合利潮州打冷飯店

營業中

休息中

難得親友由英國回來，卻又因為疫情嚴重影響周圍都去唔到，悶左咁多日，都係唔理咁多，出去搵下特式嘢食，搵搵下搵到佐敦廟街有一間潮州打冷老店。出乎意料之外嘅潮味！一行8人，可能疫情關係，晚上唔多人。我哋叫咗：滷水拼盤、韮菜朱紅、水瓜洛（唔係到到有得食㗎，所以放棄蠔餅）、潮式肉卷、欖角蜜味骨、啫啫芥蘭煲、川椒雞。全部推介

佐敦站行過去5分鐘就到，一入到餐廳就覺得好熱鬧，家庭式的感覺點了羊腩煲，湯汁夠濃，越煲越入味，羊腩大大舊，皮厚又夠彈牙，腐竹點埋啲汁同腐乳醬超惹味，仲可以撈飯！滷水拼盤大大碟都係$198，有墨魚、鵝腸、鵝片、豬耳、豬腸、鵝掌、生腸等。全部都勁入味，配埋白醋同辣椒油一流煎蠔餅，蠔仔好足料，又唔會太油唔會太粉，點啲魚露再配啖啤酒，正！🍻但如果週末來的話最好早啲book位，羊腩煲也要提早預訂，因為位置不多。

是日情人節，我又唔想食西餐，日式等，因為大部分時間都食到，咁我就揀左食打冷。餐廳大多數都係家庭成員，兄弟食飯飲酒傾計，幾乎無情侶會黎食。津白味道一般，無乜太大特別。韮菜豬紅，味道一般。第一次食獅魽，唔算好食又唔算難食，不過食完隻手就好腥，下次都係咪搞我！

最近凍凍地成日都心郁郁想食煲仔飯，咁岩最近有位舊戰友生日，又咁岩朋友上網睇到有人推介依間，所以就速成咗依個麻甩飯局嘞！估唔到平日都爆場，主角一早到咗一個人坐四個位，係咁俾待應哥哥問仲有幾耐先人齊，不如讓張枱俾岀面齊人等緊位嘅客食住先，攪到佢wtsapp求救好大壓力！好彩我及時到達，仲快快手落order！豉椒炒大蜆個人好好食蜆，因為鍾情海鮮又唔愛剝殻，所以見到menu有依味時即點，不過個size就有啲落差啦，皆因以為炒「大」蜆啲蜆係會大隻啲，點知唔係，味道普通同好似爭咁啲鑊氣咁，不過勝在無沙同都幾多隻吓。滷水拼盤食打冷一定要嗌嘅滷水野，個人覺得滷水味唔係好夠濃，同埋啲鵝腸望落好dry咁樣，不過墨魚片都爽口，同款式算多連鵝件都有。椒鹽魷魚微微脆，好似唔係炸得好透咁同偏鹹。椒醬肉朋友上網睇到有人推介的，所以叫黎試吓。係碟炸豆腐粒、菜脯粒、豬肉粒、紅椒、青椒等等材料炒埋一碟嘅送酒小食，類似啲小炒皇咁，不過碟野上枱時只係微微温的，我地仲一度以為係涼伴😅煲仔飯都算多款揀，最後諗嚟諗去揀咗兩個。黃鱔煲仔飯、臘腸潤腸雞煲仔飯非常期待嘅煲仔飯，上枱時待應哥哥會幫手落埋豉油之後話再焗多陣，不過唔知係咪因爲

氣溫降至單位數，是時候約局吃煲仔飯。但出名的廟街老牌煲仔飯大排長龍，該怎麼辦？於是，我們便來到這家同樣位於佐敦，沒什麼人知道的潮州打冷店吃煲仔飯，不需要和人逼之餘，也不需要在寒冷天氣下長等。滷水鵝片家中祖藉在潮州，吃潮州菜的年數當然不少，其中必點的一道定是滷水鵝片。一些馳名的滷水鵝店，過節時分賣上幾百隻鵝也不為奇，可見此味相當受港人歡迎。這裡的鵝片份量一般，皮層脂肪就夠，可惜肉質粗糙，味道也不夠香，下次來可不點。炸豬肉卷、普寧豆腐、椒鹽九肚魚炸豬肉卷這味是相當懷舊的，點上酸酸甜甜的桔仔油，便是一道不錯的香口小食。普寧豆腐炸得算好，能保持外酥內嫩，就這樣吃並沒有什麼味道，記住先點一下灑滿韮菜的鹽水。椒鹽九肚魚就很普通，炸得酥脆但細骨多而未化，還是最愛瑪寶鮮酒家吃到的那一碟。煲仔飯 (臘腸雞/臘味/窩蛋牛肉/咸蛋肉餅)全枱十人，一口氣點了四款煲仔飯，讓大家能嘗到不同滋味。個人認為臘味最好吃，因臘味的油流進飯中必定更香，但始終有人會稍嫌油膩。窩蛋牛肉亦表現不錯，牛肉能保持濕潤，反而雞件及咸蛋肉餅就沒什麼特別。煲仔飯是正常份量，飯夠乾身，帶瓦煲焗出來的香，還有適量的飯焦，是個人最欣賞之處。胡椒

