古今二 (荃灣千色匯I) (已結業)

不經不覺間己經在不同地方開設多間分店，現在更已開到荃灣!我當然第一時間去試吓🐉金龍卷🐉這款卷物的造型猶如一條金龍，以三文魚表現鱗片，炸蝦代表龍身，簡直是一件藝術品！金龍卷的口感豐富多變，鮮美無比🎆煙花🎆煙花卷將爽口的吞拿魚粒、蟹肉棒、蟹籽和酸甜的脆片結合在一起，口感非常獨特。每一口都像是一場煙花盛宴在你的口中綻放，讓人回味無窮✨🌪️龍卷風沙律🌪️這道菜的名字取自龍卷風，因為它的造型就像一個迷你的龍卷風！用新鮮的生菜裹住蟹肉和蟹籽，搭配特製的沙律醬，清爽開胃，讓人忍不住一口接一口！🤤🍶清酒煮蜆🍶最後，我們來品嚐一下清酒煮蜆這道菜。新鮮的蜆肉經過清酒的燉煮，蜆肉更加鮮美，而清酒的香氣更是讓人陶醉！對於喜歡嘗試新口味的朋友來說，這道菜絕對值得一試🥂

我同朋友點了壽司套餐及壽喜燒餐，加了件壽司及炸餃子，點了兩杯熱檸水。員工服務態度好差，我一位坐下未叫任何餐點，就來了麵豉湯，問員工可否等一下再出湯，因為朋友未到想等埋一齊，她卻回應：「廚房出左就出左，尼個湯係免費，你唔想飲可以唔飲。」當下感覺真的很差。。。即使唔可以，都不用這種態度吧？然後又來了兩份炸餃子，我哋跟剛才那位女員工講多了一份，佢拿走了一份再回來想取回餘下的一份，我朋友再說我地有叫的，她卻堅持說我地沒有點（？黑人問號？）我朋友再拿手機點餐的記錄給她看，她才放下餃子。另外食物價錢並唔算好平，但質素真係唔ok…壽喜燒套餐的飯真係好凍好硬….完全食唔落。其他食物也很一般。最後，我一進店已與waiter用電話號碼確認出席，不能理解為何之後收到通知mark我們缺席？希望餐廳負責人正視一下員工服務態度以及食物質素問題。

最後朋友推介我如果去開荃灣既話一定要試下古今二既卷物，價錢唔貴之餘又好味！今日就的起心肝去試下，分別order左一份金龍卷同埋煙花。擺盤都已經好吸引，非常用心！食材新鮮，炸蝦脆卜卜配埋新鮮既三文魚，非常出色！除此之外另外仲叫左龍卷風沙津同清酒煮蜆，清酒煮蜆好鮮甜，份量都唔少。值得推介！整體每樣食物食材都好新鮮，雖然餐廳細細但好cozy好舒服，但上擺盤好用心。果然朋友冇介紹錯，卷物係一定要試！食得好愉快既一餐！

喺荃新天地，見到一間食日本嘢，咁啱自己一個人行過，坐低就叫咗一啲卷物，我最鍾意食嘅秋葵，同埋一個沙律！呢個麻將豆腐沙律，超級好食，個豆腐凍冰𣲙撈落啲菜好醒胃呀！跟住叫咗個龍捲風卷物，入邊好似有啲軟殼蟹做餡，煙煙韌韌，好好食！倒另外一個叫做富士山好多蟹柳絲塔到一座山咁好靚！好友食慾！仲有我最愛嘅秋葵入邊讓左一啲蝦肉非常之好食嘅天婦羅！呢個真係會再叫！叫咗幾樣巳經食到飽飽！無下次同朋友叫多啲卷物，呢間好多選擇，會再嚟！

