚肉蘆筍卷,日本南瓜,日本茄子雞卷本身味道偏清淡，伴隨住紫蘇葉嘅香氣，加上甜甜酸酸嘅梅子醬，梅子味非常特出南瓜軟綿南瓜味香濃炸串個炸衣剛剛好，同醬汁好夾吉列豬扒飯上枱時聞到好香嘅紫菜味，豬扒好厚身！有滑蛋香口嘅洋蔥同冬菇，呢個份量建議點完同朋友仔開心分享，咁就可以試多一兩款小食啦～白桃梳打 & 巨峰乳酸梳打除咗有啤酒仲可以飲梳打解渴， 酸酸甜甜咁好正㗎

係奧海城行完街，真係不妨行多幾分鐘去大角咀搵下小店，難保有意外收獲！🤤餐廳入面有濃厚嘅日式風情，而且空間充足，整體環境舒服原本以為呢間餐廳淨係主打吉列及串揚菜式，估唔到刺身壽司嘅用料＆處理都非常出色👍🏻🥗和風刺身沙律 $68刺身味道鮮甜，而且種類都唔少，三文魚、吞拿魚、帶子、八爪魚等等沙律口感清爽，夾埋一齊食別有風味，或者單嚐沙律清清口腔都唔錯。🐮壽喜牛肉鍋 $140天氣開始凍，最啱食壽喜燒，暖粒粒壽喜牛肉鍋連埋小火爐，可以邊食邊加熱肥牛另外上菜按自己喜好淥熟，可以見到肥牛質素都唔差豆腐、菇類等配料令壽喜燒更加完滿配埋烏東，滿滿飽肚感🍢隨機雜錦串揚拼盤 (10本) $138餐廳主打串揚，有隨機拼盤揀，可以方便一眾選擇困難嘅朋友順時針介紹：秋葵、免治鷄肉、豚肉蘆筍卷、日本南瓜、多春魚、雞脾菇、冬菇、日本茄子、芝心竹輪卷、日本迷你甜薯串揚即叫即炸，上枱果時仲係微暖，外皮酥脆而內裡保持嫩口唔乾身千祈要趁熱食，放太耐炸皮口感會冇咁好🍣時令壽司拼盤 (10件) $228單係賣相已經好吸引，握壽司緊緻唔鬆散，壽司飯份量剛好食得出每一件都係高質享受三文魚＆帶子都好鮮味🐟拖羅仲要入口即溶，食落有少少感

今日同朋友到大角嘴食飯，到達餐廳時不需要等位就可以入座 。我們叫了時令刺身拼盤七品、青蘋果乳酸梳打、荔枝燒酌梳打、炸串包括日本茄子、秋葵、日本迷你甜薯、紫蘇雞肉、豚肉韭菜卷、豚肉蘆筍、芥末牛柳、多春魚、燒日本花魚一夜乾和壽司包括火炙三文魚壽司、火炙左口魚邊壽司、A4和牛壽司、黑松露帆立貝壽司、火炙三文魚加州卷3件 。首先是刺身拼盤，三文魚腩油香味重鮮甜、而吞拿魚嫩滑無筋，另外秋刀魚味道香濃鮮甜 。之後是炸串，炸物的炸衣薄而且脆，多春魚大條鮮美 。紫蘇雞肉香而且雞肉滑嫩 。茄子不會炸得很乾 。再來是壽司，三文魚的油把淡淡三文魚香味帶到口中，而左口魚邊鮮甜，味道比較清甜 。而和牛味道香濃而且肉質嫩滑 。而加州卷中間有青瓜的爽脆清新的味道 。最後是一夜乾，花魚肉質滑嫩，而且骨又不會太多 ，味道鮮甜又不會太鹹 。整體來說，味道不錯，而且環境舒適 。

星期六來到奧海城行下，午餐則到了大角咀食，想試下呢區嘅小店，意外地好多舖頭都唔開門，最後決定食日本野，到了一間叫吉勝吉列串揚專門店的日式餐廳，門口的餐牌有好多午市套餐選擇呢。店員好快送上熱茶同餐牌，不過已經決定左食咩，就落埋單等食了。⭐沙律 & 味噌湯落完單隨即送上沙律同味噌湯，感覺不錯啊。⭐和風牛肉便當 & 豚肉生薑燒便當便當也是很快就來了，有香噴噴的炸物🤤，仲有刺身等，賣相靚靚。炸物有紫芋栗子薯餅，一向好喜歡食日式可樂餅，呢個薯餅裏的紫芋蓉香甜軟綿，有著粒粒栗子更添口感🤤另外仲有炸雞翼、炸蝦同炸魚柳🍤，全部都好香脆，灑點檸檬汁去膩，仲可以點埋個他他醬添。刺身厚切大大片，肥美鮮味😋主角牛肉片同豚肉片都好好味，甜甜的醬汁配上肥美的肉，勁好下飯🤤⭐蜂蜜紅棗茶 & 百香果疏打另外再加了飲品，天氣涼左飲返杯養生紅棗茶先，甜甜地好有紅棗香味。另一杯係凍疏打，百香果汁甜中帶酸好解渴，加上金黃色澤好好睇🥰小店無加一，仲收唔同平台嘅電子支付添。

朋友🧒🏼鍾意食日本菜🇯🇵，呢日同佢🧒🏼一齊喺大角咀，呢區都有好多日本🇯🇵餐廳🥢，咁我即刻諗一諗，就決定帶朋友🧒🏼嚟呢間日本🇯🇵餐廳開餐🤣呢度有多款「午市定食」，咁我哋揀咗$128「時令刺身5品定食」同埋 $78「吉列豬扒定食」，「定食」包「飯、沙律、味噌湯」，跟餐加 $5「柑桔青檸梳打」要咗兩杯；另外再加 $20「日本紫芋甘栗薯餅」同埋 $22「胡麻菠菜沙律🥗」🤩「時令刺身5品定食」：刺身有油甘魚、赤身醬油漬、牡丹蝦、帆立貝、三文魚，全部都新鮮，油甘魚同埋三文魚仲係厚切😋「吉列豬扒定食」：外邊嘅吉列脆卜卜，裏邊嘅豬扒幾軟熟，整體好香口😋仲有簡單「沙律同埋麵豉湯」😋「日本紫芋甘栗薯餅」：又係外邊嘅脆卜卜，裏邊嘅 紫芋甘栗蓉 夠晒甜，食得好開心🤣「胡麻菠菜沙律🥗」：菠菜撈咗胡麻醬汁，簡單好味😋