可可豬椰香海南雞專門店

營業中

休息中

入夜後經過街邊有光猛既燈光照住，原來係賣海南雞專門店。 當然要嘗試一下特色椰香海南雞飯同招牌豬手飯。令我意想不到既係，海南雞既雞比我想像中更滑而且賣相100分，令我意想不到嘅係白飯，而係椰香飯🥰🥰別有一番風味喔。好椰香味道而且飯質係我最鍾意嘅口感爽口，飯香。豬手飯-無論幾多歲嘅女人都要補骨膠原,豬手一定幫到你。因為佢含有豐富嘅骨膠原🥰🥰平時返工嘅我冇咩機會可以接觸到骨膠原嘅嘢一望到就諗起豬手飯坦白講，呢間舖頭嘅飯質感好啱我因為我鍾意食比較硬身少少嘅飯 青瓜大蝦沙律-都市人嘅飯都係多肉少菜而我今次加咗呢個大蝦沙律酸酸地可以當開胃小菜😌😌

探阿媽，順路見到無骨海南雞啱老人家食，就買啦，聽過店員介紹買半隻和散叫飯，再加過鳳爪，三個人都夠食。阿媽本身話唔肚餓唔食，個5歲女又唔太食肉，太后同公主都係難服侍😭，我就自己食啦，太后就求其食隻鳳爪，唔知係咪甜甜酸酸開在胃，又話要食埋雞同飯，邊食邊話雞滑有雞味，飯有椰香味，又唔似一般雞油飯油淋淋。個女就仲搞笑，叫佢食小小啦，唔係翻到屋企話肚餓，女皇又責怪小弟😭..... ，佢試小小飯，真係吹漲，又話好食，香香甜甜QQ 咁要多D飯，雞又話要，無骨啖啖肉，重話d雞皮好好食😅，小朋友咁瘦咪由佢食多d，兩條友最後食左勁多，攪到我要自己再煮麵食......全餐$135 認真超值！😍 雞好食之餘，個泰式鳳爪一定要試👍👍👍

正當我見完客返屋企途中苦惱緊買乜外賣返屋企食既時候 俾我見到呢間六月十六日先開始試業 主打海南雞飯既「可可豬海南雞專門店」 一向鍾意食海南雞既我 冇理由唔試試吖唔好睇佢舖仔細細 佢哋既食物選擇都幾多 唔單單得海南雞部份野食仲做緊試業價同優惠價添除左食物 飲品選擇都唔少 真係令人花多眼亂呀真係難為了有選擇困難症既我呀幾經掙扎 我終於都揀到喇 職員好快手 等左唔夠10分鐘 個外賣就ready喇由於時間既關係 我已經返到屋企開餐喇 國際慣例：相機食先！介紹返 左邊：特色椰香海南雞飯右上：養生秋葵右下：泰式酸辣無骨鳳爪「養生秋葵」：養唔養生就暫時未知 不過呢一刻可以話俾你聽秋葵既味道好好 好清新 打開左我既味蕾 為一陣做好準備！再黎就係「泰式酸辣無骨鳳爪」：配埋蕃茄仔同青木瓜沙律 甜甜地酸酸地辣辣地咁好醒胃 黎到主角出場喇：「特色椰香海南雞飯」雞肉好嫩滑 而且有陣陣椰子香 出色！個飯底同樣出色 d飯粒粒粒分別 而且同樣有陣陣椰子香伴碟既泰式沙律亦同樣醒胃重要既野要講兩次：雞肉真係好嫩滑！真係好開心 係香港都食到咁高質既海南雞飯

因為見到好多好評，又特別鍾意食椰香飯，所以叫左一個海南雞椰香飯，仲加左$12 蚊要加大，但係都係得6條雞，唔加大唔通得3條？都唔緊要，如果好味既，都合理，點知，d 雞好鞋，d 飯除左油無椰香味，木瓜絲沙律唔爽，$58 一盒咁既飯真係唔店！到豬手飯啦，有4夠， 唔係豬手係豬腳，全部都無肉！豬腳好咸，配白飯！飯有d 鞋同硬，無其他嘢啦！成件事好唔得，好後悔，無下次，未食過咁難食既海南雞同豬手飯！不過都要讚一讚，佢個點雞既醬汁係好食既，無啦

係紅磡行過見到有新野，裝修環境好新淨同衛生。又想簡單同快買個外賣返公司食，一於試下先！返工lunch hour最緊要快，舖頭仲有個八達通自助點餐機第一次當然食招牌菜海南雞飯啦嗌咗增量版海南雞髀飯。個人比較貪心增量其實對於我黎講太多飯但真係好好食，雞夠滑，只有小小骨啖啖肉好正。而個油飯好香，唔會過油只係吸收少少雞油好香另外再嗌左青木瓜大蝦沙律雖然蝦係一開二，但係整體個沙律都好好食。酸酸地好開胃，木瓜絲加生菜爽爽脆脆好清新開胃。另外仲有個招牌豬手飯都見到好多人買下次可以試試先。2樣都食仲有得叫雙拼

