台北倆伴

營業中

休息中

和朋友行大圍的新商場「圍方」，想不到平日的下午都非常多人，我們來到5樓的「台北倆伴」食台灣菜，好彩等了一陣已有位了。下午2-6點有下午茶餐，選擇多，經濟又抵食。《逢甲肉鬆榨菜蛋餅》$48將肉鬆和榨菜與蛋餅結合在一起，很有創意，給人一種豐富的口感。肉鬆的鹹香與榨菜的清爽相互融合，再搭配上蛋餅的柔軟口感，味道很夾。《花雕雞卷麻辣拌麵配紫菜貢丸湯和地瓜酥》$56很豐富的一個Set，滷肉汁加酸菜混合麵條，酸酸辣辣的，非常惹味。還有招牌菜花雕雞卷，肉質嫩滑充滿酒香。兩條地瓜酥香甜脆口，紫菜湯清新。《紅燒牛肉麵拼古早滷肉飯》$58結合了紅燒牛肉麵和滷肉飯兩種傳統的台灣美食，給人一種濃郁的口感。紅燒牛肉軟腍，麵條加酸菜是絕配，而滷肉飯有超多的肉碎和肉鬆，還有半隻溫泉蛋呢！《逢甲大腸麵線》$42以大腸和幼麵線為主要材料，大腸的鮮嫩與麵線的嫩滑相互融合，加上豐富的湯汁，如果你喜歡台灣的小吃，這道菜絕對不能錯過。《士林夜市蟹蓋三件》$52蟹蓋內釀到脹卜卜，裡面是滿滿的蟹肉混合栗米、蘿蔔絲和其他蔬菜絲，口感非常豐富，表層酥脆可口，裡面鮮嫩多汁，正。

去咗圍方行街，行到攰攰地，去咗5樓呢間台灣餐廳食下午茶，下午茶時段坐滿晒人，見到個餐牌都有好多唔同嘅款式，而且都係台灣嘅特色食物，座位坐得好舒服，裝修新淨，慢慢嘆番個下午茶，係一個好嘅選擇花雕雞卷配麻辣拌麵拌麵嘅麵質好好，唔太辣，但有好惹味，仲有花雕雞卷、糍粑同紫菜貢丸湯，呢個套餐好豐富台南擔仔米粉米粉上面有好多滷肉，個湯清清地，唔錯，如果份量再大啲就更加好私房麻辣牛三寶試咗佢呢個招牌牛三寶，份量好多，最鍾意牛腩同牛肚，牛腩好夠淋，好入味，牛肚都幾爽👍🏼👍🏼

今日嚟到新商場圍方～見到呢間台灣嘢都幾多好評，雖然要等20幾張枱，但係都算快，大概半個鐘就入得。🐻彰化花雕雞卷手工麵🐻個人覺得雞卷唔夠入味，酒味唔濃，想淺嘗一下，醉雞味都可以。湯底清甜，可惜餐廳冇辣油提供，只有豆瓣醬，味道唔係太夾個湯底。🐻古早滷蜜汁排骨手工麵🐻呢個係朋友嗌嘅，佢話覺得排骨炸得幾好食，不過好油膩，而且係一塊塊未切件，如果切件上會比較好，因為一大塊又有骨，女仔會覺得比較難咬😂🐻紅燒牛三寶麻辣伴麵👎🏻👎🏻呢個要差評，非常油膩之餘，可以話係冇乜味。辣油唔香，亦都唔辣😵‍💫好似食緊一兜油撈麵咁。而且餐廳職員服務態度都算一般，木口木面，仲要收+1，唔會再幫襯。總評分：🍯🍯（2/5）

係大圍圍方搵左呢個叫倆伴嘅台灣菜食lunch，叫左份花鵰醉雞卷配台灣湯麵，花鵰醉雞卷有啲乾，食落去質感有啲柴柴地，接近雞胸口感？唔知係雪得太凍定點，花雕酒味道都唔濃，唔太好食。個湯麵加左啲台灣酸菜，令到成個湯都多左一陣酸味，但因為本身湯底唔濃，所以酸味仲強過咸味，麵條都比較淋身一啲，無咩口感。但餐飲杯桂圓紅棗茶幾好味👍餐廳服務都幾好，但食物質素有待改善🥲。

