吉兆

營業中

休息中

發現原來吉兆lunch time有非常抵食嘅omakase set🍣 有8件丨10件丨13件 (HK$380/550/680) 任君選擇  環境舒適得體 壽司成品工整 都幾啱business lunch👍🏻  💰: HK$380 (Lunch Omakase Sushi Set (8 pcs))而家喺 #sanma 同 #sujiko 嘅 season 當然要追加‼️ 筋子脆口 秋刀魚剛入季但幸運地肥美🥰 滿足💘 

午餐時間與同事黎到呢到食飯，目的當然係想擺脫日常煩死人既工作😇😇好好享受下🥰🥰唔好諗食咩，等廚師發板，我地只需要等睇師傅有咩驚喜俾我地🤓🤓師傅好好❤️❤️由專業級介紹食材到閒談，俾人感覺好親切🤣🤣環境清幽舒服，而食物當然係冇得輸，質素一流🥹🥹令人垂涎三尺🤤🤤因為食物太好食，除左開始影左2張相，之後基本上都冇相機食先既念頭🤣🤣 一有壽司，就想即時放入口中，慢慢感受下色香味🫣🫣尤其海膽真係十分出色，十分飽滿，及純粹鮮味，令人難以忘記😋😋金箔手捲，貴氣盡露！😎😎其實全程掛住享受，冇咩影相，好彩同事各自分別都有影下相，咁先至有圖出黎見下人🤣🤣有機會一定會再黎！

去中環食日本嘢就會諗起M88有大量，求其book咗一間有‎WhatsApp電話嘅壽司！我都唔記得你有冇嚟過吉兆熟食同埋壽司都有，嚟到中環就試吓B平時冇乜機會食到好質素嘅壽司定食啦！而且師傅又可以幫我口味整俾我！因為我自己唔鍾意食肥位，佢就安排咗啲具類同埋白身魚俾我最鍾意食蝦貝類八件壽司原來係陪兩件太卷仲有兩舊蛋 嗰兩夠膽朝向，我懷疑有黑松露有赤背帶子，然後白色嗰啲唔知係咩魚，但係幾好味每件壽司師傅都會調好晒未，有適量嘅Wasabi啱啱好帶出佢嘅鮮味不過如果有海膽就正正同埋蝦系說嘅甜蝦壽司，如果有一大隻嘅都好正朋友嘅熟食檔，佢話好味，和牛應該好肥美🤣🤣🤣服務質素好

黎到中環metime~ 揀咗間中環高質omakase。師傅非常專業細心同埋好客～ 極體黎講，餐廳食材非常新鮮，中環黎講，性價比無得輸！分享入面我最鍾意嘅☺️🥢前菜：鮮濃海膽、酸酸地日本茄子、蝦～ 非常開胃🥢寿司14貫⭐️ 松葉蟹：成隻蟹嘅盛器打卡一流。上面仲插住一支蟹醋，鍾意重口味嘅可以再加多點～ 表面有一舊松葉蟹，啖啖肉，後面係蟹膏配壽司飯，味道回甘。但最驚喜咁下層原來全部都係蟹肉～ 非常滿足- Kinki喜知次：用火輕輕燒過表面，帶出滿口油脂感- 瀨尿蝦：入面藏住大量蝦膏- 沙甸魚卷：魚味特別濃魚特別出- 利尻海膽：佔咗大半都係海膽，好滿足⭐️ 鮟鱇魚肝：同食鵝肝味道相似，仲配咗塊熊仔🐻‍❄️形狀餅乾，米味特別香，夾埋好味到絕- 鯖魚手卷：濃咸香味⭐️ 吞那魚 / 半肥瘦中拖羅 / 全肥拖羅：鮮到極！油脂滿滿- 太刀魚冷素麵：配埋魚子同冷麵汁，好好味- 吞那魚蓉手卷：吞那魚蓉 x紫蘇葉×足金食用金箔，紫蘇葉獨特香味好夾🥢魚湯：超濃魚味，飲完暖粒粒。非常完滿🥢甜品：有無蛋蛋糕加焦糖布甸，好香蛋味唔太甜。仲有哈密瓜配千層蛋糕⭐️餐廳有戶外位置，有同其他公司做聯成活動，合適的話，可以同朋友chill

📍中環 《吉兆》一個人嘅浪漫板前握定食 Deluxe Sushi Set $550+10%10pc壽司Omakase Lunch 🍣茶碗蒸間八魚深海池魚甜蝦 超甜 肉質好黏 依件幾impress我‼️石洹貝 師傅拍一下 仲識旭 好新鮮 爽口👍🏻池魚配三星漬鱈魚bb 醃咗一晚好入味平靜魚北海道赤海膽 不得了🤪好好味😋👍🏻鮟鱇魚肝壽司配粉紅熊仔脆餅 鬆脆威化 而且好可愛😍拖羅入口即溶🤤👍🏻網燒拖羅🐟金泊紫穌葉吞拿魚手卷甜品：焦糖布甸+用魚肉蝦肉做嘅小蛋糕(入面冇麵粉成份…口感幾得意)之後仲有麵豉湯同埋烏冬最後仲有焙茶雪糕 畫上完美句號師傅好nice又好客 照顧每位客人需要整個過程都好享受😌 滿足😊

