厚興瑜記手撕雞 (屯門市廣場1期)

相隔很久沒有來屯門了，在屯門市廣場內的Food Maze有我喜歡的手撕雞專門店 - 厚興瑜記手撕雞，這是全港第一間手撕雞堂食店，之前在其他分店試過外賣，現在可以堂食真的很方便，還有join了會員就有更多coupon優惠，$20就食到個下午茶。 餐牌上除了手撕雞、香蔥霸王雞、金銀蒜香雞、花雕醉雞、秘製香辣雞，還有新品 [麻椒手撕雞]，這新品的特色在於是於溫氏食品的明星廚師張錦祥推出的大師麻椒手撕雞。有四款皇牌雞飯套餐選擇，我們選了皇牌雞二人套餐  $168，套餐包括有皇牌雞半隻、雙拼小食、上湯娃娃菜、住家靚湯、絲苗白飯，白飯可轉米粉/湯麵/水晶粉，轉稻庭烏冬 +$10，種類豐富，價錢親民。 皇牌雞二人套餐 - 金銀蒜香皇牌雞 (半隻)              皇牌雞的面層鋪了滿滿炸蒜茸及香蔥，脆脆的好香口，雞都好大碟，份量十足，雞肉鮮嫩，味道濃郁，軟滑有少少嚼口，醬油調味恰度好處，不會過鹹，拌飯一流，配合幼滑米粉，上湯清甜，米粉吸到湯汁，越吃越滋味。 小食雙拼兩款小食我們選擇小冬菇和雞腎，雞腎好入味，口感好爽，小冬菇炆至軟綿，醬汁帶鹹香微辣味，兩款涼拌開胃小吃真不錯。 上湯娃娃菜湯底非常清甜可口，魚腐口感軟綿，娃娃菜翠綠鮮爽，整碗很快給我們飲完。住家靚湯 這天的住家湯是章魚蓮藕紅蘿蔔豬骨湯，十分足料，湯味鮮甜滋潤，豬骨煲到溶化，肉味香濃，蓮藕爽口，有住家湯的味道。…查看更多

厚興瑜記手撕雞我覺得咁多手撕雞連鎖店最好食嘅其中一間。不過多數外賣，但早排發現屯市food court都開左!!仲見佢做會員有個優惠都好抵，20蚊就食到下午茶添。除左手撕雞，見佢出左新野，係黃酒煮雞!!!黃酒煮雞 HK$75唔係度度都有食黃酒煮雞，岩岩天氣凍返少少，即刻叫呢個試，好搞笑佢個雞上面仲加左隻煎蛋。雞肉勁似雞煲咁呀，係有炒過，所以個雞係好香。同埋都算幾多雞，D肉又唔鞋，重點個黃酒湯甜甜地，勁香勁暖，好正。另外佢地手撕雞一人餐都好抵，招牌手撕雞飯 HK$53手撕雞都係一樣咁滑，又唔會好肥。上湯水晶粉，係有一大碗，可以揀飯都可以。住家靚湯都唔細碗，可以揀飲品或湯。…查看更多

平時都喜歡食手撕雞，今日喺food court見到依間手撕雞店，因為之前已經見過好多次，但都未試過，所以就今日試一試佢。麻辣手撕雞飯 $58 （連飲品）手撕雞配上濃濃的花椒麻辣味，適合喜歡食辣的朋友食，而且配上的白飯大大碗，價錢都只係$58 ，非常抵食，但如果可以多啲雞就更加好了。黃酒雞鍋配米粉 $78冬天就快嚟到啦，見到呢間餐廳新出咗個黃酒雞鍋，急不及待要試一試佢，如果你都鍾意食黃酒雞嘅都可以一試。黃酒雞鍋烹調需時，如果真係趕時間嘅話就要考慮吓啦。黃酒雞鍋出到嚟嘅時候熱辣辣的，如果天氣凍嘅時候食應該特別可以暖到身。黃酒雞份量好多，雞件同紅棗嘅份量都好夠，我自己鍾意食麵，所以就配合米粉食，雞湯味濃，所以個米粉都好好食。…查看更多

經開屯門市廣場，food court有好多選擇🤩今次揀咗🫶🏻🫶🏻厚興瑜記！佢哋係全港第一間手撕雞堂食店，原來join會員有好多優惠🎁🎁皇牌雞二人套餐1. 上湯魚腐娃娃菜✔️湯頭清淡而鮮美，魚腐的滑嫩與娃娃菜的脆爽形成完美對比。2. 住家靚湯 ✔️湯底濃郁而不油膩，喝上一口，感覺溫暖如春。 ✔️香氣四溢，讓人懷念家庭的味道。3. 皇牌雞（半隻）✔️雞肉外皮酥脆，內裡鮮嫩多汁，每一口都充滿肉汁。✔️濃郁，搭配特製醬汁，讓整道菜的風味提升到極致，回味無窮。4. 絲苗白飯，上湯拉麵 ✔️絲苗白飯粒粒分明，柔軟但不黏。拉麵滑順，吸附了豐富的湯汁。5. 小冬菇豬肚✔️小冬菇任味，豬肚軟嫩，兩者的口感形成鮮明對比。✔️調味適中，讓人能品味到食材本身的鮮美。整體來說，這頓皇牌雞二人套餐不僅在視覺上令人滿足，每道菜的口感和味道也都十分出色。…查看更多

呢間手撕雞店一早就聽過， 近排發現佢喺屯門市廣場有堂食店， 而且系香港第一間堂食店，於是過去試吓。見到佢有二人套餐好抵食， 只須 $145。🥢手撕雞果然係佢嘅招牌菜。雞肉香軟帶有肉汁，配埋佢嘅秘製醬汁非常好味。🥢豬耳， 鳳爪今日揀咗鳳爪豬耳兩個小食。 兩個都帶微辣，非常惹味。 用嚟送飯或剩食都係唔錯嘅選擇。佢另外仲有十幾款嘅小食任君選擇。🥢浸娃娃菜娃娃菜非常鮮甜。湯碗內仲有幾塊魚腐， 濃中帶鮮， 洽到好處。另外，除套餐仲有例湯同白飯。都唔錯咖。P.S.而家join會員享用coupon優惠, $20就食到個下午茶， 仲有好多優惠添。📍厚興瑜記手撕雞📪屯順街1號屯門市廣場1期2樓2253A號舖FOODMAZE 3號檔#厚興瑜記手撕雞 #手撕雞 #香港探店 #屯門美食 #平民食堂 #屯門市廣場 #港飄必吃 …查看更多