吉列牛忌廉烏冬專門店 (百樂中心) (已結業)

吉列牛定食 🥩牛係有牛味嘅，就算燒耐左都唔會鞋同韌，炸粉嘅味都調得唔錯。可以點餃子汁汁、芥末忌廉同芥末，芥末忌廉好食，少少甜，如果怕漏就點餃子汁，酸酸地解膩。一個餐都好大份，一個女仔可能食唔晒，抵食😋忌廉咖喱雞烏冬🍲咖哩唔似平時日式咖喱咁甜但夠香濃，配白忌廉少少甜但唔厚，不過好肥🥲雞軟骨煎餃子🥟正常發揮，冇雪味，好普通。

叫咗嗰個$256 set。吉列牛ok，如果係特登嚟食吉列牛就真係唔洗，絕對有其他更好選擇。咖喱烏冬就比想像中普通，以為會好creamy有咖喱嘅辣但有濃厚忌廉中和，未食之前睇賣相幾吸引，到入口，嘩好普通。冇下次。

銅鑼灣呢間吉列牛係好多年前都有食過，印象ok，經過突然間諗起就去咗食，但質素真係差咗好多，完全唔識得呢個價錢啊🥲🍴吉列牛定食 $148 (2/10) 另收加一套餐包括一塊吉列牛，麵豉湯，味素白飯，麻醬豆腐，麻醬蕃茄仔，麻醬椰菜絲，整體份量偏少😂 吉列牛比較細塊，冇手掌咁大，切咗做9細舊，肉質好韌，好難咬開，食落冇牛味🥲要燒到全熟先比較容易入口，變返普通牛肉，一唔似有質素嘅吉列牛，配菜好普通，份量全部都好少一啖就食晒😂原本以為白飯應該冇事啦，點知佢煮得太淋，口感係一pat pat，黐埋一舊，冇咗正常白飯一粒粒嘅口感，麵豉湯鹹鹹地冇乜料，仲要好多渣，成口都係麵豉一粒粒碎粒，未去到好難食，但絕對係中下質素，仲要咁貴份量又少，唉真係好失望😮‍💨🍴咖喱忌廉牛肉烏冬 $88 (3/10) 另收加一賣相睇落唔錯，但食落真係一般到冇得再一般😂撈勻左之後，咖喱味好淡，唔夠香濃，忌廉亦都唔夠奶香，個汁好稀，烏冬完全掛唔到汁，烏冬質感偏淋，唔係好彈性好煙靭嗰種，普普通通，牛肉得幾細粒，但意外好食過吉烈牛嘅牛肉，比較有牛肉味多啲，同埋唔會好韌😂咁都叫做招牌烏冬？自己喺屋企用咖喱磚煮仲好食喎😂推薦指數: 0/1

見到其他食評好似好吸引。。。於是上左去食，叫左個二人餐。有吉烈牛套餐同牛肉忌廉咖啡烏冬，加兩個汽水。我另加25蚊叫左杯Green tea latte.餐廳評價：好似係日式，但招牌用韓文字，套餐配既係日式味噌湯，兩粒番茄仔，一片非常細既豆腐。。。咁既價錢。。。比較孤寒味道評價：1. 吉烈牛 。。。完全冇牛味，幾難咀嚼。。。2. 牛肉忌廉咖啡烏冬。。。牛肉反而有牛味，細細舊，都算幾多舊。烏冬好滑。味道我又唔覺幾特別。算ok合格。同女女一致裁定，冇下次。

抗疫疲勞，銅鑼灣明顯多返人，今日午餐去左好耐冇黎嘅吉列牛忌廉烏冬專門店食返餐，都有幾多食客。落單用QR code。餐牌分幾大類，有主食，套餐，釜飯，涮涮鍋，小食同飲品。今日例牌叫左一個套餐，已經包左兩款招牌菜同兩支汽水，另外再叫左一份小食。套餐係吉列牛定食 + 咖哩忌廉烏冬（小辣）+ 2汽水，價錢$256另加一。吉列牛定食 吉列牛係來自韓國嘅菜式，絕對係必食之選。牛肉係美國牛裡脊肉，上枱時已經係3成熟，可以每邊燒2秒至半熟，或者等你自己喺個爐仔上面烤到自己鍾意嘅熟度先入口。外皮香脆而入面嘅牛肉就明顯見到中間係生肉嘅深紅色，外圍就係粉紅色。牛肉燒熟啲都唔會韌，肉質唔錯。跟吉列牛有蒜味沙律醬同甜酸燒肉汁等你點，仲有wasabi，個人最鍾意蒜味沙律醬，因爲令到塊牛更香滑。伴碟有少量胡麻醬梛菜絲沙律。定食包兩款前菜，分別係一粒車厘茄切開兩半加左胡麻醬同一細磚加左胡麻醬嘅豆腐。仲跟一碗白飯，上面撒滿飯素，同一碗味噌湯。咖哩忌廉烏冬招牌咖哩忌廉烏冬係另一必食之選，第二度真係唔覺有得食呢個菜式。大碗烏冬上面滿佈白色忌廉同少少蔥花。忌廉同咖哩香加埋原來好滑又唔太膩，味道其實係日式咖哩既甜甜地，好好食。

