台灣麵 (已結業)

朋友介紹呢間台灣餐廳唔錯，咁岩近屋企，今晚就同老公黎食。門口好細，就喺扶手電梯隔離，但原來入面好多位，我地被安排坐喺一張半圓形卡位，好闊落。點左兩個飯麵、一碟菜、一個小食同兩杯飲品。秘制肉燥乾伴麵只係$28，諗住細細碗過下口癮，點知竟然係正常一個麵嘅size，抵食。麵條煮得岩岩好，有咬口，每一條都沾左醬油，加埋適量肉燥同青瓜絲一齊食，有層次，我好滿意。老公嘅古早味魯肉飯材料好豐富，除左魯肉仲有溏心蛋、酸菜同炸蒜，我試左幾啖覺得味道正宗，濕潤度岩岩好。蚵仔煎個邊煎到卜卜脆，中間食落少少煙韌，蠔仔都算多，辣醬只係微辣，岩唔太食得辣嘅我地。豆醬炒A菜，係香港好少有得食嘅A菜啊，超級爽脆，唔會過油，加入豆醬好滋味，份量夠哂兩個人食。叫飯麵可以半價加野飲，叫左香芋奶茶+珍珠同埋桂桂茶（桂花、荔枝）+珍珠。我唔特別鐘意香芋奶茶所以冇試，老公話唔錯，都幾有香芋味。我就好鐘意我嘅桂桂茶喇，茶味、桂花味同荔枝味都突出，唔會死甜，三者配合埋一齊超夾，仲有一絲絲荔枝肉，珍珠有咬口得黎唔太甜。樣樣野都幾好食，見第一次黎，決定試埋個甜品：海綿班戟。賣相好靚，有士多啤梨同藍莓，初時以為佢係日式梳乎厘口感，原來唔係

中午食飯時間在太子附近搵野食，同事提議去食台灣麵，系，間店名就叫台灣麵，但其實除左麵仲有好多飯類及小食選擇，開在始創中心，真系方便又好坐。我地揀左台灣牛肉麵，一份糸原味，一份系紅燒，紅燒就有少少辣，但湯底都是十分清甜。牛肉好冧，有好多塊，超級的滿足！牛肉肉質鮮嫩。麵身勁道十足。套餐配左海帶絲，口感很爽，夏日炎炎非常解暑。小食我地點左椒鹽花枝丸，大粒彈牙，十分入味。尤其鐘意酥炸腐皮蝦卷，金黃色的腐皮，薄而脆，包住蝦餅，外脆內彈牙，香脆可口。紅油抄手，估唔到d雲吞咁大粒，仲要超級飽滿，紅油不算辣，但十分夠味。加配跟餐飲，我揀左珍珠奶茶，香滑回甘。

23/5/2019因為工作關係路過太子，在下層發現有‘台灣麵’，所以入去食個下午茶。我叫咗個下午茶餐：酸辣湯麵：分量都幾多，但係佢辣多過酸好多，吾係好‘酸辣湯’的感覺。蒜香雞翼：好香口，但吾係話好蒜味凍奶茶：本身個杯已經勁大杯，但要係滿嘅。正常茶餐廳的凍奶茶味

台灣麵有好多分店其，實之前都已經食過，咁岩經過 見到太子始創都開咗分店，晚市非常抵食，有晚餐大概$70左右仲包飲品。晚市雙排雙格餐，可選兩款飯或麵🍜每樣一半， idea唔錯，因為可以食多一款唔同嘅 主食😜揀咗原味牛肉麵配鹽酥雞扒肉燥飯，原味牛肉夠淋，但個人覺得湯底可以濃味d。 雞扒新鮮炸起夠熱，肉燥飯都正常。😉我哋兩個人想食多啲小食，就嗌咗花枝丸😗花枝丸係我食台灣料理必叫嘅一個小食， 炸得唔錯入面都幾彈牙有口感，富有台式風味。皮蛋豆腐有一隻皮蛋切開四件，而豆腐就係用百福豆腐，哈哈😜鹵水雞翼一客四隻，都幾夠味，但我覺得煮老咗少少😶再加咗個紅油抄手，個餡都幾多，但係紅油抄手個醬汁好辣🌶️如果唔食得辣嘅人，就會好大挑戰😎最後要推介珍珠奶茶🥤因為茶味好香濃，唔會好甜，係我鍾意嗰種嘅珍珠奶茶☺️呢個價錢覺晚市真係平。

