南記粉麵 (僑建大廈)

上個月2025年10月21號，放學同朋友出嚟旺角行街順手食埋lunch，連續食咗幾個禮拜Sukiya有啲厭，行多個街口見到南記Menu又平平地就入咗去坐低。叫咗個煎蛋沙嗲肥牛麵，再加咗個咖喱拼盤（？）我都唔記得叫咩名，入邊又有魷魚魚蛋蘿蔔鵝腸，加埋七十幾埋單又幾抵。味道都好唔錯，肥牛落得好多，食晒啲麵都未食晒啲肉，煎蛋都好有水準做到流心蛋黃，沙嗲湯底又夠濃郁，本身喺嗰頭返工嘅時候都未試過南記，第一次食真係幾抵食，唔貴又好味，下次嚟開呢頭再試吓！…查看更多

南記粉麵最近真係為芫茜迷帶嚟一場味蕾大爆炸！佢哋全新推出嘅「茜利豬！芫茜蓉豬扒·扎肉米線」套餐，係芫茜愛好者嘅終極夢想💚🥢 芫茜蓉炸豬扒用秘製芫茜醬醃過再炸，外脆內嫩，芫茜香氣撲鼻，配埋豬扒嘅肉香，簡直係天作之合！🥩 芫茜扎肉每一口都可以感受到芫茜香同扎肉嘅濃郁肉汁，入口即爆汁，滿足到上天！💚 芫茜小食新登場：- 青瓜芫茜胡麻醬- 豆腐芫茜胡麻醬🌱 清新又開胃，兩款小食只需 $11 起，簡直係芫茜控嘅福音！ 💚 額外芫茜加乘：- 鮮芫茜碎 ($3)：再加一層香氣！🌱 - 特濃芫茜皮蛋蓉湯 ($8)：口感濃郁，飲落清爽解暑！🥚 食完仲可以試埋佢哋嘅「芫茜汽水」（可樂／雪碧）🥤，為呢趟芫茜之旅劃上完美句號👯‍♀️ 芫茜迷，唔好再等啦！即刻約埋朋友去南記粉麵，感受呢場芫茜魅力滿滿嘅味覺盛宴💚…查看更多

南記粉麵今次試咗蕃茄湯底配肥牛、春卷、紫菜同幼麵，仲加埋紅油抄手，整體表現穩定。蕃茄湯底酸甜適中，唔會太濃，飲落清爽開胃。幼麵煮得啱啱好，唔腍唔硬，吸湯力夠，食落有口感。肥牛片薄，涮一涮就熟，油脂唔算多，唔會太膩。紫菜份量適中，唔搶味，反而令湯底多咗層次。春卷外皮夠脆，餡料有魚香味，唔錯，配湯一齊食幾夾。紅油抄手就屬於「正常發揮」，唔算特別辣，餡料足，口感滑溜，幾好食但唔算突出。整體嚟講，呢餐唔算驚喜但勝在穩陣，配料選擇多，味道有層次，價錢合理。…查看更多

食港式混醬套餐再加12蚊就可以抽玩具盲袋🤑💼  食玩控的本猴🐒 完全係為咗抽玩具而食🪀🔥（為孫仔有得開餐！👶🍼）  3餸麵揀咗粗麵底（佢又要玩車仔麵風，但係落order時冇得揀油麵😲‼️事源我話要油麵，收銀阿姐就不停話冇「幼面」🤷♀️，我話「油」麵喎，佢就話冇啊冇啊🚫，咁啊，唯有要粗麵囉🍜，為咗抽換具冇辦法💸，到我而家po相先見到係默認油麵🙈💢，對一個次次食車仔面都會嗌油麵嘅人嚟講真係幾大打擊💔）  首先，講個混醬湯底，真係為咗混晒所有醬落去🌈，講真美感欠奉🎨，食落口只係覺得好油🛢️，又唔係混醬腸粉果種混醬，食得出有沙茶醬味，但我覺得沙茶醬要打邊爐點🔥傑傑地先至正，而家咁樣撈落個湯底度💦，我唔多接受到依種油淋淋油稀冷冷嘅感覺🥶，南記都係做返麻辣最好🌶️（我諗都係因為我嗌粗麵出事🤡，如果食油麪就會掛汁好多🍝，同呢個醬一定好夾 🤝）  餸：  炸魚蛋（有四粒幾闊綽💰，做到彈牙口感🎾，食咗一粒先記得影📸）  魷魚鬚（正常發揮🦑👌）  滷水豆腐（滷水汁都算入味🧈💦）  跟餐送特飲 芒果冷泡鐵觀音🥭🍵，清清哋唔似糖水🍯，算係台式飲品嘅平替👛  講咁多嘢🗣️，我下次都會再食，因為想換多款玩具比孫仔玩🐒🍽️ …查看更多

今日想食南記的春卷😆, 今日叫左春卷墨丸米線套餐, 不過今日無晒生菜, 要左芽菜, 另外要熱豆漿, 找個卡位坐, 等左一陣到我, 拿番來份量依然十足, 食啖米線先, 煮到剛剛好, 唔會好淋亦唔會好硬😀, 食舊春卷先🤩, 依然保持水準, 亦都好食, 果然係佢哋的招牌菜😘👍, 不過墨丸就一般😅😅, 米線入面好多配菜, 有好多酸菜同芽菜, 吃落更加開胃同爽口, 另外配的芽菜都比得超級多😂🤣, 亦加落d湯度食先, 豆漿就屬於合格, 今日飲覺得無乜豆味, 唔可以叫熱, 屬於微暖😅😅, 但60頭一個晚餐, 今時今日香港都屬於叫抵食😁😄, 但食左係有d口渴😚但都倘可接受😅😆…查看更多