半島漁港/阿翁火鍋館

營業中

休息中

同家人去馬鞍山迎海薈見到地下阿翁火鍋館有，任食火鍋，成人平日 只係$268，都幾抵食咁，環境裝修幾靚，就試下佢~~招牌鴛鴦鍋一邊係皮蛋豆腐清湯湯底，清甜而不寡～另一邊係沙爹湯底，惹味得黎又唔太辣～刺身盤火鍋送一盤刺身，有厚切三文魚勁大粒帶子魷魚以及甜蝦，非常豐富及新鮮！阿翁極級牛頸脊冇諗過咁大碟，而且質素非常高，咬落有好香濃嘅牛肉味，肉質都腍得黎有煙靭口感～水餃皇每人一粒水餃皇，真係超級大粒，勁多餡料！蠔皇鮑魚鵝掌用蠔油炆煮鮑魚及鵝掌，每人一份，鮑魚好入味彈牙，鵝掌夠腍入味～任食海產有大魚頭,魷魚,鱔片,脆鯇,大青口等，青口夠大隻！仲有鮮蝦滑，墨魚滑都夠彈牙！美國雪花肥牛，黑豚肉，豬頸肉任點任食，連駝鳥肉，羊肉片，鮮鵝腸都有添！飲品汽水外面自取仲有啤酒🍻添！🍱半島漁港/阿翁火鍋館 (馬鞍山)📍馬鞍山馬鞍山烏溪沙路8號迎海薈地下2A號舖

外賣買返屋企，一打開盒簡直嚇親，全部都係肥膏，一點肉都冇，係咪因為外賣就俾咁既野人唔明個師傅咁都可以俾得出手，係咪因為外賣平（$35） ， 堂食佢會夠膽咁樣俾客人食嗎？咁樣做生意 預左人地唔會返黎買啦！

服務態度超級差劣，尤其是門口嗰位知客，正確名稱應該叫「趕客」，侍應又係咁，枱面冇筆，叫個女侍應借支筆劃點心紙，佢插住兩支筆唔借叫等等，之後再去攞支筆返嚟，行到枱側飛掉支筆落枱面就走人，點心質素還可以，但嗰碟148蚊嘅黃金炒飯就真係非常唔掂，連茶餐廳嘅楊州炒飯都不如。

同屋企人嚟飲茶，叫咗個鹹水角。黎到嘅時候發現係凍嘅，亦都唔脆。於是同服務員反映，佢阿姐有啲晦氣表示咁話「甘你想點啊？想退定係想換咗佢？」我哋決定換咗佢，因為屋企人都想食鹹水角，咁我都多謝佢肯俾我換🙏唔夠2分鐘阿姐拎過另一碟上嚟，今次仲大鑊，三隻鹹水角浸滿油咁樣拎上嚟，最有趣嘅係食落去入邊都雖然都明白下午茶特價時段點心質素總會有參差，不過真係冇諗過鹹水角都可以做到咁難食仲係微暖🫡🫡🫡🫡雖然都明白下午茶特價時段點心質素總會有參差，不過真係冇諗過鹹水角都可以做到咁難食，阿姐嘅服務質素都令人印象深刻🫥如果你鍾意食又凍又硬嘅鹹水角，又或者係浸滿油嘅鹹水角，呢度係絕對推薦👎👎

今天约咗朋友下午茶（4位），摆桌的碟沾满厨餘，向一位主任級以上的女士反應情況，反被她責罵，這個女人態度極端差差差，又向另一位男經理反應，他過來馬上想拿走話換過，態度也差，下午茶時間未完，不斷催催埋單，這間半島漁港實在不行，2023年12月中開張時啲碗碟沾滿油，筷子也油滑滑，加上服務態度惡劣，需要整顿整頓！

自從以前間釣魚翁執笠後，烏溪沙得返一間酒樓，知道迎海薈會喺12月開返間酒樓都滿心期待。見到新酒樓金光閃閃，裝修瑰麗堂皇，門外人流不絕。心想先從茶市試試水溫，食下點心同燒味。誰知門外知客的一句話簡直令我晴天霹靂，居然要搭枱！！佢居然同我講茶市全場都要搭枱。我立馬調頭走人，而家正值新冠，流感高峰期，我可不想因為陌生人的一個乞嗤，便要在假日辛苦地留在屋企，甚至要夜麻麻排急症室。間酒樓啲食物價錢其實唔平，但是要全場搭枱的安排就真的很蔗渣同埋仔細一看它的點心紙其實同舊嗰間酒樓大致相同，格式一模一樣，真的是換湯不換藥期待換過間新酒樓我先來幫襯