更多
2025-03-20
69 瀏覽
今次已經係二訪位於太子酒吧街嘅高質串燒店!雖然小店空間唔大,但好有日式居酒屋 feel,鍾意坐 bar 枱可以望住師傅好用心咁處理每一款食材,不過今次人多要坐入面大枱~~ 呢度主要食 “燒鳥”,仲有提供好多稀有部位,鍾意食雞嘅朋友唔好錯過啦~!😋 提燈 ~ 香港唔係好多地方有得食,幸好今日有存貨,啱啱好可以每人一串!蛋黃味道濃郁,帶有少少甜味,口感獨特,令人回味無窮!😋 另外仲有雞冠、雞心、橫隔膜、雞蠔肉等等都有好香雞味,始終都係食材夠新鮮!等待嘅時間比較漫長,始終每一道菜式都要用心製作,所以要有耐性!清酒選擇唔多,而且無我喜歡嘅辛口種類,唯有暢飲啤酒亦都係一個好配搭 🍻
張貼