友義氣‧酸菜魚 (小炒打冷)

營業中

休息中

今次又同一大班朋友嚟有義氣食酸菜魚，都係例牌叫咗一份大嘅酸菜魚一齊食，水準仍然保持得很好，魚肉亦很新鮮。同埋嗌咗其他小食，當中包括避風塘雞翼，佢個雞翼炸得非常好，出面好脆，但入面仲保留到雞翼嘅肉汁，很juicy😋

呢間有義氣成日幫襯，多數都係食酸菜魚，今日lunch心思思想食米線，最後揀咗酸菜肥牛米線午餐嚟講佢只係$60 到，味道就同平時食正常size嘅酸菜魚有少少唔同，湯底冇平時咁濃郁，但牛肉都算多嘅，同埋唔會太肥，午餐嚟講算係唔錯！

一直是友義氣鐵粉，招呼周到，午餐可以選肥牛酸菜米線轉酸菜魚，唔使額外加錢，下午茶仲有8折，份量足，真係超值之選，但是近幾次點酸菜魚飯，個水準和份量都不能保持，叫BB辣，幾次都走埋酸味，個湯底剩返咸味，有些失望，和侍應反映，佢話落單前講要加酸，如果少辣走辣就唔可以保持湯底味道，不如學［太二］唔可以走辣，晚市過食點酸菜魚套餐，味道就正常，其他出品，例如咕嚕肉，大杯檸檬茶，都好出色。

早排同朋友一齊到得寶這間友義氣食晚飯，估唔到價錢貼地，質素又唔差， 本來以為茶記類服務都唔會有咩好，但哩間餐廳d姐姐服務都唔錯。 我地叫個酸菜魚二人餐再加椒鹽火箭魷 再加野飲埋單人均250，野食真係大大份， 抵食夾大件，個欖菜四季豆好有獲氣，最終 仲要食唔曬。有得拎走最正野飲係特大版， 岩曬我哩d吸水怪.可惜當天未有手打檸檬茶， 就叫返港式檸檬茶。住九龍灣附近既朋友仔真心推介哩間餐廳。收23：00； 22：00截單。努力支持小店！！加油！

基本上食酸菜魚一定會諗起呢間友義氣，因為佢好食之餘價錢親民又冇收加一👍🏻依家唔同分店都食過幾次。試過出邊好多酸菜魚係好食，不過好似越嚟越貴。事隔半年左右又再返嚟食，個盤一樣咁大，魚都一樣又滑又冇骨，唯一唔同嘅就係加咗價之餘仲放咗好多芽菜好底，變相酸菜魚份量少咗🥺係失望的其實佢有個二人餐好抵，不過每次都會食黃金蝦，但係叫埋二人餐就會食唔晒，所以最後都決定唔要套餐，淨係叫黃金蝦加酸菜魚兩個人食😄 黃金蝦大隻蓮殼都可以食👍🏻呢個真係推介👍🏻

餐廳名好過癮叫友義氣😆👊🏻最近天氣温度開始下降🥶就會特別想食熱辣辣的食物暖身♨️呢間餐廳提供食物種類都幾多除左招牌老壇酸菜魚外🐟仲有其他川菜及鑊氣小炒飄香水煮魚🐟🌶️🍲平時多數會揀食酸菜魚(通常揀少辣或中辣)，而水煮魚就比較少食，所以今次揀左低調的微辣試下，面層舖滿大量辣椒🌶️，花椒粒及辣椒油，整體食落唔算好辣且較易入口，好岩食唔到辣的朋友仔，標準份量都有超多魚片肉質滑溜無骨，配菜有寬粉，金菇，芽菜及萵荀等好足料💯，附送白飯，最後仲食剩少少🫣，呢個份量都好適合3-4人分享😝避風塘茄子🍆上次食完避風塘炒麵，忍唔住再叫避風塘菜式，茄子🍆炸得黃金香脆大約有10件左右，食落裡面軟腍，加上用避風塘炒更惹味香口😋雞絲粉皮🐔粉皮薄滑，加埋雞絲及青瓜絲，配上香濃麻醬一齊食清涼爽口又開胃🤤手打鹹檸七🍋‍🟩‍超大杯用啤酒杯裝住好抵飲，清新解膩珍寶檸檬茶🍋超大杯檸檬茶飲落唔算太甜，正常發揮

4人餐酸菜魚叫左bb辣，個個都岩食，魚肉又滑又夠香。避風塘茄子又脆又辣，勁惹味。咕嚕肉夠酸甜仲配新鮮菠蘿。鹽焗走地雞又夠嫩滑。而浸菜苗同滷水拼盤就不過不失。最近仲做緊4週年優惠，啤酒買一送一。

九龍灣有好多好食既街坊小店，係德寶商場既「友義氣酸菜魚」 更加係我不斷重複幫襯嘅舖頭 一個人定食晏，下午茶係者一大班人，家庭朋友聚會，都好啱黎食。門口掛有明爐燒味，餐牌有各式各樣嘅中式小菜，有辣有唔辣，任君選擇。多人就可以揀套餐，包羅萬有，唔洗諗樣樣都試哂。特別要介紹佢下午茶時段，14:30-16:30 用餐有八五折優惠，真係窮人恩物。鑊氣粉麵至特色小菜，全部都有折扣，真係超抵。餐飲可以加配大檸茶，$8大大杯，好抵飲。另外佢嘅酸菜魚真係必食，魚片嫩滑無骨，已有芽菜、金菇、萵筍等配料。我自己每次食都會加寬粉，好煙靭入味。不過湯底偏辣，第一次食可以揀少少辣，睇吓自己接唔接受到。其他菜式例如炒菜，炸物都好有鑊氣，新鮮熱辣辣，份量足料。推薦大家去試吓。

