台食館

營業中

休息中

呢間之前已經食過，一直都係午餐時間黎，唔知道原來下午茶都咁抵食。$39 有飯 / 粉麵，可以揀3款小食，再配一杯飲品👍🏻👍🏻，真係我叫左小碗滷肉湯米粉+小食（小香腸/心太軟豆腐/甜不辣）+芋香奶茶🧋。朋友就叫左麻辣拌麵+小食（花枝丸/蝦卷/甘梅地瓜）+珍珠奶茶🧋。兩個人試左 6 款小食好開心，價錢平之餘都好好食，炸魷魚鬚同平時一樣，大大隻，炸粉唔會好厚，正👍🏻👍🏻。而豆腐嘅味道就比較淡啲，朋友就話個麻辣拌麵好好食，夠辣又有咬口😋。冷氣機。

以前成日食，估唔到而家食反都仲係咁好味，尤其是重點推介佢哋嘅拌麵系列，而我自己必食台灣腸拌麵同魷魚鬚拌麵，每次淨係嗌是但一樣都一定唔會厭，因為真係好好食😝佢地嘅台灣腸唔會乾爭爭仲會帶有少少油份，超香口，食到舔舔脷🤭，魷魚鬚有薄薄嘅炸粉，但係相當香口！而且魷魚超足料唔係薄薄一條咁簡單，魷魚粗大，份量十足！而且佢哋嘅價錢都唔貴，但係份量比得好多，佢哋嘅拌麵同樣味道適中，麵質有咬口，如果鍾意食麻辣亦都可以叫佢哋嘅麻辣拌麵，聽同事講味道都好唔錯👍🏼

今晚去左間台灣餐廳食，衞生極差坐係道不到一分鐘已經蒼蠅不斷飛來探訪。然上桌食物的盛品全部佈滿油，想移一移位成手都掂滿油。借廁所一用，一張紙巾都無。出返餐廳想紙巾抹一抹手上既油。但全間餐廳是一張餐紙或紙巾都都不會提供。食物方面，一個芥味炸豬扒蛋卷。醬汁不用錢多到不得了。另外一盤雜錦炸物咸到完全食唔到。

岩岩先發現原來唔夠200字係唔可以劣評架 😂唔係好接受到杯珍珠奶茶係咁嘅方式上，仲要完全唔甜好似走左糖咁，真台式？麻辣拌麵除了少少辣之後完全無味，其實可以落少少鹽/調味料？係咪純粹因為而家多左人鍾意食辣所以係麻辣就加$2 😂鹽酥雞好多炸粉，但佢同另外2款小食味道ok$46係咪唔應該要求更多？😂 idk了

原本我是想慕名前往鼓油街另一間台食餐廳，誤打誤撞來到餐廳坐下，才發現自己去錯餐廳。可能因為不是繁忙時間，餐廳的客人只有2-3桌，然後我看了看Open Rice的食評，評價很兩極。既來之則安之，如果不好吃就當作「試伏」吧！話口未完，店員端上其貌不揚的飲料，還稱呼它為「熱檸茶」，我內心當堂打咗個突，準備好心情去試伏之際，一陣鹽酥香噗鼻而來😱我點了我常點的鹽酥雞+甜不辣，這家的ranking直迫我心目中的頭3位餐廳。首先是甜不辣，它是以圓條狀炸起端上。可能最近我吃到的都剛好是片狀，這甜不辣外觀上是有驚喜的。然後是口感和味道，都調配到恰到好處。口感煙韌但不會太韌，鹽酥粉平均遍布每一顆，所以不會有些有味有些無味。美中不足是難免有一兩粒剛好沾上粉太多，有些微咸。至於鹽酥雞，果然是「店家的推介」。每一粒都炸得剛剛好，不過炸過頭或者不熟。嫩嫩的雞肉被鬆脆的外皮包裹，吃下去口感也不錯。鹽酥粉的部分跟甜不辣相約，所以不重複了。結帳時跟店員稱讚食物好吃，博得店員一笑 LOL其實店員笑得很美，希望下次去，可以看到店員是笑的。