母親節當日，陪媽咪去千色滙行街順便食lunch。可能過左午市繁忙時間，唔駛排隊就有枱。今次叫左三文魚壽司，腐皮壽司，北寄貝同火灸左口魚裙邊壽司。卷物就叫左小朋友至愛既三文魚卷同古今二出名既特色卷物～青龍卷。牛油果鋪面配上壽司飯入面包住鰻魚，清新唔會膩，好味道。熱食點左日式叉燒雞湯鍋烏冬，雞湯鮮甜，烏冬亦用上日本烏冬所以好有彈性，除此外，分量亦十分多，我地3個人都食到好飽。下次可以再試多幾款特色卷物，應該唔會令人失望。

呢間日式餐廳既卷物壽司真係幾好食，已經唔係第一次食了～ 今日去左荃灣做野，咁岩荃新天地呢度有分店，所以就食呢間！ 個人覺得呢個金龍壽司卷係食極都唔會厭既卷物！ 上面有三文魚，入面有炸蝦，又脆又軟，口感好豐富！ 加埋佢地配搭既沙律醬，好好食😋今次叫多個 - 煙花卷， 係由吞拿魚為主既飯卷，上面好多吞拿魚蓉，入面有吞拿魚切粒，魚生方面好新鮮，食落好有刺生果種彈牙既質感，廚師仲係上面灑左啲類似薯片粹既脆脆，又係多重口感既卷物～ 古今呢間餐廳既壽司都做到好精緻，好多配搭，真係好有心思～ 今日仲叫左個清酒煮蜆同什錦天婦羅～ 個清酒煮蜆我連湯都有飲，好清甜好好飲😂😋🥰 蜆肉都大粒既～ 鮮甜😋會再來食～

【荃灣•古今二 】@kokon2.tw————————————————————————紅色暴雨嘅天氣下，嚟到荃新天地行下，呢次係我第二次食「古今二」，主因呢間鋪頭嘅刺身同壽司用料上乘而且新鮮，價錢大眾易接受，選擇亦多樣化。🍯｜忍者雙辣｜HKD 88包裹住壽司嘅外層十分香脆，沙律醬配搭少少辣醬十分特別！😍🍯｜搖滾樂｜HKD 82黑白芝麻鋪係鰻魚上邊，型格十足，壽司捲入邊包裹住芝士、牛油果、天婦羅，層次十足又香脆又好味。👏🍯｜自家玉子燒六件｜HKD 55三角形砌狀，擺盤有特色，玉子燒配上沙律醬汁以及魚籽等食落一啲都唔單調，好味😁🍯｜日式麻醬豆腐沙律｜HKD 78豆腐配搭沙律第一次試，豆腐麵鋪上一粒粒鮮紅色嘅魚籽，十分吸睛，配搭蕃茄、沙律菜、麻醬等，睇落十分健康既搭配，岩曬減緊肥既我😍🍯｜古今日式煎餃六隻｜HKD 56外皮煎得啱啱好，食落豬肉味比較清，配上醬汁可以提高餃子層次品味😝

中午約了友人吃lunch，選了這間以特色卷物最為出名的古今二，這次也選擇了單點（午市有提供set lunch）因為單點的卷物更吸引🥢 蜘蛛（$96）應該是在形容中間的炸軟殼蟹😆還有飛魚籽、青瓜絲、牛油果及蟹柳👍🏻贊🥢 煙花（$79）以扇形碟呈上，賣相精緻✨卷物中間包著三文魚及脆片，上面再放上球狀的吞拿魚蓉🥢 清酒煮蜆（$128）蜆肉大粒又鮮甜🥢 龍卷風沙律（$76）之前食過覺得不錯👍🏻這次再點☺️分量依然大，蟹柳、中草沙律、煙肉味脆片及生菜，微辣清新

