古琴雅苑 (QRE Plaza)

營業中

休息中

聽聞古琴雅苑水準浮動，有時好好，有時唔好，決定去try下咩料。個場都算好full，都坐得迫迫地，多人的話安排卡位就會比較理想。片皮鴨都有肉汁，配菜都算好食，及格之上，價錢都算合理抵食，推薦！鴨仔碟幾可愛🦆蟹黃蓋飯就嫌味道不夠濃，有些lup身，不過不失。上海炒年糕好煙韌，幾好味👍🏻👍🏻小籠包就失色啲，可以略過不叫。送的前菜小碟就無咩特別，有青瓜雲耳這些基本涼菜，餚肉都不錯。整體可以嘗試👍🏻

好鍾意食片皮鴨今次就去左間餐廳食茶位每位$18 最特別係片皮鴨配料有蜜瓜比較少見 但味道又好夾🔸至尊拼盤 $208至尊拼盤嘅擺盤好有心思，主角係放喺中間嘅花雕醉雞，雞肉非常滑溜，花雕酒味香濃，亦都好入味。醉雕旁邊有四款涼菜，分別係雞絲粉皮、手拍黃瓜、四喜烤麩同埋水間肉，四款涼菜都非常美味。🔸烤北京填鴨 $218一碟都有成二十片，填鴨嘅皮烤到色澤好亮麗，食落非常香脆，烤鴨嘅油香味非常濃厚，肉質嫩滑多汁，配上傳統京醬同埋青瓜絲、蜜瓜、京蔥絲等等包埋一齊食勁夾，口感好有層次。

母親大人好鍾意食片皮鴨，前幾日就book咗呢間中菜一家人食。٩(˃̶͈̀௰˂̶͈́)و烤北京填鴨 (半隻) 上填鴨之前有一碟一口酥，係鴨皮最脆最油膩嘅部分，可以點砂糖或者黃梅醬食，口感酥脆，入口即溶。片皮鴨肥瘦均勻，鴨皮燒得啱啱好，皮脆肉嫩，有油香，唔會太油膩。餅皮厚薄適中，好煙韌，配料就有青瓜、密瓜、京蔥同甜醬，包住一齊食好滿足。至尊拼盤至尊拼盤有揚州水晶肉、手拍青瓜、雞絲粉皮、花雕醉雞同四喜烤麩。手拍青瓜十分開胃。四喜烤麩內有毛豆、雲耳同埋冬菇，花雕醉雞酒香味濃，肉質嫩滑。鮑魚小炒肉鮑魚小炒肉味道濃郁。鮑魚片彈牙，加上豬肉片炒得香口惹味。古琴炒飯 炒飯好大碟，調味好足夠，有好多蝦仁，炒得有鑊氣。

最近做冬就去咗位於灣仔嘅古琴雅苑餐廳🥰每張枱上都有「暖冬窩心」餐牌，介紹咗餐廳嘅招牌小食主菜😍北京烤鴨👍👍片皮鴨的皮酥脆，肉質鮮嫩多汁，每一口都油脂爆發，加上白糖又係一度可口嘅零食。經典搭配需要用甜麵醬，蔥絲，青瓜絲，哈密瓜絲。口感豐富，小編都忍唔住食咗六舊！嫩雞煨麵🐥每一次食片皮鴨都必須要叫返碗清湯雞麵，食返少少澱粉質，同時用雞湯清一清啲油膩感💖至尊拼盤分別有花雕醉雞、雞絲涼皮、四喜烤麩、水晶肴肉同埋刀拍黃瓜🥒小編就最愛花雕醉雞，啖啖肉得來，雞皮非常爽脆，仲有好香濃嘅花雕酒味古琴雅苑 (灣仔QRE Plaza)灣仔皇后大道東202號QRE Plaza 19樓

1. Book 9人位，擺7對筷子，叫咗要多兩對，叫足半個鐘都冇，咁我唯有自己去攞，個負責人黑口黑面2. 要4個飯，餸都就食完，飯都未到，又再一次親自上前去問，個負責人叫我唔好催，大佬，我餸都就食完，唔宜家催要等幾時？3. 到埋單，明明叫2嘅，數量就變4，同個負責人講，又黑口黑面4. 明明俾咗訂，又扮唔記得扣返訂金，好聲好氣同佢講之前俾咗訂金，個負責人又叫人唔好嘈佢，話會搞到佢亂哂大佬，你咁嘅服務態度，我比你仲亂啊食餐團年飯，乜都要自助都算啦，仲要俾你（肥肥地個短頭中年女性）黑口黑面對待，真心嘥錢買難受

