古今二 (The ONE)

營業中

休息中

餐廳：古今二地點：尖沙咀The ONE菜式：日式居酒屋餐牌：主打特色創意卷物，主餐牌有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯麵類同飲品。呢度都有二人前套餐。午市仲有多款定食，又有壽司盛，刺身丼，蕎麥麵套餐。蕎麥麵套餐都有4款。蕎麥麵套餐D $98 另加一蕎麥麵套餐D包火山/金龍2選1，加州/費城2選1，配冷熱蕎麥麵。我揀左金龍卷配加州卷各4件，兩款卷物伴有沙律菜，仲有食用花裝飾。都有日式芥末。金龍卷係壽司飯卷上面舖上新鮮肥美嘅三文魚，加少少香辣沙律醬。飯卷中間卷住紫菜，再包住炸蝦同忌廉芝士，食落又脆口又滑溜，連炸蝦尾都食得。飯加上黑白芝麻粒增添香味。我好鍾意呢款卷物既多重口感同味道。加州卷係加上黑白芝麻粒嘅壽司飯包住牛油果同蟹柳，面頭加上大量蟹籽，口感外脆內滑，比坊間加州卷好食！冷蕎麥麵（跟餐）揀左冷蕎麥麵，細細兜，綠色幼身蕎麥麵係極有咬口，加上紫菜碎。另上冷麵汁，蔥花，白蘿蔔蓉，日式芥末，可以自己調味，清爽腸胃冇負擔。東京爆脆 $98 另加一東京爆脆一客五大件，係紫菜飯卷包住吞拿魚同蟹柳，中間個層超脆！再加上蟹籽同沙律醬汁炙燒，口感非常薄脆，味道唔

今次又去咗「古今二」試下其他特色卷物😬.東京爆脆🍘內餡係吞拿魚同蟹柳🐠香脆又好味😆.午夜牛郎🍙卷物炸至金黃色✨同樣脆卜卜😝內裡包住忌廉芝士🧀三文魚、牛油果等🥑再以明太子醬點綴😍口感豐富😋.龍卷風沙律🥗有生菜🥬中華沙律、蟹柳🦀蟹籽同薯片🍟味道清新帶微辣🌶️.鹽燒白鰻🐟白鰻肥美彈牙😗外皮燒得香脆🔥魚骨唔多☺️輕輕用鹽調🧂更突出白鰻嘅鮮美🤤.紫蘇葉雞肉串燒🐓紫蘇葉味道較為強烈🌿同鮮嫩多汁嘅雞肉好夾😛

古今二位於尖沙咀彌敦道100號The ONE5樓502號鋪，餐廳採用簡約的日式裝潢，帶有一絲懷舊風格，座位舒適，提供舒適自在的用餐環境。主打日式料理，色彩鮮豔迷人，並以創新的搭配使味道更加豐富，其中壽司卷系列是最具代表性的菜式；此外，還提供多種冷熱盤菜餚，且價格合理，適合不同口味的食客。蟹柳沙拉採用新鮮爽脆的蔬菜，搭配蟹柳和蝦籽，加入自家製辣沙拉醬，味道不錯，能夠開胃。鰻魚卷外觀精美，內含鰻魚、芝士和青瓜卷，炸蝦卷則香脆可口，口感層次豐富，並與表面的沙拉醬點綴相得益彰。烤串則口感彈牙爽口，油香十足，品質一流。這是一個情侶或者三五知己享受美食的絕佳場所。

古今2係出名食卷物，去到尖沙咀都有D掛住😋超級龍捲風$98有炸蝦、鱔、青瓜！炸蝦好香脆，同鱔嘅比例岩岩好。伴碟有好多脆片，加埋一齊食，口感豐富火山$128打卡able 嘅火山飯團！有勁多蟹柳、牛油果，仲有帶子😍加上佢地嘅秘製醬料，就算好多飯都會令人吃上癮🤣鹽燒白鱔$38肉質彈牙！少少鹽，食到焦香味😬日式麻醬豆腐沙律份量驚人🤣夠晒多蛋白質！好多魚子粒粒，不過沙律醬有啲多如果唔鍾意食沙律醬，我會將啲沙律菜mil起上嚟😛

