口麻天辣

營業中

休息中

講到酸菜魚，vwalk新開嘅口麻天辣真，試咗佢哋嘅酸菜魚二人餐（$288），藤椒湯底麻香撲鼻，辣得過癮又唔會死辣🌶️，鱸魚片嫩滑得入口即化，肥牛油花靚，片片juicy🥩！魚片頭同魔芋絲吸晒湯汁，彈牙又爽口；鮮豆皮同炸豆卜加咗層次，食落清爽又滿足😋。湯底酸香濃郁，酸菜嘅酸同藤椒嘅麻完美平衡，連湯都可以飲晒一滴唔剩！飲品點咗手打檸檬茶🍋，酸甜清新，解辣一流，飲落好似即刻充電咁！甜品試咗紅糖米糍粑🍡，外脆內軟，紅糖香甜濃郁，咬落黏黏地好滋味，係完美嘅甜蜜收尾。二人餐份量多到誇張，兩個人食到撐晒肚，仲有剩，真係抵到笑💰！口麻天辣連外賣都保持到咁高質，湯底熱辣辣送到，配料新鮮，包裝仲好貼心，唔會漏湯！環境雖然無試到，但外賣體驗已經滿分💯。

呢間小店單睇外型已經吸引左我，雖然座位不多但就夠晒「骨子」，啱晒我同朋友二個聚舊。晚市二人套餐好抵食$288，又豐富，勝價比十分高。一大盤酸菜魚+ 麻辣燙+ 小食+ 二杯手打檸檬茶+ 甜品🍮，吃到大滿足。📍天花頂酸菜魚揀咗小辣，入晒味，配菜多，魚片很滑，而且份量多。因為遷就返香港人不太好辣，所以小辣不是太強，如果平時鍾意食酸辣嘅朋友可以挑戰中辣及大辣😋😋📍海鮮麻辣燙揀咗魚片、牛柏葉同埋嫩牛，另外再加多三款配菜。又揀咗藤椒湯底，新嘗試。第一次揀呢款湯底覺得甜甜地、辣辣地，果然口味清新。麻辣燙入邊仲可以加多一款粉底，薯粉條係一個絕配😋。索晒啲湯底在薯粉中，一流。📍涼拌萵筍絲，當然味道清新，是開胃的涼菜。📍兩杯手打檸檬茶，當然與麻辣燙係一個好好配搭🤭📍紅糖糍粑- 煙煙韌韌。為呢一餐豐富嘅晚餐畫上完美嘅句號。食咗盤酸菜魚已經半飽，另外再加多一大碗麻辣燙，其實真係份量好足，菜式越食越開胃，不知不覺全部清晒😂。

隔左好耐都冇食過麻辣燙同酸菜魚🤣今次捉左朋友黎南昌v walk食左呢間口麻天辣皇牌二人餐今次我哋就試左佢哋嘅二人餐😬都真係幾抵食，二百幾就有麻辣燙同酸菜魚👍🏻仲有兩個小食同飲品❤️CP值真係幾高我哋就最推薦佢哋嘅海鮮麻辣燙❤️真係夠麻夠香又唔會太辣，加上我哋叫嘅配料豆皮、萵荀片、金針菇好掛汁 ❤️尤其係萵荀，真係好入味😜整體食落真係好惹味😛而且佢嘅蝦都幾新鮮，牛肉又幾嫩滑😜真心推薦大家食另外，套餐仲有天花頂酸菜魚👍🏻呢個都唔錯，食落酸酸辣辣勁開胃，而且魚片又幾新鮮，用嚟配飯真心一流❤️而佢哋嘅小食同飲品都唔錯㗎，所以如果有朋友一齊，好推薦大家試呢個餐

剛上桌，這滿滿當當的菜品就足夠吸睛。首推天花頂酸魚，一端上來香味就直鑽鼻腔。魚肉鮮嫩無刺，入口即化，酸菜的酸香完美融入到香濃麻辣湯裡，每一口都酸辣過癮。寬薯粉條爽滑勁道，充分吸收了湯汁的精華，吃起來Q彈入味。 套餐裡的配菜豐富多樣，大蝦肉質緊實彈牙，豚肉片肥瘦相間，魚片頭燉煮得十分入味，咬下去滿滿都是膠原蛋白。窩筍片清甜脆爽，脆魔芋絲口感獨特，炸豆卜吸飽了湯汁，一口咬下去汁水四溢 。涼拌窩筍絲清爽解膩，為這頓熱辣的美食增添了一抹清新。 飲品是手打檸檬茶，清新的檸檬味與茶香完美融合，一口下去，瞬間驅散口中的麻辣。最後的紅糖米茲粑軟糯香甜，作為收尾，給這場美食之旅畫上了甜蜜句號。