荃灣可以坐低食嘅日本嘢唔算好多，呢間喺其他地方都有分店，見到佢個賣相都幾靚，就試下啦。柚想蝦你($98): 有中華沙律，車厘茄，蘋果，柚子，蟹籽，牛油果，甜蝦同柚子汁。 平時去壽司舖頭其實都好少叫沙律，但係睇到其他相見到咁大兜，就嗌黎食。果然不負所望，菜嘅份量真係好多，而且真係足料嘅，以且搭得好高，同埋落咗麻醬，感覺到好清新同開胃。用料亦都新鮮，唔會係切左好耐黎備用。火山($128): 朋友指定要叫呢一個，上菜嘅時候兩邊職員會幫手點火，真係成個火山咁樣，咁個效果都好震撼。壽司方面，底下用上青瓜牛油果手卷，上面嗰層鋪滿蟹柳同帶子，經過火槍燒一燒，煙煙韌韌咁樣，感覺都幾過癮。蜘蛛($96): 呢個係我啲名叫嘅，純粹好耐冇食過軟殼蟹，其實係炸軟殼蟹青瓜牛油果蟹柳卷。一碟有5嚿，食得出係新鮮包嘅，軟殼蟹都係脆身，如果可以再多啲嘅話就可以滿足到我個食慾啦😂雜錦天婦羅($88): 兩條蟹柳釀秋葵，三隻炸蝦同埋兩嚿甜番薯。炸粉唔算太厚，而且都係即叫即炸，最欣賞嘅係蟹柳釀秋葵，本身唔好秋葵，但係讓左落去反而冇乜滑潺潺嘅感覺。總結：通常第一次去一間餐廳都會嗌佢推介嘅嘢食，今次嗌咗三樣都算幾好。其中火山亦

網上見到呢間評價都唔錯加上好難book位 所以一直都好想試終於今日去咗食lunchTotal 叫咗3 個set lunch 諗住佢卷物好似係主打 但點知黎啲野 賣相好一般 覺得有點圖文不符味道亦都普通 唔覺得有咩特別完全唔似食緊日本野 ⋯⋯職員態度亦都比較冇禮貌 我哋想落單 佢哋就叫我自己掃QR code落單但我明明見到佢啱啱先同隔離嗰台落咗單所以我先會叫佢幫手落單 另外我知道佢夜晚食飯限時90分鐘但我冇諗到佢lunch時間 限時75分鐘感覺有點趕 當時其實都2-3 點 出面亦都無人等位我哋兩個人 叫左三個餐先叫做勉強啱啱好夠飽所以埋單三百幾蚊 如果咁嘅價錢 相信有更好嘅選擇下次都唔會考慮

朋友係千色匯附近返工 剛好我放假 就係佢返工附近食ʟᴜɴᴄʜ 順便八卦下佢最近有咩新戀情 ♩ ♪ ♫ ♬朋友叫左個 ⥅日式炸雞午市定食 ⥆ $𝟟𝟝我叫左 ⥅仙台牛舌煎定食 ⥆ $𝟟𝟚有湯 沙律 飲品 仲有泡芙做甜品 一個定食咩都有曬 滿足呀*\(^_^)/*朋友既日式炸雞午市定食仲有埋餃子 佢未食前已經知道分量太多 一定食唔曬 (☉_☉)我都差啲食唔曬 個飯都幾大咖啡係自己落糖同奶 可以按自己鍾意既分量落 唔洗怕店員落幾多令到你𝕱𝖆𝖙𝖋𝖆𝖙(๑´ㅂ`๑) ʟᴜɴᴄʜ ᴛɪᴍᴇ唔係太多客人 可以輕輕鬆鬆悠悠閒閒同朋友傾戀愛心事 如果知道依加呢個情人唔會長久 但又想𝑒𝓃𝒿𝑜𝓎 記住要𝓈𝑒𝓉 𝓉𝒾𝓂𝑒𝓁𝒾𝓃𝑒呀 我係呢度幫你紀錄低 下年再提你分手 Ψ(｀◇´)Ψ

