南記粉麵 (金馬倫中心)

見南記新推出「茜利豬」米線套餐，作為一個芫茜控今日去尖沙咀分店試一試佢揀咗雙餸炸豬扒同扎肉，本身包咗皮蛋同豆卜，芫茜湯底可以揀濃度，飲品我揀咗熱豆漿見姐姐夾咗好多新鮮翠綠芫茜落碗就知個湯唔會淡，先嚐一口湯，夠熱有皮蛋香亦有芫茜味，炸豬扒裡面都有好多芫茜粒，肉質夠鬆唔覺太油，扎肉緊嫩有肉香夾雜淡淡芫茜香，米線煮嘅時間都啱啱好，夠滑仲有少少彈性；豆漿都係夠熱度，有豆香之餘甜度都啱啱好，整體嚟講真係幾唔錯…查看更多

中午放飯決定去食南記，因為有一張$25 coupon到期平時正價真係唔會入去食，因為我覺得唔值咁貴叫咗一個清湯珍寶河粉 ($59)，唔包飲品配料包括招牌墨魚春卷、魚皮餃、牛丸、墨魚丸，同埋魚蛋等食物嘅時候都見到廚房炸咗好多墨魚春卷，呢個真係南記嘅招牌餸👍墨魚春卷有兩條，真係好好食其餘嘅就正常發揮，俾正價$59真係唔會去食…查看更多

南記既蕃茄湯米線湯底好深色，唔透明，蕃茄味濃，偏甜，感覺加左好多茄膏同糖份。魚皮餃不過不失，加左佢最出名嘅春卷，呢個小窩米線其實都幾好食。如果食太多譚仔想轉下口味不妨試吓南記。#小窩米線 #南記…查看更多

$32 招牌河粉，我就揀咗米粉今日，呢個下午茶嚟講性價比真係算幾高佢嘅份量都算非常多而且米粉嘅份量亦都非常十足！價錢嚟講真係非常抵食！牛丸爽口彈牙，而且質素比出邊普通嘅牛丸高，每一份有兩粒牛丸，兩粒魚蛋同埋兩條佢招牌嘅春卷，佢招牌嘅春卷真係非常好食，簡直係冇得輸！魚蛋亦都非常高質！！！另外佢有好多款唔同搭配嘅套餐，我就加咗$5可以多份生菜，可以加腩汁或者蠔油，都係健康之選鍾意食嘅朋友都可以試吓！佢嘅下午茶真係非常平！…查看更多

早幾日諗唔到食乜好，行行吓就見到好耐無食嘅南記。以前中環返工，一個星期最少會食3次。轉左工之後，都有幫襯其他分店，但係都唔太滿意，好多時都唔夠熱，同埋員工都好串。知道快餐都係唔係講咩服務，但係佢哋係去到黑人憎嘅地步。入返正題，果日叫咗春卷小鍋加腩肉，收銀哥哥提我下午茶跟嘢飲，咁叫埋可樂。我就外賣返公司食。因為行返公司都有一段15分鐘嘅路要行，醒起就問bar 位姐姐，有冇得分湯？如果分湯係咪出去加錢？姐姐好有禮貌咁解釋返我聽，如果加餸就會自動分湯，係免費。仲叫我下次都加餸就抵食啲。行到返公司，打開竟然仲係熱辣辣嘅，個湯無起曬泡！食返以前好喜歡嘅口味！覺得好開心同幸福。可能好大原因係遇到咁好又有禮貌嘅員工，做嘢又咁有效率，成個餐都好味咗？哈哈！我會多啲去金馬倫道分店食嘢😊…查看更多