今日同舊同學去返中學探miss探完之後喺附近行咗陣間行到熱熱哋諗住去始創樓下冷氣順便睇下有咩食見到basement開咗間台灣麵價錢又唔貴就諗住入去食埋嘢先走環境都幾闊落 好新淨坐得好舒服仲全日免加一秘制醉雞 $68配雞一食落去好有驚喜 雞肉好軟嫩 花雕酒酒味夠醇香 浸一陣就已經好入味 味道同口感都好正原味牛肉麵 $58呢個牛肉麵真係好足料 足足有四塊大牛肉 好厚切 湯底好香濃 牛肉爽口彈牙 煮得軟腍 面底都估唔到好好食好煙韌 仲配咗啲酸菜 整體都好滿意雪糕層層疊 (雲呢拿) $68本身一落單嘅時候就嗌咗 店員提醒我哋可以遲啲先嗌 要20分鐘可以自己預時間 雖然有少少貴但係呢個甜品都幾出色 有三層toast toast好脆 食落仲有啲焦香味 配埋雲呢拿雪糕同埋cream真係好滿足咸柑桔話梅蜜 +$13柑桔同話梅味都幾濃 夏天消暑都唔錯桂桂茶 (桂花荔枝) 熱 $28

我係下午茶時間去食的，諗住喱間新開未試過就食下，但係我就唔太滿意，試過一次就唔會再去。服務方面，入到去餐廳，有好多位，大概幾張四人桌冇人坐，眼見冇侍應帶位，於是我2個人想坐去4人桌，就準備行入去坐啦。但一位白色裇衫嘅侍應即刻攔截，態度都唔好咁要我同人撘枱。但跟住佢態度不好的要求我將一把乾嘅遮放去一個好隱蔽嘅遮架。最可笑嘅係我見到隔離枱係直接擺左把遮係枱面，唔知係咪針對我呢？環境方面，係裝修得幾好嘅，但我所坐嘅櫈係濕左，要我自己抹番乾。食物方面，味道普通，食左滿雞翼湯麵，個湯冇味，得味精味，雞翼就過得去啦。食物份量都唔多，唔值喱個價錢。

近年香港受台風吹襲，珍珠奶茶舖開完一間又一間。除此之外，台式食肆亦不斷增加，單計油尖旺區，台式店多不勝數，今次就去了位於始創地庫新開半年的台灣麵，除了麵食之外，亦有其他飯類及小菜可供選擇。海鮮蟹籽炒飯， 蟹籽夠新鮮，不會一陣腥味，海鮮主要是魷魚為主，配以雞蛋、蔥等食材。酸菜魷魚，比想像中還要好，其實就是咸酸菜切成精緻幼細的一段段，配新鮮爽囗的魷魚及紅椒，味道控制得宜，不會太咸太濃味。麻油雞 - 覺得雞件頗碎，吃得不夠過癮，味道也較淡 、不夠香，酒味、麻油味不足，不過吃完就讓我萌起在家要試做一次的念頭！另外沒有拍到照片的，就是黑醋鳯梨骨，一口骨的大小，黑醋入味、滋味好吃； 也有叫珍珠奶茶，不過就麻麻地，一味只是甜，並沒有茶味。

因為租貴 香港食肆有唔少都細細間之前係九龍灣見過喱間野 已經想食下誰知行過太子始創 又見到這間台灣麵店外望入去以為好細間 誰知入面好大間牆上有大大幅的台灣相 闊落舒適回到食物方面 本人叫左香酥雞排飯原本以為是炸雞排之類 原來實際係煎得香的雞排入口發現食物唔夠熱 可能因為午市時間忙 食物只是暖暖的不過雞排煎得好食 冷了點但皮是脆加上肉滑 感覺好食過炸雞肉燥飯 肉燥乾身了點 但夠味道 中間亦有少少肥肉同時海帶就幾好食 食完肉燥飯 再食少少海帶油膩感會減點 埋單$60 包一杯熱飲 食得飽又滿足

