古琴雅苑 (利舞臺廣場)

營業中

休息中

琴晚8點鐘喺呢到同朋友食生日飯共7人，食物已經普通，食完野後有幾位朋友去左廁所，個姐姐收左我地d野，就直接拎d碟同刀出黎，去廁所嘅朋友當時已經叫佢等等先，隔左陣，d朋友去廁所未齊人，問都冇問就咁放個蛋糕放上枱，生日個位朋友全左係到睇到自己嘅蛋糕，而我同另一個朋友眼都凸埋，我真係冇見過咁樣放蛋糕上張枱………………………………………………………………………………仲要問都冇問，當時只係9點左右。

又係一間適合多人食飯嘅中菜由於湊大我嘅老人家係位上海人對滬菜一直有個獨特嘅情意結細個成日食嘅上海年糕同銀針粉市面上已經賣少見少😩今次介紹呢間主打片皮鴨半隻嘅份量已經夠四人份餅皮夠熱而且好薄咁就唔會好快飽值得一提嘅係除咗京葱青瓜砂糖甜麵醬呢間會有哈密瓜同黃梅醬俾人做配搭唔會得鹹味之餘仲會減輕咗油膩感😋餐入面嘅其他選項有機會會唔同但我想重點推介嘅松子魚就一定係膽嚟🙌🏻身為魚類愛好者本身對呢味餸已有好感佢整到可以平衡到酸同甜/炸魚同魚肉入口食到係即炸冇話翻炸或者攤凍過個人認為真係做得好出色🥹💯嗰晚食嘅開邊京醬蝦都唔錯🍤唔夠膽講一定係新鮮虎蝦至少佢嘅解凍溶雪程序做得幾好👍🏻但醉雞同上海粗炒我覺得係期望之下兩樣嘢都好普通同埋唔入味🤫如果再多啲人食嘅話推介大家試埋蜜汁燒火方同東坡肘子😋腰果露同杞子桂花糕都一般唔洗留肚到最尾🤭四人餐係 HKD 2000 有找嗌套餐嘅話價錢已經包埋加一散嗌嘅嘢會另外計返加一埋單嗰陣大家異口同聲感覺幾抵🤣因為差唔多係飽到反艇直頭想打包

我哋一行13人星期六晚到銅鑼灣分店用餐，服務態度不太好之餘，食物質素強差人意。剛剛坐低沒多久已經吹下單，茶壺內竟然冇茶葉，紅酒杯污糟，叫職員更換一隻，其實都不用多問直接換就可以，為何還要再在客人面前在燈光下照一照，這個動作是質疑客人的判斷嗎？ 房間內完全沒有空氣流通，問職員可否調校一下冷氣，她說冷氣是中央的，不能調校，而且是按照政府規定24度……..無言。整晚沒有人幫客人換碟…….. 7:45需要還枱，7:15連續兩三次入來問我們有沒有需要再下單last order……..根本沒有給我們時間空間看餐牌……..食物質素差到一個點….鐵板牛肉爆京蔥完全沒有鑊氣，而且上台的時候已經不太熱，小籠包皮太厚沒有肉汁…..鹹蛋黃蝦球，隻碟就大，嚟到嘅時候感覺似人哋食淨…… 主打嘅片皮鴨，客人睇都冇睇過就已經切好上台？？松子魚淋到，完全沒有魚的質感……炒飯油又多而且都係唔夠熱…….埋單三千幾蚊都唔知食咗乜…..一肚氣……….從我的iPhone傳送

被安排坐在門口但明明很少客人，地下很滑，大姐叫我們將就一下。桌上的小菜明顯放了太久酸得很，四處都是醋和水的味道，桌子太細令飯菜沒辦法放好，多次示意卻只見小哥稍顯禮貌幫忙換餐盤餐碟，茶壺難以操作，容易倒漏，茶水並沒有更換的意思令熱水都涼了。北京填鴨很細份，皮很油，肉皮已經分開，可見放了很久，其賽螃蟹不但不熱而且不碎。服務員左眼望右眼，只是站在一旁觀看乘客進食，並無意介紹菜品，整體用餐並不暢快，實在不像在中菜館應有的表現。