去開銅鑼灣，想搵處靜靜地、個景靚靚哋、又有特色嘅餐廳開個飯。次次去親日本都食唔到，所以真心想試吓吉列牛定食，牛扒肉質夠Juicy，冇乜筋，配上脆卜卜嘅鬆脆外層，店員好貼心咁比一個陶製火爐，你可以齋係咁食，亦都可以煎熟少少熱少少去品嚐，肉質非常嫩滑亦很有肉汁，外脆內嫩，一口試勻兩種口感。另一名物，咖喱忌廉烏冬，忌廉質感夠晒濃郁，同埋最主要係保存烏冬嘅熱度，一夾起烏冬嗰種熱力，絕對令人驚艷，咖喱味出奇地和忌廉相容，日式咖喱湯配上嫩口的牛肉，烏冬爽滑彈牙，混合忌廉濃郁的質感，實在是口感上的一場盛宴。小食方面選了雞軟骨餃子，餃子皮交貨，雞軟骨爽脆，為這一餐畫上了完美的句號。

一直見到好多人推吉列牛但一直沒機會去試,湊巧跟朋友去銅鑼灣吃飯,一搜Openrice見到就決定去吃了 ^^今次主食點了招牌的吉列牛定食($148)和咖哩忌廉烏冬($78),建議跟朋友share那就全部都可以吃一下<3吉列牛上桌分量不少,外層裹著吉列炸粉,放上石燒板微微燒一下就可以了,吃進口有牛味,肉質軟嫩,很不錯~坊間咖哩烏冬不是第一次吃,但加了忌廉的還是第一次,一上桌滿碗都是白色的忌廉有點好笑,朋友說好像雲?本身以為混合起來會好奇怪,但吃下去出奇地順口,咖哩是日式咖哩配合忌廉令烏冬口感好滑~小食追加了雞軟骨餃子($48),煎得十分香脆,有點半煎炸的感覺,但可能是因為混合了其他餃子餡,不太吃得出雞軟骨的口感><有點遺憾~吉列牛忌廉烏冬專門店地址: 銅鑼灣耀華街3號百樂中心22樓電話號碼: 34278822營業時間: 12:00 - 22:00

同朋友假日去食鐵板吉列牛～ 我地叫左一個吉列牛套餐額外加左一份雞軟骨餃子🥟個套餐除咗有吉列牛之外仲包左忌廉咖喱烏冬～ 非常抵食又大份量，啱啱好夠兩人食！我哋仲加左2杯特別飲品！一杯係綠茶latte另一杯係Citrus Ocean，Citrus Ocean個樣好靚好好睇，飲落係柚子汽水味，打卡好睇一流又好飲！綠茶latte 都好好飲，甜度適中！唔錯！吉列牛好香口， 肉質唔錯幾重牛香味，可以自行燒到喜歡的熟度，配埋飯食岩岩好香口，仲有餐湯，沙律，豆腐等。雞軟骨餃子🥟真心推薦，好香口好好味，煎得外脆內有咬口，口感豐富！忌廉咖喱烏冬真係好得意，白色濃濃嘅忌廉撈埋落咖喱烏冬非常特別，口感香濃美味。

呢間吉列牛久吾久都會黎食下，因爲個2人套餐真係好抵食 haha$256 有一set 吉列牛+烏冬 仲跟2罐汽水 平均2個人除開每人$1xx又夠飽吉列牛定食 $256吉列牛外層包住一層薄麵包糠，口感酥脆，係石板燒完肉質嫩&juicy，不過都比較多筋吉列牛可以點芥末沙律醬&醬油，同芥末沙律醬好match米飯方面用左珍珠米另外仲有味噌湯、豆腐同蕃茄仔跟餐 咖喱忌廉烏冬忌廉泡沫輕盈，醬汁幼滑，增添口感，同日式香咖喱融為一體，烏冬軟身但不乏煙韌好好味 次次都清曬雞軟骨餃子 +$48煎得香脆，咬落去仲保留肉汁紫薯latte +$25相對較稀&較淡 紫薯味再出d會更好Passion Punch +$18熱情果梳打，酸甜開胃，岩曬近排開始炎熱既天氣Overall 未食過既話一定要試， 性價比高既吉列牛

