半日遊

之前喺觀塘試左一間樓上的cafe（想知道可以去睇我另一篇食評），野食野飲好好，而且棋嘅種類多，價錢又唔洗$100蚊，真係物超所值。咁今晚本身就諗住再去多次嗰間餐廳嘅，但去到先發覺俾人包左場（咁抵的餐廳俾人包場又真係好正常...），所以我地睇完Openrice，膽粗粗搵左哩一間黎試吓。我諗有幾十個好評，得1個負皮，應該都唔會差得去邊(我冇仔細睇comment)？但去完發覺，哩一個真係惡夢嘅開始....入場費首2小時一位$40，之後$15 per hour入到去，得一枱客，我同女朋友內心都已經有Ｄ驚。一望個menu，大獲。第一，可能係我份人少去cafe，一般黎講餐廳都可能會收最低消費，但佢原來會加收入場費，首2小時$40一位，其後$15 per hour...重點唔係哩度，係佢Ｄ主食已經係$120蚊起標...不過你睇埋落去，就知道哩個絕對唔止係價錢問題...環境＋服務 = 差！服務呢，男侍應都叫做禮禮貌貌，但個女侍應塊面就基本上都係一路向西，完全係粗聲粗氣，叫又唔應，掛住玩貓...隻貓跑黎跑去，差Ｄ掂到Ｄ野食，衞生好唔好真係見人見智。好在之後個男侍應醒D，會將隻貓放返落黎...另外間餐廳的通風係超級差，超大油煙，你叫人點放心留喺度繼續捉棋？白日之舞 (白桃特飲)我地叫左杯白日之舞 (白桃特飲)share，嘩...難飲到，化學味道嘅盡頭，我真係覺得７仔10幾蚊一枝的白桃汁更勝一籌...而且杯野飲係勁多冰，飲幾啖已經去到杯嘅盡頭，超級失望。軟骨棒餃子跟住一直等左20分鐘先有下一份野食，就係軟骨棒餃子。我聽到佢炸得超勁嗰陣已經心諗會出事，果然，一食就知。脆到唔知自己食緊Ｄ乜，好似以前去茶樓，食柴魚花生粥嗰Ｄ脆脆咁。你諗下wo，你係叫左餃子，唔係叫脆脆。味道？咪又係得個炸粉味lo..青醬唐揚炸雞意粉重點!!!再等多左20分鐘，佢個青醬唐揚炸雞意粉終於黎（真係全場冇人都整咁耐，食風都食飽了，一肚氣！）我一食，大獲，舊炸雞入面凍架！炸野係凍嘅，我諗我做左咁多年人，真係第一次見。我叫侍應黎換個碟，佢地都好似唔係好想咁，又feel唔到佢地的歉意!!最離譜係乜？係佢就咁夾走Ｄ炸雞，叫我地食住個意粉先！！有冇搞錯！？之後Ｄ雞係上返俾我地，Ｄ意粉已經凍哂！！！即係keep到冷凍食物嘅水平！！！其實已經過左１個星期有多，打返食評時重係一肚氣，返到屋企個肚都唔太舒服，唔知關唔關事。我覺得已經唔係「我唔會再黎」，係要話俾朋友同各位openricers聽，「冇得揀都唔好黎」！…查看更多

幾年冇寫過食評，冇諗過會因為太唔滿意一間餐廳而寫返。一行六人，book 左位，所以唔洗等。入左去有幾多board games同Switch，個人都唔多人所以可以玩。晚餐有set，不過唔太吸引所以我地都係散嗌。嗌左３個南瓜奶油醬帶子意粉，點知佢話冇南瓜醬，所以變左白酒汁忌廉蟹肉意粉。３個朋友嘅comments: 好乾好乾好乾。我嗌左個櫻花蝦炭燒雞肉沙律，諗住一定安全，點知... 菜係新鮮，不過我唔知個啲係乜雞囉，麥樂雞？我地叫侍應過來，問有冇攪錯，佢話冇，真係雞。食落都唔係雞，唔知咩肉。個汁可能係照燒汁，好多，鹹到飛起，食到我完全食唔落，加左去個乾到喊意粉俾佢地撈埋食。人生暫時食過咁多沙律，呢個可以話係最難食。環境方面，油煙好大，我對眼成晚都好唔舒服。走左之後全身由頭髮到腳趾都係油煙味，洗幾次都仲有。呢個地方真係好差，我明白Cafe質素比餐廳低可能可以理解，不過呢間野俾錢我都唔會再去。…查看更多

假日同朋友上黎樓上cafe玩下broad game同打下機食下野。呢間cafe收費幾抵，每人食滿$100就唔洗計鐘錢，就算計鐘錢都好平。裝修都唔錯既，唔會話好grand，普普通通既裝修，但望落都舒服既。不過呢，野食就真係麻麻了，d意粉無咩味，就得個炸魚排薯條沙律比較好，其他都不敢恭維。…查看更多

去開觀塘嘅工廠大廈買嘢外面又辣辣立即刻搵個地方坐下同朋友一邊傾吓計一邊玩下boad game有好多款唔同嘅遊戲可以玩店主主動好好咁樣教我地點樣玩講下嘢食先叫咗個all day breakfast入邊有黑松露蛋 、秀珍菇、炸魚、沙律同多士啲蛋好滑又有黑松露味秀珍菇有嗰啲甜豉油去整甜甜地好開胃魚柳炸得香脆食下啲沙律freash下仲有多士另外叫咗個黑松露炸薯條全部都即叫即整好熱一邊玩game，唔覺意食晒好多 卡邦尼蘑菇煙肉意粉好cream 意粉份量好多而且好足料呢度啲嘢食唔似平時嘅Cafe喺呢度係有啖好食嘅我一個好似屋企客廳嘅角落可以俾我哋喺度打機同埋休息下因為兩個女仔唔係太好打機所以我哋就冇玩啦仲可以玩通宵添下次同朋友再來同呢度嘅裝飾都見到店主 好鐘意比卡超㗎…查看更多

觀塘一向工廈林立，裡面乜都有得玩，有啲更加係估佢唔到～不過一大堆frd約食飯，其實都係要求簡簡單單，坐得耐、野食ok、可以嘈少少嘅地方，所以今次嚟咗半日遊呢度！位置好方便，地鐵站附近。如果有恆耀桌遊嘅VIP，會送日式炸餃子🥟入到去雖然見到地方唔大，但係布置有種家嘅感覺～而且都坐得舒服😌有好多動漫小擺設我哋見到冇太多熟悉嘅board game，所以就學下新game點玩，都幾易上手，例如倒數五秒、冰上企鵝🐧等等之後肚餓就叫野食我試嘅係呢一碟白酒蜆肉意粉。先講外觀，非常不俗，金黃色意粉搭配粒粒新鮮蜆肉，再加上檸檬和芫茜裝飾，不禁令人想起臨近的夏天。 然後氣味清新，芬芳的酒香和檸檬令人有清新既感覺。當然最重要還是味道，新鮮既蜆肉自然帶有海水的鹽味，不用太多調味料，再加上白酒做為醫汁，已經鮮味十足又醒胃，不會太濃或咸，如果認為味道太濃，可以用檸檬汁的酸味中和一下，整體來說搭配不錯，是一道值得一試的菜式。痴咗幾啖朋友叫嘅肉醬意粉，好似大碟啲，抵食啲，而且幾夠味我地六點嚟到，十一點先走，唔經唔覺就留咗5個鐘，快樂不知時日過～…查看更多