💖💖💖今日去咗間超級夢幻嘅酸菜魚店 – Moto Mala！🌸✨ 餐廳嘅裝修充滿少女粉紅色，真係打卡一流呀！📸 同閨蜜一齊嚟食飯，真係開心到震呀！🥰 我哋叫咗個皇牌二人套餐👫，包咗個天花頂酸菜魚 ，酸菜魚真係冇得彈！👍🏻 湯底酸酸辣辣，非常開胃！😋另外，我哋揀咗清新藤椒湯🌿🌶️，少麻，配料有寬薯粉條、鱸魚片🐟、青口🦪、嫩牛肉🥩、萵筍片🥬、脆魔芋絲、蓮藕片等等，真係超級豐富！🤩鱸魚片🐟新鮮嫩滑，入口即溶！🤤 寬薯粉條吸晒湯汁，口感煙韌彈牙！其他配料都好新鮮好味！💯套餐仲包咗個涼拌萵筍絲🥬，好清新！😌 飲品方面，我哋叫咗「手打檸檬茶」🍋同埋「紅糖米茲粑」作為甜品。手打檸檬茶🍋酸酸甜甜，非常解渴！👍🏻 紅糖米茲粑就煙煙韌韌！

琴日經開南昌一定要嚟試呢間口麻天辣嘅二人餐真係好抵食～入到去成個裝修都係粉紅色充滿少女心啊🌸有吧枱亦都有普通餐桌！啱晒帶小朋友嚟食呀😆入座之後職員會比QR code落單！非常便利🩵美食⭐️⭐️⭐️⭐️⭐️皇牌二人套餐🩵天花頂酸菜魚酸菜魚是一道非常開胃的經典川菜。酸菜帶來濃鬱的乳酸香氣，酸味自然柔和！麻辣鮮香麻而不燥，辣度適中！魚肉的嫩滑🤤🩵香濃麻辣湯寬薯粉肉類可以三選（鱸魚片+嫩牛肉+巴掌肥牛）蔬菜三選（金針菇+鮮豆皮+炸豆）🩵涼拌萵筍絲🩵手打檸檬茶🩵紅糖米茲粑米茲粑炸到外脆內軟非常煙靭有咬口！加埋紅糖甜甜地～食完一啖接一啖呀😋超推薦～📍 口麻天辣深水埗深旺道28號V Walk 2樓L2-127-128號舖

餐廳位於 V Walk 內，經南昌站落車可以直接到達商場。餐廳整間店鋪裝潢以粉色為主調，氛圍充滿少女心。午市有一個皇牌二人套餐，包括酸菜魚、麻辣燙、前菜、甜品和飲品，感覺性價比頗高。皇牌二人套餐天花頂酸菜魚 酸菜魚配料豐富多樣，有酸菜、蒜粒及魚片等調味，令整體香氣撲鼻，配上白飯食用特別配搭。酸菜魚肉質鮮嫩，完全無骨，連細骨刺都食唔到，老人家或小孩食用都放心。海鮮麻辣燙可以挑選三個葷菜及三個素菜，可選擇既配料都幾多樣。揀左大蝦、嫩牛肉、魚片頭脆、魔芋絲、花菜及鮮豆皮。湯底就揀左青新藤椒湯，而粉麵選擇了寬薯粉條。大蝦新鮮大隻，牛肉嫩滑爽口，魚片頭爽口彈牙。菜類感覺清新，脆魔芋絲爽口又掛汁，花菜是蔬菜花，吸飽了湯的精華，而鮮豆皮好長，豆味濃厚。前菜 涼拌萵荀絲入口爽脆，又長又幼，食落淡淡甘香。甜品紅糖糍粑建議趁熱食，外脆內軟，甜味適中。手打檸檬茶酸酸甜甜，有助解膩。…………………………………………………….秘製口水雞口水雞都可以揀唔辣，味道咸香，麻油香溢，而且雞肉大大塊又結實。脆炸小酥肉 配上辣粉，口感外皮炸得香酥，內裏肉質鮮美。

