吉伊卡哇拉麵

✨今日推薦和介紹一間是以Chiikawa吉伊卡哇做主題的拉麵店，非常高人氣，大家需要透過網上預先預約訂座，因為真係好多人排隊想吃，就算訂座了也要排隊安排入座，今天幸好只需要等候20分鐘。✨️餐廳都好大間內有好多位，沒有用餐時間限制，而且周圍的裝修和佈置都是Chiikawa主角，例如:「兔兔，小八，小白，飛鼠等」超可愛，服務員也好人，就算他們好忙碌也會幫我們與Chiikawa拍照😍氣氛非常好，好像好多Chiikawa公仔們與我們一起吃拉麵😂好開心的感覺💯今次看到好多都是一家人親子帶埋小朋友們來用餐🥳✨️今次我們點選了一碗拉麵小(小八)，另一碗是拉麵大(兔兔)。飲品叫了哈密瓜汽水和黑烏龍茶。拉麵小(小八)的麵底是200克，拉麵大(兔兔)的麵底是300克。我平時自己覺得自己都食得多嘢都差一點吃唔唒一碗300克拉麵，真係好大碗😂我們兩碗都是叫了多菜，多蒜，多豬油，多醬油。結果賣相成座山咁碗拉麵😂好多芽菜，豚肉一塊😆豚肉好厚身，有肥肉也有少需瘦肉，我就中意吃瘦的部份😂肥就讓給朋友吃吧😍不過濃底是香濃的，拉麵也爽口也是粗麵質，有口感可以吃到爽爽聲。拉麵賣相也非常靚，一定要相機先食吧😍✨️可能餐廳知道或預計到大家會食到「爽爽聲」，所以餐廳每人都有派圍裙給大家使用，就不用擔心彈到落件衫度了😍💯✨️餐廳仲有免費送Chiikawa 貼紙給我們取走留念。另外，餐廳也會按大家叫的拉麵給打卡專用小八，小白，兔兔道具，讓我們打卡拍照更靚。不過，今次我們也帶備了兩隻迷你小八公仔陪我們一起吃拉麵🤣真係好吃又好開心既氣氛，中意Chiikawa既Fans不要錯過🥳📍吉伊卡哇拉麵📍亞皆老街8號朗豪坊12樓13號舖…查看更多

近期大熱的 Chiikawa 把動畫內以「郎」拉麵店為原型的店搬到現實中。 「ちいかわﾗｰﾒﾝ 豚」已經登陸在旺角朗豪坊，是品牌在海外的首間分店。想吃的話需要先在 kkday 進行網上預約，暫時不設現場等位。預約時間前15分鐘左右到場再排隊等入座，期間會給下單紙填寫餐點和商品。與日本店一樣，由門面到用餐位置都充滿了可愛的角色元素。除了香港店的樓底比較高和用餐環境更大外，店內的裝飾可以說是如出一轍。連 Chiikawa、小八和兔哥的立體公仔也有，不用特地飛日本都能打卡！我在短時間內已經二刷，頭一次是安排在外側座位區 (非店內空調範圍)。體感偏熱，所以用餐時會因為湯底加乘下愈吃愈熱。第二次坐在店內就明顯舒適得多。作為預約確認，在網上時已預先購買了每人一瓶黑烏龍茶 (HKD 38)。隨後到店可選擇多點兩個飲品，暫時啤酒不能點。點飲品會隨機送一張透明卡 (一共10款)。拉麵份量分三個尺寸 - 迷你(Chiikawa)、小(Hachiware)、大(Usagi)。會根據你點的尺寸送一張相對應的角色貼紙。完全和日本時的體驗一樣﹐店員會根據你點的拉麵給你角色立牌。另外亦會提供帶有標誌的紙圍裙，連紙巾、濕紙巾都有標誌，細節位滿滿。味道的話，湯底感覺比在日本店吃到的淡味一點。還有就是角色形象製作的魚糕吃落比較稔，其他的就差不多，也不至於難吃。…查看更多