Kobekyu 吉列牛忌廉烏冬專門店 🍜🇯🇵🇰🇷𝙏𝙪𝙘𝙠𝙚𝙙 𝙦𝙪𝙞𝙚𝙩𝙡𝙮 𝙗𝙚𝙝𝙞𝙣𝙙 𝙩𝙝𝙚 𝙢𝙖𝙞𝙣 𝙧𝙤𝙖𝙙𝙨 𝙞𝙣 𝙏𝙞𝙢𝙚𝙨 𝙎𝙦𝙪𝙖𝙧𝙚 (𝘾𝙖𝙪𝙨𝙚𝙬𝙖𝙮 𝘽𝙖𝙮), 𝙩𝙖𝙣𝙩𝙖𝙡𝙞𝙨𝙚 𝙮𝙤𝙪𝙧 𝙨𝙚𝙣𝙨𝙚𝙨 𝙬𝙞𝙩𝙝 𝙩𝙝𝙚 𝙥𝙚𝙧𝙛𝙚𝙘𝙩 𝙗𝙡𝙚𝙣𝙙𝙨 𝙤𝙛 𝙅𝙖𝙥𝙖𝙣𝙚𝙨𝙚 𝙖𝙣𝙙 𝙆𝙤𝙧𝙚𝙖𝙣 𝙘𝙪𝙞𝙨𝙞𝙣𝙚𝙨 𝙞𝙣 𝙆𝙤𝙗𝙚𝙠𝙮𝙪 𝙧𝙚𝙨𝙩𝙖𝙪𝙧𝙖𝙣𝙩. 𝙃𝙚𝙧𝙚, 𝙮𝙤𝙪 𝙖𝙧𝙚 𝙨𝙥𝙤𝙞𝙡𝙚𝙙 𝙛𝙤𝙧 𝙘𝙝𝙤𝙞𝙘𝙚𝙨 𝙧𝙖𝙣𝙜𝙞𝙣𝙜 𝙛𝙧𝙤𝙢 𝙨𝙣𝙖𝙘𝙠𝙨 𝙩𝙤 𝙘𝙪𝙧𝙧𝙮 𝙧𝙞𝙘𝙚𝙨.🥩🍚🍛1️⃣𝐊𝐨𝐛𝐞𝐤𝐲𝐮 𝐊𝐚𝐭𝐬𝐮 𝐇𝐊𝐃 𝟏𝟒𝟖吉列牛定食 🥩❤️The beefs that I tried were quite chewy with certain amount of fats in between. However, I really like dipping the beef with their special green garlic mayo sauce. 2️⃣𝐂𝐫𝐞𝐚𝐦𝐲 𝐂𝐮𝐫𝐫𝐲 𝐔𝐝𝐨𝐧 𝐇𝐊𝐃 𝟖𝟖咖哩忌廉牛肉烏冬🥘🍜No on

呢間餐廳除左吉列牛出名仲有忌廉烏冬都係主打菜兩款味道都好好值得推介一試👍係旺角及銅鑼灣都有分店🔸吉列牛定食 $148吉列牛嘅肉外層酥脆，放上石板燒到6成熟，食落肉質juicy。仲配有兩個醬，一個係芥末沙律醬，另一個係醬油。第一次食吉列牛點芥末沙律醬，味道出奇地夾，完全無搶去牛味。呢個定食配有味噌湯、豆腐同小蕃茄等小菜，非常豐富💕 🔸咖哩忌廉牛肉烏冬 $78平時以為忌廉加咖哩配搭會好怪🤔食完發現有驚喜！忌廉令到成個醬汁好滑，有淡淡嘅奶香，由於咖哩係用左日式咖哩，所以唔會太辣仲甜甜地，幾好食，配埋牛肉食唔錯🔸雞軟骨餃子 $48未食過用雞軟骨做嘅餃子，叫嚟試下。估唔到個味道好夾，好有咬口，餃子外層好香脆，點埋餃子醬酸酸甜甜好好食。🔸紫薯Latte $25超愛紫薯，二話不說就order左！原價要$48，跟餐只係加$25就飲到。最驚喜係有得揀甜度，少甜走甜都得。紫薯味濃郁，揀左少甜，所以個甜度適中。🔸Passion Fruit $18跟餐平點就叫呢杯。用左熱情果沖，好香甜，用嚟打卡都好靚！

