卡洛芝士吐司專門店 (已結業)

三文治配上黑牛，絕放假屋企人上山頂行吓，山頂餐廳不嬲收費唔平，周圍行吓去到凌霄閣，搵到呢張絕世三文治，再加上呢間餐廳有黑牛，香港真係買少見少！！！！！！！！即刻入去試吓，三文治會烘底，蛋會即炒仲要唔係超熟感覺勁正，熱辣辣再配上個黑牛，正😄呢個價錢真係性價比高，唔係太肚餓可以食返個三文治頂下肚，佢哋最出名係彩虹食芝士三文治，不過我哋太飽所以無試到！最後老婆叫我search下邊度有分店，竟然只此一間，下次一定要再試👍👍👍👍👍…查看更多

有去過🇰🇷韓國嘅朋友仔一定有食過Issac/ Egg drop/ Eggcellect三文治，喺山頂竟然都有得食，仲要有七彩芝士多士，見到真係好驚喜❗️雖然價錢有少少貴味道一定冇韓國咁正宗，但係❗️喺香港算稱得上好味🌟🌟🌟我哋叫咗西班牙辣腸蛋立方🥪香腸超足料本身以為得個面有點知個底仲有，外皮香脆少少辣惹味好正✨炒蛋份量多超滑超Juicy，個包新鮮外脆鬆軟有牛油香❗️除咗三文治我哋仲試咗菠蘿椰子同芒果沙冰，個人鍾意菠蘿椰子多啲🥰…查看更多

襯未開始忙之前去下郊遊先 今次去山頂打個卡 屬牛🐮屬鼠🐭嘅朋友仔可以以優惠價來回坐山頂纜車由於上年係韓國食唔到egg drop 今次經過類似egg drop嘅egg square就嚟試下啦 餐廳位於凌霄閣 只有一名店員收錢同處理食材 所以都需要等15-20分鐘左右 店員態度都不錯 蛋立方有六種口味 價錢分別$42-$62 我地就揀咗韓式牛肉蛋立方🍞 另外可以加$5有芝士 不過我地就無加啦 因為egg square價錢其實都頗貴💸等嘅過程一直都聞到好香 等咗二十分鐘左右 就有得食啦 見到外型都幾驚喜 有啲金箔係上面 個包烘得好香脆 蛋炒得好滑 牛又唔老 不過size有點少 可以嘅話可以自己試下整 因為準備材料唔太難…查看更多

抗疫做運動🏃‍♀️🏃，今日就由薄扶林水塘道行上山頂，加強心肺功能😆。消耗體力之後想坐底休息同食少少嘢！呢間舖頭以彩虹七色做裝修，耀眼奪目，好吸晴又醒神。專門食吐司及多士，即口即做，新鮮又熱騰騰，好啱天氣凍食。黑豚肉蛋立方$56吐司有2吋厚，面層塗上香甜蜜糖，然後再烤烘，咬落口係外脆內軟。黑豚肉有4塊，肉質鮮嫩軟熟，好香烤肉味。炒蛋好厚身，係半熟炒蛋，香滑又juicy。 即叫即做，大約等8分鐘就有熱騰騰嘅厚吐司食，好值得！…查看更多

經過門口，隔住個口罩都聞到勁香所以就入去買左一份芝士蛋立方個包用牛油煎過，所以勁香口可能因為要夾係包內面，個蛋唔係半熟會流晒嘅蛋黃個種但都炒得好滑，正呀而且芝士都流到絲，仲要有奶香🤤雖然一個三文治要成42蚊係貴貴地，但都有返咁上下quality嘅，仲要係山頂喎，係貴少少架啦…查看更多