合發茶餐廳

營業中

休息中

茶記速寫III🌌下午茶做到夜晚七點半? 原來是專做早午市的茶記。 黃昏六點, 由油麻地一路走到旺角, 合發彷如沙漠綠州, 終於找到營業中的黃店醫肚點了揚州炒飯及炒貴刁(星州炒米?)炒作偏濕身, 鑊氣欠奉, 但調味十足, 滿口咖喱黃。炒飯用生菜入饌, 頗有新鮮感, 可惜除了生菜外, 叉燒粒、雞蛋、蝦球, 兩碟用料一模一樣(貴刁用洋蔥)

近期展開了常餐馬拉松，開始發掘一下其他地區還有什麼好吃的茶餐廳，這次先去旺角。全日特餐  $48全日特餐裡面有仿鮑片番茄麵、火腿奄列及牛油方包～這裏的蕃茄湯底相對清，並非蕃茄多到湯底變稠的程度但依然有濃郁蕃茄味，蕃茄頗有咬口，麵是普普通通，反而是火腿奄列值得加分，火腿料多，蛋味香又香，鹹香味滿滿，至於方包依然很軟很香，裡面的牛油毫不吝嗇，喜歡傳統茶餐廳風味的就要來試試吧。

一早要去見客，諗住食返到醒晨早餐先去。找到沿途會經過這間💛店，終於可以去試下～8點幾已經要等左一陣先有位。細細間既麻甩茶餐廳，梗係食沙爹牛面啦😂 夠香夠味，唔鞋，好食😋跟餐係可以選牛油餐包，唔係一味既牛油方包，正呀。個蛋油左少少，但都ok。件牛餐肉有厚度，唔太薄，算係咁。茶餐廳就試下叫茶走。幾順好香～仍在抗疫時間不可以全部枱都坐人，所以要等位。但冇所謂啦，一陣啫。幫下💛小店就不錯了～ 希望下次有機會再黎想試埋個lunch ~

今日就黎到旺角- 合發茶餐廳, 一黎到第一眼一定比店內嘅壁畫吸引，壁畫紀錄著運動嘅點滴，身為香港人一定要支持💪🏻💪🏻野食方面，一貫茶餐廳作風，選擇非常多，我地就叫左個全日特餐同快餐黎試下😋快餐揀左椒鹽豬扒飯🐷，佢唔似一般椒鹽豬扒，呢到會無咁乾身，但味道一d都唔差，非常惹味，花椒十足，豬扒又夠鬆軟🤤，真心唔錯👍🏻全日特餐就要左香煎雞扒米粉，跟餐仲有火腿奄列同牛油方包，方包烘底夠哂脆口，火腿奄列火喉岩岩好蛋夠滑，重點係個雞扒大大塊仲要肉汁鮮嫩，值得推介😍😍不過我地叫左番茄濃湯就好似同米粉唔太夾，下次都係轉公仔麵比較好😂😂😂野飲方面奶茶都唔差，就算我地飲開走甜都唔會太澀，唔錯😋😋總括黎講係價廉物美，份量十足，味道都比一般茶餐廳為好，抵食😊😊 仲要係良心小店，我只可以講又多間飯堂啦🤣🤣🤣

去開旺角，襯未到放飯時間冇咁夠人，拿拿聲入去食個飯先叫左個菠蘿雞粒炒飯同一個雞扒蕃茄湯米粉拼奄烈上菜速度好快，食落去鑊氣夠，飯粒粒分明雞扒炸得幾酥脆，裏面有肉汁湯底蕃茄味唔太濃，有少少甜味 襯米粉唔錯

一早起身想食個靚早餐先，所以就去咗合發茶餐廳🤣上Openrice見到有人食過芝士西多士，覺得好似幾特別咁，之前都冇見過，所以決定叫一份嚟試下🤪• • • • •🧚🏻‍♀️芝士西多士🧚🏻 [$33]芝士西多士可以單叫/跟餐，切開見到佢都幾多芝士，有成層喺度，仲有切開嗰陣會有少少拉絲咁🧀同埋佢都幾大塊芝士，唔會話食到邊邊位就冇，好足料👍🏻重口味嘅我平時最驚就係唔夠牛油，但哩間有一大塊牛油😆加埋糖漿全部夾埋一齊食真係幾好味，係邪惡之選😈• • • • •總括嚟講都算唔錯，落單出餐都好快，由落單到食完成個早餐食埋15-20分鐘左右，啱哂趕返工嘅人👍🏻鋪頭嘅牆仲有好靚嘅畫，同埋兩隻好得意嘅貓仔😽😽• • • • •📝餐牌：