成日都聽朋友講利舞臺「古琴雅苑」食物唔錯，今日特別訂咗枱過嚟試吓。酒樓地方唔算大，人唔係好多，我哋六個人坐長卡位，食中菜嚟講唔係好方便。🥢楊州水晶肉：晶瑩剔透，食落一啲都唔肥膩，頭盤開胃小菜🥢烤北京填鴨(全隻)：出名片皮鴨，所以第一時間就試吓，食完半隻再上另半隻話唔想凍喎。大碟連肉的是一般包薄餅皮食法；細碟全皮是點沙糖一口食的，都幾香口😁🥢蜜汁燒火方：火方唔夠香、太硬，只得蜜糖味。不過小朋友覺得用包包住，好玩又好食喎🥢風味松子魚：魚炸得香脆鬆化，個汁酸酸甜甜好開胃😋🥢清炒鱔糊：點講呢…食唔出係鱔，又無味🥢四喜烤麩：訂位送的，前菜囉值得一提係個茶「荔枝玫瑰茶」好香👍🏻

銅鑼灣分店的面積不算寬敞，一側為4人、8人圓枱；另一側為6人、8人梳化座位。無論店內設計，或是菜式，相對上較適合多人聚會。 烤北京填鴨當下單後，醬汁及配料便馬上送到。其後，餅皮以蒸籠方式保持微溫狀態。餅皮看以厚實，實則鬆軟，煙韌。不過，蒸籠的溫度不夠，令餅皮容易放涼。然而，放涼的餅皮也能保持最初的口感，餅皮四周亦不會呈乾裂。 (i)傳統吃法：青瓜、京蔥、傳統甜麵醬。(ii)新派吃法：哈密瓜、蜂蜜黃梅醬。配搭哈密瓜，水果的清甜多汁，大大降低油膩感；蜂蜜黃梅醬更是帶點香甜、滋潤的口感。 兩種吃法各有所愛。近年片皮鴨都在傳統下力求創新，例如鴨胸皮作為一口酥。配上砂糖進食，能入口即溶，油香四濺。 雖說不上是最喜愛的北京填鴨，但整體來說也是無從挑剔。

首先講D食物味道先，叫左個黃金蝦球，一上台已經凍凍地仲要沒味，個炸粉厚過啲侍應面皮。醉雞有骨，如果我事先知，我就唔會叫，雞肉唔算滑，呢個價錢我唔expect有咁樣嘅質素。落樓下1樓食海南雞飯冇咁嬲。呢間野最大問題係上菜嘅速度快到不可思議，我呢頭啱啱落單，唔洗一分鐘就已經可以將D菜擺上台，問一問個waitress，佢話因為廚房好忙所以會預先炒好D菜擺係度！我俾800蚊食餐飯，最低要求都要即叫即炒吧！咁嘅質素同快餐連鎖店一樣啦～ 環境又吵，成餐飯好似係酒樓食咁。真心唔推薦呢間野，D野唔好味仲要收得貴，service 又差，之後都唔會幫襯！

砂鍋雲吞雞除了雲吞稍為過得去，個湯就唔夠味，雪菜毛豆百葉𥚃的百葉太生硬，海蜇黃瓜的醬汁太鹹。奉送的腰果露無腰果味，喝了兩口就沒有再喝下去。只有餐前小碟（酸蘿蔔）還算過得去。

今天想食北京填鴨，上網查詢一下，看到評論古琴雅苑古炭烤製北京填鴨，所以訂位期望有美食的晚餐。抵達利舞台分店，雖早已訂枱但看到還有許多空枱，不到一分鐘已入座，環境一般。坐下點了幾度特別推介菜式，如涼菜、北京填鴨、黑醋骨、清炒膳糊、主食甜品留待餐後才點。第一度涼伴粉皮一般，始終是涼菜，不過不失。第二度招牌的北京填鴨但一點味道都沒有，是我食過最差的一間，肯定不是古木炭烤製，連最普通的XX樓也比不上，更何況其他菜式呢。這間是淅江菜，有涼菜有熱菜，但可以說全部都是涼菜，就算點熱菜上枱都是涼的。餐後點了個炒飯，但都是濕炒上枱，大為失望。甜品不要嘗試了。唯一可取是請了不少中年以上員工，製造不少中年就業機會，貢獻社會，服務態度良好。

一餐令我非常失望的午餐，點了4人餐，再追加半隻烤鴨，至一隻。 先上醉雞，完全無味，雞肉極嚡口，無雞味不但止，亦無酒香，向侍應反映，但沒有回應。烤鴨未上，已早上薄餅，到鴨上，薄餅已漸涼，烤鴨皮色似未經烤香，淡色，沒烤味，烤鴨醬也太甜沒有豉味。 涼菜青瓜蝦仁淡而冇味，酵麩還算可以。醬爆牛肉，上枱時溫度似降了一半，不明所以。松子魚不過不失。粗炒麵質可取，但欠缺風味。津白雲吞，只見剛淥熟紹菜葉幾片加豆腐與雲吞，像是配上雞粉湯。干扁四季豆可接受。桌上最可取之一款，無耐竟是餐前小碟之炸花生。如此一頓午餐(5 人用) 消費 $1565。還是專程慕名造訪，兩個字，加四個字....失望，極之失望❗❗Oct 03, 2022結賬時間  13：47

