合時小廚 (裝修中)

晚市訂位去到下年3月據聞午市好似容易啲訂！好足料嘅蝦多士，每粒都脹卜卜 脆卜卜用上新鮮雞，秘製豉油汁是精髓！市面上好多copy cat呢個係始組- 焗豬扒飯 + 脆邊荷包蛋10/10 💯 this was the bomb!!!!!! 💣腸粉沾上全部精華，非常香口惹味！究竟咩係千層咕嚕肉呢？原來外層係加上煙肉～幾特別The overall experience was great! I miss the baked pork chop rice already 🥲

很久沒跟好友飯聚了適逢陳大盜的生日當然要出來賀一賀佢啦！主角好老婆訂到一位難求的飯店吃午餐，我有幸掹衫尾一嚐這米芝蓮推介的美食。我們要到的是位於西灣河開業十多年的街坊小菜館合時小廚，近兩年也榮獲米芝蓮指南香港必比登推介，菜館門面小小的毫不顯眼內裡地方亦頗為狹逼，樓上樓下加起來也不多於十張檯，儘管如此晚飯訂座非常之滿可說是一位難求啊！主角夫婦被電話拖累要晚一點才到，一眾為食友點來兩客小食吃著等！先上檯有椒鹽鮮魷＄148，外層脆漿炸得香脆不油膩鮮魷口感煙韌富鮮味好吃。但我更愛這外脆內嫩的黃金脆豆腐粒＄50，面頭灑上甘香肉鬆連同熱騰騰的脆豆腐粒吃真的很難停嘴啊！先嚐了兩口甜頭的我對接下來的菜式更為期待。終於人齊了首上檯的是份量十足的菜膽杏汁燉豬肺湯＄730/窩，很多人也知我不杏的但這兒的杏汁味道不像杏霜我可以接受。如果您喜歡有口感的湯這個必定合口味皆因內裡有粒粒的杏仁碎，湯頭鮮香味確甜美配上弄得乾淨的滋補豬肺和淋甜的菜膽很易滿足。頭盤是口水雲吞伴皮蛋＄138，雲吞賣相飽滿吃下外皮滑捋捋餡料豐腴，皮蛋沒太重餲味亦不是溏心的口感，配上香濃不辣的涼拌汁味道也算不俗！然後是韭菜花銀魚小炒皇＄150，

很多年前經過這餐廳，有人曾說他們的食物是不錯的，看看門面沒有什麼特別，另外，他們訂價頗貴於是沒有進去。其後看到四方八面的介紹，決定一試，聽聞他們每星期五六日都爆滿，於是我預早個半月訂星期二的7pm的一個晚上。他們在10日前致電給我，當時我應覺得有點奇怪，其後早三日又致電一次，早兩日又致電一次，原來他們想我改6:30pm到！我問侍應為何是這樣安排因為最初定位時他們說平日不需要分兩個時段來的，為何現在要我這麼早去到？因為大家都要返工未必按他們的要求做到。安排有點混亂原來他們是日overbook枱，我甚至覺得有點煩躁因為沒有一間餐廳就訂位致電客人三次的😩。當晚用膳的時間實在太短，只有一小時，食的時候太急速，埋單時我發現只有我們的一枱要8:00pm完成，其他的枱可能是熟客都沒有這情況出現，這令我非常不滿的地方因為覺得不公平！另外，未能細味他們的菜式是有點可惜的。我已3日前預訂了他們的雞油花雕蒸馬友、茶熏雞，原本想點玫瑰露大蝦但要8人才起菜所以设有叫。再加合時小炒及海鮮雜菜煲。雞油花雕蒸馬友-我們那條馬友大約13兩， 其實我想要一條大約10兩重的馬友便夠了，但當日未能安排到。花雕不是太濃烈，淡淡

18:30 點外賣，話19:15攞得。19:10去到問，話差一點就ok。結果在外面等多15分鐘，入去問阿姐話不如我看付款，然後阿姐話找不到我張單。再等多10分鐘，話事的出來跟我說唔好意思漏左你張單，而家再整俾你。再過15分鐘先有野俾我。此店已Blacklist , 以後不會幫趁，還有我帶回家的外賣也不好吃，趕時間起貨咕嚕肉是冇味的！如果客人太多做唔切可以唔接外賣，但接左單又漏單，重要hea完我再等一輪，要我再check 先知漏單，荒謬絕倫！

