卡莎338

今日同老公去長沙灣卡莎338撐枱 點了🍲🥗🥣🍾🥞粟米忌廉湯~冇味-淡👎蒜蓉多士~凍👎特色芝士焗蠔 ~腥'好細隻👎香煎法式羊架~好味頂級安格斯斧頭吾扒16安士~味道可以'以$298甘價錢唔抵食意大利水牛芝士薄餅~味道可以唔好再嚟幫襯' 服務麻麻…查看更多

超差體驗，買左團購，打左電話去book位，同班friend去到竟然話冇紀錄，仲要老屈人打錯，當刻打番同一個電話即場響，仲要死口話人冇打到去，咁既服務唔會有幫忖！…查看更多

2個禮拜前打去book枱 個staff話依家未知有無位 啲枱唔係先到先得嫁咩 你地應該知道依家有幾多個人book咗枱嫁嘛過咗一個禮拜多啲 啲staff打嚟confirm話有位 點知去到話我地無book枱 態度非常惡劣上餐時嚟咗個扒 點睇都唔似我地所叫既斧頭扒 叫咗個staff過嚟問 佢走入廚房再出返嚟 話肯定係斧頭扒 咁我地咪照食 個扒唔單只唔新鮮 仲有啲霉過多一陣 另一個staff上咗個斧頭扒俾我地 我地問佢頭先個塊係咩嚟 點知佢話係肉眼扒 個staff話"你地應該食得曬既 幫你地加埋落張單度啦" 嘩 唔係掛 你地員工既錯 要客人硬食 !!! 我地無人話同意佢咁做囉 佢即刻走去改單 我地反對 話點都起碼俾個折頭我地啦 點知佢話我地公司唔俾咁做 咁唔同你地公司唔俾咁做 就要客人硬食你個200幾蚊 仲要係霉既肉眼扒 又話咩補償都唔可以俾啲客 咁樣係待客之道咩以後唔會再幫襯依啲餐廳。。。。話說我食完當晚 個肚好痛…查看更多

食物頗為不錯，豬手過燶，有點苦冇指定嘅手工啤又唔出聲同客講只比另一款其他食物也不錯服務態度差，尤其瘦個位服務員座位也不太舒適雖則我係團購，唔係唔洗比$冇下次，請都唔黎…查看更多

長沙灣一向好多好野食，今次同班好朋友聚餐，我地一行四人黎到呢間平民西餐，估吾到又真係幾好食！餐廳位置吾難搵，正正係大馬路，果日去既時候係夜晚7點幾，但好在吾洗等位。打開餐牌，有好多鐵板餐都好抵食，價錢親民，一般都係百五蚊內！性價比幾高呢個夏威夷pizza正常水準，不過值得一提係佢熱辣辣出爐😋呢個蒜蓉包都吾錯，蒜蓉牛油好正我地叫左個牛小排鐵板餐配黑椒汁，熱辣辣既鐵板餐的確無得輸，同埋個牛小排都好好味，肉質吾會好難咬，同價錢一樣既分數呢個意大利飯都令人幾意外，菠菜白汁意大利飯係一道常見既菜式，但呢個飯好易整得太乾太濕，但呢個飯同汁既份量就岩岩好呢個蕃茄意粉係連住鐵板餐既，都吾錯👍🏼…查看更多

距離地鐵站約10分鐘腳程﹐找到這間人不算太多的西餐廳﹐剛好走到累了就坐下吃晚餐餐廳策略很好﹐清晰的把菜式分成兩個價位大約是$100以內和$250以上﹐令兩群客人各取所需而我就是$100以內的一群我點了個 $98 的牛魔王扒餐配凍奶茶等了大概10分鐘後就上菜沒有很誇張的大牛扒﹐份量不多也不少﹐就剛好夠我吃牛肉沒帶有明顯的脂肪﹐牛舌很圓的兩大塊但黑椒汁倒上時沒有鐵板的精髓 — 咋咋聲  扣不少分牛仔骨和牛扒不會靭﹐牛肉味OK 牛舌是不可能失手的材料﹐大大塊"脷疊脷"很好吃 西餐廳基本上對奶茶沒有期望﹐沒有很 "水"很淡就很好而這裡的奶茶還可以整體不過不失﹐就是 $100的水準 比起外面有些約80元大大塊的扒房﹐這裡的環境適合朋友談天…查看更多