椰香海南雞飯標準份量$38今日星期日下午3點黎到唔洗排隊唔洗等，店員有禮貌又快手，馬上幫忙包得靚靚馬上就可以拎走，抵讚👍🏻返到屋企一打開發現既精美又滿滿嘅一盒，哩個份量連埋個湯一般都$50-$60吧，仲要配埋啲青瓜沙律，真係好抵。海南雞嫩滑，個醬汁酸酸甜甜好好味，沙律清爽帶點酸辣好開胃（只帶叮點辣味，唔食得辣嘅朋友都唔會覺得辣），椰香飯粒粒分明而且唔似平常用黃油飯咁油真係又香又好食😋未食完已經諗緊過兩日要試下口水雞同豬手飯，見到個青木瓜蝦沙律都好吸引，anyway 絕對值得回頭再食👍🏻👍🏻👍🏻

疫情久未斷尾，安全至上，已煉成在私家車內吃飯的「絕技」。只差打邊爐未有在車內吃過而已。可可豬椰香海南雞就在我公司附近，是專做外賣的, 買個外賣上車食，晚餐輕易解決。食物用紙盒盛載，環保美觀又方便。特式椰香海南雞飯（$38)海南雞份量不算不多，但足以「送飯」，亦對得起這價位有餘。海南雞是無骨的，吃起來很方便，而且又啖啖肉。雞皮爽彈，皮下脂肪不多，肉質嫩滑不會粗糙。飯的味道像雞油飯，反而嚐不到椰漿味。入口陣陣雞油鮮香，亦有微微的斑蘭香，飯粒煙韌可口，一口雞肉，一口油飯，滿足！附餐有青木瓜沙律，材料有青木瓜，西芹，紅蘿蔔等蔬菜，味道微酸微辣，怕辣的我都接受到啊！附餐的湯品也很有誠意，味道像是冬瓜雞湯，雖然沒有附湯料，但飲得出沒有加味精，雞味亦濃郁。椰香海南雞 拼 招牌豬手 ($48)給男友點個雙拼飯。豬手味道醃得剛好，入味得來又不會太鹹。外皮口感Q彈，有好多骨膠原的感覺。肉的部份則炆得軟腍。很好下飯。日本白桃乳酸梳打跟餐加$12 要了杯乳酸梳打。見店員用上泰國名牌勝獅牌梳打水去沖製，富有泰國特色。加上白桃乳酸的調料，味道是天然的酸甜，沒有人工化的死甜, 相當解渴。

行過路過咪錯過，之前見朋友食過諗住黎試下，好彩黎前睇下睇，原來只做外賣。但都約左屋企人食，咁唯有做外賣仔返家。無骨海南雞椰香飯豬手飯大蝦木瓜沙律海南雞滑，拆埋骨岩哂啲懶人...即係我，有1個泰式特色醬，唔同其他跟3個，但非常好食。椰香飯吸引，而且無咁乾身。豬手都好入味但較乾身，而後無咩汁，如果都係跟椰香飯就完美。木瓜沙律大大份，蝦既數量都正常，酸甜開胃。餐跟湯/飲品，今次係1湯2飲。如果住附近真係要試試。

小小店子只能做外賣，位處馬路口，店名幾抹綠一目了然。本沒期待，只想吃個久違了的海南雞飯，點餐時忘記叫少飯，拿着外賣就想自己一定會浪費飯，怎知飯到最後一顆不剩，全入我肚😋，不喜歡吃飯的人都會愛上它的香味😚。最近外食的飯為什麼都要那麼好吃啊！😆-#特色椰香海南雞飯 $38雞肉🐓以雞胸為主，有一塊是雞翼，皮脂肪相對有點多，勝在肉不柴，一半肉頗嫩，蘸了特調的醬汁更美味。醬汁味道特別，不是一般吃的酸辣醬，味👍🏻道有層次：嚐出薑、香草、檸檬、蜜糖，我還懷疑加了點陳皮，很棒！吃第一口油飯就覺驚艷🤩：口感偏濕軟的香米被椰香包裹，對我而言十分新鮮。油飯不膩，加入特調醬汁撈一撈，味道又再昇華，説是齒頰留香也不過分，一不小心就吃完整盒飯！🤤另外，飯盒已包括少許青木瓜沙律，看餐單可把飯轉沙律，建議不要這樣做，因為椰香飯真的太好吃了，錯過太可惜！😤-#青木瓜大蝦沙律 $30沒錯，我又加點沙律了！青木瓜、紅蘿蔔🥕絲一貫爽口，不過裡面加了我不愛的西芹，所以吃不完😣，家人幫忙吃了。大蝦有點彈牙，圖片所見是一隻對半切開，而🦐蝦頗大隻，又能補充蛋白質了🥳。-#金羅漢果養生茶 配餐+$12店員説這是不添加糖的飲品😇，喝下去