「台北倆伴」是一間融合了台灣小吃的美食餐廳。大腸麵線湯頭醇厚，麵線口感軟綿綿，大腸洗滌得非常乾淨，滋味豐富。淡水焢肉刈包裡的焢肉肥瘦適中，烤得外軟內嫩，非常可口。大甲芋頭芋圓鮮奶裡的芋圓口感QQ的，芋頭香濃順口，非常適合甜點愛好者。私房麻辣牛三寶（腱心、牛肚、牛筋）麻辣鮮香，肉質嫩滑，非常下飯。彰化花雕雞卷外皮彈牙，裡面包裹著嫩滑的雞肉和花雕酒的香氣，非常美味。整體而言，「台北倆伴」的菜式豐富多樣，值得一試。

二哥👦🏻啱啱响台灣訓練返嚟成日都同劉媽👩🏻講念念不忘台灣嘅 滷肉飯好啦～ 見二哥👦🏻咁想食近近地就帶👦🏻去圍方 #台北倆伴 食台灣麵今次我哋order咗🍴花雕雞卷·麻辣拌麵雞卷肥瘦適中 有淡淡清香花雕酒味 拌麵加了麻辣醬汁 勁有麻香味🍴鹽酥雞·肉鬆滷肉飯鹽酥雞炸得好酥脆肉嫩滑又有肉汁滷肉鹹香味適中 唔會太鹹 撈飯好正 🍴台南擔仔米粉(輕量) 米粉爽口彈牙 加上肉碎 食得好滋味🍴紅糖地瓜酥地瓜酥口感煙韌軟糯 地瓜香味加上紅糖嘅甜味味道好夾🍹鮮鳳梨水果茶🍹桂圓紅棗茶值得一讚👍🏻呢間職員個個都態度好好～ 好主動又有禮貌台北倆伴 ( #大圍 )📍大圍車公廟路18號圍方5樓528號舖

週末晚餐時間五人位等候甚久，約一個小時左右，放被叫籌，然後由侍者帶入坐。以服務來說，這間台灣餐廳的侍者，🈶求必應，殷勤，手腳快，friendly and nice，很不錯😉。來台灣餐廳吃鍋，一定是為了台式專屬的臭臭鍋或薑母鴨湯底。這次在兩伴品嚐的是臭臭鍋！有些些發酵後的酸臭味，有些些台味。雖然臭度，不足以令甜不辣入味，但比上不足，比下有餘，已經剩過某些主打台式火鍋了。肉鬆蛋餅，還有附贈的很台式的紫菜蛋花湯。很適合貪嘴時吃～

🇹🇼 台北倆伴偏重口味嘅台灣菜*榨菜肉鬆蛋餅冇乜蛋味都冇榨菜味，不過幾好食😂*紅燒牛肉手工麵個麵底口感唔錯，牛肉超級無敵腍，可惜個湯底完全唔辣*古早滷蜜汁排骨便當好豐富好多小食，蜜汁排骨好好味！滷肉有少少過鹹，反而肉鬆撈飯幾正👍🏻*麻辣鴨血臭豆腐（唔記得影相🤣） 正正常常冇咩特別假期去真係超級多人，入座後限時60分鐘，落單後幾分鐘已經上菜，好有效率🔥 雖然好忙，但係店員都好好服務，值得一讚👍🏻