話說網上見到哩你間野好難book，提早一個星期打去問，話得中午時間有空擋，叫埋四騎士出來試試佢。店內環境唔大，米芝蓮推介掛當眼處杏汁豬肺湯，杏汁食得出粉，慳系杏粉，豬肺洗得好乾淨，煲得好琳，唔抗拒內臟值得一飲茶香煙燻雞，食得出濃郁嘅茶味，醬油味都好出，雞肉嫩滑，好味雞油花雕火腿蒸馬友，馬友鹹香，加上花雕更減淡鹹味，火腿突出香味，唔錯生炒糯米飯，返粒粒分明，口感清爽唔黐牙，突顯師傅功架功夫菜薑蔥蜆介牛肉，嫩頭抽三蔥魚球人均388，價錢唔平，不過真係值得再食

住左係西灣河十幾年成日都聽人講過依一間小廚不過一直都無緣去試試今次有朋友話要話有間西灣河既小廚要早成個月book 枱我心諗咁誇張？！一如試試佢我哋一台4個人 叫左3個餸 加一個湯1 茶薰雞係佢其中一個出名既名菜黎雖然隻雞有小小細隻同瘦不過味道方面 佢d味又真係薰灑入d皮同肉到 味道幾特別同特色2 杏汁豬肺湯我本身唔太鐘意杏汁既 不過知道依個豬肺湯要好多手工去整除左係依到 我係陸羽都試過依個湯好幾次佢杏汁味唔係好濃 無蓋過個湯既味鐘意豬肺湯既朋友 可以一試3 千層咕嚕肉有驚喜！！！佢將d豬肉切到好薄之後卷成一卷再去做咕嚕肉 口感方面好特別個汁亦都教得幾好4 金銀蛋浸時蔬正路野 菜一碟 味道ok5 椰汁西米露送既甜糖水 以送既糖水質素來講算係非常之好

5月尾訂位，7月中先有得食，仲要喺食6點鐘（頭段）期待已久的餐廳，不多不少都會懷著很高期望。臨出發前幾日，已經預先預訂半隻炸子雞。當日一收工已經飛奔出發去到西灣河。門面像是一間普通的茶餐廳，沒什麼特別的裝潢。開門見到5至6張檯，大約容納廿五人左右。他還有上層，但今次安排我倆坐門口檯，可能只有熟客或人多才能坐對面和上一層。很快點了千層咕嚕肉，已訂的炸子雞，蝦多士，還有菜。問侍應叔叔有甚麼菜當造，他說通菜，那我們點了椒絲腐乳通菜。不需十分鐘，蝦多士已經上檯外型超巨大，有別於一般的蝦多士咬落外層鬆脆，內裡彈牙，全部都是蝦肉。驟眼望落去根本找不到多士在那裡🤣🤣🤣突然聽到侍應的對講機傳出:雞賣哂！乳鴿剩低三隻！嘩！六點半已經無晒雞，心中不禁暗暗自喜，幸好一早預訂。從沒有想過點乳鴿，一聽到對講機提起乳鴿，即興點了一隻。接著炸子雞，咕嚕肉，乳鴿都陸續上檯了。由入門口到有得食都只不過15分鐘。炸子雞皮薄但脆，肉質偏嚡口，可能沒太多油脂，本身隻雞唔肥，坦白說有點失望。咕嚕肉不是街外常用的排骨或肉粒，口感很特別，咬下去明顯有一層東西包住咕嚕肉，不將炸物般厚，只是薄薄一層，帶點脆口。內裡的不是一舊肉粒，而像