今日去銅鑼灣行完Time Square又去食吉列牛。避開午餐高鋒時間，人流少，食得更安心。成日去旺角店食，今日第一次去銅鑼灣店。窗口望見濶大草地球場，又有藍天，人都即刻放鬆晒。今次都係點吉烈牛定食，加咖喱雞肉忌廉烏冬套餐，再加點一份煎餃子🥟。小食餃子煎得好香脆，咬落去裏面仲有肉汁。我哋鍾意先分享個咖喱雞肉忌廉烏冬，再將多出嘅咖哩湯汁撈飯配石燒吉列牛，咁樣就更豐富啦！吉列牛炸得剛剛好，放石板燒一下就食得，唔怕會老。食熱氣野配返杯蜂蜜菊花茶就最好啦！

吉列牛忌廉烏冬專門店 (百樂中心)地址: 銅鑼灣耀華街3號百樂中心22樓電話: 34278822=====================假日真係悶到人都瘋，搶完一輪食物生活品跟罩同檢測劑，決定食個好味架日本野先返屋企，因身邊好多朋友中招。出名食日本烏冬外，有日式預食同飯類。點餐用qr 掃code 即可。吉列牛定食，牛係自己燒加熱，套餐好多前菜，飯，麵鼓湯，豆腐咖哩烏冬上面層白色cream foam ,入面有牛肉粒同菇片，烏冬好彈牙，推薦$48 雞軟骨餃子加左軟骨，口感更有層次Matcha latte and passion punch ,抹茶甘加奶香好好飲，另一杯果味甜甜。

🥢吉列牛定食定食包含：芝麻醬豆腐、小蕃茄、米飯、麵豉湯一份淨係炸到外皮好酥脆的吉列牛可以自行選擇想烹調到幾熟牛肉肉質軟嫰 肉汁豐厚整體都很下飯還有不同醬料搭配 味道豐富🥢咖喱忌廉烏冬很有驚喜的烏冬 個人很喜歡外型白雪雪舖面好矚目本身以為咁多忌廉會好油好膩但結果完全唔會味道主要都係日式甜咖喱味再加些微的奶油香日式烏冬好爽口煙靭 仲吸哂咖喱汁除左烏冬 裡面仲有牛肉、香菇、洋葱味道和飽足感都是💯🥢雞軟骨餃子餃子皮薄又炸得好香脆第一次食到餡料係雞軟骨嘅餃子口感卡啦卡啦好爽脆之餘又好juicy必點的一道小食🍹Citrus Ocean柚子味氣泡飲🍹Passion Punch熱情果味氣泡飲配酒或配氣泡飲最適合了😋

呢間吉列牛忌廉烏冬一向都好出名，一直都冇去食，因為佢個烏冬d相好多忌廉，覺得會好滯，今日食完發現同想像中係完全唔同，個烏冬甚至好食過吉列牛。佢有幾個餐，可以單叫吉列牛/烏冬/牛肉蓋飯，仲有啲小食例如蛋捲、炸雞。亦有combo2可以吉列牛+烏冬，同埋combo3吉列牛+烏冬+牛肉蓋飯。今次試咗combo2，食最招牌個2樣嘢，加上個牛肉蓋飯係紫米，唔係太想試。吉列牛，有埋白飯、麵豉湯、前菜前菜係胡麻醬蕃茄同豆腐，豆腐好滑，都唔錯白飯上有飯素，唔喜歡嘅就自己撥走麵豉湯好多昆布，幾甜主角吉列牛，份量還好，唔係好多個皮算脆，燒完食落唔淋肉質彈牙，都會有少少筋，不過還好忌廉咖哩烏冬面頭咁多忌廉，一睇覺得又肥又滯，不過原來只係好薄一層，筷子一夾d忌廉就散開，好稀，會同咖哩烏冬融為一體，基本上撈完係見唔到d忌廉個咖哩烏冬好好味，本人唔太喜歡咖哩味烏冬，不過呢個ok，咖哩夠味但唔會辣同太滯，可能加上忌廉溝稀咗，冇咁稠所以好食d。忌廉加上咖哩出奇地夾，好食，食晒成碗都唔會好膩味噌蟹蓋配紫菜飯團 $58甲羅燒已經預先燒好，幾鮮味放d上飯團，包埋紫菜食，出奇地唔錯秘製蛋卷 $68好滑，好香蛋味，唔會好滯不過面