友義氣‧酸菜魚 (小炒打冷)

這家餐廳，已經成為我多次光顧的心頭好。起初被他們家的酸菜魚吸引，慢慢地轉變成為家常小菜的常客。整體來說，菜式的味道都很夠味，展現出廚師的用心與火候掌握的巧思。然而，仍有一些細節可以進一步打磨。這次我點了幾道特色菜：黑椒腰果牛柳粒、黃金鮮魷，以及啫啫唐生菜煲。對於黑椒腰果牛柳粒，建議未來可以將腰果提前炒過或烤香，這樣能增加層次感與口感的豐富度。牛柳的份量十分足夠，但希望牛肉的切割能再大一些，讓食客能更充分品嚐到牛肉的鮮美與嫩滑。黃金鮮魷，記得以前的「黃金」菜式多是鹹蛋黃炒製，帶有濃郁的鹹香味道。不過，這次品嚐似乎鹹蛋的味道沒有那麼明顯，不知道是否菜譜做了些調整？希望未來能再次呈現那份經典的鹹蛋黃風味，讓人一吃難忘，回味無窮。啫啫唐生菜煲，但這次發現湯水較多，可能是火候或煮法上的瑕疵。若能改善這一點，讓湯汁更為濃郁而不過於清淡，這道菜的魅力將會更加升華，讓人期待再次品嚐。總結來說，這家餐廳的菜式已展現出一定的水準，只要在細節上再用心打磨，必能帶來更令人滿意的用餐體驗。期待他們未來能持續進步，創造出更多令人驚喜的美味佳餚，成為更多饕客心中的不二之選。This restaurant has become one of my favorite places to visit. I first went there because of their sauerkraut fish, but now I often come back for their home-style dishes. Overall, the food tastes good and shows that the chef puts effort and skill into their cooking. However, there are some small details that could be improved.This time, I ordered a few dishes: Black Pepper Cashew Beef, Golden Squid, and Sizzling Lettuce Hotpot. For the Black Pepper Cashew Beef, I suggest they toast or roast the cashews beforehand to make them more fragrant and crunchy. The beef portion was generous, but I’d like the slices to be a bit bigger so I can enjoy the tenderness and flavor more.The Golden Squid reminded me of the traditional version made with salted egg yolk, which has a rich, savory taste. But this time, the salted egg flavor wasn’t as strong. I hope they can bring back that classic flavor in the future, as it’s very memorable.The Sizzling Lettuce Hotpot had more broth than usual this time, which might be due to the cooking process. If they can make the soup thicker and less watery, the dish would be even better. I look forward to trying it again.Overall, this restaurant is already quite good, but paying attention to these small details can make it even better. I hope they keep improving and surprise us with more delicious dishes in the future.…查看更多

在九龍灣出來的B出口，近得寶商場，得寶商場已經不同的餐廳。环境：坐位比較逼少少，五個人坐圓形臺。卡位又太逼，而大臺又只能6-8個人坐。擺多兩個菜已經不夠位。Q 性价比：價錢相對比較平，大排檔的口味價錢。可以幾個人食。可以分享不同口味。口味：黃金炒蟹方便送酒，酸菜魚的配菜也不同。二人餐的價錢再另外加小菜。大大杯對比pro max ，20幾元性價比都高。二人餐的價錢另外再加小菜，其實性價比都高。五個人用餐差不多價錢。還可以小聚，食飯。…查看更多

「友義氣」是附近街坊的人氣食肆，晚上非常多人。今日4:30去到，想不到小菜五點前下單，都有八五折，非常抵食。大大本菜單圖文並茂，價錢清晰。套餐好似冇八五折。椒鹽白飯魚$98大碟，偏乾，味道不錯，略嫌粉漿稍厚。唇舌飄香水煮魚（小辣）$198份量很大，除了薄薄的魚片，底料還有薯粉、萵筍、金菇、木耳。魚片切得非常薄身，有韌度，爽口，雖然叫了小辣，但感覺還是頗辣的。啫啫芥蘭煲$88這個很驚喜，上枱時熱辣辣，芥蘭爽脆，配上味道濃烈的鹹魚醬，非常香口。兩人埋單八五折後$334 ，價錢唔算貴，特別水煮魚非常大份，大大杯珍寶檸檬茶下午茶只需加$8 ，但份量非常大，足夠兩個人飲用。特別一提，侍應姐姐們服務都非常周到，夠細心。果然係人氣街坊食肆，份量大，味道足，如果趕得及下午茶八五折更加抵食。…查看更多