年三十晚已經訂好位，而且按店舖要求付了$500訂金，準時到達前幾分鐘收到電話確認，但到達前台時姓譚知客說找不到我們訂位紀錄，我們一邊在等，知客先接待其他客戶不斷讓他們進場，等了15分鐘後發覺原來知客搞錯，把我們訂座紀錄（鉛筆字）擦走了，而樓面已經滿座，沒有位置給我們。之後知客要求我們去另一層一家火鍋酒家入座，但因為座位擠逼加上火鍋氣味很大，我們拒絕了。後來回到前台要求管理層或者經理出來解析，知客一直堅持說店舖裡沒有任何經理或者管理層，因為經理要跑幾家分店，最後唯有退訂離開。很不愉快的經歷，以後絕對不會來了。

蒜子時蔬會係菜心，每條個菜頭都係啡色爛嘅，唔似有摘過菜。半盒都係水，係就係有蒜子，但點都估唔到會係烚菜。黑醋骨又硬又鞋，似煲完湯攞去浸醋。有好多完全無肉痴住單獨一舊骨。

餐廳特色北京烤鴨，當然要一試！這裡室內裝修大一點古典設計。喜歡他們的產品選擇豐富有玫瑰花茶，菊花茶等選擇。᪥北京烤鴨這裡的北京烤鴨有別於平日吃的，京式造法很特別，先上了鴨胸最嫩滑的部份,是廚師推介，鴨胸片蘸白沙糖，將鴨胸點上砂糖入口即溶，喚醒了味蕾。這裡用了青瓜京蔥哈密瓜作為配料。哈密瓜清新，另配上了京醬秘制蜂蜜黃梅醬，真的是很特別，完全不像我平日吃的。᪥至尊拼盤至尊評判，包含了計時粉皮,醉雞,肴肉，酸拍青瓜和齋，款款也很精緻。特別喜歡肴肉，是小朋友至愛。蟹粉鮮魚羹橙黃色的湯羹，蟹粉豐富，湯羹比較厚身，也足料！魚肉細滑有鮮味。🐲農歷新年就快到了！餐廳推出龍年吉祥套餐，有二人餐至十二人餐也各有選擇，可以品嘗到餐廳特色美食更優惠吸引。

上年食過佢地既片皮鴨之後，一直對呢間餐廳有好既印象，難得朋友今次話想食中菜，於是我即刻訂座。 我地共叫左4樣野，分別如下： 🦆烤北京填鴨（半隻）$228：非常出色，難怪係店入面既招牌菜！鴨皮烤得香脆，肉質嫩滑唔酥，麵皮剛蒸好唔係凍既，搭配附上既6小碟配料及醬汁，簡直絕配💯💯 🍜招牌擔擔麵（少辣）$92：一上枱已經聞到好香既花生醬味，雖然湯底望落唔太杰身，但唔會好淡，辣味亦夠，對唔太食得辣既人黎講剛剛好🤩👍🏻 🍜開洋蔥油伴麵 $92：味道咸香，面頭有好多隻蝦仔，每條麵條都掛滿蔥油 🥛豆漿 $38：正常發揮 上述食物份量剛好，兩個人食到捧住個肚走，將來會再黎Encore😋😋

嚟呢度一定要食片皮鴨😋我哋叫咗半隻片皮鴨、鴨皮酥脆帶油香，鴨肉鮮嫩，配上甜麵醬同蔥絲，yummy~ 至尊拼盆包括四種小吃：四起烤麩、醉雞、雞絲粉皮、鎮江肴肉同雲耳青瓜。四起烤麩係以麩皮夠入味，配上各種醬料，味道豐富。醉雞係以雞肉煮熟後浸泡喺特製醉雞湯汁入面，味道鮮美。雞絲粉皮係以粉皮同雞絲拌炒而成，麻醬好味。鎮江肴肉夠傳統。最後，雲耳青瓜爽脆，增添口感。小籠包滿滿嘅湯汁及豬肉餡。一口咬落湯汁滿滿，味道鮮美。另外，火腿津白係一道簡單美味。火腿帶咸香，配上津白菜🥬。