今日天氣好好，朝早嚟咗中環大館行下，接近中午時間非常熱，一個食lunch 淨係諗到想食日本料理降溫，諗起一向出名難book 既M88吉兆，即管試吓打電話去book枱，好好彩竟然話我book到壽司枱，可以一路食一睇師傅整壽司🤩睇到個lunch Menu都有好多選擇, 有omakase或者其他定食同壽司set ,咁難得book到位，我梗係唔放過，一於試御會席($880)，有齊前菜，刺身，煮物炸物同壽司，好豐富🫶🏻師傅非常專業細心，同埋好客，見到我一個人自己嚟，會主動同我傾偈，令我感覺非常良好❤️呢個就係我鍾意坐壽司枱食飯嘅原因，因為可以更加深入了解食材嘅煮法😄首先來了前菜，跟店員介紹順次序先吃-<腐竹x海膽>,腐竹清甜，海膽鮮味，跟住到日本茄子同蝦，呢個前菜好清新😋跟住黎到刺身5點:🥢北海道右口魚, 上面有柚子皮，另外有配包海膽，同第一次食既右口魚邊，口感非常好，右口魚比左口魚油香重, 但我自己感覺反而無左口魚甘肥膩感覺，刺身中最愛呢樣🥢半肥拖羅，入口即溶🥢海蝦有矜貴魚子醬🥢深海池魚，肉質厚身🥢北海道新鮮帶子，同一般雪藏帶子感覺完全兩個層次，配合青檸味道非常鮮味😋食完刺身師傅

中環黃金地般難得有咁正嘅戶外亭園，喺呢間日式鮨店食過午飯，可以喺outdoor relax摸下酒杯底鬆一鬆！料理長傅經驗豐富、幽默又友善，不斷比心心我影相！壽司食材頗新鮮，賣相和味道都不俗Deluxe Sushi Set (10 pcs)蒸蛋熱度很夠、蛋的質感彈滑，裡面有蔬菜鷄肉冬菇等味道香甜北海道右口魚搽咗醬油、面頭加上柚子皮，入口頗清新具香氣，口感爽脆有咬勁深海池魚睇亮麗色澤感到魚新鮮度唔錯，食落爽滑甜美北海道新鮮帶子 師傅講係用手一掰一掰撕開令口感更爽脆，以青檸和醬油簡單調味已帶出清甜味道甜蝦面頭放滿甘香蝦頭膏並以紫蘇花點綴，賣相優美、蝦膏蝦肉香濃糯口白栗米生食的日本白栗米如生果般清甜爆汁，啖之清清口腔再戰之後的壽司野生銀鱈魚BB已網燒兼輕搽了醬油的bb鱈魚魚、豐腴油香大滿瀉，肉質嫩滑細緻利尻馬糞海膽海膽中的極品，濃郁像奶油的口感，絲滑馥香嚐盡「海」的原始味道鮟鱇魚肝最中餅料理長介紹這個是由用日本米製成嘅萌萌熊仔造型威化餅、亦即「最中餅」，以高溫烤製所以吃起來口感超鬆化；後面係鮟鱇魚肝、食時將熊仔橫臥平將鮟鱇魚肝放面。魚肝呈慕斯狀入口細緻潤滑順和，好睇又好食兼且影相一流熟成野生拖

食開壽司就會有條癮，而中環嘅壽司店真係非常之多，好多都好好高質，今日要過嚟同客開會，個客就提議不如嚟呢間食，咁我當然即刻話好啦！呢間餐廳嘅位置好方便，喺威靈頓廣場m88，餐廳環境亦都相當之舒服，裝飾多數用咗木來做背景。要喺中環生存得嘅餐廳，服務都一定有啲保證。叫左chef omakase course，包前菜，6款sashimi，hot dish，8件sushi，湯同甜品。當日好多樣我都覺得好好食好新鮮，包括天婦羅鰻魚，呢樣出邊好少食到，外面酥脆之餘，裡面鰻魚做到有啲creamy！蝦蓉蝦膏加紫蘇葉、安康魚肝壽司、北海道帶子、北海道 kinki、北海道馬糞海膽、野生toro、吞拿魚蓉手捲配金箔好浮誇！最後連薑味雪糕都好好食，呢間推介可以encore啊！食到最後發覺原來室外都仲有個好靚嘅位置，之後秋冬天都可以嚟試吓!