古今二Staycation 係荃灣搵餐廳，於是試下千色匯入邊嘅特色日本餐廳，比較出名嘅係卷物同埋自創日式菜。龍捲風沙律 $76分量極多嘅蟹柳，加上果醋沙律汁，再由蟹籽，沙律醬，最神奇係面頭會有薯片碎，但係整體而言味道唔錯！😊而且份量非常充足，如果三至四個人share都非常之足夠！椒鹽雞腎（2串）$48雞神燒得，出奇地好食，平時我好少食串燒，呢一個串燒燒得非常Juicy😊火山 $128好神奇地會點火，喺旁邊燒完之後壽司卷都會微微熱嘅，面頭亦有大量嘅蟹柳，味道同個沙律好相似，但係有非常多份量嘅卷物，好夠飽肚😊壽司薄餅（辣味三文魚）$98原來薄餅，係用飯做成，外皮香脆，應該係用薯仔租成面皮包住啲飯，同樣地壽司表面亦有薯片碎，香香脆脆，辣味三文魚都幾好食🙂👍🏻

食日本嘢真係百吃不厭！除咗平時食嘅壽司，我都好鍾意食卷物！古今二一向出名好多唔同類型嘅創意卷物！今次就試咗個超級龍捲風，裏面有芝士、吉列蝦等等，上面仲有啲脆脆，好好味，味道的確唔錯，而且份量都幾足我哋都叫咗個沙律，佢個名好搞笑叫做柚想蝦你，裏面有柚子肉、甜蝦、中華沙律、沙律菜等等，味道非常清新然後我哋叫咗幾款燒物，鹿兒島黑豚荔枝卷串燒、櫻花蝦茄子燒同宮崎黃金炸豆腐！黑豚肉包住荔枝，荔枝嘅味道可以解膩，而且好清甜櫻花蝦茄子燒上面鋪滿櫻花蝦，燒得好香！宮崎黃金炸豆腐即叫即整熱辣辣，外脆內軟整體黎講都唔錯

2023.04.07 dinner復活節假第一日，出咗街，跟住搵咗呢間食早飯，之前係另外兩間分店都食過lunch，都幾鐘意，仲幾抵食添！但原來晚餐⋯⋯係中上價錢兼冇定食，飯類又得3款，唔啱食😝我哋都揀咗陣先揀到食咩🤪終於叫咗兩款卷物，好多都有鰻魚，女友唔食冇揀，所以揀咗加州卷同埋海老天婦羅卷，再加個日式叉燒雞湯煱烏冬，諗住唔夠先再叫😝卷物都先，兩款都正常，好味。原來個喎都唔細！但賺佢將啲烏冬煮耐咗，材料種類唔算多⋯⋯菜好多，味道幾好，足夠二人份量👍🏼

這一天來到荃灣千色匯三樓的「古今二」晚餐。餐廳環境舒適，坐得都舒服，裝修感覺都好新穎。餐牌嘅選擇都好多～我哋點解四樣嘢食：日式麻醬秋葵豆腐沙律沙律菜新鮮爽脆；豆腐味道好好，非常滑，有香香嘅豆漿味；秋葵切到細細粒，容易入口；加上麻醬嘅香味，整體全份沙律味道及口感也好好。我地點左兩款卷物，分別叫「蜘蛛」同埋「超級龍捲風」。超級龍捲風餡料包括鰻魚、蝦、青瓜、芝士、脆片等，賣相豐富，鰻魚味道濃郁，吉列蝦都炸得好好，加埋芝士令到味道更提升；清新嘅青瓜同埋脆片增加口感，呢個配搭唔錯。蜘蛛餡料包括青瓜、牛油果、炸軟殼蟹、蟹柳。炸軟殼蟹嘅份量非常之多，配合牛油果食口感豐富，蟹柳絲帶出甜味，最後有青瓜解一解油膩感。雜錦天婦羅即時炸好嘅天婦羅絕對係一流！天婦羅蝦脆脆嘅外皮同埋鮮蝦肉加埋嘅口感好好；仲有包着魚肉嘅秋葵都好特別；我們最喜愛嘅係天婦羅日式紫薯，紫薯味道香甜，軟糯，爭住食滿足嘅一餐