同大仔放學後去圍方買參考書，然後順便食個下午茶先返屋企。由於阿仔鍾意食台灣街頭小食，所以試下呢間「台北倆伴」。餐廳位於商埸最頂層，門面很大，裝修環境大致舒適精美。下午茶時段，提供有十款下午茶套餐，價錢由$46-$62不等，並附送飲品，亦可升級台式特飲。此外亦有不少經典台灣夜市小食供應，更有麻辣牛三寶（$128），價錢亦由$38-$128不等。T03《逢甲肉鬆炸菜蛋餅》（$48），肉鬆頗多，加上醬汁，蛋餅薄脆，並且已經分切4小件上碟，方便食用，非常精緻。呢份餐啱曬輕食人，吾會太大份量。T06《古早滷肉飯拼大腸麵線》（$52），有一碗迷你滷肉飯，加一大碗麵線。滷肉飯配有半隻溏心蛋及肉鬆。麵線夠大碗而且頗多肥腸。呢個餐相對豐富更加抵食，直頭可以當作晚餐食。A01《士林鹽酥雞》（$48），最愛小吃之一。上枱賣相不錯，大約有八件左右，入口夠酥脆夠熱，加有炸香葉更添風味。A07 《士林夜市蟹蓋（3件）》（$52），阿仔想食，於是叫埋試下。入面釀有魚肉之類，炸至十分香口熱辣辣。最後決定下午茶當晚餐食，最後叫多個燙菜 ，餐廳有三款燙青菜，包括娃娃菜、A菜及秋葵。最後我們選了《香菇滷肉A菜》（$48），

圍方開左一排都未去過😂今日放假就約左朋友去行下，順便食個tea，未有時間去台灣旅行就食住台灣野先(´▽｀)餐廳裝修光猛，職員態度親切有禮.老阿嬤焢肉肉鬆滷肉飯配紫菜貢丸湯 $56食台灣野就必點滷肉飯，滷肉飯上有兩件大大舊嘅焢肉口感軟腍，滷肉滷得入味，伴飯一流.盬酥雞肉鬆滷肉飯配紫菜貢丸湯及地瓜酥 $62鹽酥雞都係必點之一，鹽酥雞外皮香脆，雞肉嫩滑，地瓜酥金黃酥脆，中間口感煙韌軟糯，好surprise幾好食！.古早起司芋泥肉鬆蛋餅 $62蛋餅好食，不過我地擺到最後先食就淋左，芋泥唔會太甜，芝士半流心而且芝士味濃郁，啖啖都食到芝士(´▽｀)估唔到呢個配搭係好夾又好食.士林夜市蟹蓋（3件）$52蟹蓋炸得好香，食到材料好豐富，有蟹肉、鯪魚肉，紅蘿蔔、粟米粒等等。.炭培烏龍起司奶蓋 +$18茶味夠重唔會甜，兩者味道好夾。朋友話好好飲(⁎⁍̴̛ᴗ⁍̴̛⁎).愛文芒果起司奶蓋品+$22我係好鐘意芝士奶蓋，由於我飲茶會訓唔到，所以我就揀左芒果味，味道唔會太甜配埋奶蓋一齊飲好creamy！.

本身我係朝著古早起司芋泥肉鬆蛋餅而食呢間餐廳，點知反而宜蘭蟹肉蟹黃拌麵好有驚喜😍😍😍超級超級多既蟹肉蟹黃，多到撈曬d拌麵之餘仲有剩😍😍😍好足料，$128黎講好抵食！d拌麵仲要特別煙靭，好有口感😋古早起司芋泥肉鬆蛋餅都不錯！九層塔起司培根蛋餅就比較鹹，同埋入面塊煙肉仲有好大舊肥膏，可惜本人唔太好肥膏…粒粒藍莓起司奶蓋個奶蓋好正可惜藍莓汁味道比較似糖水，飲唔出係由原粒藍莓攪拌而成既藍莓汁…所以飲品就一般。

大圍嘅圍方有好多新餐廳都未食過，今日就去呢到食下台灣菜，見到呢到有呢間---🌟台北倆伴🌟門面好光亮，餐廳裏面好光空間感好多，坐位又闊落坐得舒適，餐牌選擇都好多，而且店員都好好態度，服務好好💕._.🦆| 麻辣鴨血臭豆腐 |🦆麻辣味勁重，好過癮，一上枱臭豆腐嘅花椒八聞到好香，裏面嘅臭豆腐同鴨血嘅數量都好多，味道好入味，好有台灣夜市嘅味道·🧆| 咸蛋黃芋泥酥 |🧆新鮮熱辣辣咁炸起上枱，炸到外層勁酥脆，咬落去非常脆口，裏面係香濃嘅芋頭味，軟腍腍嘅芋泥好有口感，一碟三舊幾抵食👍🏻·🤎| 逢甲大腸麵線 |🤎我最鐘意就係食台灣面線，同台灣味道好貼近，大大碗，而且仲有好多大腸，好香濃，仲配埋啲醋增加味道·🦀| 宜蘭蟹肉蟹黃伴麵 |🦀蟹肉蟹黃已經令我心心眼，仲要數量限定架，個汁好多，足夠撈曬成個面，仲有好多蟹肉，每啖都有好正好滿足，仲會跟送埋一碗肉丸紫菜湯，好台式嘅風味💕._.