今日同朋友喺尖沙咀The One行完街，想搵餐廳食lunch，見到「古今二」就諗起之前喺其他分店食過，佢有好多款特色捲物，之前只係試過幾款，所以今次都揀咗呢一間餐廳試埋其他款式。我哋嗌咗日式麻醬豆腐沙律、黑豚豬頸肉串燒、鹽燒白鰻、火山同東京爆脆。沙律有滑豆腐、蟹柳、蟹籽同沙律菜，蔬菜食材新鮮，開胃消暑；黑豚豬頸肉燒得好香口，咬落去充滿油脂又爽口，燒汁嘅調味啱啱好；白鰻炭燒完之後，仍然保持到魚油同魚身嘅嫩滑，而且食落冇魚骨；火山係一個充滿視覺享受嘅卷物，職員上菜時會將伴碟兩旁嘅鹽粒點火，而卷物堆就會喺碟嘅中間，營造出一個「火山」嘅畫面，卷物入面有帶子、牛油果、蟹柳同蟹籽，份量充足，口感飽滿；東京爆脆一個係一個餡料相對較少嘅卷物，只有吞拿魚同蟹柳，不過配上醬汁同灑喺表面嘅飛魚子，仍然有爆脆嘅感覺。📍尖沙咀彌敦道100號The ONE 5樓502號舖位置就腳：🍊🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

因為食過銅鑼灣分店覺得好好食，今日特登過嚟尖沙咀食佢另一間分店試吓。古今二尖沙咀分店位於The One 5樓502鋪🥗龍捲風沙律$88 巨型沙律，真係好似龍捲風嘅造型！入面有蟹柳，蟹籽，中華沙律再加上一啲帶微辣沙律醬好開胃！🐟鹽燒鯖魚$82燒得好靚仔，加上檸檬汁，好清新！🐂埼玉網燒牛舌（4件）$78薄燒但夠火候，爽脆肉嫩，牛香刺激味蕾！🍢黑豚豬頸肉串燒（1串）$32豬頸肉燒得剛好，外脆內軟，油香撲鼻！🍣午夜牛郎$98午夜牛郎係屬於牛油果個牛😂飯卷着三文魚，牛油果，芝士，而且炸過，再加上醬汁，暖暖哋啱晒唔鍾意食生冷嘢嘅人士，但又可以感受壽司嘅美味。

早期食過銅鑼灣嘅古今之後，原來尖沙咀都有間「古今2」，可以開到有第二代，相信食物款式同質素應該更昇華啦～《 天婦羅炸蝦 》4 / 5上菜速度好快，熱辣辣嘅天婦羅作為開胃嘅頭盤最適合不過🍤 炸皮鬆化，蝦肉亦彈牙～《 大阪自家製炸雞 》4.5 / 5上次冇試到佢哋嘅炸物，今次一於試最經典嘅炸雞！估唔到咁有份量，仲要舊舊都好似𝘉𝘉拳頭咁大😍 外皮好薄有蒜香味，內裡雞球肉質滑嫩，一夾起都已經有雞汁流出來🤤點埋蟹籽沙律醬更加開胃同惹味😋《 火焰金龍卷 》$113 4.5 / 5炸蝦被忌廉芝士同半炙三文魚包住，鹹香惹味🤤 好鍾意佢哋嘅壽司飯醋味較重，所以食落都無咁油膩，飯卷亦好實淨唔會一夾就散😎👍🏻米飯用嘅係無洗米，保留咗米飯嘅原始甘香同埋營養，非常講究👍🏻《 蜘蛛 》4.5 / 5色彩繽紛嘅卷物，分別有炸軟殼蟹、蟹柳、牛油果、青瓜絲等，口感好豐富！🤤 尤其係炸軟殼蟹好香口，酥脆酥脆😋👍🏻整體尖沙咀分店環境較闊落，尤其卡位有大玻璃同自然光👍🏻☀️ 而食物繼續保持水準，咁多款創意卷物真係一兩次都試唔晒😝———————————————🏠環境舒適度：💛💛💛💛👅舔脷回頭度：💛💛💛💛📸打卡able度：💛💛💛

古今二 (The ONE) (尖沙咀) 🍣金龍卷 $105呢款係餐廳推介既其中一款卷物，上面係三文魚，入面包住炸蝦🍤同埋芝士～🍣超級龍卷風 $98呢款似加洲卷，比金龍卷大件，但就無三文魚，但入面芝士餡就多d～ 2款擺埋一齊好似西餐擺盤咁🌸🍣鹿兒島黑豚荔枝卷串燒 $32/串荔枝清甜配油脂較重既黑豚肉，減輕油膩感～🍣蒜香牛油燒帆立貝 $42/串加左蒜蓉好香，佢呢款係唔連殼，原粒連埋裙邊，一串2粒🍣龍卷風沙律 $88呢個沙律🥗份量好大，又估唔到佢個沙律醬汁係少少辣，同埋除左沙律菜，仲有中華海草～ 地址：尖沙咀彌敦道100號The ONE 5樓502號舖

