台北車站

話說咁啱經過，見$138又有烤魚又有雞煲又有酸菜魚，之後又有得打邊爐，仲有90分鐘。即刻上openrice睇評語，見130個笑笑，幾個喊喊，心諗應該無死啦。我都知我貪平，咪試下囉。最終只能講句：未試過吃一餐。全場差不多8成食材都唔係新鮮，亦有異味，可以放入口可能係公仔麵。連蜂巢豆腐都可以變壞、酸微微。出邊自助區食材賣相都勁差，好似放咗全日咁。嘢飲都十分難飲！服務員呃咗你入去之後，就態度差到極點。雖然價錢平，但切勿一試，後悔終生！仲只可以用現金！受罪啦…查看更多

晚餐好肚餓想食大餐，即時諗起附近有間火鍋放題唔洗二百一位！自助雪櫃位置都係丸類、肉類、海鮮、蔬菜、粉麵。。。。居然有鴨血、藍青口同魷魚花供應冷盤都有：涼拌木耳、青瓜同蓮藕仲有炸物，雖然少都好過冇，仲記得帶春卷海帶結、年糕同冰豆腐都有 海帶結爽，年糕浸入烤魚汁煮好正👍烤魚一條，出面食都二百幾！仲好香，好足料，有齊芽菜、萵荀等等啤酒任飲，冷泡茶又有，好耐冇見嘅碧泉水蜜桃茶都有，太豐富將軍澳區少有日式火鍋放題以外嘅任食火鍋，尤其價位真係超抵，夠鐘都只係叫我地先埋單，雖然唔係滿座，而且九點後都仲有兩三枱客入座…查看更多

認識哩間餐廳係因為佢有一個好平嘅宵夜火鍋放題。夜晚9點半後，宵夜火鍋放題每人只係$72，不過就無肉，只係食火鍋配料。想食肉的話，就$148，價錢上係幾抵。就算正價時段都唔貴。原本諗住試下個火鍋放題，去到先知原來仲有小菜二人晚餐，價錢亦唔貴。就改變計劃，試下佢啲小菜。二人餐 ($248)套餐包一個主菜、一個小炒、一個小菜、兩個白飯，仲有飲品 同 糖水。小菜選擇多，唔係得兩、三款揀。除返開每人唔洗$130，算幾抵。金湯酸菜魚酸菜魚份量拍得住平時嘅二人份，一樣有酸菜、芽菜。但係魚嘅份量就相對少啲，同埋好碎，啲魚肉散哂。台式三杯雞三杯雞醬汁煮得惹味，不過入唔到落啲雞肉度，唔係太好送飯。蒜蓉炒芥蘭芥蘭睇落炒得唔錯，上菜嘅時候都聞到幾香。但係啲芥蘭無預先處理過，食到有苦味。餐廳服務無網上面寫得咁差，但係食物質素麻麻，得個「平」。最後上埋碗糖水，個糖水好淡，加咗好多水。食咗一啖就放低，唔推薦 😟…查看更多

呢間野之前都有食吓佢既早餐叫做正常， 後來食食下啲嘢食越嚟越難食，之後冇再幫襯 ， 今日咁啱望到佢嘅餐牌 門面好似轉咗老細咁，諗住再試下， 點知一試就伏！！ 叫咗個午餐 ~冬瓜炆排骨客飯~熱奶茶$62冇諗過咁普通嘅嘢食都可以難食到咁🤮， 成盒嘢全部好多芡汁(生粉水+ 老抽調色), 完全冇味冬瓜淋到不得了 好似冬瓜溶咁，排骨好梅勁重雪藏味， 完全無加任何調味料 ， 根本都食唔落，杯奶茶更加唔掂！又苦又澀又酸~~ 呢間嘢真係冇得再畀機會 唉！將軍澳真係冇啖好食😭😭😭而家d餐廳完全冇心去做， 難怪咁多人返上去消費！！！…查看更多

星期五晚9點鍾唔洗等位曼魚飯我覺得一分價錢一分貨。係咁上下啦～吉野家好食d嘍另外有叫個牛肉麵 一般既牛肉麵咁6見到個草莓珍珠幻我就期待住以前仙跡岩既夢幻雪香咁。原來唔係係假草莓味架啦～就化學粉草莓味同奶加最便宜普通珍珠。。唔洗排隊係價錢同就同食物質素差唔多。普普通通一般一般咁。叫做坐得比較舒服有歌聽下。。如果要減肥同輕食呢間係100分。9點半都未到就好似11點咁就收工冇咩客。可以坐耐d傾計係ok ga.火鍋未知其他野真係要試下先知道。。…查看更多