影片
港鐵西營盤站 B1 出口, 步行約2分鐘
繼續閱讀
電話號碼
25400858
開飯介紹
卓越食品餅店是區內歷史悠久的中國傳統餅食店,此店有別於其他西式餅店,即沒有蛋糕或麵包.而招徠客人的是店內的中式餅食及小食
繼續閱讀
營業時間
今日營業
10:00 - 19:00
星期一至六
10:00 - 19:00
星期日
全日休息
以上資料只供參考, 請與餐廳確認詳情
影片
相片
+69
相關文章
今日要過西營盤買嘢，咁就順便喺附近買啲小食食啲嘢咁。🤗第一站就嚟到呢間小店買糯米糍，之前見人介紹過話呢間小店歷史悠久，橫掂唔使排隊，咁就買兩盒試吓，一盒俾媽咪嘅，而令一盒就俾自己。😃分別買咗：黑豆豆沙糯米糍、花生糯米糍、腰果糯米糍、同埋最想試嘅開心果糯米糍。食後感：佢嘅糯米糍唔會好甜👍🏻 ，餡料都足夠，正常份量咁，不過所有餡料啲味都唔係好出👌，而個糯米皮都柔軟，不過薄返少少就好啲啦。😛而每粒價錢就由$5至到$8不等，係平嘅。👍🏻總括嚟講：各方面都正常可接受程度，對港島人嚟講係方便嘅。👌 不過可能前兩個禮拜，先啱啱食過大埔熟食中心嗰一間天花板糯米糍，以致就被比下去，兼且我唔可以食得太多糯米嘅，所以都係試過就算，我嘅糯米quota，都係留返俾大埔天花板，同埋利x酒家嘅棗皇糕啦。🤭😆
繼續閱讀
平時經過見到啲老人家排住隊買，今次終於忍唔住買個嚟試吓！款式好多，有唔同口味嘅燒餅、砵仔糕、蛋散、馬仔、糯米糍。揀咗最近好hit嘅開心果糯米糍～皮薄餡靚有驚喜！個皮軟綿綿煙煙韌韌係我鍾意嘅口感。開心果剁得好碎，食嘅時候好遴迍，但係爆料嗰下好正，亦唔會太甜。睇門面應該係一堆姨姨嬸嬸自己經營，手腳唔會特別快，同埋只收現金，唔趕時間嘅可以感受吓隱世小店嘅味道～其實有時望到一間間連鎖嘅舖頭當中，發現仲有自家經營人手製造嘅良心老店，都幾感動。$8一嚿，當中嘅心血已經唔係利潤去衡量。
繼續閱讀
西營盤這間民生店，我幫襯左好耐既。我間中都會去買 🌟 桂花糕 🌟 芝麻糕。新年又會去買過年食品。今日入手左 🌟紫薯燒餅 同埋 🌟開心果糯米糍。🦁 開心果糯米糍 👍👍👍👍👍 好足料，入邊d 開心果粒粒好多，個皮煙煙韌韌，幾蚊咋，性價比高到咁，唔可以投訴啦 😂 店入邊，見到姐姐們係度整餅，香港這種民生店，真係唔多，希望佢可以做耐啲，令香港人多啲選擇。
繼續閱讀
舊式嘅傳統食品店 冇ig冇剩 招牌亦都唔太顯眼😂之前成日經西營盤都唔知佢嘅存在Ig見過有人po但睇comments又比較參差但式逢我係中意厚皮糯米糍就特登嚟試下買咗呢排好興嘅開心果糯米糍（$8）Size中等 個皮一啲都唔厚😂食落煙韌軟熟餡係開心果碎撈芝麻同砂糖 但糖嘅份量唔太多 係少甜版 （fyi冇均香咁甜)餡量都唔少 $8真係好抵 好似係我見過最平嘅開心果糯米糍另外仲試咗南瓜餅（$6）拎上手仲暖暖哋 好軟熟淡淡南瓜味 好天然無添加嘅感覺整體2樣野都好好食仲要係其他地方好難買到 又賣得好平好抵間野都唔少負評好唔好食見人見智 可能比較啱啲淡口味/唔想食咁多添加糖嘅人
繼續閱讀
網上睇到人介紹，開心果糯米糍$8/粒😻西營盤地鐵站出口附近一間傳統餅店，街坊小店舖面但見到有幾位人手努力喺廚房搓緊餅，有菲林卷、鹹蛋酥合桃酥、白糖糕、糯米糍等等，最吸引係糯米糍好多款口味：黑豆豆沙、豆沙、腰果、開心果口味等，重點 唔使排隊🤣老實講，糯米糍軟熟但個皮偏淋少少，餡料方面比較重椰絲芝麻碎，微甜，見到有綠色 但真心唔明顯開心果味。如果去開西營盤可以經過買下其他款，但特登黎潮聖/買開心果 不用了🤣
繼續閱讀
您可能會有興趣的...