老公上openrice搜尋到呢間有斧頭排食，我就係openrice度訂位，去到有個帶眼鏡既男士係門口接待，我就話係openrice度訂左2位730，當時佢重係一塊板上找到我的資料用筆劃了，之後便帶我們坐到了一張四人位，坐下後沒有再跟我們說什麼要留意的便走開了，一心黎試下個斧頭排，咁我地就叫左斧頭排再加$30做餐，一個pizza餐同見d生蠔$10隻咪試下囉，等左陣黎餐湯同蒜蓉飽，我地叫了紅白湯各一，d湯好稀無乜味，蒜蓉飽就唔知放左幾耐好硬，而d所謂精選生蠔入口咸到好似飲鹽水咁，跟住等左15分鐘左右就黎pizza，呢個pizza都算合格無話特別好唔好食，之後再等多15分鐘左右先黎斧頭排，件排好薄同少肉，條骨就好大條，雖然話係一分錢一分貨，但是16oz多係骨個位，而咁既價錢係唔抵食囉，最後連杯餐飲都等左我成10分鐘先有，原因就係廚房得2個人，而廳面都是得2個人做，帶位、落單、清枱、送餐、收錢就連沖野飲都係佢地，所以乜都好耐先黎，呢d都算，食完就去埋單，呢下先黎料，我一睇張單見到總數就知不對，因為經openrice訂坐的有9折，但是，不是我預先略計出的價錢，原來openrice訂枱的，要叫精選生蠔不是$10隻而是正價$20隻，但是從坐下到叫野食全程都無人同我地講過，當時就同個女人講話係另外帶眼鏡的接我地，而我手機有證明係用openrice訂左枱的，真是搞笑，佢叫個男過來我講返頭先佢接我地係講明openrice訂的，而佢竟然一口就話我地係walk-in，真是爭大眼講大話到不得了，真係要比個叻佢，跟住個女既都知咩事，就扣返9折同計返生蠔$10隻比我埋單，呢間真係唔駛旨意會再去幫襯，後來睇返之前的食評先知呢間野轉手轉左幾次，怪不得會咁差啦！希望唔會再有人中伏!…查看更多

食物總括來說是不錯：肉眼扒做得很好，鹹豬手一般，生蠔新鮮好味只可惜服務卻強差人意；冷氣機滴水在枱面，叫侍應但他們冇人理，再叫他們，他們話會告訴部長。之後，有沒有時間在我們附近了。…查看更多

長沙灣都有幾多吾同種類既餐廳, 星期五1800經過見環境幾好, 餐牌選擇又多, 就入左去試下。本身間餐廳有set dinner 既餐牌, 大概 $100-150有得簡意粉/飯/西冷牛扒, 或者大概$ 70-80有鐵板燒，都包餐湯同飲品, 選擇都幾經濟實惠。等我幫大家報告下D野食如何先。1. 番茄忌廉鮮蝦野菌意大利飯 (原價:$118)有意外驚喜！這個飯番茄味不算很濃郁，與忌廉配合得剛剛好，飯敢軟度適中，好味！2.香煎肉眼牛排配意粉(原價:$128)肉質軟嫩略帶咬勁、肉汁豐富，但略嫌多油脂。意粉配番茄汁，但較乾身。其他意見:地理位置：離長沙灣地鐵站約10分鐘路程，從C2出口直走，唔難搵呀! 餐廳環境：環境乾淨衛生，燈光有氣氛，空間寬敞，坐得舒適，做到一般西餐廳要求。服務：1800到唔洗等位，上菜等候時間合理，但侍應態度不算很親切、積極，不會自動加水…查看更多

入到去無人執野，張檯污糟極。為求吃飯，只好自己執，執完落單，等了二十分鐘，乜都無，連張單都無。問待應，待應勁無禮貌話邊個落先……鬼知你邊個呀！又話今日有人包場……若無人手，咁就咪開檔啦！只做包場個邊囉……門外又有開幾檯食煙的，d煙飄入來，客人要食埋二手煙……咁差服務，又準備轉手啦！…查看更多

今日放工想去鋸扒，由荔枝角行行下就黎到長沙灣，見到餐牌上既價錢親民，入左呢間餐廳。首先打開menu。有好多唔同既扒餐簡。我地叫左兩個set。首先黎左蒜蓉包，幾香脆而且蒜味幾濃。之後係餐湯，有紅湯同白湯簡，當然簡左紅湯喇。之後到小食，係炸魷魚腳，好鐘意佢炸得好香脆，又熱辣辣咁上碗，而且份量好足，所以食唔停口呢！之後就到鋸扒既重點喇，朋友叫左個牛，配黑椒汁同意粉。而我就叫左個豬肋骨配薯菜。我真係好鐘意食Ribs架，雖然我本身係鐘意食牛多d，但ribs真係好好食，我鐘意ribs既鬆軟，而且ribs既汁真係好好食。最後就係去餐廳，跟餐既餐飲必叫既凍檸茶，無令我失望呢。每次食完一個set dinner，飲凍檸茶真係完美既結束。總結黎講，係一間放工後休閒既晚餐鋸扒地方，價錢親民，可以一試呢。…查看更多

