最近我去咗一間家庭式嘅印度餐廳，食咗一餐好味嘅旁遮普菜系晚餐餐廳氣氛好溫暖，價錢又親民，真係好適合同家人或者朋友聚餐。我哋食咗印度烤雞（Chicken Tikka）呢道菜嘅雞肉外面烤過，入面仲係嫩經過香料腌製，外面微微焦脆，香氣撲鼻配上特製嘅酸奶醬，味道更加豐富，令人一試就鍾意然後係馬薩拉牛腩香料飯（Masala Beef Biryani呢碗飯嘅香味真係勁正牛腩煮得軟嫩，同香料飯融合得好好，米飯粒粒分明，每一口都好有味，一改我對印度長米本身嘅印象腰果咖哩牛舌（Cashew Curry Ox Tongue）呢道菜都好驚喜咖哩醬滑順，腰果嘅香同香料味偏甜，一啲都唔辣牛舌柔軟，少少焦香味道層次分明，真係好正菠菜薯仔咖哩（Aloo Saag Curry），就係素食者嘅福音😂菠菜同馬鈴薯好搭，但要注意佢都有辣度我仲叫咗蒜蓉烤餅（Garlic Naan）同奶油烤餅（Paratha），兩款餅各有特色蒜蓉烤餅香味四溢，而奶油烤餅就鬆軟可口，無論邊款都好適合配咖哩…查看更多