🎉生日飯局打卡推介！我哋一家七口早前去咗 友義氣酸菜魚 (九龍灣店) 慶祝我生日，真係好滿意！餐廳位於九龍灣牛頭角道3號得寶商場1樓R2號舖，交通方便，環境乾淨企理，坐得舒服😌。最窩心係我哋自備咗生日蛋糕，店員好有善，唔收切餅費👍🏻，真係加分！飲品方面，佢哋嘅手打檸檬茶、鹹檸七同珍寶大檸樂都係$26一杯，超大杯又夠味，打卡一流📸！主角當然係佢哋招牌嘅 超大份酸菜魚，用咗特選海鱸魚，麻辣鮮香，酸菜夠哂入味，魚肉滑溜無骨，食得好安心😋，$298真係抵食！小炒方面我哋點咗：鮮果咕嚕肉 $98酸甜開胃，菠蘿好甜，肉質外脆內嫩🍍沙律明蝦球 $118蝦球大粒彈牙，沙律醬唔會太膩🦐欖菜肉鬆四季豆 $78炒得夠鑊氣，欖菜香味突出🌱黃金火箭魷 $118外層酥脆，魷魚唔韌，好有驚喜🦑走地鹽焗雞 $100/半隻雞皮微脆，肉質嫩滑，鹽焗香味滲入骨，真係好食到唔捨得停口🐔✨友義氣酸菜魚 (九龍灣店) 真係適合一家大細聚餐，食物水準高，價錢合理，服務又好。下次有咩慶祝活動，我一定會再返嚟！…查看更多

第二次幫襯來料加工收88蚊斤真系良心價另外問葵芳分店收加工費之外仲要收198料頭費牛頭角呢間姐姐服務好又熱情出品掂啊碟碟都有鍋氣一定會愛上椒鹽魚骨整的好野味外脆內軟鎖住魚油食到唔停口酸菜魚中辣味道麻辣開胃一陣就食曬啦…查看更多

今次又同一大班朋友嚟有義氣食酸菜魚，都係例牌叫咗一份大嘅酸菜魚一齊食，水準仍然保持得很好，魚肉亦很新鮮。同埋嗌咗其他小食，當中包括避風塘雞翼，佢個雞翼炸得非常好，出面好脆，但入面仲保留到雞翼嘅肉汁，很juicy😋…查看更多

呢間有義氣成日幫襯，多數都係食酸菜魚，今日lunch心思思想食米線，最後揀咗酸菜肥牛米線午餐嚟講佢只係$60 到，味道就同平時食正常size嘅酸菜魚有少少唔同，湯底冇平時咁濃郁，但牛肉都算多嘅，同埋唔會太肥，午餐嚟講算係唔錯！…查看更多

一直是友義氣鐵粉，招呼周到，午餐可以選肥牛酸菜米線轉酸菜魚，唔使額外加錢，下午茶仲有8折，份量足，真係超值之選，但是近幾次點酸菜魚飯，個水準和份量都不能保持，叫BB辣，幾次都走埋酸味，個湯底剩返咸味，有些失望，和侍應反映，佢話落單前講要加酸，如果少辣走辣就唔可以保持湯底味道，不如學［太二］唔可以走辣，晚市過食點酸菜魚套餐，味道就正常，其他出品，例如咕嚕肉，大杯檸檬茶，都好出色。…查看更多

早排同朋友一齊到得寶這間友義氣食晚飯，估唔到價錢貼地，質素又唔差， 本來以為茶記類服務都唔會有咩好，但哩間餐廳d姐姐服務都唔錯。 我地叫個酸菜魚二人餐再加椒鹽火箭魷 再加野飲埋單人均250，野食真係大大份， 抵食夾大件，個欖菜四季豆好有獲氣，最終 仲要食唔曬。有得拎走最正野飲係特大版， 岩曬我哩d吸水怪.可惜當天未有手打檸檬茶， 就叫返港式檸檬茶。住九龍灣附近既朋友仔真心推介哩間餐廳。收23：00； 22：00截單。努力支持小店！！加油！…查看更多

基本上食酸菜魚一定會諗起呢間友義氣，因為佢好食之餘價錢親民又冇收加一👍🏻依家唔同分店都食過幾次。試過出邊好多酸菜魚係好食，不過好似越嚟越貴。事隔半年左右又再返嚟食，個盤一樣咁大，魚都一樣又滑又冇骨，唯一唔同嘅就係加咗價之餘仲放咗好多芽菜好底，變相酸菜魚份量少咗🥺係失望的其實佢有個二人餐好抵，不過每次都會食黃金蝦，但係叫埋二人餐就會食唔晒，所以最後都決定唔要套餐，淨係叫黃金蝦加酸菜魚兩個人食😄 黃金蝦大隻蓮殼都可以食👍🏻呢個真係推介👍🏻…查看更多