這間日本餐廳位於中環，鄰近蘭桂坊，店內裝修寬敞舒適，具時尚的和風，廚師吧枱可欣賞到師傅席前手藝，亦設有卡位及私人房間，私隱度高，適合多人聚會。前菜日本長茄子沒有茄子特有的菜草腥味，特別清新；湯葉海膽甘甜細膩海膽入口即溶，柔軟的湯葉富豆乳香，好清新；西京燒海老爽滑彈牙的鮮蝦有西京燒的香甜，再加芥辣味噌醬。北海道右口魚右口魚較左口魚滑溜得多，魚味更新鮮，加柚子皮更清香。深海池魚幼細的魚肉有著豐溢的魚脂。新鮮帶子雪白肉厚，鮮甜彈牙。花咲蟹結實的蟹肉有著豐富的油脂，味道鮮甜香濃，飽滿的蟹黃好濃郁，更有爽脆的蟹籽，海水味好重，可加入蟹醋提鮮，壽司飯更拌上甘香的蟹膏。北海道北寄貝新鮮質感更爽滑彈牙，網燒更緊實。醬油漬牡丹蝦肥美飽滿的牡丹蝦鮮甜清爽，醬油漬更加緊緻，再有甘香的蝦頭膏。池魚銀皮魚味濃郁，魚油豐富，口感緊實爽口，三星漬香甜爽口。北海道喜知次日本魚皇之一，魚肉細嫩帶膠質，炙燒魚皮帶微脆，魚油好重好濃。銀鱈魚BB肥美豐溢的銀鱈魚，幼魚入口更細嫩滑溜。北海道赤海膽 出自利尻產好高品質，淡黃色的海膽有著濃郁鮮味，入口即化，清甜回甘。鮟鱇魚肝最終餅招牌熊仔最終餅香脆且米香濃郁，綿密的鮟鱇魚肝蓉，細

連Omakase 都充滿Christmas 既氣氛D公仔係咪好可愛呢？由左至右食，最後先食較濃味既魚子可能因為我地有飲酒既關係,炸左D 天婦羅俾我地送酒，淡淡鹹味，唔點沙拉都好食，不過好快就唔脆要快D食熱食既白子比較小有,突顯左佢creamy 既口感師傅話佢地仲有天婦羅白子（下次要試下先）好小有刺身係點依個蔥油辣根醬，感覺好似打緊邊爐咁，或者食牛應該都可以點，好特別渡蟹既蟹膏好棉，放落口就溶食到尾聲有醃製既蘿蔔同牛蒡非常爽口既山藥

經常周圍去試城中新店，今日就食日本野。來到中環的吉兆同好朋友試廚師發板＜吉兆＞哩嗰名曾經喺台北食過，所以我以為喺分店，同師傅確認左原來係冇關係😆今日選擇左 lunch omakase🎈首先是頭盤有四款：海帶甜鮑魚爽，最右邊的忘記了，還有我最喜歡的筍跟住就上日本生蠔 ，配合師傅的酸汁好開胃呀冇得輸的海膽紫菜正常發揮之後有幾款刺身拆蟹肉加上蟹膏，哩個一定要食條魚已經唔記得個名，但係實在太多骨啦！希望下次可以換個另一款

Comfy seating with own booth for family time. Good attentive service but not too forceful. Food ok the expensive side but otherwise quite good quality. Would go back.

星期五last minute booking 好彩有位…坐枱但感覺同隔離位有啲逼🥲叫咗deluxe sushi set $480 10件壽司加卷物，包埋蒸蛋、湯同烏冬。啲食材都幾新鮮嘅，另外卷物意外地唔錯，我唔鐘意紫蘇葉但都覺得味道幾清新。嗰10件壽司就無咩特別，整體而言性價比認真唔算高，中環嚟講有更多好嘅選擇，不過朋友話如果坐到吧枱嘅話師傅會逐件上，感覺會gur啲😂Btw經理服務態度幾好👍🏼 如果下次再嚟我會試北海丼😛

經朋友介紹去了中環吉兆的日本料理，吃高級的晚餐omakase。吉兆的地方寛敞，有餐桌，卡座，可包房和吧枱。我當然選擇了對住廚師的吧枱啦，我order了一份最貴的吉omakase 成為HK$1680 還要加10%服務費，不過我都覺得物有所值，因為當天的食物質素同服務我都相當滿意沒有什麼可挑剔的地方，雖然我是第一次幫襯，廚師同我都有交流，食物新鮮固然重要，而且每份食材的鋪排同買相都相當出色，廚師能令每件食物發揮到各自的特色，舉個例，如吃毛蟹，廚師細心地把殼同蟹肉分好，令你吃的時候能完全吃到蟹的鮮甜，不會在當中加上其他的食材去喧賓奪主，令你食後完全記住蟹肉的味道。雖然價錢可能係貴咗啲，但係如果有喜慶的日子，豪下都無妨啦。

It’s a wonderful lunch treat by a great friend of mine when the city has come to another lockdown. I didn’t expect that the restaurant would be this crowded. We were seated at the sushi bar, started with just the 2 of us and slowly being surrounded by other customers left and right. It would be better if there’s at least a chair apart (there’s a lady who couldn’t stop coughing.) Arrived at noon, we were asked to give up the seats at 1 (it’s never mentioned over the phone); reservation can defini