星期天下午和舊同事於紅磡小聚後，想起工人放假，得買外賣回家。沿路取車時發現這小店，除店名可愛之餘，感覺店鋪也很整潔，而我更被日本白桃乳酸梳打吸引了，就決定試上一試。點了椰香海南雞飯，招牌豬手飯，青木瓜大蝦沙律和乳酸梳打。雞和豬手都算得上嫩滑，雖然份量略少，但整體味道不俗。大蝦沙律很開胃，份量非常足夠，反而吃不完。🤣乳酸梳打則沒有令我失望，非常好喝，沒有那種甜得喉嚨痕癢的感覺，味道剛剛好！加$12實在非常化划算！值得一提是賣相都很出色，我很喜歡這些外賣紙盒，添了一種在外國夜市外賣的感覺，頗有風味。當然如果可以，都應該盡量記得自備餐盒 （似乎風味和環保在這裏變得矛盾了🤦🏽‍♂️）

海南雞飯專門店,外賣為主既小店北角同紅磡都有分店特式椰香雞飯,無骨海南雞,椰香飯,木瓜沙律,雞湯一碗招牌豬手飯 配白飯青木瓜大蝦沙律,特飲金羅漢養生茶,仲有特色梳打飲品SIZE設標準版或增量版,相差$10,38蚊海南雞,抵食沙律28蚊一份又係好抵食!可用點餐機或直接落單,好方便~大約5分鐘就拎到餐先評沙律,酸香清新,夏天最岩食,最重要健康無油,夠2個人食海南雞飯,大約有七件雞肉,去骨的,伴碟有沙律菜雞肉好嫩滑,但唔厚身,一口SIZE雞皮薄嫩,味道淡左少少,配埋埋特香既招牌椰香飯減肥緊都岩食！唔算好油膩！豬手飯，細件，入味，皮爽，啜骨吸味，略為單調，配沙律會好Ｄ！例湯無乜油，清甜易入口梳打特飲，夠大杯！#外賣 #可可豬椰香海南雞

今日咁啱經過紅磡呢頭見到呢個海南雞超吸引！忍唔住買咗份外賣番去食！！😍特色椰香海南雞飯🐥海南雞份量好足料，而且雞好滑好嫩口！可以點下個醬，好野味呢個飯係好濃椰香，食落軟硬適中再配啖冬瓜雞湯🥰平時我好少食咁大碗飯，今次都食哂🤣同埋值得一讚係飯嘅分量都好多！純對飽肚😋😋😋好好味同埋入面配咗份沙律🥗木瓜絲，蕃茄仔都好fresh，可解膩👍🏻其實佢都仲有豬手飯、沙律嘢飲個啲！中意養生嘅人可以試下羅漢果茶下次一定要試埋先！必回頭嘅一間海南雞飯😛😛😛

這幾天一直想吃海南雞飯，踫巧同事推薦這家新開張的外賣店，所以特地一試。餐牌選擇不算多，但外賣店要保持水準及出餐速度，這些選擇已經很足夠了。海南雞飯有試業價，還會送一碗湯，價格算很公道！外賣店可以自助點餐，亦分開了點餐及取餐的地方，鋪面設計考量得很周到。食物方面，我覺得食物都是很用心製作的，雖然外賣食品經過舟車勞頓外表難免受到影響，但整體還是非常吸引！味道方面，椰香飯非常出色。吃第一口的時候覺得味道重了一點，但多吃幾口後覺得味道其實是合適的。味道若清淡一點，吃都最後應該會覺得味道很無聊。店家這個香濃椰香飯及簡單調味海南雞的配搭，味道很匹配，使人印象深刻。

見佢開咗喺附近一排，成日都好多人買外賣，今日終於有機會試啦。海南雞髀飯（標準版）海南雞飯油飯味道香濃，唔會太油，食落香料味慢慢喺口入邊散出黎，而且拎到返屋企個飯都唔會淋曬，值得一讚。 海南雞肉質嫰滑，去骨去得好乾淨，而且份量都好足夠，啱晒我呢啲唔想lur骨嘅人。口水雞飯（標準版）呢個嘅繁體就會係用返普通嘅白飯，不過會配搭埋一個香濃嘅口水雞汁，所以食落都唔好寡。佢哋用嘅口水雞辣汁係偏辣嘅，唔食得辣嘅朋友記得唔好叫呢個啦。但係我就好鍾意佢嗰種泰式酸酸辣辣嘅味道，夏天食好開胃。

見上網介紹每日賣100盒，專登行20分鐘過去買。收銀姐姐連基本多謝呢啲客套說話都冇講過，比我嘅感覺都唔係好想做我生意，然後去到拎餐嘅時候俾我嗰個姐姐都一樣多謝都冇句...可能我個人感覺呢啲說話好重要。我就做好我自己本分，唔該前唔該後～ 純粹個人感覺。唔知係咪因為食開德民街嗰間啲海南雞份量好多，返到屋企一打開盒雞見到得四塊仔，如果你話$38咋wor？你想點，咁我寧願貴D，份量唔使咁小家。然後我阿媽個盒有兩舊都接近雞pat pat位置....佢好失望...飯同埋雞的而且確有淡淡嘅椰香味，雞滑但係冇雞味，飯都叫粒粒分明，但係唔算我係一個好吸引嘅雞油飯，碗湯反而真係有雞湯+瓜味，唔係話平時個D味精湯。整體總結： 應該唔會再買