醒菜魚 個湯無味 得兩條酸菜 魚霉爛 米線發到腸仔咁粗 酸菜牛 溝埋魚一齊煮 d味撈埋一齊 雞絲分皮 雞絲有餿味食左d肥牛 成碗擺低左 如果唔想煮唔好返工呀嘛 煮到成pat屎咁千祈唔好幫襯千祈唔好幫襯千祈唔好幫襯千祈唔好幫襯

很久沒有來食水煮魚，今日週末同朋友過來相聚一下。價錢還是一樣，沒有加價，二人餐都是$328。口水雞：雞胸 + 半隻雞翼，冷盤，雞胸肉比較嚡口，辣汁偏鹹。水煮魚：薯粉，金菇，芽菜墊底，魚片分量不少，但比較碎，而且比較細片。要咗小辣，所以不算好辣，但也都是越食越鹹。咕嚕肉：全部都是肉，沒有骨，酸酸甜甜，還有新鮮的菠蘿🍍可能當日是星期五，非常多人，比較嘈雜，而且一食完，檸檬茶還沒有飲完，就馬上收走所有碗碟，可能因為有人等位吧，感覺有少少趕客之疑。來這一間食水煮魚已經一段時間了，感覺上沒有之前那麼好食，之前水煮魚片比較大塊和比較厚身，現在變得比較碎同埋薄， 而且味道也比較偏鹹； 下次會去其他地方食水煮魚。

兩個人入座，比一杯水。叫餐後大約10分鐘來了一道，另外一個餐。等左25分鐘都未有. 途中叫侍應催下單，第一次完全唔過黎，一尾做口形做手勢表示炒緊，第二次另外一位侍應又係咁。去到第三次叫，佢走過黎同我講：炒緊。最後直接cut單，睇返張單，仲要收返我飲品錢！呢間咁既垃圾餐廳，希望寫下食評可以有人留意下

'本身打算買料翻屋企打邊爐，見咁耐冇食過呢間又唔洗等位就索性唔搞咁多野嚕～*酸菜魚(標準) - 今次食覺得湯底唔夠味，唔夠酸又唔夠咸。魚就依然夠嫩滑，材料份量都OK，有芽菜、金菇、雲耳、萵筍同薯粉。薯粉煙靭好有口感。*濃湯鮮菌浸菜苖 - D菜好脆(生)，湯底都唔錯，夠鮮味。說好的菜苗變左白菜仔？？？＊椒鹽九肚魚 - 本身想食白飯魚，話冇曬所以轉左九肚魚~好食!!feel到係即叫即炸，放上到枱好香，外皮香脆內軟，必嗌！📍友義氣‧酸菜魚九龍灣牛頭角道3號得寶商場1樓R2號舖

星期日同屋企人出街之後好攰，大家都想返到屋企樓下食飯，費事自己煮啦咁就去咗樓下食酸菜魚，呢間酸菜魚都食過幾次，夠入味，魚係堅嫩滑，睇得出個大廚控制得個火候好好，我最鍾意食入邊嘅薯粉，好煙韌平時我都鍾意食咕嚕肉，但係原來啱啱整起嘅咕嚕肉係超正，個醬汁酸度同甜度都啱啱好，夠開胃，仲要啱啱炸起，食到醬汁包住嘅炸皮係脆脆地另外，今次叫咗個避風塘茄子（唔記得咗影相）都唔錯，茄子唔算有太厚炸粉，所以出邊層皮都又脆又薄因為屋企人有人食齋，叫咗個紅燒豆腐煲，我覺得個醬汁調味唔錯，但係就唔算太突出個金銀湯浸白菜仔我就覺得麻麻，因為我覺得個白菜仔煮得唔夠「淋」，可以再煮得耐啲

一向鍾意食魚嘅我當然唔會錯過酸菜魚啦，今日到九龍灣探朋友，當然捉埋佢哋一齊來品嚐下呢間舖，因為之前都有聽過同事話佢啲嘢好食。我地三個人所以只係叫左個酸菜魚同兩個餸，好彩唔係叫得太多，原來佢哋碟頭都唔細！先來重頭戲酸菜魚，未上枱已經聞到香味，大家即刻急不及待起筷了，魚肉好滑好鮮味，吸收左酸菜同湯汁，入口更豐富，湯味道啱啱好，不會太酸或太麻，餸飯都一流。再來個菠蘿咕嚕肉，嘩，造型好靚，估唔到呢間平平凡凡嘅餐廳，大廚都咁有心思，值得一讚！ 呢個菜菠蘿係新鮮嘅，所以好清甜，咕嚕肉係玻璃皮包住，外面脆口，肉仲好淋好juicy, 好食！最後仲有個黃金涼瓜，涼瓜外皮炸到好鬆脆仲有好香咸蛋黃味，涼瓜本身不太苦，甘甘地，但入口係爽脆，口感好得意，外面咸香鬆脆，裡面清爽帶甘，值得一試呀！

突然想食水煮魚，記得九龍灣德寶商場有一間，一於收工搵埋朋友一齊去。唇舌飄香水煮魚（小辣） $198叫咗小辣，真的非常唔辣，雖然顏色好紅卜卜，但係味道偏淡。魚片份量頗多，有紅薯粉墊底，加上萵筍、金菇、雲耳、芽菜等。避風塘鮮魷 $98粉漿比較薄，但係份量比較少，望落去好似好大件好多，但大部份都是粉。友義氣小炒皇 $98份量不是太多，細細碟，魷魚只有兩三條，但炒得非常香口，韭菜很嫩。兩個人埋單$416 ，其實食物份量不是太多，食得不是太飽。其實食物質素係唔錯，但是份量不是太足，可能食套餐會比較抵啲。