合時小廚的米芝連加持, 的確為西灣河增添很多的星味, 從前訂位大約只需一星期, 現在要等三個月才有位, 比起很多二三星食肆更搶手. 幸好屋企搭船再行五分鐘就到, 外賣拿回家也能保持熱度和口感.本想點其最近大熱的焗豬扒飯, 但最少要六人份, 我們吃不了. 於是點了千層咕嚕肉, 蝦多士及口水雞. 千層咕嚕肉並不非用排骨或梅頭肉炸起, 而是將豬腩肉捲起, 內裡口感更為鬆化, 層次更分明. 炸皮夠薄夠脆, 醬汁先酸後甜, 味道和被加持前沒有分別.蝦多士一件五十八元, 可以媲美酒店星級粵菜餐廳, 但其份量比一般的巨型, 外表的四方麵包但內裡被掏空, 蝦膠蝦肉多得像要爆開一樣, 鮮味而且十分滿足, 炸得同樣香脆又沒有任何油膉味. 口水雞雞肉新鮮, 皮滑肉嫩, 麻辣醬汁比川菜的更麻更香, 辣度則較柔和, 吃完將醬汁留下來, 用作拌麵更為OK.

找到一位懂搵食嘅老友，提議呢一間屹立至今已經13年，唔預早訂位都無機會食到嘅隱世小廚🤤，上年首獲🎖米芝連必比登推介，期待萬分。老闆娘親自出馬打點，落心落力，照顧每一枱顧客，大家都食得好開心又滿足😎———————————————————————————🍽極品茶皇雞🐔💬煙燻嘅氣味相當濃烈亦持久，入口完全刺激到口腔同味蕾，雞肉嫩皮香口，就連雞骨都充斥住煙燻香味，仲有雞腎雞肝，超級推介🤌🏻.🍽韮菜花銀魚小炒王💬每一間小館都有自家嘅拿手小菜，小炒王絕對可以睇到主廚嘅功架。韮菜花、腰果、銀魚仔、大蝦乾、土魷魚🦑，伴入幼細薑絲，鑊氣強勁，味道十足，可以清碟喇😅.🍽時菜豆腐炆龍躉頭腩🍲🐟💬老闆娘強烈建議，結果當然係掂啦！龍躉油泡過再入砂鍋炆，加入蒜頭🧄、豆腐、小唐菜🥬、冬菇🍄，夠火候又鮮味，熱辣辣正呀🤤

前菜滷水墨魚配豆腐，滷水汁好出色，醒神開胃香煎蓮藕餅，熱辣辣新鮮煎起，香口有口感原個冬瓜盅湯，好足料，清甜開胃花雕雞油蒸馬友，淡淡花雕香味配上嫩滑馬友魚肉，超超超級超荼皇雞，雞肉嫩滑，有淡淡茶葉香味，配上自家製秘製醬油，超好食黃金蝦，惹味出色豆漿浸芥菜煲，簡單又好味焗豬扒飯，招牌菜之一，朋友以為我講笑，但呢個招牌菜真係冇得頂，芝士蕃茄汁同豬扒都無得彈再配隻燶邊蛋，正相宜嘅價錢，出色嘅烹調方式，低調嘅大廚權哥功力深厚，真係高手在民間，好期待下次再光臨試吓佢其他特別菜式

聞名已久，幾經艱苦，經過幾個月時間，才可以訂到兩個位， 由1800-1930 ，食得都算趕！入到店內，地方不大，怪不得，一枱難求Menu菜式不算多....點叫茶香雞，外貌吸引，一口咬落去，驚為天人，肉質鮮嫩，幼滑可口，陣陣茶香，附上的自制豉油，點食提昇鷄的鮮味，屬於近幾年的佳作👍👍👍魚雲啫煲 ，火候十足，走油恰到好處，不油膩，外層既薄又香脆，內層肉滑，而且魚雲頗厚肉，送飯送酒一流招牌蝦多士 - 份量不小，炸漿嫌畧厚，有小小肥膩，但仍然香口，蝦肉爽口鮮甜，好味送甜品，椰香芋頭西米露…實在的味道此店，每味菜式都用心去做，不馬虎！確係難得！值得推薦！

今日同同事黎試下新既餐廳， 同事話係米芝蓮餐廳，入到去有d似醉瓊樓， 連d送都好似。我地3個人叫左1個2人餐同口水雞。2人餐－蕃茄豬扒飯：碟飯好大碟， 我地3個人都食唔晒， d茄汁有d似港式西餐既蕃茄汁。豬扒冧但又唔會太多軟， 份量十足。2人餐－腐竹白菜：里面有d雞脾菇，好香，應該係預先處理過。腐竹索d湯汁。口水雞：味道合到好處， 雞肉滑嫩， 麻辣味都唔會好霸道。好想再試焗豬扒飯， 但要最少6個人先可以叫， 睇黎要再等下。

