台食館 (福榮街)

收工餓到肚打鼓，專登躝深水埗搵食，撞入呢間開咗幾年的台灣老字號，未入閘已經俾門口陣陣麻醬香勾住個魂！阿姐熱情招呼，店面光猛乾淨，同一般茶記油淋淋格局完全兩回事。今次專攻麻醬雞絲拌麵加蔥油餅黃金組合——個麻醬調得啱啱好，濃而不漿喉，撈勻每條銀絲麵都掛汁得嚟唔會黐埋一嚿。雞絲真心有驚喜！咬落仲保持到肉汁，唔係一般乾爭爭「柴皮」貨色。最正係灑咗層脆口花生碎同青瓜絲，夾埋食層次即刻爆燈，爽口惹味到食極唔膩！不得不讚個蔥油餅玩咗新花樣，以前圓轆轆一大塊，而家切成靚仔扇形擺碟，即刻高級過茶樓點心！即叫即煎，餅邊煎到金黃透光，咬落「索索聲」脆到耳鳴，蔥花香同油酥味攻陷成個口腔。凍冰冰嗌杯熱奶茶暖胃，茶膽夠厚奶香滑溜，飲完成個人由頭暖到落腳趾尾。今次飽到捧住個肚走，人均都係七草野左右，呢個價錢食到咁正宗台灣風味，仲想點？…查看更多

今日行開鴨寮街搵電子零件，轉角撞正呢間台灣餐廳，見個門口幾乾淨，肚仔又開始打鼓，一於入去會一會佢！點知唔試猶自可，一試直頭有驚喜——個「鐵路排骨便當」 ($58) 真心抵食到爛！塊排骨大過我塊面，仲要係切好條狀，食落唔使儀態盡失～外皮炸到金黃酥脆，咬落「咔嚓」聲，入面啲肉卻keep住juicy，唔會乾爭爭似柴皮。個滷肉飯亦係神還原台灣風味，肉燥肥瘦均勻，醬汁撈飯真係一秒清碟！旁邊嘅酸辣木耳夠哂醒胃，成個set飽到上心口。天氣涼涼哋，加$0轉熱飲夠貼心～杯「鮮檸檬紅玉」茶底甘香，檸檬清新唔澀，飲完成個人都暖笠笠。總括嚟講，呢個價錢喺深水埗食到咁高質台灣便當，性價比爆燈！下次再嚟掃街，肯定encore～（溫馨提示：排骨即叫即炸，趕時間嘅話可能要等幾分鐘，但絕對值得！）…查看更多

初初覺得下午茶就算ok 所以又點了份正餐 （$65一份牛肉撈面冇飲品）但收到之後整個人O嗮嘴 以為下午茶少很正常 但正餐外賣少過下午茶真係第一次試 先堂食再外賣 份外賣唔記得打9折就算 張單仲要手寫喔 問下正餐點解咁少 擔心佢d把正餐當下午茶來做 個別女店員稱我d正餐就係咁麼多 （試過幾十個間餐廳外賣 從未試過）態度惡劣 有試過隔壁街間台灣餐廳 對比之下 這間味道就很普通 又貴又少服務差 一次夠 唔會幫襯第二次大家想被騙就隨便啦 我個人就唔會被騙第二次啦 黑名單🤣…查看更多

路過見佢個下午茶都幾多選擇，好過茶餐廳食來食去都係個啲野。點知一試就覺得佢有料到，個麵好彈牙，湯底濃，本身我好少食碳水食物既，但因為太好食，差不多比我食哂。另外個三個小食一啲都唔馬虎，夠香脆夠入味，好過豪大大。杯野飲就有啲太甜，不過唔知可唔可以叫少甜。…查看更多

深水埗返工嘅你，如果想食台灣野嘅話，呢間台食館都幾推薦吓，佢嘅鹽酥雞滷肉飯分量夠，而且個炸雞都好脆，配料都好食。喺度食仲可以叫埋珍珠奶茶。 食物賣相都唔錯，上菜又快，60蚊有凍飲，性價比都正常。…查看更多