影片
食家推介
今日中午去食，叫左滷肉飯同鹽酥雞加杯芋泥鮮奶。首先個滷肉飯其實係肉燥飯加幾粒滷肉粒，同我所認知既滷肉飯唔同。不過味道可以接受就算啦。第二鹽酥雞，無九層塔既香味，唔緊要。有d 硬，都唔緊要。味道都係可以接受。因為我係以food court 水準去評價。最不能接受係杯芋泥鮮奶，芋泥變芋粒，又無啦啦有紅豆喺入面，所謂既鮮奶好似水溝少少奶精。勁難飲。原價係賣30幾蚊杯。心諗無下次就算，所以無影相。其實呢個價錢有更多更好選擇，所以寫呢個食評想提自己無·下·次。
繼續閱讀
今晚喺德福商場趕時間，試咗「古早台居」嘅晚市套餐，香酥大雞朳肉燥飯，配埋杯大黑糖珍珠奶茶，性價比唔錯！ 👉 香酥雞朳✨外皮炸得脆身，粉漿算薄唔會一口油膩感，咬落去仲keep到肉汁，係略嫌size比宣傳圖細咗個碼（呃like度打折扣😂）。如果同圖片一樣大件，視覺同滿足感肯定爆燈！ 👉 肉燥飯✨滷汁香濃，肥瘦比例適中，撈飯食幾開胃，不過肉燥可以再多啲就完美。 🥤 黑糖珍珠奶茶一定要揀咗小甜！珍珠煙韌掛到黑糖香，杯量夠大，飲完飽到上心口～ 總結：趕時間想食台式風味可以一試，尤其推薦小甜珍奶！如果雞朳「照騙」還原度高啲就更好～ 📍#德福美食 #台式快餐 #性價比之選 #黑糖珍奶控
繼續閱讀
雖然係food court，但一啲都唔係hea，份量多大碗？🥢一口鹽酥雞麵+炸花枝丸（$69)-雞及花枝丸都係炸，🐔雞炸過左少少有D硬，但花枝丸🍡剛好脆口，😋麵嘅牛肉湯底濃香，麵彈牙，似番喺台灣食嘅麵，好過茶木🤣🥢 珍珠奶茶(跟餐$15)-jumbo size，勁大杯抵飲👍👍，好多珍珠飲唔晒呢度都算大好多位，亦都有卡位，晚市都有位坐，唔使等位排隊，出餐都快，仲可以叫埋其他攤位嘅嘢食，一個地方可以食其間餐廳嘅食物，一次過滿足晒幾個願望
繼續閱讀
我嗌嗰陣指住個學生餐餐牌同佢講，我要呢個雞翼餐、要米粉、荔枝綠茶咁樣。當時我態度都幾好，但係店員態度真心唔ok，佢最後收咗我原價🫥我比完先知佢收咗我原價，我係即時同佢反映佢收錯數，佢反而將個問題指返去我嗰度，覺得係我冇指示清楚要學生餐，所以唔會俾返我。我嗰刻係呆咗，呢間嘢就係恰學生囉😂我兜返過去想佢退返差額俾我，都已經唔係只係因為嗰$9，係我覺得佢態度好有問題，將個責任推落客戶度，佢都係唔覺得自己有問題，我已經諗住放棄，係佢隔離個同事都覺得佢有問題，話要退翻俾我。成餐飯又唔係特別好食，滷水蛋乾到爆。一個極差嘅體驗。
繼續閱讀
今日天氣好，約了由英文回來的朋友去九龍灣行下街。友人提議不如去food court 看看，橫掂好多年都無上過去，唔記得是什麼樣子了。行過有得飲茶的，不過他們都不會想飲茶的。到這間外面看看，見到都有不小小朋友都買這家的餐，所以有興趣試下是什麼一回事。可以由相片見到這家的鹽酥雞是做得不錯的，蛋和滷肉飯是ok的。有趣的是這飯有跟一個泰式汁，大家都識的潘生甜辣醬，有隻雞在label 上。唔怪得有很多小朋友歡迎來這間。今次彩蛋是介紹ikea ，無錯是ikea。因為朋友都唔知ikea 其實很久之前是在這商場的。之後才搬家到MegaBox。
繼續閱讀