叄壽司凍肉專門店

營業中

休息中

屋企附近新開咗呢間壽司凍肉專門店，本身都好鍾意食日本嘢，今日早左收工就過去睇睇有咩好食，鋪頭除左有壽司，刺身，日式小食，凍貨外，仲有拉麵同烏冬，羊腩煲，雞煲，盤菜等等，都幾多元化👍🏻👍🏻今日叫咗四款野食，估唔到外賣小店都做到日式餐廳既質素💫刺身拼盤刺身都幾新鮮，最鍾意三文魚腩同墨魚片，三文魚腩肥美，有香濃嘅三文魚味，墨魚片就有少少黏口又爽口嘅質感，感覺新鮮😋😋💫三色魚生飯有三文魚，帶子同赤海蝦，三文魚嘅質素同刺身嘅一樣，而帶子肉厚又鮮甜，仲有有蟹籽增加嘅口感😚👍🏻💫芝士炸蝦反卷雖然呢個係外賣，返到個炸蝦竟然仲有少少脆，反卷表面仲有燒過既芝士，令味道更豐富💫芝士玉子燒玉子燒既份量幾大下，外面鋪滿燒過嘅芝士，玉子既中間好似仲有融融地既芝士，玉子幾香蛋味又有日式玉子既甜味，再加上芝士鹹香味，味道豐富👍🏻👍🏻

又話說屯門開咗一間新嘅壽司外賣店，今次就同朋友兩個諗住去試吓，買返屋企慢慢食。舖頭就喺景峰輕鐵站附近，雖然個名叫做凍肉專門店，但其實入邊有多款壽司刺身嘅選擇，同時亦都有一啲飯類同埋拉麵，選擇豐富，唔使驚揀唔啱。另外舖頭亦都有做韓國零食嘅代購，睇啱亦都可以即場買返屋企食！今次我哋嗌咗壽司、刺身、牛油果三文魚青瓜絲沙律、芝士玉子燒同埋豬軟骨飯。先講個沙律，首先沙律同醬係分開上，十分細心。三文魚係切成粒狀，有魚味，同時加埋牛油果，牛油果質地軟滑有調味，加埋蔬菜同麻醬，非常清新可口。份量亦都唔細，食吓都幾飽肚。壽司方面，表現都屬於中上，其中三文魚壽司嘅三文魚，油脂豐富食落好滿足。而同時魚生同飯嘅比例亦都拿捏得相當好，個飯唔會太大舊。另外嘅三文魚沙律洋蔥軍艦亦非常有驚喜，沙文魚加埋洋蔥嘅辛辣味嗰個配搭原來係幾夾。仲有腐皮壽司連埋蛋同埋蟹柳都，又幾好食。小食我哋嗌咗帶子裙邊，口感爽脆，調味適中，佐酒一流。而芝士玉子燒都值得一讚，份量巨型，亦都佈滿咗芝士。蛋味幾出，亦都有昆布嘅甜味。加埋芝士嘅配搭，係唔錯嘅選擇。而刺身方面有希靈魚同埋鯛魚。兩者味道新鮮，亦都唔會太薄，質素相當唔錯。而最後豬軟骨飯，豬