今次我同朋友去咗南昌一間新派川菜餐廳，叫咗佢哋嘅皇牌二人套餐，菜式非常豐富，真係好滿足！套餐內容豐富，每樣菜都充滿驚喜。-首先，套餐包括一款涼菜，涼拌萵筍絲香脆清新，搭配麻油食落非常香口。主菜天花頂酸菜魚魚片鮮嫩，酸菜嘅味道酸酸辣辣，啖啖入味，令人胃口大開。魚肉嘅質感好滑，搭配酸菜，簡直係絕配，而且份量仲好足料添～-接住嚟係清新藤椒湯麻辣燙，湯底藤椒嘅香氣撲鼻而來，辣度適中，唔會太過刺激。配料可以自己選擇，我地揀咗嫩牛肉、魚片頭、金針菇、大豆芽同萵筍片，各種食材都保持住原汁原味，特別係嫩牛肉，大大塊好軟諗，令人食唔停口。-甜品方面，紅糖糍粑絕對係不得不試！外脆內軟，紅糖嘅香甜味令我回味無窮，搭配一杯手打檸檬茶，酸酸甜甜，清新解膩。-整體而言，呢個皇牌二人套餐真係好值得推介，無論係味道、份量或者性價比，都非常出色。如果你想體驗新派川菜，千祈唔好錯過呢個套餐！

外賣皇牌二人餐超抵食 $288包含天花頂酸菜魚、海鮮麻辣燙（湯底可自選清新藤椒湯或香濃麻辣湯）有三款肉類三款菜類同一款粉面、涼菜萵筍絲、兩杯手打檸檬茶同埋紅糖糍粑~ 酸菜魚份量唔細 叫左少辣所以比較mild，麻辣燙藤椒湯叫左中麻反而食得更加過癮，寬薯粉條基本係必點，肉或者海鮮可以試下嫩牛肉、豚肉片同牛柏葉，而菜推薦蓮藕片、鮮豆皮同大豆芽！兩大兜配埋涼菜甜品同飲品 真係再豐富不過，手打檸檬茶完全唔洗叫少甜都甜度剛剛好，整體非常滿意下次想試下水煮魚中辣!

過開嚟南昌搵朋友 走嘅時候見到呢間咁pink pink嘅餐廳真係少女心爆發💕咁girly竟然係做我最愛嘅川菜皇牌二人套餐外賣勁抵食💁🏻‍♀️❣️天花頂酸菜魚配飯一碗份量超多 酸菜味道好出 爐魚肉質偏實淨有咬口 辣度唔算好高 唔會搶咗酸菜嘅風頭 另外仲跟好大盒白飯❣️清新藤椒湯米線（或麻辣燙湯）(牛柏葉+魚片頭+豚肉片+萵筍片+鮮豆皮+大豆芽)可以揀三款葷及三款菜類葷仲有多款海鮮選擇添 包括鱸魚、大蝦、青口不過我比較難 就叫啲唔使剝殼嘅 配料份量超級足藤椒湯香得嚟唔會好嗆 配埋米線食啱啱好❣️涼拌萵筍絲用蒜蓉撈咗 萵筍絲好爽口 食落好清新夠開胃❣️手打檸檬茶真係見店員姐姐用盡力氣咁中啲香水檸檬 茶底好醇 走咗甜飲落都冇苦澀味道❣️紅糖米茲粑外層炸到好酥脆 紅糖好香口 份量恰到好處 唔會過甜內層好QQ 就算放咗一段時間食都冇變硬

行過呢間餐廳好吸睛．仲陣陣飄香開放式嘅廚房．環境乾淨衛生店內裝潢同所有餐具都係粉紅色．好吸睛🔥皇牌二人餐✨天花頂酸菜魚我地揀咗少辣．唔食辣嘅朋友 走辣亦得湯底加入芝麻．原隻辣椒魚片份外幼滑✨海鮮麻辣燙湯底．粉麵．葷菜．素菜都可以按自己喜好配搭揀咗清新滕椒湯 + 寬薯粉條配上鱸魚片．嫩牛肉．大蝦蒿荀片．蓮藕片．金針菇大大碗好足料✨涼拌蒿荀絲口感清爽．切成絲嘅口感唔錯✨紅糖糍粑外層香脆．口感軟軟糯糯淋上紅糖份外香甜✨手打檸檬茶店員現場手打檸檬兩大杯冰凍又解辣