合利位於佐敦的一間潮州餐館，係門口見到一個一個煲係度，又見到個師傅好專業咁燒個煲仔飯，好似幾好味，咁就入咗去了⋯⋯煲仔飯，$70蚊，算貴，以為有水準，冇所謂啦！煲仔飯一來到熱辣辣，師傅仲幫手加豉油，服務好貼心喔！豉油好黒，好濃，都幾好味。煲仔飯小飯焦，而飯痴住個煲仔甩唔到喔⋯⋯煲仔飯技術一般，小小伏。推介指數：5/10排骨，唔差掂，雪藏排骨，味道差，肉感冇，一 Pat Pat......推介指數：4/10臘腸，不太油，有臘腸香，唔太硬，好味。推介指數：7/10韭菜豬紅，韭菜太淋，豬紅冇味，真係一般般。推介指數：6/10

一家人聚餐時間又到了。回想小時候楼下有間潮州舖，今日心血來潮想回味一番，於是到合利一試。胡椒豬肚湯60元，因胡椒味濃， 所以稍辣， 豬肚不太林， 鹹菜冇乜味。鹵水拼盤(小)138元。 有豬肚、紅腸、肥肉、墨魚生腸、芽菜等。味道一般。鹹菜門鱔 65元。鹹菜己冇味，唯獨是鱔魚吸了鹹菜味，吃落鹹鹹地。蜆仔肉40元。叫了白粥送蜆仔肉，一流。豉汁蒸魚雲98元。 魚雲大大件， 好多肉 豉汁味ok。但始終找不到小時候的味道。

經過朋友介紹，真的愛上左合利！原因好簡單，位置就腳，又平又好食！其實今次已經係呢個月第4次去食，哈哈！有d over ! 不過同大家推薦佢地既蠔餅，真係一試難忘！薄到好似脆餅咁，又鬆化，中間d蠔仔又大大粒！除左蠔餅，其實野都一定唔會令你失望！韮菜豬紅，好有以前大排檔既風味！豬紅易夾，但唔會散，好香白胡椒味，真心推薦之二！另外，我覺得都有驚喜既係魚香茄子煲！「不過無影相」合利廚師，確實係超班人馬！打冷鋪煮小菜，都獲氣十足，絕不馬虎。最重要係一d都唔油（至少我見唔到，我知茄子唔夠油又唔好食既！）仲有個碟，椒醬肉拼蜆仔肉！我係第一次食到咁迷你既蜆仔，唔好以為無味，咸鮮味仲好足架！呢4樣菜再加細窩蠔仔粥，一枝啤酒，兩枝汽水，兩碗白飯，埋單都只係$360有找！都唔知可以係邊到揾到！

要去佐敦辦事，所以要去佐敦找吃的啦。渡船街都是雞煲串燒酒家為主，今天不太想吃，最後轉入廟街近尖沙咀一帶找。轉了入小街，頓時跟繁華的佐敦道隔開。平日夜裡的這邊佐敦，人不多而且也是摟著大衣急急而行。一陣人聲傳進耳中，燈火通明的合利打冷十分多客，增加了興趣，再見玻璃窗上掛著橙橙紅紅的打冷鹵水墨魚紅腸，和放了出路邊火光紅紅地煮的煲仔飯，實在十分吸引餓腸淥淥的我們。人太多要搭臺，對面是衣著光鮮的老夫婦。旁邊的大枱是粗口橫飛的中年男人，是典型的打冷店格局。對著滿牆餸名，實在有點不知所措。先點一個豬紅韮菜吧。豬紅韮菜有油份在汁料中，令到味道提升了很多，下欄菜式卻煮得很好味。而且豬紅也沒有散開，十分完整，值得試。蠔餅是非典型蠔餅，像薄餅多點。麵粉很薄，十分脆口，蠔仔則集中在薄餅面上，看到所有蠔仔的份量。這個創新做法別有一番風味，味道和口感還不錯呢！最後來的臘腸排骨煲仔飯，焗了一會才打開，一陣豆豉香一湧而出，很久沒吃煲仔飯，不記得有豉汁是否正常，但看見那豆豉汁閃閃地灑在排骨上，實在十分吸引，排骨也帶點肥，令飯更香口。飯焦又超多，要彈的就只有是臘腸有點過鹹。再加支可樂配煲仔飯，埋單二人$160，十分抵吃。

天氣咁凍最後當然係打邊邊啦，唔打邊邊的第二個選擇就係煲仔飯喇下晝約左朋友去TEA 一 TEA，跟住DINNER就會合埋第二個朋友三人行喇三個人一起去吃煲仔飯三個人叫了兩個煲仔飯豉汁排骨飯~~~好香的飯香呀！加入好好味的豉油，簡直可以錦上添花！正呀潤腸雞雞煲仔飯~~~雞雞好滑滑，配上潤腸好好味，再加上少少的飯焦，NICE兩個飯當然唔夠啦！仲叫左兩個小菜添咕嚕肉~~~味道唔錯但唔夠脆，菠蘿好好味水瓜洛~~~好好味，入面有蝦蝦，花生同水瓜，雖然都煎得好好味，但我都覺得我爺爺做的係最好吃的LEE度會的好處係煲仔飯好味之如，地方都算乾淨下次食應該又要等再凍了