同朋友維修完手機，整完夠鐘醫肚，經過睇下食咩，見琴呢間台灣野好似好多食物選擇，幾吸引咁，於是就入去試試😋😋一人叫左一款麵，加個小食魷魚鬚，魷魚鬚夠香脆有咬口，我果款麵係三寶牛肉麵，有牛肉，牛肚同牛丸，d牛腩唔錯，牛肚都好入味，牛丸都幾彈牙。不過湯底就濃左d,但整體都唔錯，可以調較一下湯底濃度就完滿了，朋友叫的蕃茄牛肉麵，我試左個湯底就幾開胃的，有好多牛肉，都幾足料，同埋幾中意個麵既質感幾彈牙👍

今日中午唔知食咩，就去左一間位於旺角的台灣餐廳《台食館》試下台灣野啦⋯⋯睇到餐牌滴野都吸引的，最後我柬左一份雜錦食下咩有香酥綜合便當🍱$72蚊！係旺角呢個份量價格都可以接受！味道也不錯，滷肉的味道很正，炸的鹽酥雞外脆里嫩相當唔錯，唯一不足的就係距個白飯，可能今日放水多左滴😅有滴爛！唔係我鍾意的口感⋯⋯

今日晏晝去始創中心，經過西洋菜街見到依間食台灣便當，於是入去叫咗個酥炸便當，等咗一陣就到，份量同賣相都ok，開始食就發覺啲飯太濕，應該係剛剛煮好啲l米未收水，我係未到十二點到，如果晏少少到，等啲米收一收水先去食，可能會好啲。

今日（13/3/2024），好耐無食台灣野，原本去同街另一間，但要等位，便試下這間。這間餐牌較多款餐，又可以加配多款小食，飲品種類都有好多。選擇太多，服務員要求講號碼落單，選了801滷豆腐滷肉拌麵802鹽酥雞滷肉拌麵兩個餐都好食，豆腐大大份夠味，鹽酥雞又脆又滑，拌麵醬汁份量夠及好味，看似細細一碟，份量足，好滿足。餐飲點了芋香奶茶（餐要補$8）及濃厚芋泥鮮牛乳（餐要補$20），奶茶芋香味不足芋泥鮮牛乳有好多芋泥，正。

就係為咗呢杯熊仔珍珠奶茶而入嚟食嘅🧋🤣原名叫：BB熊珍珠髒髒乳。貪得意，味道正常發揮👍🏻之後叫咗個肉燥鹽酥雞飯，蛋餅，炸油魚等小食。個人覺得油魚趣得滯，肉燥飯可以哦🤘🏻但啲配菜好生，不過配菜冇所謂係一個配搭嚟啫。整體都OK的。

今次又嚟呢間餐廳，發現佢地換咗招牌名，之前係叫做「101台灣品味館」。問咗下店員先知原來只係換名，冇換老闆，仲係保持之前嘅高質素。甘就安心左。今次我同朋友揀咗紅燒牛肉麵，呢個係我每次必點嘅，每次都唔會失望🤩湯底依然帶有藥膳香味，濃郁又開胃，真係令人回味😋牛肉好軟爛，份量又好多，好滿足。另外，我仲點咗蔥油餅同手工水餃（韭菜豬肉餡）。蔥油餅煎得香脆，外脆內軟，蔥香味好濃郁，真係唔錯😋手工水餃裡面填滿咗韭菜豬肉餡，水餃皮薄而有彈性，每一口都有鮮美嘅韭菜味道，正啊😍不過係呢間餐廳嘅店鋪比較細，位子唔多🥺🥺

放工同朋友食聚，再次約咗去間台式餐廳食晚餐我揀咗台灣香腸滷肉便當，朋友就揀咗鹽酥雞滷肉便當。呢間餐廳嘅台灣香腸，真係有正宗夜市嘅風味，我超級鍾意佢嘅滷肉飯都唔錯。滷肉好入味，每一啖都可以感受到濃郁嘅醬汁滲透入肉裡面，配上米飯，真係好滿足不過就係有啲可惜，滷肉嘅醬汁有啲少，如果再多啲醬汁，飯就更加香濃美味啦！至於我朋友嘅鹽酥雞滷肉飯，呢個係我平時經常揀嘅口味，所以我對呢個有啲要求。幸好呢間餐廳嘅鹽酥雞都ok。鹽酥雞外皮炸得酥脆，一咬落去，啲肉質嫩滑滷肉亦都好入味，同鹽酥雞一齊食，兩款肉嘅風味融合得好啱口，令人回味無窮。不過，就係呢間餐廳嘅店鋪較細，位子比較少。如果人多嘅時候，可能要等一陣先有位坐。