天氣越嚟越熱，最好就係食啲凍嘢。行過古今二見到新出咗蕎麥麵套餐，咁啱曬就入去試吓。蕎麥麵套餐有四款，兩款壽司配蕎麥麵，兩款就特色卷物配蕎麥麵。古今二專門食特色卷物，所以我揀咗款兩個口味嘅特色卷物配蕎麥麵嗰款。仲有麵豉湯同埋飲品添。卷物揀咗加州卷同埋出名嘅金龍卷。金龍卷有炸蝦同三文魚，勁正。綠色嘅蕎麥麵應該加咗抹茶，又爽又涼，沾汁食真涼快。另外再叫咗一個「東京爆脆」，係吞拿魚同蟹柳嘅太卷，辣辣哋幾惹味。

之前去過呢間日本餐廳嘅銅鑼灣分店，卷物質素高又創新，今次再去埋The One分店試埋其他卷物🫶🏻🫶🏻🫶🏻.❤️金龍卷❤️超級龍卷風兩款卷物都好好食，擺盤好靚，入面有炸蝦、鰻魚、芝士等嘅材料，上面仲有三文魚刺身，成個配搭好match✨✨✨.❤️鹿兒島黑豚荔枝卷串燒(1串)❤️蒜香牛油燒帆立貝(1串)串燒燒得好香，荔枝清甜多汁，中和咗黑豚肉嘅肥膩.❤️龍卷風沙律沙律份量好多，蟹柳加埋醬汁好好食😋😋.📍 古今二 (The ONE) (尖沙咀)尖沙咀彌敦道100號The ONE 5樓502號舖

聽人講呢間餐廳成日都會推出D特別嘅創意料理出黎，幾有驚喜感咁。今次終於去左尖沙咀呢間分店食晚餐，位置上好方便之餘環境坐得都好舒適。金龍卷 $105 望個樣都幾特別，有三文魚、炸蝦、芝士捲出黎，飯卷都唔會話好大舊好方便一啖一件。三文魚都係新鮮，有少少蛋黃醬襯托住個味，炸蝦夠脆唔油幾好。芝士唔少，味道夠濃，我加左少少wasabi一齊食更加正。龍卷風 $72 另外仲有款飯卷，呢款係有鰻魚、炸蝦、芝士、青瓜、脆片。幾特別嘅外觀，真係好龍卷風咁。口感有脆身，味道上都多層次，連埋d脆片口感仲多左份脆脆嘅口感。鰻魚都幾油香，芝士味道夠濃，正正。雜錦刺身沙律 $108 沙律份量多夠兩個人食，入面有d三文魚粒吞拿魚粒同八爪魚粒，仲有唔少蟹籽。成個沙律都清新，刺身都好新鮮。蒜香牛油燒帆立貝 $42 鹿兒島黑豚荔枝卷串燒 $32串燒都燒得唔差，帆立貝一串兩大粒，加左牛油同蒜一齊燒好香，咬落肉質夠實淨彈牙。另外串黑豚荔枝卷都幾特別，黑豚片捲住粒荔枝入口食到粒荔枝好多汁爆出黎，個味道酸酸甜甜咁淡化左黑豚肉個份油膩感，幾特別。

#尖沙咀美食第二次食嘅 @kokon1010 🇯🇵之前同朋友喺 #荃灣 食過覺得幾好 今次喺 #尖沙咀 @hktheone 見到有就試吓我哋嗌咗鹽燒白鰻🐟燒得幾香 加埋啲檸檬汁🍋完全唔腥雞胸軟骨串燒🐥呢個幾有驚喜 燒得好脆 而且用雞胸軟骨位置 食落重可以啖啖肉😋佢啲串燒唔會好濃好重味精 都係簡單調味昇華食材本身為主🌟龍卷風沙律🥗佢啲嘢食名好搞笑 一嚟到真係卷起噉😹個沙律除咗菜💚重有蟹柳🩷蟹籽🧡中華海草❤️脆脆💛份量都唔算少 而且啲醬辣辣地幾惹味 唔錯👍東京爆脆🗼呢個東京由吞拿魚🐠同蟹柳🦀組成 又係有帶辣味嘅醬料🌶️味道濃郁 醬油同Wasabi都唔使點呀😋超級龍卷風🌪️呢個好精彩 有鰻魚🐡海老🍤芝士🧀青瓜🥒脆片🍞口感十足 層次豐富🤩每次咬到芝士嘅時候都好香(˶‾᷄ ⁻̫ ‾᷅˵)兩個卷物嚟講呢個比較吸引！