是日晚餐，又黎食台灣麵！之前係元朗已經成日幫襯，早午晚餐都食過🤣！星期六夜晚，6點半度去到仲有位！過多半個鐘度已經full! 座位方面，有圓枱，又有細枱，細枱就坐得比較迫，隔離枱泊得較埋，基本上同搭枱無分別！三寶麵: 牛肚有d重味，牛肉都係咁爽口，酸菜好似多得滯，搶晒d味！牛肉麵: 維持番水準，牛爽口，麵煙韌，好味！。唔知係咪心理作用，好似元朗果間好食d咁，不過總括黎講，都係食得過嘅，鋪頭位置又方便！

今日同朋友喺太子行街，行到攰開始肚餓，但適逢偉大的母親節weekend，週圍都咁多人，見到始創中心地庫「台灣麵」，就諗住快食一個晚餐！入到餐廳地方都算大，我地早食，所以餐廳未爆場；侍應安排左4人圓檯比我地，比較得意係有盞射燈會射住檯中心，唔刺眼但感覺特別！佢地有套餐供應，但因為驚食唔哂，所以我地都係選擇散叫。我叫左「紅燒牛肉麵」，份量好足，望落有層油（正常係有），但食落一點也不覺得油膩，麵質彈牙，湯底有一丁點辣味，好香口，而牛肉亦非常入味，好腍！呢個牛肉麵本人推介。朋友選擇了「鹵水雞翼肉躁飯」，我見餐牌有得揀麻辣或鹵水雞翼，但朋友不嗜辣所以揀了鹵水，份量非常足，因朋友較為細食，所以分了些少我食吓，肉躁唔會太肥，另外雞翼鹵得味道剛剛好，亦唔會煮到過腍。另外我地叫了兩款小食同兩杯飲品。非常推薦「酥炸腐皮蝦卷」，腐皮非常爽脆，但不油膩，裡面壤滿蝦肉，鮮味一流！另外「鹵水牛肚」也鹵得不錯，味道剛剛好，不會太鹹，牛肚切條狀，容易入口！飲品我們點了「寶島珍珠奶茶」少甜及「金桔檸檬蜜」，朋友話奶茶嘅奶味較重，茶味不算太出，反而呢點有些少唔好，反而珍珠嘅口感還可以，甜度亦剛好；金桔配檸檬我覺得永遠是絕

今日同朋友去旺角行街，經過始創中心，見到附近好多賣台灣飲品的舖頭，醒起始創中心地庫有一間食台灣食物的舖頭，可以食午餐之餘，又可以坐得舒舒服服飲台式飲品，就一於幫襯一下。星期六的下午原來都有午餐供應，亦有單點菜單，無論食物種類定飲品種類都唔少。我們叫了一個紅燒牛肉麵餐，牛肉湯底濃厚，帶有香濃的牛肉湯味和微微辣味，台灣麵爽口彈牙，牛肉好大件，炆得軟滑入味。再叫了一個台式三寶麵餐，三寶有牛味重的牛𦟌，炆得好淋唔韌的牛肚和入味軟滑有骨膠原的牛筋，牛肉湯底和麵都同牛肉麵一樣。因為是套餐嘅關係，加$9就可以叫到一杯水果茶同加$4就可以叫一杯珍珠奶茶。水果茶酸酸甜甜，有好多生果，有橙、西柚、菠蘿、士多啤梨等，好豐富好清新。珍珠奶茶方面算是好正宗，奶茶不過甜，珍珠煙韌得來得軟淋，能坐下慢慢享受實在是幸福。 之後我哋叫了一個滷水雞翼及滷水溏心雞蛋，滷水好入味，雞翼都算滑，溏心都做到流心感覺。最後為食的我們叫了一份蚵仔煎，柯仔好大粒，煎得香脆可口，配上甜辣醬，好滋味。

