南山梳乎厘

是次深水埗搵食最後一站,嗜甜如我,都係食甜品-梳乎厘。佢地既梳乎厘都幾多款式,我最後揀左酒心Oreo味,另外實在太熱,所以叫左杯芒果沙冰。我落單個陣,職員話堂食即叫即整要等15-20分鐘。佢地有幾張櫈係鋪頭旁邊,所以都可以堂食,可惜無冷氣,得部風扇,聊勝於無。芒果沙冰首先送到,急不及待試一口,確實係冰涼,芒果味都幾香,只係天氣太熱,好快就變左芒果汁😅等左20分鐘左右,終於等到上菜,賣相十分吸引,而且都幾足料。梳乎厘非常軟熟,羹叉輕輕一吉就可以分開,搭配Oreo餅碎,令口感上多左重變化,不過就唔係好食到酒味🤔整體用餐體驗都唔錯,份量合適,味道足夠甜,係用餐環境係後巷(算乾淨)同無冷氣有啲可惜。酒心Oreo梳乎厘 $50芒果沙冰(細杯) $15…Read More

一早係OpenRice 外賣自取落Order, 去到等左5分鐘左右就有得攞啦。本身想係鋪頭旁邊櫈食，天氣太熱都係入返對面老麥涼冷氣。搵位坐低之後即刻食一啖先，嗯～係軟綿綿既梳乎厘，而且不會太甜，香蕉味好出，一啖空氣一啖老麥雞翼，簡直係享受下次再試吓其他味先…Read More

呢間梳乎厘空氣感超強，入口真心鬆軟而濕潤！味道上叫咗🍷Oreo Baileys（$50），有兩大塊梳乎厘班戟，價錢🆗 Baileys唔係直接淋上梳乎厘，做到味濃但唔會過濕😙蛋香味偏淡，食落好輕盈帶酒香味，好快就會唔小心食晒🤣最緊要！店員十分之親切好客，因為太熱唔諗住喺小店嗰度食（冇冷氣🥵），店員就同我哋講清楚，如果淨係叫外賣，就唔係即叫即整！如果需要嘅話就要提出，要等大約10分鐘👍🏻👍🏻整個體驗好好，價錢又合理，絕對會回訪😋…Read More

南山梳乎厘 @souffle_namshan 📍：深水埗元州街1F號地舖🚗：深水埗地鐵B2出口 步行6分鐘📞：+852 6849-1428💲：~HKD50-60/head for dessertsFood quality✔️：焦糖咖啡、鮮打香蕉奶昔、焦糖花生👌🏼：開心果、鮮打芒果沙冰總結：😋南山比其他地區多好多小店 呢間南山梳乎厘就係其中一間 但佢實際不在南山🤣搬咗去深水埗嗰邊😋店舖細細 專做梳乎厘/甜品 但都好多款式 今次試咗焦糖咖啡☕️即叫即整 所以要等一陣😋店主叫我周圍行先再返嚟 但由於附近實在無嘢行 所以行完一圈都係留喺舖頭外等 得外賣🥡嘅原故 但外面都放咗幾張凳可以堂食 不過夏日嚟食有點狼狽😋梳乎厘有兩層 好澎派 空氣感足食落好似食空氣感 奶香味唔太濃 主要因為佢落嘅焦糖咖啡/焦糖花生太重 好食 但個人覺得再熟啲會更完美😎🤔近期開心果類甜品大熱 呢度嘅開心果就試一次就夠 唔夠香都唔夠濃 陣開心果味較淡😣🤔+$15有得換香蕉奶昔同芒果沙冰抵飲 前者出色好香好稠香蕉味 芒果🥭沙冰都唔錯嘅🤔個人覺得小店員工比較親切啲 見我哋猶豫緊叫咩都同我哋介紹 不過如果有得入舖堂食會更開心🥳😨要打卡嘅朋友可能會失望 因為冇環境可言 擺盤都只係外賣盒 但食物本身夠靚仔😍😨冇咩耐性嘅朋友都唔太啱 因為要啲等待時間 但唔算太耐…Read More

真係頂唔順！今日專登去呢間「南山疏乎厘」朝聖，點知食到一肚火！ 叫咗個招牌疏乎厘，一啖隊落去——黐線㗎！入面流到好似疍花湯咁，一pat pat濕漉漉嘅粉漿湧出嚟，腥腥哋嘅生疍味攻鼻，我即刻打冷震！大佬，你同我講呢啲叫「熟」？街市買生雞蛋都無咁流質呀！最激氣係個老闆面皮厚過城牆！我拎住碟「生疍糊」客氣問：「老闆，好似未熟喎？」佢眼尾都唔掃下，仲要懶專業咁 「死雞撐飯蓋」：「係咁㗎！我哋特色係流心㗎！」 流你個心啊流！流心係朱古力熔啊，唔係生粉漿囉！仲要串串貢補多句：「你唔識食遮！」聽到真係火都嚟🔥我食疏乎厘多過你食米啦！ 💣 致命三宗罪：1️⃣ 食物安全零分：生疍高危啊！沙門氏菌中咗點算？睇見碟「水汪汪」都知大鑊，食兩啖直接放棄，驚肚痾到脫肛！ 2️⃣ 態度差過差人查牌：明明失手仲要 「死狗唔認輸」，當客係白痴？收50蚊俾堆生粉漿人，仲夠膽教人食嘢？ 3️⃣ 價錢搶劫級：一舊水食個「實驗失敗品」，不如我去超市買盒鷄蛋自己撞牆仲實際！ 💥 總結：伏已中！呢間嘢絕對係「疍散人亡」代言人！唔單止味蕾受虐，仲要受氣。老闆堅持「生疍糊」係藝術，建議掛去藝術館展覽，唔好開餐廳害人！ 溫馨提示：想挑戰腸胃抵抗力／享受被當水魚劏嘅快感？歡迎去試！正常人請速逃！👋 …Read More