母親大人牛一，老、中、青、幼返齊嚟，四代同堂，熱熱鬧鬧幫佢慶生🤩🎂，由於家母年事已高，行動不便，我哋就喺「合時小廚」買外賣開餐呢間位於西灣河，開業 13 年嘅街坊小菜館，向有口碑，經常有人排隊等位。最近重喺《米芝蓮指南香港澳門 2020》首度入選必比登推介好多菜式菜單無，客人點先會做呢度嘅招牌菜式，聽講係用香港新鮮農場雞整嘅。雞肉幾嫩滑，有雞味用唔同茶葉煙燻，色澤均勻，雞皮爽口無肥膏，食落煙燻味好重，不過，食多會覺得喉嚨有啲乾涸！一般，牛肉ok，但芥蘭賣相，實際就無咁翠綠自點菜式，事關小朋友鍾意食估計唔喺石班肉，粟米汁跟斑塊分開上，個人口味覺得幾好，無咁濃味斑塊炸得鬆脆，夠乾身，但家人就認為炸粉厚咗啲，包住斑塊又薄咗啲，唔多抵食雖然喺素菜，但味道都好濃郁，夠惹味，豆腐索晒啲味頗多腰果，冬菇入味，牛柳亦腍蝦殼勁鹹，蝦肉一般，唔夠爽脆，麻麻地都喺偏鹹，豬扒👌，但家人就話惹味鱿魚食得出喺新鮮，炸得亦鬆脆另一個招牌莱，好足料，飯炒得粒粒分明，似乎臘味多過飯「合時小廚」嘅菜式喺西灣河區算喺賣得比較貴，小菜如紅燒豆腐、頭抽煎豬扒等都要百多蚊一客，炸子雞每隻賣近四百蚊。食物總括嚟講，無錯喺有啲水準，

餐廳今年得到米芝蓮的肯定，再印證了它的實力👍慕名而來，選了餐廳幾道招牌菜試試，非常滿意❤️👉 千層咕嚕肉一咬落去就發覺同平時食得咕嚕肉不一樣，原來師傅係用五花腩捲幾層而炸，外脆內香，再加上配以甜酸汁、菠蘿等，好開胃😍👉 百花炸釀蝦多士🍤炸至金黃的蝦多士非常足料，啖啖的蝦肉，好彈牙，雖然知道好熱氣，但都會忍唔住食😜👉 炸子雞皮脆肉嫩，無得頂👍👍👍

以小炒掛帥而得到米芝蓮必比登的店子, 委實不多, 合時小廚就是其中一家上榜的小店.晚市來到, 相當熱鬧, 是很受街坊歡迎的地方. 這裡環境簡潔, 當然不是那些華麗的裝潢, 但就是恰如其份. 看看餐牌, 就選定幾款招牌, 看看水準如何.千層咕嚕肉 $118: 8.5分, 跟平日吃開的咕嚕肉不一樣, 是把五花腩片捲起而炸, 做成千層的效果. 粉槳份量剛好, 外層很香脆, 個汁的酸甜度較得很匹配, 配上甜椒及菠蘿同吃, 是開胃之選.秘製豉油雞 $195: 8.5分, 至於秘製豉油雞, $195半隻, 是合理的價位. 無論賣相跟味道, 也是很傳統的, 肉質相當嫩滑, 很入味, 用豉油去浸煮, 吃到的, 是心機.粟米石斑塊 $128: 8.5分, 這客粟米石斑塊的格式, 是石斑塊跟粟米汁分開上, 這樣子, 就能夠讓石斑塊上檯時保持最佳的脆度. 石斑塊炸得香脆而不油膩, 配上粟米汁同吃, 就是經典.蒜蓉炒西蘭花 $88: 8分, 當然要吃點菜, 就來客蒜蓉炒西蘭花, 份量十足, 愛吃菜的我, 當然喜歡.必食生炒糯米飯 $145: 8.5分, 單尾就是必食生炒糯米飯, 既然是必食, 也沒有理由不吃的