一直都想黎呢度食嘢，但未搵到機會，只係ig睇畫家嘅作品。終於有機會黎到，可以睇下真壁畫啦。仲係疫情時期，有限聚令下午茶時間都係多選擇，正！一般cafe用黑板茶餐廳用玻璃板，用黎當餐，又容易改，又方便。依家好多都係畫畫嘅用途，呢幅係好靚，勁仔細，只有黑色筆，平面板上卻能畫出動態。當時限聚令同唔能夠過一半食客措施由於下一站仲要去一個地方，先放底食物再返黎，影唔到食物原貌。沙嗲牛肉麵，32元，牛肉好得，味上哂，同平時好唔同食嘅特別濃。仲可以有兩個餸，我揀左午餐肉同魚片，魚片夠彈，都ok（菜係自己煮，別誤會）。咸魚雞粒炒飯，47元。（原本係好多，只係家人食先）炒得粒粒分明，又夠哂香。係呢度有間有水準嘅茶餐廳，正！服務亦都好好👍🏻其實我咁耐以黎，所有相都係我親自影！如果唔係，我會講明，謝謝

早前因為店內壁畫而紅極一時既合發茶餐廳 我從未都見過茶餐廳係可以排長長隊去食宜家因為疫情影響同埋壁畫熱潮悄悄減退 所以唔洗等位就可以黎懲罰呢間茶餐廳唔食野整係睇壁畫已經值回票價 壁畫真係令人嘆為觀止 食緊飯既時候都忍唔住要不斷欣賞講返食物先 今次我叫左全日特餐 香煎雞扒公仔麵配方包火腿奄列本身以為只係普通香煎雞扒 點知係酥炸雞扒 我都幾驚喜雞扒炸得外脆內嫩 其實已經超乎茶餐廳質素 喜出望外公仔麵仲可以揀蕃茄濃湯或忌廉湯合發除左常餐 仲有提供其他小炒 下次一定要黎試下同場加映最後兩張文宣圖

香港嘅茶餐廳點樣先突出，我估你都知答案，就係飲吓佢杯奶茶就知道。依間茶餐廳嘅奶茶可以話茶靚同厚味，依間就係位於旺角嘅合發茶餐廳。因為疫情關係，感到依間茶餐廳好寬闊。入正題先，今次叫咗個常餐，常餐喺一間茶記嚟講係重中之重。介紹吓個常餐有咩先：叉燒湯意粉評分：🌟🌟🌟🌟佢哋揀嘅叉燒唔柴又唔肥，係幾好食，而湯意粉就一般茶記貨色。奄列配牛油方包評分：🌟🌟🌟🌟以茶記標準都算幾出色，傳統茶記味道。飲品：茶走評分：🌟🌟🌟🌟茶靚濃厚再加埋鍊奶嘅滑溜，成杯奶茶都好高質。

嚟得合發食嘢嘅，除咗附近工作或居住嘅人之外，我相信九成都係好似我呢啲專程嚟朝聖嘅 “掃黃人士”。朝咩聖？咪就係餐廳入面嘅壁畫囉，真心靚到癲😍。講返食物本身，我好鍾意下午茶時間有得叫早餐嘅食肆，呢度就係其中一間。我叫嘅餐有沙爹牛肉麵，牛油方包，雞翼，午餐肉同飲品，個麵轉埋出前一丁，加埋都只不過係三十零蚊，超級抵食。成個餐最好食嘅係隻雞翼，佢唔係普通煎雞翼，居然係蒜蓉炸雞翼，非常香口😋；另外沙嗲牛肉麵都唔錯，個沙嗲汁香濃微辣唔會死鹹，撈麵食一流，如果多啲就更加正；值得一提，塊午餐肉係正常厚度，好難得，如果你喺其他茶餐廳食過甚考廚師刀功嘅 “燈影午餐肉”後，你應該會明白我嘅感受😂。食食下，忽然聽見廚房傳來廚師超級投入嘅歌聲：當潮流愛新鮮......當旁人愛標籤......估唔到又唱得唔錯喎😆。跟住嗰幾日，我個腦入面就成日 loop 住呢首歌......