小姐你一個人呀？唔怕，一個人都可以食酸菜魚！呢間係人氣酸菜魚品牌姚姚酸菜魚旗下嘅餐廳，主打一人前精緻酸菜魚同麻辣燙。半開放式廚房，粉紅色裝潢少女心爆發，堂食會有火爐仔上，想慢慢嘆嘅亦可以選擇外賣。王牌二人餐包括天花頂酸菜魚、海鮮麻辣燙、涼菜、甜品及飲品。酸菜魚可自行辣度，吸飽精華，魚肉嫩滑，少辣啱啱好🐟。海鮮麻辣燙可DIY湯底、粉麵、三款肉同三款素菜，食得辣嘅建議要香濃麻辣湯，唔係嘅話有清新藤椒味。粉麵則有寬薯粉條、米線、出前一丁同手打麵，麵條入口滑溜且掛汁。配料要咗鯛魚片、巴掌肥牛、豚肉片、大豆芽、花菜同鮮豆皮，吸滿湯汁，新鮮，肥美，都幾飽滿。涼菜係涼拌萵筍絲，十分開胃、紅糖糍粑煙煙韌韌、配埋手打檸幫助解膩。

今次食嘅酸菜魚位於南昌站vwalk商場，地點方便，交通便利，想食好食嘅酸菜魚唔駛再返深圳！我今次食左佢地嘅晚市優惠二人王牌晚餐麻辣酸菜魚：湯底以辣椒花椒和多種秘製調味料製作而成。我今次就揀左小辣，辣度適中，湯底濃郁。魚肉肉質滑嫩，鮮美。海鮮麻辣燙：點選清新藤椒湯，少少麻辣，配料有嫩滑鮮甜鱸魚片、嫩牛肉和巴掌肥牛，配菜有爽脆蒿筍片、大豆芽和清甜嘅花菜，加上彈牙手打麵，口感清爽。涼拌蒿筍絲：油滑翠綠蒿筍絲,清新爽脆。紅糖糍粑：香炸脆奶外脆奶香甜滑，紅糖糍粑吞脆清甜。口麻天辣 (深水埗) 深水埗深旺道28號V Walk 2樓L2-127-128號舖

這間以粉紅色裝修為主調嘅川菜小店 位於深水埗南昌站V Walk, 交通幾便利, 開放式廚房, 並且接連鄰近每張枱, 設計有心思, 方便傳遞食物和食客溝通, 更具親切感。王牌二人餐配搭幾吸引, 還有小食和餐飲。天花頂酸菜魚片鮮嫩, 湯底少少辣, 酸菜鹹酸適度, 好適合送飯。海鮮麻辣燙點選清新藤椒湯, 少少麻辣, 配料有嫩滑鮮甜鱸魚片、嫩牛肉和巴掌肥牛, 配菜有爽脆蒿筍片、大豆芽和清甜嘅花菜, 加上彈牙手打麵, 口感清爽。涼拌蒿筍絲油滑翠綠蒿筍絲, 配以芝麻, 清新爽脆。黃金脆炸小酥肉外層酥脆, 內饀肉質軟熟, 鹹香可口。炸雞翼皮脆肉嫰, 肉汁豐富, 又不會有肥膩感。香炸脆奶外脆奶香甜滑, 紅糖糍粑香脆清甜。

間唔中會心郁郁想食嘅餐廳一人份量酸菜魚，麻辣燙對於我呢個最鍾意獨食嘅人嚟講真係一大享受😍麻辣燙有兩款湯底我最鍾意係清新藤椒湯個湯底香濃惹味又唔辣配搭米線一流！有得揀三款肉同三款菜我特別推薦鱸魚片、嫩牛肉萵筍片同花菜😋秘醬口水雞 雖然叫咗唔辣，但醬汁依然香口雞件夠滑，完全冇乾柴嘅感覺酸菜魚魚肉吸收晒湯底精華麻、辣、酸既調味都恰到好處雖然係一人份量但魚肉片份量不容小覷食到超滿足！涼拌萵筍絲 香辣土豆以上兩款小食都推薦食落去口感爽脆但各有風味！