點既係比目魚扒，賣相同擺碟好吸引。魚扒外皮煎得好脆身，同軟嫩既魚肉形成強烈既對比，口感豐富，再配埋伴碟香草忌廉汁，令人回味無窮。最後當然要嗌個甜品，為呢餐晚飯畫上完美既句號，估唔到妹仔大過主人婆，甜品更令人喜出望外。我地嗌左個心太軟，價錢只係$38，比出面甜品舖平好多。但即叫即整，上枱時熱辣辣，一叉開流心朱古力好似熔岩流出，苦甜度適中，心太軟外脆內軟，配埋雪糕食又係另一種滋味！更值得嘉許既係店員友善親切既服務態度，依家好少食肆係賣服務，我地坐左近三個鐘都完全無趕客，如果想搵間西餐舒舒服服鋸下扒傾下計，呢度不失為一個好選擇。…查看更多

一家人預先叫了8人份自選餐，個別菜一般般不贅述，主菜有兩塊分別是西冷和T骨扒，來的時候我幫手切，小小一塊80安士西冷和另外一塊110安士T骨，我要越切越用力，手諗唔係啩，咁韌嘅，可惜地食落時感覺也極差，三個字，乾，鞋，韌，再沒有其他感覺，埋單人均$230。如果唔想相同遭遇，不要去不要試。…查看更多

一向都知深水埗係個平民美食天堂，由小食到多國菜都平靚正，呢日就同朋友約左去呢間西餐度鋸扒，舖面好大又喺正轉角位，好易搵。晚餐選擇頗多，價錢都好親民，人均都係百零蚊，已經包左主菜、餐湯同餐飲，中意chill drink既話仲有餐酒選擇。上菜速度快，落單一陣餐湯同蒜蓉包就到，我地點左一紅一白。紅湯飲落偏清淡，可能為左就返素食者口味所以無落肉吊味；反而白湯幾令人驚喜，好濃郁，而且加左黑松露提鮮，令人忍唔住一啖接一啖，蒜蓉包亦烤得幾脆。我點既肉眼扒雖然唔係最貴果款，但質素絕對對得上價錢。肉質軟熟，唔會好韌，火候煎得適中唔會overcook，配埋黑椒汁好惹味，伴碟既薯條亦炸得好脆身。…查看更多

放工後揾左間近近地嘅平價扒房試，去到門口見到有個露天reception位嘅。由於嗰晚客人唔多，receptionist好快都安排左我地兩個人坐4人枱，坐位寬敞😁。我同男友點左一客卡莎什扒鐵板同埋一客深海海鮮鐵板，侍應落單嗰陣話卡莎什扒餐嘅雞扒賣曬，會俾多塊豬扒，咁我地都照嗌啦😉。餐湯同蒜蓉包都好快上枱，白湯夠濃，不過飲得耐略嫌鹹左啲。作為蒜蓉包迷嘅我，呢客蒜蓉包都算幾出色，蒜蓉味好出，浸埋個湯咁食都唔錯👍🏻。終於到主菜喇！先講卡莎什扒鐵板，說好的多一塊豬扒冇左影，不過多左兩隻雞翼，問返侍應先知原來佢一開頭講錯左😅，不過好彩都啱食。個人覺得主角豬扒如果整淋啲會好食啲，而其他配菜，即雞翼、火腿、豬肉腸同煎蛋就keep住正常水準，不過不失。較為遜色嘅係個薯條，比較硬身唔好咬。另一個主菜——深海海鮮鐵板，份量睇落就相對少啲，不過啱曬小鳥胃嘅我🤣。魚柳切落都已經好易散開😕，如果可以唔好整到咁淋就好啲，味道都正常嘅。主角大蝦味道都唔錯，值得一讚嘅係蝦肉好易就剝離蝦殻，可以一大啖食曬成隻蝦落肚🤤。魷魚圈同薯條就冇乜特別喇。整體黎講，呢間餐廳食物不過不失，一定又比佢更好食嘅扒餐，唔會特登再去食第二次🤔。…查看更多