食過一次嘅古琴雅苑，家人大讚高質，今次再嚟食，適逢仲係冬日有「暖冬窩心」系列，款款都好吸引，不過今次得兩個人，所以揀得唔多款🦆北京烤鴨超高質片皮鴨，片皮鴨一啲都唔油，十分厲害，食落冇咁有罪惡感，皮同肉比例剛好，包住配料食味道口感很讚😋好好食🉐除咗常見嘅烤鴨醬，呢到仲有甜酸醬，較清新又可解油膩感，鐘意呢個醬👍🏻另外除咗🥒青瓜絲，仲有🍈哈密瓜絲，一樣新穎，配搭都好好👍🏻🦀蟹粉扒豆苗本身好想食菜，難得有少食嘅豆苗，一定要食😋豆苗超嫩無渣👍🏻當然加埋蟹粉更加正，即刻矜貴不少，味道更提鮮🉐🚩古琴雅苑 (QRE Plaza) (灣仔) 📍灣仔皇后大道東202號QRE Plaza 19樓

去到灣仔的囍帖街行街，順便去古琴雅苑食飯，位於灣仔 QRE Plaza 19樓，位置好方便。餐廳以傳統掛爐烤製，皮脆肉嫩的烤鴨，環境舒適，店員有禮貌☺️✨古琴酒糟烤北京填鴨（半）$218北京填鴨賣相精緻，上枱已聞到香氣，卷餅皮熱辣辣，薄而柔韌，鴨皮烤得酥脆，入口油香四溢，配上清新的青瓜、京蔥及哈蜜瓜，加上秘製的蜂蜜黃梅醬和京醬，口感豐富🤤✨蟹粉扒豆苗 $178豆苗保持爽脆嫩綠，配上鮮甜且蛋白質豐富的蟹肉，味道鮮美😋✨南翔小籠包 (6件) $82一籠六個，望落好精緻，小籠包底下有個紅蘿蔔片，避免因為小籠包同籠底張紙痴住而漏湯汁，加分~ 餡料肉汁豐富，十分鮮美🥰

烤北京填鴨配卷餅烤鴨外皮脆卜卜，搭配著熱辣辣嘅蒸卷餅，包住蔥絲、黃瓜絲和酸梅醬、甜醬，juicy又解油膩，層次感豐富。紅油抄手賣相色澤紅亮，抄手皮薄，口感似雲吞皮，又比較滑嫩，餡料都算多，整體都唔錯，甜辣風味，令人越食越開胃🫶🏻南翔小籠包小籠包小巧玲瓏，皮薄而富有彈性，包著嘅豬肉餡料鮮嫩，食嘅時候要小心，會爆汁😄紅糖桂花湯圓點少得甜品，湯圓細細粒，，賣相可愛，內裏係黑芝麻餡，紅糖水+桂花嘅甜湯入口甘甜，同湯圓好夾👍

今晚約咗朋友敘舊，朋友揀咗呢間位於灣仔囍帖街附近嘅上海菜，好彩我哋有book位，我哋上到去嘅時候已經差唔多滿座。烤北京填鴨一坐低一定要叫北京填鴨，烤到香脆可口嘅外皮，肉質嫩滑多汁，加上醬汁，京蔥哈密瓜青瓜等口感比較豐富。至尊拼盤有水晶肴肉，雞絲粉皮，拍青瓜，醉雞， 烤麩，可以滿足晒我哋咁多個人唔同嘅喜好，全部都非常好食。南翔小籠包小籠包鄙薄餡料多，一咬落去就爆汁。高力豆沙香蕉甜品我哋就叫咗高力豆沙，高力豆沙入邊充滿濃郁香甜的香蕉，令到味道更加提升。

🍽️烤北京填鴨賣相吸引，片皮鴨即叫即整，好新鮮！鴨皮烤得酥脆，上枱已聞到香氣，入口油香四溢，口感豐富，卷餅皮薄而柔韌配搭大蔥絲和黃瓜絲，更見清爽，口感豐富。🍽️至尊拼盤拼盤賣相精緻又華麗，有五款小食，好似我咁，想試多幾款嘅，就啱晒！四喜烤麩～烤麩即係麵筋，吸收晒醬汁，入口甜甜地，好惹味！涼拌青瓜🥒～酸酸地，口感清爽。雞絲粉皮～粉皮帶有彈性，同清爽嘅雞肉本身冇咩味，一搭上麻醬，整體就惹味得多。醉雞～酒味醇厚，尚算入味，個人覺得如果整體都係雞髀肉，口感就會更匹配。鎮江餚肉～入口凍冰冰，口感軟嫩，配搭鎮江醋，酸酸甜甜，令人驚艷！