今日諗住食lunch，成條街都係人，行到太子始創中心，都係成個商場都係人🤦🏻‍♂️行行下發現地下一層無咩人，就行落去睇下，發現有幾間餐廳。我見到呢間台灣麵，好似好吸引，啲坐位又闊，所以就入去試下啦。坐抵左之後，就睇下有咩食，原來呢間餐廳都支持環保，不主動提供飲管，但有需要可以問店員取飲管，非常人性化，抵讚👍🏻👍🏻餐廳主要食台灣野及一啲小菜，都幾多選擇。我叫左原味牛肉麵，本來想試紅燒牛肉麵，但怕太辣。另外，我重叫左一個小菜，京蔥爆牛肉，因為上次食左個一般般既蔥爆牛肉，所以想食返個好味啲既。野飲方面，好多特式飲品選擇，我叫左招牌推介，招牌生果茶👍🏻👍🏻等左一陣就上菜啦，好快手。先介紹下個小食先，酸蘿白幾好味，食完開胃啲👍🏻 如果之前食過啲濃味既野，佢都可以去除口腔內既濃味，等你可以食到黎緊食物既味道。主食方面，原味牛肉麵，麵線幼幼的，好似食緊北京拉麵咁，好好口感。個湯底都好夠味，一啖麵加一啖湯，非常美味👍🏻👍🏻 牛肉亦都煮得好淋好入味，整體黎講，係一碗幾高質素既牛肉麵。第二個主食，係京蔥爆牛肉，佢地煮得好好，啲京蔥無煮到過火，好爽口，牛肉都係無過火，好淋，做汁令兩樣食物組合埋一齊，非常野味👍

係旺角花園街附近整完頭，😗晚餐就諗住係附近食算。唔係睇少街邊d食店，可能因為旺角都算係遊客區，😂所以街邊d食店都好受遊客青睞，可以感受到香港急速節奏同本地氣氛。😗咁我都唔同佢地爭，😂我就去商場入面食nah，始創中心地庫個到又幾間餐廳，😍我地落左去發現有新餐廳，地方幾大加上價錢合理，所以就揀左呢到。😆除左常見嘅台灣菜式，佢呢到仲有一個特別option 岩晒我呢d三心兩意，有選擇困難嘅人，😝就係雙排雙拼餐！1️⃣雙拼餐雞扒肉燥飯+白菜雲吞湯麵2️⃣雞扒肉燥飯嘅雞扒係煎的，都幾脆同大舊。肉燥就比較乾身。3️⃣白菜雲吞好清甜，好好味。湯底就比牛肉麵嘅湯底清，同冇咁濃。白菜雲吞湯麵係比較清淡，好岩唔好咁重口味嘅人食。4️⃣紅燒牛肉麵牛肉味濃，好多牛肉，仲好林添！湯就有酸菜調味，好味道！推薦！5️⃣珍珠奶茶6️⃣蚵仔煎底係蛋同生菜🥬，生菜仲係好脆同有水份，蠔仔都幾大粒同多。7️⃣炸花枝丸不錯👍🏼

未有時間去台灣旅行，都讓舌尖感受下台式的味道。今日來到位於太子的台灣麵，食店位於始創中心，地點近地鐵站。食店座位很寛敞，燈光都很光猛，坐得非常舒服。店家最特別是可以點雙併，啱晒心大心細，咩都想試既人。另外，若果想食豐富點，則可選擇晚市套餐。不過，可能晚市人流多，廚房出餐需要點時間，等候要耐少少。我點了客原味牛肉麵($58)，牛肉煮得很出色，非常腍身，而且好厚身，好足料呀。至於湯㡳，不會過咸，個人認為恰到好處，適合我的口味。台灣排骨肉燥配飯($58)，此主食可以配麵食。排骨即叫即炸，所以上枱時還是熱辣辣。而炸粉薄薄一層，所以入口粉感不會好重。配上肉燥，令整個更惹味，不會太單調。小食方面，我們則點了溏心皮蛋豆腐($48)，此為凍食，所以很適合熱辣辣的天氣食用。溏心皮蛋中間半流心的狀態很美味呢。另外，醬汁也調配得很好，不會蓋過本身豆腐的豆香味，而豆腐上面鋪上了肉鬆、木魚、蔥絲，令味道更有層次。最後吃台式食物，又怎能少了珍珠奶茶作伴呢。不過我覺得奶茶太甜了，就不太合我口味。

我喜歡食台灣麵，因為好似好快咁！就可以係快食啦！加上味道好好！呢間餐廳都做到呢個效果， 可以快食！環境都唔錯坐得好舒服！佢算係快餐得來都會有服務員去想菜同埋點餐！所以服務都算唔錯嘅！我叫咗個紅燒牛肉麵，味道還好，牛肉幾林！而我朋友呢就叫咗個蚵仔麵線，我試咗少少都覺得可以嘅！另外我都叫咗個炒雜菜同埋炸花枝丸！炒雜菜個味道可以係偏油左少少，而炸花枝丸係唔錯嘅！咩都好！如想食快餐同時又食到台灣野！就係呢到啦！