半島漁港/阿翁火鍋館

營業中

休息中

如果你抱住屋邨酒樓無咩期望既話就錯了。今晚十人用餐，一早訂左位入座唔需要點等，但係入到去發現場地既冷氣太大，問亞姐可唔可以教細D? 佢竟然回答話教細左佢地做野會好熱...  大佬... 比個冷氣房你坐入去做野啦? 你唔係應該以客為先? 更何況現場好多老人家...萬一就咁冷倒咁點算?味道比起一般的更加一般, 燒鵝太肥.. 菜色麻麻, 叫左碟魚, 竟然有兩舊仲有血水...簡單總結, 無服務, 無味道, 無下次

本身諗住星期日飲茶因為二人枱等一張，我哋都唔介意搭枱就照入去入到去，冇人帶位，要自己搵返張枱去到連櫈都冇張一直搵人都冇人理行遠啲搵佢又叫我搵返附近啲姐姐等成5分鐘先有人過嚟帶我哋去第二張枱（因為本身張大枱已經有2枱客，坐唔落）坐底咗都一樣冇人問飲咩茶寫完嘢食一樣等幾分鐘都冇人理舉手當睇唔到最後因為反正冇人落單決定去第二度食算數都唔想俾錢佢賺

今日放假同屋企去飲個早茶，人多預咗。搭檯冇問題，4人檯硬要坐5個人，有街坊走咗，諗住鬆動D，之後仲想硬塞個人過來，然後我出聲話：本身4人檯既，你唔喺咁樣啊嘛！之後啊姐先收手，順便叫啊姐執埋街坊既餐具，等咗勁耐冇人理，就追一追，啊姐就發曬老皮話唔見忙緊，你又唔俾搭檯！我果一刻勁嬲，哩個啊姐態度唔係第一次既啦！前一代既茶樓已經係度做，態度依然咁差，間味道一般，仲要鬼咁貴，以後唔會再去！建議住秀茂坪既街坊，遠遠少少行去順天飲仲好！

年三十拎個盆菜返屋企同屋企人食飯，一粒蠔豉都見唔到，搵返張廣告相，明明就寫有「生曬蠔豉」打電話去問，聽電話個女人態度極差話：冇理由冇，一定有放落去，點解即場唔講仲話係放係面，話係我地拎之前唔睇下，之後cut線下？！佢用保鮮紙包實個面，即係要啲客即場打開黎check齊唔齊野？如果食到落底先見冇蘿蔔，咁係咪要個客拎嗰陣逐層撩開黎check，啲食物味道唔算差，但係食得唔開心，佢啲價錢比較貴嘅野個名放前面，但點知打開係冇咗一樣野嘅。底果幾層就勁多有沙豬皮千幾蚊買個盆菜，唔會有下次

終於多咗個飲茶地方😍見食評都普遍話服務態度好差😖所以去之前已經做好晒心理準備咁樣為自己打定個底嘅話會感覺良好啲食物水準正常啦街坊食肆算係咁上下開心多個地方近近地方便可以同親戚朋友飲茶🫖

之前已聽聞假期呢間酒樓超級多人等位，今日放假米諗住今日係平日會好啲所以幫襯下。我哋一行3人去，有位係老人家，拎左位入到去個帶位亞姐帶我哋到張枱，我哋已經叫咗開普洱茶，但正想坐下突然另一位亞姐埋嚟叫我哋入房坐，我話唔入，原本帶我哋位個亞姐又點我哋坐另一邊，原來比我哋張枱佢哋想比另一個客，佢哋有5人。其實我哋張枱都唔係算細枱，然後我發爛渣話點解你哋唔比個張枱比5人坐（附近有張大少少嘅吉枱），我話我要坐呢張枱。最後佢哋帶5人客去個張啦。事後佢哋有講唔好意思。但明明張枱係比我哋先，又點我哋去呢度又個度，又有老人家係度，間酒樓地板又滑，完全唔明白佢哋個動機，不知所謂嘅服務。個商場大把食肆，唔飲茶唔係big deal 囉。

今天是媽媽生日，所以選了屋企附近嘅酒樓食嘢慶祝生日，我們6:45分左右到唔洗等位直接可以入、我地四人叫左個4-5人套餐價格好似是688、假日所以貴D。食物質素OK、老人家比較喜歡在酒樓食又唔鍾意走甘遠、所以呢度是不錯嘅選擇。新開張環境比較靓、所有野都好新、D檯同凳都好乾淨。未去之前見到有人留言話D侍應態度唔好、服務差都有D小擔心、不過我今日食完又覺得D侍應態度OK窩、招手🙋會好快有人過黎、又有講唔該☺️、可能今日唔係太多客人手充足嘅關係吧。特別一提今日嘅燒腩仔好好味、還有老火湯好足料、特別值得一讚。最後埋單803蚊之後都會繼續黎食。

街坊生意個個都入嚟都想開開心心食番餐，估都估唔到全間店都是惡人谷來的。不論任何人都鬧爆，尤其是老人家都唔放過，自己都有老竇老母的。唔知啲管理層點樣訓練員工？貼錢買難受！雖然秀茂坪得你一間獨市，任你欺凌實際難忍！

這酒樓態度奇差，話說7/11與家人飲午茶，佢哋嘟安心部機放這個位置不太好，個個都隊埋嚟嘟，爭先恐後，到我嘟時嘟唔到就向接待員反應，問左幾次先應我，仲同我講再嘟下啦，人地都得啦！入到去枱與枱逼到暈，隔離離坐時一把櫈推後即刻推到我，其實真的有這樣需要安排枱櫈嗎？地板又污糟…..當初開業前有啲期望，而在就好失望。

星期日想去試新開店飲茶，攞位等票等左30分鐘以上都無跳過一次號仲要差20個號碼先到，本來打算轉場去觀塘apm，點知講完無耐就開始跳10幾個號，再等多10分鐘就到手上的號碼，入店內仲畀左張大枱坐5個人。點左12樣野，半個鐘左右時間上晒無漏單，d食物都算大件大碟，味道中規中矩，共430元，價錢吾貴，叫人落單加水都吾洗等。其實在等號碼和入座後一共聽到3個不同人嘈漏單等得耐，感覺我地真係小確幸飲尼餐茶。

話說半島漁港分店開張想著不用排隊就進來了但是這裡的態度真的是「不敢恭維」下單前後四十分鐘追了兩次才發現還沒下單過了再過十五分鐘才來一道前菜「豬腳」也就算了態度好像是這家酒樓是自己家開的一樣。不催的話是不是坐一晚喝西北風飽了一問就說「新開是這樣的啦，不夠人手是這樣的啦」難道新開前這些問題都沒想過嗎？作為顧客只是想得到一句「不好意思幫你催一下、或者麻煩等一下見諒下」這麼難嗎中間叫了幾次服務員，壓根就不想理你一樣但是就能在自己的分區工作崗位綁頭髮啊，或者三個人收拾一張檯，難道外面的人等著進來吃，裡面坐下後的人就不用理了嗎買單小插曲（看單據的時候發現收多人頭費，收銀的也和上司反應了重新打單，但那個人自己不想重新取消單就算了，還想欺騙顧客說你叫的三人套餐就是收三個人的，真的好笑，難道我兩個人叫五人套餐是不是要收多三個人頭）也不知道是經理還是什麼職位、穿著藍色襯衣。唯一還可以的是套餐的前菜和湯分量比想像大，吃不完了。希望貴公司可以改進下