Chiikawa 拉麵門口一直都唔少人排隊有日心血來潮 想試吓於是喺OpenRice用訂座功能預約咗即晚食雖然自己都有睇Chiikawa嘅動畫但未去到真心fans嘅階段—-等位期間 職員事先俾我哋寫上準備食咩同飲咩最低消費係一碗拉麵同一個飲品換言之 最低消費係$115（mini拉麵）同埋$38（一支烏龍茶） 夾埋$153個定價唔算平不過一次半次 當係買個打卡機會啦—-一入門口 有個打卡位 Usagi, Chiikawa 同小八化身拉麵師傅左邊有座位可以同佢哋影相影咗兩張相後職員叫我哋食完慢慢影—-每人點完拉麵 職員都會俾一個公仔立牌但佢會強調唔攞得走🤣而個公仔就視乎你叫咗咩拉麵而定Mini係chiikawa 同動畫一樣 我哋要話俾職員知要唔要多蒜多醬油等等成個拉麵除咗多咗公仔樣嘅魚蛋（？）之外平平無奇味道普通加分位在於佢哋嘅飲品係一支支上另外俾個冰杯我哋自己裝—-而朗豪坊儲分，職員話我知「冇㗎喎 不過你可以自己試吓」好彩 我冇嫌麻煩自己上app度整🙄好老實講 我唔會再嚟第二次除非係想再嚟影吓相…查看更多

放工同朋友癲咗上去朗豪坊12樓呢間Chiikawa拉麵店門面已經俾啲得意公仔吸住咗👀～入到去光猛得嚟又唔會太嘈坐低望住窗邊旺角街景幾有種逃離鬧市嘅感覺叫咗個迷你拉麵set個湯底飲第一啖就知有驚喜✨豚骨湯夠濃又唔會太鹹掛係幼身拉麵上面啱啱好叉燒薄切但係慢煮過入口即化嘅感覺真係冇得輸～雖然係迷你版但女仔食都夠飽$115喺朗豪坊來講算合理加埋野飲就少貴如果同我一樣鍾意chiikawa嘅朋友，呢度值得黎…查看更多

由佢一開舖已經想約人去嘅餐廳，奈何真係太多人，同埋可以book期嘅range太短，最後拖到依家。終於齊人可以一次過食晒所有size啦😆去到門口，有人遲到== 點知店員容許我地企隔離等，唔怕我地阻埞，唔洗重新排隊，好感動🥲一行4人，large，small，mini 加埋期間限定款一次過叫晒😁normal款係普通嘅叉燒ramen，限定款係明太子ramen。去得主題拉麵，唔會預想佢味道會有幾高層次，食得落就算係咁，有二郎系拉麵嘅特色，可以添加醬油，蒜，芽菜同豬油。我碗限定無份玩=3=d麵話都無咁快就黎到，large真係好大碗，可以放係頭頂幫助剪冬菇頭，每碗麵都有唔同角色嘅魚片，同埋角色立牌比你影相。餐廳唔同位置都有打卡位，海報啊，等身大公仔，連坐嘅位置唔同，對住嘅公仔都有分別，誠意一流。我無睇動畫嘅，爲打卡而食，但係點解我碗麵係明太子加鹹菜🫠🫠，我最愛嘅粟米係邊……我成餐飯係度悲鳴……仲要隔離條友仔跣我，話有甜醬油，我即刻落左幾圈，一食，Oh！No！鹹到有腎病😒巨多嘅芽菜，仲要又粗又長，我好滿足，麵嘅份量都好多，成200g嘅粗麵，我當晚食到唔消化，胃仔唔舒服🤢湯身比較油，唔建議麵加湯一齊食，好彩有d椰菜食下，中和油膩感，叉燒都係厚身嘅，肥瘦層次分明。所有碗碟杯，紙巾圍裙全部有公仔，好似自己都入左佢地世界咁😆😆想要擁有佢地嘅話，可以買埋products添預約個陣俾左錢有支茶飲下（唔苦，比埋冰你可以整凍茶飲），可以帶走埋做紀念，都算係咁啦。…查看更多