屯門日式外賣舖，快靚正！除咗有多款日式食品，仲開設左冬日暖粒粒雞煲同羊腩煲，如果有一大班人值得一試😍豬骨湯拉麵 +叉燒+豬軟骨豬骨湯拉麵有濃郁嘅湯頭，滋味豐富。湯頭以豬骨熬煮而成，帶有濃厚嘅豬骨香氣同鮮甜味道。叉燒肉質鮮嫩，豬軟骨爽脆有咬勁，同湯麵搭配得恰到好處，令整碗麵更加美味蟹籽玉子燒蟹籽玉子燒口感綿密，味道鮮美。玉子燒內部鬆軟，帶有濃郁嘅蛋香，而加入蟹籽後，帶出一種微妙嘅海鮮風味，令味道更加豐富。一啖落口，蛋香同蟹籽嘅鮮味瞬間爆發，好滿足腐皮系列好出色！！！必食！！腐皮辣味三文魚壽司帶有辣味同鮮美。腐皮包裹住三文魚，脆口而且有嚼勁，同時保持住三文魚嫩滑嘅質感。加入辣味醬汁，令味道更加刺激，辣味同三文魚嘅鮮味相互襯托，帶來一種鮮辣又美味嘅滋味腐皮牛油果三文魚壽司帶有牛油果同鮮美三文魚嘅風味。腐皮包裹住三文魚同埋牛油果，質感綿密，同時保持住三文魚嫩滑同牛油果嘅滑順口感。牛油果嘅奶油味同三文魚嘅鮮味完美融合，帶來一種滋味濃郁又順滑嘅口感腐皮芝麻八爪魚拼中華沙律壽司壽司結合咗中華沙律同八爪魚嘅風味。腐皮包裹住芝麻同八爪魚，質感鬆脆，同時保持住八爪魚嘅鮮嫩彈牙。加入中華沙律，帶出清新嘅蔬菜

老婆話想食壽司刺身，咁啱唸起景峰輕鐵站對開有間壽司外賣專門店，平時行開行埋見到門面好靚，而且食物選擇好似好多，一於行過去幫親下。由於order的壽司都係即時手握製作，大概需要等10-15mins，但睇住壽司師傅製作，感覺好似去左日本咁！返到屋企，老公即刻開檯食，見到d食物都覺得開心。我地叫左半磅三文魚刺身，d三文魚好新鮮肥美，睇個顏色都知道新鮮，味道好過某連鎖壽司店。另外叫左個火炙三文魚飯，最好食的唔係d三文魚，反而係d飯，壽司醋的比例唔錯，靜係食飯都覺得好好味，我覺得個師傅應該係轉研過！壽司方面，我地叫左個芝麻鰻魚反卷，吞拿魚壽司，花之戀，香蔥吞拿魚腩壽司，腐皮芝士蟹籽，三文魚腩壽司。手握壽司個飯細細粒，壓得幾實，唔會一夾就散，而且d飯真係好好食。三文魚刺身同花之戀都係厚切，咬落去成口三文魚，感覺好幸福。至於我最欣賞的係個腐皮芝士蟹籽，d蟹籽好多好多，而且外面好少見，同腐皮咬落去有汁，個味好夾，好正，推介！最後到小食，我地叫左個炸蠔同炸魷魚。店主好細心咁將d外賣盒剪開個口，拎到返屋企大概都要半小時，不得不讚仲保持到脆口，同堂食分別唔大！而且兩種炸物都好香口，味道一流，尤其個魷魚，好有

難得香港天氣凍，梗係要食返個羊腩煲暖一暖啦🥶見呢間舖頭開咗冇耐又有做羊腩煲，今年就食佢😆佢除咗羊腩煲之外，仲有好多日式嘢食，下次可以試埋其他嘢😋入面仲有好多個零食櫃、凍櫃、雪糕櫃，真係咩都有得買👍🏻👍🏻👍🏻作為做節加餸我只係買咗個二人份量嘅羊腩煲，同埋一磅三文魚刺身羊腩同筍都大大嚿，好正，仲有大量芫荽，芫荽愛好者大愛！😍😍😍三文魚刺身都紅卜卜，好新鮮😋😋😋食完個個都讚不絕口，鍾意食筍嘅就覺得啲筍大大嚿又入味又夠爽，羊腩煲到好腍得來唔會太爛，保持少少口感，成煲個調味都好好👍🏻雖然寫二人份量，三四個人都夠食😚