係尖沙咀行街突然之間好想食日式卷物～見到The one 古今二, 出名食啲特別日式卷物，二話不說就入左去食🤩😋日式麻醬豆腐沙律🥗 $88沙津菜好新鮮，入面有大大粒番茄，三文魚子，蟹籽，豆腐分量多，口感又十分之豐富~ 😋富士山 $98見到個富士山真係嘩左一聲😳個卷物整到好高🤣佢入面有蟹柳，鰻魚，牛油果🥑同脆片食入口真係口感好正，上面d料有小小辣唔食得辣既朋友仔要小心啲🤭我自己好鐘意辣，覺得好惹味🤤😋東京爆脆 $98入面有蟹柳，鰻魚，食落去脆卜卜🤩見到中間個蟹柳炸左，所以食落去好脆加埋d紫菜香味，十分正😋雞橫隔膜串燒 $32第一次食雞橫隔膜串燒入口好香又juicy，燒得好好送酒一流～😋蒜香牛油燒帆立貝 $42帆立貝燒到好香，有好香牛油蒜蓉味🤩

留港消費，當然要搵啲性價比高嘅餐廳啦！香港人鍾意食日本菜，特別係刺身、壽司，但如果想追求創意新鮮感，卷物應該滿足到你。位於尖沙咀嘅古今二，以日式居酒屋作定位，除咗串燒等和式料理，多款創意潮流卷物亦係餐廳嘅代表作，今晚一於邂逅創意卷物。龍捲風沙律沙律菜、海草、蟹柳、脆片等，形成呢股龍捲風沙律。爽脆嘅蔬菜同脆片，搭配軟滑嘅海草同蟹柳，夠晒fresh之餘，形成強烈推比。鹿兒島黑豚荔枝卷串燒鹿兒島嘅黑豚肉脂肪比例均勻，肉味香濃，加上配搭清新香甜嘅荔枝，完美地中和咗黑豚肉嘅油份。蒜香牛油燒帆立貝上枱已經聞到好香嘅蒜蓉同牛油味味，帆立貝大大粒，爽口彈牙，索晒蒜蓉同牛油嘅香味，非常惹味。金龍卷、超級龍捲風金龍卷入邊有三文魚、炸蝦同芝士，以反卷形式登場，上面鋪咗三文魚，size剛好一啖一舊，所以特別有滿足感 ；至於超級龍捲風材料有鰻魚、海老、芝士、青瓜、脆片，單睇以上食材就知細心配搭咗香脆同軟滑嘅材料，令口感充滿層次。

【尖沙咀•古今二】@ππππππππππππππππππππππππππππππ尖沙咀the one人氣卷物古金二超級龍卷風金龍卷日式麻醬豆腐沙律鹿兒島黑豚荔枝卷串（1串）蒜香牛油燒帆立貝（1串）日式麻醬豆腐沙律：這道料理展示了日式烹飪中對簡約清新口味的崇尚。柔嫩的豆腐與芳香的麻醬相結合，創造出質地與風味的和諧。豆腐本身吸收了麻醬中的胡麻油和醬油的混合香味，令人一嘗難忘。再搭配一些綠葉蔬菜，為沙律增加層次和清新感。這道菜對味覺的輕拂，加上營養的均衡，是一道同時滿足健康與口味的選擇。鹿兒島黑豚荔枝卷串：這道創意串燒將南九州著名的鹿兒島黑豚肉的鮮美與熱帶水果荔枝的清甜相結合。鹿兒島黑豚以其細膩肉質和豐富脂肪層聞名，經過精心烹調後，其外層焦香、內裡柔嫩，肉汁豐沛。蒜香牛油燒帆立貝：帆立貝（扇貝）本身是海鮮中的珍品，擁有獨特的海洋滋味和嫩滑質地。當帆立貝遇上蒜香牛油，一場味蕾盛宴就此展開。牛油中的濃郁奶香與蒜末的辛辣香氣融合，形成了帆立貝表面的絕妙香氣和黃金色澤。這樣的烹調手法不僅能夠將帆立貝的自然風味提升至另一層次，還能在口感上帶來酥脆與嫩滑的對比。金龍卷：天婦羅炸蝦紫菜壽司卷是日本料理中的