嚟到新商場圍方，好似冇乜好食咁，全部連鎖店，想搵啲冇乜分店嘅餐廳，咁岩就搵到呢間，得圍方一間分店，夜晚7點，都幾多人排，不過等咗十分鐘左右就有位，店內座位唔算多。冇dinner set，全部單點慢煮豬軟骨便當 $98飯係肉燥+肉鬆，仲有半隻溏心蛋有個紫菜湯，好彩唔係好咸，鴨血豆腐就麻麻地，個汁好怪豬軟骨唔夠汁，同埋有啲鞋彰化花雕雞卷手工麵 $78麵唔算好多，偏淋不過湯底都幾濃味，個雞卷就一般，啲花雕都幾苦宜蘭蟹肉蟹黃拌麵 $128見到佢寫住限量，即刻想叫一碟試吓，估唔到嚟到會係咁樣一堆汁咁不過都夠多，都夠撈得晒成個面，蟹香味還好，都食到少少士林鹽酥雞 $48啲鹽酥雞係一個個圓形好似個波咁，都算脆，不過勁鹹士林夜市蟹蓋個蟹蓋係好脆的，連個蓋都好脆好似薯片咁，入面有啲蟹肉、蘿蔔絲咁，都幾香，不過比較迷你味道還好，但價錢偏貴，亦唔知道邊啲餐先至會有湯，唔知道點解花雕雞卷嗰個就冇俾到湯我哋，不過都冇問到

服務員非常殷勤，服務態度非常好👍🏻👍🏻👍🏻鹽酥雞肉鬆滷肉飯配紫菜貢丸湯及地瓜酥鹽酥雞炸得夠脆，味道可以濃多少少，滷肉飯有半隻唐心蛋，一齊食真好味😋紅燒牛肉麵拼古早滷肉飯一個餐試哂2款地道台灣主食，分量十足，味道都好夠台味👍🏻花雕雞卷麻辣拌麵紫菜貢丸湯及地瓜酥麵嘅質地軟硬程度適中，醬料適量，啱啱包曬所有麵。味道唔算太辣，微微帶點酸味，食落都唔會太油膩。醉雞充滿濃郁酒香，好適合配埋拌麵一齊食😋下午茶餐有跟餐飲，我地叫咗黑糖薑母茶：有薑味又帶點紅棗玫瑰🌹香💕 荔枝烏龍茶：淡淡荔枝味👍🏻冷泡阿里山綠茶🍵另加了小食和甜品咸蛋黃芋泥酥：外脆內軟，邪惡得來又好味❤️‍🔥芋泥三色芋圓仙草凍：甜度適中，仙草夠台式，芋圓煙靭有口感😋

今次去大圍試下台式料理，店舖裝修整潔，光線充足，有卡位，下午茶時間好快滿座，好熱鬧😚鹽酥雞肉鬆滷肉飯鹽酥雞大大粒，外脆內軟，裏面juicy，炸粉薄，滷肉飯啲滷肉都滷得好軟熟👍🏻配埋肉鬆口感豐富☺️麻辣鴨血臭豆腐拌麵鴨血同臭豆腐都整得十分出色，下次黎會再食麻辣牛三寶有滷水蛋，牛展，牛筋，牛肚，豆腐，全部都好入味，配埋酸菜送飯一流台灣熱奶茶茶底濃郁，沖得幾好黑糖薑母茶加左玫瑰同杞子，唔會太甜幾好