因為小朋友喺屋企慶祝生日，一家人六個人開派對，所以預先訂咗一個外賣雞煲，因為小朋友唔食辣嘢，所以揀咗唔辣。訂嘅時候，約好咗下午4:30來攞，廚師好友善，時間配合得啱啱好，煮熱左嘅雞煲，預先放涼左一陣，4:30嗰陣就可以打包入袋。雞煲連埋一個不鏽鋼嘅盤，幾耐所以攞嘅時候覺得幾重。連埋個盤方便直接放上去電磁爐或者Gas爐上面加熱，按平時食法一樣，食完雞件，就可以加上湯，預先預備咗蔬菜及肥牛，放入去打邊爐，慢慢食。雞煲嘅醬汁好好味，雞件亦都好入味，而且冇乜碎骨，小朋友都啱食。除此之外，我仲買咗一盒三文魚刺身，同埋一包黑松露薯片。刺身好新鮮，三文魚好肥美，入口覺得好滑，好好味。而黑松露薯片非常黑松露嘅味道，黑松露好香，好真實，唔會太鹹，比起出邊食過嘅黑松露薯片，好味好多。

原條鰻魚飯依個一見到個名就好想叫，因為本身都鍾意食鰻魚😆佢真係成條上，仲有一隻糖心蛋係上面，隻蛋超美味🤤豬骨湯烤雞扒叉燒烏冬佢好貼心係將湯同麵係分開，麵唔洗怕會淋哂，而且佢既配料有好多，重點佢有好多櫻花蝦，個叉燒同雞扒好入味，食完暖笠笠！吞拿魚&三文魚手卷& 花之戀首先佢好大份，性價比高，而且啲魚生麵好新鮮，食落去好好味😆火炙壽司我地叫左珍寶蟹棒、芝士熟蝦、左口魚，佢個珍實蟹棒係超長🤤好岩鍾意食蟹柳棒既我。另外熟蝦同左口魚都好正，令人回味無窮！鯖魚佢地將條不烤得好香脆，外賣都保持到個口感，佢仲有埋個汁同檸檬比你😆芝士玉子燒性價比好高，估唔到$55係會咁大份，咁足料，個芝士好香好濃，配上玉子係非常夾，依個十分出色！

屯門好推介想食又新鮮又抵食既壽司🍣可以黎試下依間店😆佢有壽司同刺身選擇都多仲有好多日式料理除左外賣食物外，佢仲係士多有零食、酒、凍肉、日用品等係等緊外賣嗰陣可以shopping埋🤭⭐️蟹棒壽司蟹棒大大條配埋沙律醬 正呀😙⭐️火炙芝士蟹棒壽司太愛蟹棒叫埋火炙版試下燒得剛剛好 加埋芝士一流😋 ⭐️牛油果壽司牛油果好香又健康又好食😉⭐️希靈魚壽司色澤好靚夠新鮮😙⭐️刺身細拼盤（師傅設板）超級推介有多款不同的刺身三文魚、八爪魚、三文魚腩、墨魚🦑、吞拿魚……每款都好新鮮尤其三文魚最出色每塊都大大塊起肥美🤤⭐️汁燒豬軟骨飯Cp值好高$50大大盒豬軟骨好有咬口亦都好Juicy 😃

唔講真係唔知原本景峰輕鐵站隔離個多寶商場開咗間價錢親民的壽司外賣專門店😍😍今日咁岩唔想煮, 就買咗D壽司,冷麵同丼飯等同家人一齊食! 連似腐皮壽司船呢度都有, 款式夠晒多樣化! 個人比較中意佢地嘅帶子壽司, 好肥美! 呢度冷麵都辣得幾過癮, 唔錯! 而三文魚丼飯都好多配料,啖啖都好豐富!重點係呢度仲有芝士年糕, 岩晒我呢D芝士控, 番到屋企仲熱ga!🤩🤩店內冷凍肉及各地產品可以買, 等拎外賣期間又可以買埋, 都幾好!😀😀