今朝去旺角區食早餐，行經呢間野比佢懷舊既門面吸引左，入黎試一試先💪🏻💪🏻因為要食個飽肚既早餐，所以果斷叫份常餐算😂😂😂叫左香煎豬扒公仔麵$42套餐包埋火腿奄列、牛油方包，香煎豬扒好厚好大塊，肉汁鮮嫩火腿奄列火腿料多，蛋味香方包好鬆軟，入面牛油大大舊，好食而最令人驚喜係當中既番茄濃湯，番茄🍅味好濃，落足料，加埋公仔麵，一流，推介大家去食🥰🥰🥰😍😍😍整體黎講，質素幾好，睇得又食得💪🏻💪🏻

上次評分有四星⭐️(五星滿分)，今次無辦法再拎到四粒星了，都已經有個幾月無食過合發啦，因為上次食過好味，加上平靚正，所以今次夾到時間就想食，食合發真係要夾時間，因為佢7點關門，唔係放假未必食到。今次去男朋友叫左個薑蔥鯇魚飯，而我就打算同上次一樣，打算食一個雪菜肉絲米加一個沙嗲牛肉三文治，點知佢地話呢家已經無得揀沙嗲牛肉搭雪菜米，幾經考慮之後，就揀左沙嗲牛肉麵加雞翼同炒蛋，諗住到時都一樣可以夾啲沙嗲牛同炒蛋做沙嗲牛肉蛋包啦。等左一陣，男友的薑蔥鯇魚到了，佢個個鯇魚係炸的，仲係超熱辣辣，相信係啱啱炸起，個汁都調配得好好味，惹味得來又唔會太over，不過男朋友其實expect係蒸魚。而我個個沙嗲牛肉麵餐就到了，沙嗲牛肉一樣好食，麵質淥得啱啱好，好彈牙，麵有啲似出前一丁，但我唔肯定，之後就上雞翼和炒蛋(唔好意思，我係有影相，但張想我原來郁左，無留意到)，佢今次無左件牛油多士，我唔知係比漏左我定係呢家真係改左無啦，所以我都無去問，結果我就食唔到沙嗲牛肉包啦，有種唔係太滿足的感覺，如果真係無多士，下次再幫襯或者試其他嘢啦。以下評分以5⭐️為滿分推介⭐️⭐️⭐️

依間舖好早期已經講明不招待警察💛-#沙嗲牛肉麵 (下午茶 $32)沙嗲汁都幾濃味 牛肉都淋 不過份量偏少而個麵就煮到比較硬身 幾啱小編胃口除咗個麵仲可以揀2款配菜小編就揀咗最普通嘅火腿煎蛋 煎蛋仲係流心🥰而個牛油方包就幾令人失望 牛油得好少而且個包好油 又細個 幾啖就冇咗評分:6/10-合發茶餐廳 旺角廣東道981號地下#SeeFoodGhost#SeeFoodGhost旺角#SeeFoodGhost港式#SFG黃店💛

數黃店，「龍門」、「渣哥」當然最廣為人知，其實，這間極度深黃的「合發茶餐廳」也不乏捧場客。單看它在店門玻璃上張貼的一張寫著「由即日起本店不招待警務人員直至另行通知敬請見諒」字句的紙張與餐廳內兩面牆壁上的繪畫著的巨型橫幅漫畫，便足以令二百萬不願虛作無聲的香港人前往捧場，大力地懲罸它了。這天兩夫妻一早來到，吃個「醒神早餐」。我吃的是「五香肉丁湯意 + 魚片 + 雞中翼 + 提子麥包 + 凍奶茶 」（$35），她吃的則是「榨菜肉絲湯米 + 煎蛋 + 芝士腸 + 餐包 + 凍檸茶」（$35）。這裡的早餐味道一般，無甚特別，較特別的是除了雞蛋、午餐肉、火腿、腸仔等外，竟有魚片可做配料，而且餐包竟也有普通餐包和麥包兩款，由餐廳隨意分派。此外，早餐粉麵的份量也十分之多，以這茶餐廳所收的價錢，都算相當抵食。這間極度深黃的茶餐廳，就算早餐味道不怎麼樣，怎能不去狠狠地懲罸它？店舖名稱：合發茶餐廳 店舖地址：旺角廣東道981號地下 美味度：50/100

今日中午去試，叫左蕃茄湯底豬排米+火腿蛋 奄列+奶油方包+凍檸茶，首先蕃茄湯底~應該喺蕃茄糖水湯底啱d，米粉~硬到冇朋友，腿蛋奄列尚可(如 e 樣都吾掂，摺左去好過)，檸茶冇茶味，唯一可取招呼比一般茶記好，都吾會再去