經常會路過合利，並注意到前去用餐的客人總是絡繹不絕。當晚肚子不餓，只想嚐一點湯和蔬菜，對於到哪裡用餐，真是毫無頭緒。在佐敦街頭四處走，又再一次經過合利了，於是便隨緣一試。從合利掛滿潮州打冷食材的櫥窗，得知合利提供潮州菜，但從餐牌中亦可找到各式廣東小菜，與及門口烹調的煲仔飯，合利算是一家綜合的食肆吧！當晚合利也是非常熱鬧，不單經常坐無虛席，不時亦有食客輪候。幸好合利的流轉速度頗快，加上不同食客又可拼檯一起坐，所以一般不用等候太長時間。當晚全由老公發辦，首先是我喜歡的韮菜豬紅。豬紅面層灑上胡椒粉，醬汁呈淡灰色調，質感稀薄。入口只帶淡淡的鹹味，與平日韮菜豬紅既濃稠又惹味的醬汁，有著大大的距離。豬紅軟彈，口感還好，只是因為醬汁的緣故，因而不帶有任何的味道。想不到合利的辣椒油，香氣與辣度十足，正好為淡淡的韮菜豬紅添上點點惹味。沙茶牛肉炒芥蘭是潮州人的家常菜，沙茶醬是這道菜的關鍵醬料。其實沙茶牛肉炒芥蘭，炒得不差，可是完全沒有沙茶醬的韻調，而鹹鹹甜甜的味兒只是一般芥蘭炒牛肉的味道，似乎失去了潮州的風格。牛肉沒有被鬆肉粉過份醃製，還保留了點點嚼感。所選用的芥蘭苗，爽勁沒有粗芥蘭那般討好。老公特別選了

朋友介紹話呢間打冷好，又唔駛等位，所以去左食，又都真係唔駛等位......叫左1) 凍大眼雞一條一啲都唔腥，好好味，仲好大條2) 潮洲滷水拼盤一碟(大)3) 蠔仔粥一窩勁多肥美蠔仔4) 煎蠔餅5) 乳鴿即叫即炸，又多肉又唔肥脷6) 啫啫菜心好惹味可惜掛住食，影完一幅就唔記得左影相...非常值得再去﹗

今晚約左朋友去街食飯，突然間想起好耐無食潮州打冷，一於再去幫襯合利先得。三個人叫乜餸好呢……最後決定蒜蓉粉絲蒸勝瓜、京都豬扒、炸蠔餅、西蘭花炒鮮魷。話時話佢哋d潮州凍蟹又真係唔算貴喎！$200都已經好大隻，$300個隻就更加大！喜歡食凍蟹嘅人一定唔會錯過！可惜我最怕食蟹，因為怕麻煩，而且冇心機慢慢食….哈哈我最喜歡就係潮州凍烏頭d肉，食落去好有咬口，而且重要有黃油添！GOOD我見到間舖頭好多人都叫炸蠔餅，唔使講一定係招牌菜啦……哈哈淨係睇e碟豉椒炒蜆個賣相就已經相當吸引啦…….哈哈個京都豬扒嘅汁就已經可以送成碗飯啦…..哈哈碟蒜蓉粉絲蒸勝瓜相當翠綠，e碟係個朋友點嘅！西蘭花炒鮮魷一定要記得點蝦醬食呀…..會相當惹味架！整體黎講e餐飯可以叫做滿足左我對潮州打冷嘅一份回憶啦……哈哈順帶一提，呀老闆坤哥爽朗又熱情，專門介紹你食好嘢！負責打冷嘅太子爺好好人架，我叫佢揀條烏頭比我，佢揀左一條最靚嘅！真係唔話得，有相為証架….哈哈太子夫人絕對係個識飲識食嘅人，記得有一次我叫左豉汁蒸鮑魚，太子夫人佢同我講：你哋今日食d鮑魚都幾靚呀，我今日都食過，不過比你哋大隻好多，成個手掌咁大隻，要用刀叉切開黎食架

"鳳爪排骨煲仔飯" 飯-- 軟硬適中, 好好咬, 一流!飯跟飯焦比例岩岩好~鳳爪+排骨- ok~時下煲仔飯粗製濫造, 難得這間舖做得咁好, 非常值得翻啅!!

有一位住在官涌的朋友推介呢間野，話有潮州風味喎，咁咪試下囉。我地叫左個四寶河餐，有魚蛋、魚餃、魚扎、墨魚丸同豬肉丸，仲有腐乳通菜同檸茶，２５蚊都算係咁啦。佢個湯都算幾香，又有冬菜個ｄ，幾有潮州味。另外仲吃左個牛肉粥。個粥底唔知點解冇乜味，佢個餐牌度大大隻字寫住不加味精，果然講得出做得到。呢度又有粉麵又有小菜，又有江湖人物又有人吸煙，真係乜都有勒。