天氣凍又唔想阿媽煮飯，喺屋企樓下買啲嘢返屋企食就算我自己幾鍾意這一家店舖，有熟食、壽司刺身入去舖頭揀咗嘢食好快就拎得等嘢食嘅時候就見到舖頭原來都有幾多特別嘅日韓零食然後先發現原來這間舖頭可以做日、韓、台、泰代購，咁的幾方便如果唔係成日去旅行搵喺社交平台搵佢哋買嘢， 仲要唔使出旺角拎咁就得真係好方今餐係買返屋企同阿媽食所以就揀咗咖哩吉列豬扒飯芝士玉子燒炸魷魚鬚珍寶蟹棒 炸芝士年糕珍寶帶子、 三文魚子、 希靈魚、蝦壽司咖哩吉列豬扒飯 咖哩夠濃味，豬扒啱啱炸起😋嗰啲成日話唔食生野嘅阿媽就啱曬芝士玉子燒玉子燒唔會太甜，加埋上面少少流心嘅芝士這家餐廳的炸物都係即叫即做，所以每次都一定必叫魷魚鬚同埋芝士年糕，好難食到咁香口嘅魷魚鬚壽司類就主要我食喇珍寶帶子真係好大件，厚肉新鮮， 最鍾意呢啲 微微脊燒嘅味道整體覺得喺屯門住宅區，做街坊生意做到咁高水準嘅壽司炸物，係非常值得支持一下另外對於我這種不是很想去泰國，但係又好想 買泰國手袋的人，搵到一個新地方

2023年話咁快就過，除夕夜唔想出街同人迫，一於買返d靚外賣，同太太倆口子係屋企慢慢歎。餐廳主打壽司刺身，亦有日式咖哩飯，款式夠晒多。另外亦有好多特色零食賣，啱晒買黎係屋企看門口。三文魚腩壽司 :三文魚腩好肥美，油脂十足，滿滿三文魚香味。磯煮鮑魚仔壽司 :鮑魚壽司都係第一次試，醋飯上面有原隻鮑魚仔，賣相非常吸引，鮑魚仔煮得好淋好入味，估唔到配埋醋飯都幾夾。火灸左口魚壽司 :左口魚肥厚有口感，經火灸後魚油味更濃郁，入口滿口魚香味。牛油果三文魚卷 :一份有六件，飯卷包住三文魚、青瓜及玉子，面頭鋪上牛油果及蟹籽，牛油果好香甜，配埋三文魚飯卷，食落感覺清新。赤貝 + 三文魚刺身 :兩款刺身都好新鮮，三文魚係厚切，食落相當肥美；赤貝亦都好爽口。汁燒肥牛握飯糰 :完全估唔到咁大份，每份握飯團都包生菜絲、玉子燒及蟹柳，再選擇醬汁及配料，我揀咗汁燒肥牛及沙律醬，牛嘅份量都幾多，肉質柔軟入味，甜甜地配埋其他配料，一份已經好夠飽。溏心蛋 :太太最愛溏心蛋，蛋黃依然保持流心，煮得入味好好味。咖哩豬扒飯 :厚厚嘅吉列豬扒外皮香脆，入口好多肉汁，咖哩味道微辣，配料有薯仔、洋蔥及甘筍，喜歡餐廳將咖哩汁同飯分開裝，

凍凍地唔想出街食，但又想食日本野，就收工去左附近既日食外賣店買返聖企食☺️唔覺唔覺都叫左唔少野食😆原條鰻魚飯依個一見到個名就好想叫，因為本身都鍾意食鰻魚😆佢真係成條上，仲有一隻糖心蛋係上面，隻蛋超美味🤤豬骨湯烤雞扒叉燒烏冬佢好貼心係將湯同麵係分開，麵唔洗怕會淋哂，而且佢既配料有好多，個叉燒同雞扒好入味，食完暖笠笠！吞拿魚&三文魚手卷& 花之戀首先佢好大份，性價比高，而且啲魚生麵好新鮮，食落去好好味😆火炙壽司我地叫左珍寶蟹棒、芝士熟蝦、左口魚，佢個珍實蟹棒係超長🤤好岩鍾意食蟹柳棒既我。另外熟蝦同左口魚都好正，令人回味無窮！鯖魚佢地將條不烤得好香脆，外賣都保持到個口感，佢仲有埋個汁同檸檬比你，好貼心😆芝士玉子燒依個既性價比好高，估唔到$55係會咁大份，咁足料，個芝士好香好濃，配上玉子係非常夾，依個十分出色！佢店內仲有唔少韓國野賣，亦可以即買刺身，係好岩唔想出街食，又想食好野既人😆😆