同屋企人去慶祝中秋節， 一睇店鋪個餐牌就知道，片皮鴨係佢地最出名必食啦～ 片皮鴨配料有，青瓜，京葱之外 ， 仲有哈密瓜🤣鴨肉很多，食曬皮都未食晒d 肉， 要叫多份皮～但係用餐時間得90分鐘 ， 比較趕

今晚約左朋友食飯，朋友喺銅鑼灣番工，就佢喺利舞臺古琴雅苑食飯。先上前菜醃蘿蔔條，爽脆酸甜好開胃。茶方面，嗌左「瑰荔堂煌」，即係玫瑰荔枝茶。飲落好香好舒服。菜肉雲吞麵雲吞有四大粒，餡料多，皮薄得黎唔易穿👍🏻。麵份量多，重有兩棵小棠菜，十分足料。農家醬爆牛肉見餐牌寫住「推介」就叫下。落左少許辣椒和蝦米🦐去炒，味道微辣，香口又惹味😋。牛肉厚薄適中，肉質軟腍易咬。訂座送野食——四喜烤麩。有雲耳和面筋，味道微甜。另叫左半隻烤北京填鴨和意大利黑醋骨。D配料幾特別，多左哈蜜瓜。未試過北京填鴨配哈蜜瓜一齊食，味道又意外地夾喎！哈蜜瓜清甜，正好解了填鴨的油膩。填鴨切得厚薄適中，肉和皮的比例恰到好處，唔會食到滿腔油👍🏻。薄薄的麵皮包著填鴨和配料加上醬汁一同送往嘴裏，填鴨在口中脂香四溢，滿足感爆燈！😍意大利黑醋骨酸酸甜甜，令我不禁食多幾嚿😋。炎炎夏日嗌碟涼拌小食「海蜇拍青瓜」，海蜇和青瓜口感爽脆，吃一口立刻暑氣全消～小籠包剛剛蒸起，上枱時蒸氣騰騰，令人唾涏欲滴🤤。最後嗌埋甜品：腰果露和桂花薑茶湯圓。腰果露好少餐廳有得食，今次梗係要試下。味不會過甜，撒上腰果碎，飲落更添口感。桂花薑茶湯圓有桂花香，食完感到甜蜜

今日突然間好想食鱔糊，經過銅鑼灣，諗住試吓呢間，因為未食過，攞完外賣就返屋企，點知一打開，真係嚇到呆咗，本身裝飯嗰邊係大格啲嘅，都滿一個白飯，但係裝餸嗰一格，本來已經係飯嘅少於一半，佢仲要一半都唔裝滿，一夾佢得10條喎，完全唔好夠送飯，真係絕對無下次😡

今日突然間好想食鱔糊，經過銅鑼灣，諗住試吓呢間，因為未食過，攞完外賣就返屋企，點知一打開，真係嚇到呆咗，本身裝飯嗰邊係大格啲嘅，都滿一個白飯，但係裝餸嗰一格，本來已經係飯嘅少於一半，佢仲要一半都唔裝滿，一夾佢得10條，完全唔好夠送飯，真係絕對無下次😡

古琴雅苑以招牌片皮鴨而廣為人知，上次到訪尖沙咀店感覺不錯，近日再次與朋友來到銅鑼灣店，環境同樣寬敞舒適。烤北京填鴨 ($388/隻) 首先由師傅切出口感鬆脆的鴨胸皮「一口酥」，蘸上砂糖同吃入口油香四溢，其餘部分皮肉比例則恰到好處。烤鴨皮脆肉嫩而且油香豐腴，配上傳統京醬、京葱、青瓜，以及別出新意的蜂蜜黃梅醬和哈蜜瓜，口感豐富同時亦不失清爽。京醬斑球 ($158) 嫩滑無骨並略炸至表面微脆，均勻裹上薄薄一層京醬味道香甜。瑤柱蛋白炒飯 ($108) 味道屬意料之內驚喜不大，簡單而經典。上海粗炒麵 ($108) 加入椰菜及肉絲炒成，不過不失惟麵條質感稍硬。花雕醉雞 ($148) 皮嫩肉滑酒香入味。