餐廳名好過癮叫友義氣😆👊🏻最近天氣温度開始下降🥶就會特別想食熱辣辣的食物暖身♨️呢間餐廳提供食物種類都幾多除左招牌老壇酸菜魚外🐟仲有其他川菜及鑊氣小炒飄香水煮魚🐟🌶️🍲平時多數會揀食酸菜魚(通常揀少辣或中辣)，而水煮魚就比較少食，所以今次揀左低調的微辣試下，面層舖滿大量辣椒🌶️，花椒粒及辣椒油，整體食落唔算好辣且較易入口，好岩食唔到辣的朋友仔，標準份量都有超多魚片肉質滑溜無骨，配菜有寬粉，金菇，芽菜及萵荀等好足料💯，附送白飯，最後仲食剩少少🫣，呢個份量都好適合3-4人分享😝避風塘茄子🍆上次食完避風塘炒麵，忍唔住再叫避風塘菜式，茄子🍆炸得黃金香脆大約有10件左右，食落裡面軟腍，加上用避風塘炒更惹味香口😋雞絲粉皮🐔粉皮薄滑，加埋雞絲及青瓜絲，配上香濃麻醬一齊食清涼爽口又開胃🤤手打鹹檸七🍋‍🟩‍超大杯用啤酒杯裝住好抵飲，清新解膩珍寶檸檬茶🍋超大杯檸檬茶飲落唔算太甜，正常發揮…查看更多

4人餐酸菜魚叫左bb辣，個個都岩食，魚肉又滑又夠香。避風塘茄子又脆又辣，勁惹味。咕嚕肉夠酸甜仲配新鮮菠蘿。鹽焗走地雞又夠嫩滑。而浸菜苗同滷水拼盤就不過不失。最近仲做緊4週年優惠，啤酒買一送一。…查看更多

九龍灣有好多好食既街坊小店，係德寶商場既「友義氣酸菜魚」 更加係我不斷重複幫襯嘅舖頭 一個人定食晏，下午茶係者一大班人，家庭朋友聚會，都好啱黎食。門口掛有明爐燒味，餐牌有各式各樣嘅中式小菜，有辣有唔辣，任君選擇。多人就可以揀套餐，包羅萬有，唔洗諗樣樣都試哂。特別要介紹佢下午茶時段，14:30-16:30 用餐有八五折優惠，真係窮人恩物。鑊氣粉麵至特色小菜，全部都有折扣，真係超抵。餐飲可以加配大檸茶，$8大大杯，好抵飲。另外佢嘅酸菜魚真係必食，魚片嫩滑無骨，已有芽菜、金菇、萵筍等配料。我自己每次食都會加寬粉，好煙靭入味。不過湯底偏辣，第一次食可以揀少少辣，睇吓自己接唔接受到。其他菜式例如炒菜，炸物都好有鑊氣，新鮮熱辣辣，份量足料。推薦大家去試吓。…查看更多

醒菜魚 個湯無味 得兩條酸菜 魚霉爛 米線發到腸仔咁粗 酸菜牛 溝埋魚一齊煮 d味撈埋一齊 雞絲分皮 雞絲有餿味食左d肥牛 成碗擺低左 如果唔想煮唔好返工呀嘛 煮到成pat屎咁千祈唔好幫襯千祈唔好幫襯千祈唔好幫襯千祈唔好幫襯…查看更多

很久沒有來食水煮魚，今日週末同朋友過來相聚一下。價錢還是一樣，沒有加價，二人餐都是$328。口水雞：雞胸 + 半隻雞翼，冷盤，雞胸肉比較嚡口，辣汁偏鹹。水煮魚：薯粉，金菇，芽菜墊底，魚片分量不少，但比較碎，而且比較細片。要咗小辣，所以不算好辣，但也都是越食越鹹。咕嚕肉：全部都是肉，沒有骨，酸酸甜甜，還有新鮮的菠蘿🍍可能當日是星期五，非常多人，比較嘈雜，而且一食完，檸檬茶還沒有飲完，就馬上收走所有碗碟，可能因為有人等位吧，感覺有少少趕客之疑。來這一間食水煮魚已經一段時間了，感覺上沒有之前那麼好食，之前水煮魚片比較大塊和比較厚身，現在變得比較碎同埋薄， 而且味道也比較偏鹹； 下次會去其他地方食水煮魚。…查看更多