叄壽司凍肉專門店屯門青翠徑9號多寶大廈上層34號舖呢到叫做一間凍肉專門店實情裏面有各種零食賣 壽司小卷刺身，當然唔少得便當拉麵 壽司拼盤 唔同組合都有 啱晒嚟緊開party需要極上海鮮飯 珍寶帶子 三文魚 海贍 甜蝦 油甘魚一次過食到好幾種刺身味道牛油果三文魚沙律三文魚切成粒狀 牛油果切成綠色一片片牛油果質地奶油般滑順 同三文魚一樣係健康嘅油脂麻醬滲落去絲瓜 雖然係沙律，食食吓都幾飽炸魷魚圈酥脆外層炸至金黃 炸到不會過度煮熟而變硬作為開胃菜、下酒菜或零食最適合不過魷魚肉都幾厚身

屋企附近最近新開咗一間外賣壽司舖，一直都想搵機會試，最終就決定喺冬至嘅夜晚買外賣壽司同屋企人一齊食。唔行入去都唔知原來入面除咗壽司之外，仲有凍肉同埋日韓零食代購，啲零食唔係普通超市可以搵到，除咗零食之外，原來仲有雞煲羊腩煲，下次試吓先。今次買咗個原條鰻魚飯，$119有隻糖心蛋，鰻魚都幾大條，份量對一個人嚟講其實有啲多，味道唔錯。壽司嗌咗火炙珍寶蟹棒，好大條，同對筷子一樣咁長，食落有火炙嘅香味，好好食。另外仲有火炙芝士帶子壽司，喺鮮甜嘅帶子上面加上芝士，令味道冇咁單一，係一個令人意外，但好食嘅配搭。另外仲有花之戀，呢度嘅花之戀唔係一般嘅花之戀，喺上面配合咗黃金魷魚同埋蟹膏，又幾夾喎，巴士梁好大嚿，三文魚新鮮，下次一定會再叫。最後仲叫咗半磅三文魚腩$140，三文魚好肥美，厚切，口感十分滿足，成口都係三文魚嘅油香，掂！

叄壽司凍肉專門店，位於屯門景峰輕鐵站(往兆康)車尾方向出站後過對面馬路，小店門面放有多塊寫上是日精選食物價目的黑板，有售日式丼飯、壽司、刺身、日式炸物、羊腩煲 / 雞煲等外賣，另有代購日韓台泰的雜貨及小食。叄INQ.獨家師傅秘制新鮮雙冬枝竹羊腩煲 $2882磅 (2人份量) $288 / 4磅 (4人份量) $388羊腩，肉質軟腍配料有口感爽脆又特別入味的冬筍、荸薺、枝竹、萵筍、冬菇，仲有月桂葉提香附上生菜、配有檸檬草的腐乳醬三文魚腩刺身 (半磅) $140新鮮，厚切！好肥美！有三文魚脂香麻辣木耳燒賣 （300g) $32店員建議食法 ： 煎 / 炸J是晚放到羊腩煲一同滾煮，麻辣惹味。 煎或炸的話相信會多一分香脆口感爽滑墨魚丸(250g） $30彈牙爽口，有細細墨魚粒_______________叄壽司凍肉專門店 (屯門)屯門青翠徑9號多寶大廈上層34號舖_______________