半島漁港/阿翁火鍋館

營業中

休息中

臨近中秋諗住近近地同老爺奶奶做節，所以就下老人家去食中菜，又見到呢間算係幾靚仔就入去坐下。佢呢度啲菜式嘅價錢都算幾合理，所以老人家都係比較鍾意啲抵食啲嘅野，一入嚟佢地見到$1 隻燒鵝同雞，已經雙眼發光，我其實本身個心態都唔係抱有好高期望，畢竟$1 野你想點丫點知嚟到嗰時, 份量唔差喎, 仲搵個爐仔㷫住碟鵝，醬料又齊。趁熱食啲皮都仲脆，肉唔羶，$1真係抵到爛。另外我地仲order咗個肥牛粉絲煲，肥牛唔係得幾舊，我地幾個人一人幾碼食到幾舊，而且啲粉絲好入味，又唔係發漲到爛哂。 呢度最重要嘅係佢加咗少少菠蘿吊起沙嗲陣味，真係唔錯。可惜嘅係跟住落嚟呢碟野就失色了，本來我地見到咁大碟豉油王鵝腸真係覺得抵到爛，因為我地平時食開百幾蚊都可能得呢碟野嘅一半都唔知有冇。但當我地入口嘅時候，嗰種羶味真係勁到你食咗一條已經唔想食落去，有位經理見到我地剩咗咁大碟同郁都無郁過咁滯，埋嚟問咗幾句係咪唔啱食，我地反映咗之後，佢就拎咗入去廚房理論，仲好好咁幫我地cancel 咗張單，仲同我地解釋咗一輪，對品質未符預期覺得抱歉。其實一間餐廳我都唔係expect樣樣好食，不過呢位經理咁嘅服務態度，本身已經幾值得一讚。最後

疫情下小左出去食，但今日係朋友到聽到有一蚊食雞優惠即刻問下係邊，放工即刻約埋女朋友gogogo.7點半去到，雖然係疫情底下，但都仲有好多人食緊， 不過都好彩唔洗等位。入到去，每台隔得都幾開，唔洗擔心同隔離台太近，食都食得開心d。點餐方面，當然就即刻搵一蚊雞優惠，驚喜既係發現除左雞，仲有乳豬同燒鵝揀，因為女朋友鐘意食乳豬，所以二話不說揀左乳豬。不過兩個人食晚飯，無理由淨係食乳豬既，望一望menu，發現仲有優惠，係$328三寶餐，有咕嚕肉，富貴斑同叉燒，又平又唔洗揀，岩曬我1. 半肥瘦叉燒又juicy 又香，加埋D汁，送飯一流。2. 富貴斑，師傅煮到岩岩好，D肉又唔"鞋"，又滑，魚肉鮮甜，又係一個送飯既靚送。3. 咕嚕肉，係我最愛既中菜，對於我呢個食開既人黎講，呢個肉炒得真係唔錯，D 汁唔太酸，肉又炸到岩岩好，咬落去唔會太多炸炒，係會食唔停既一道送4. 最後當然係主角一蚊雞乳豬，乳豬皮炸到卜卜脆，肉唔會太咸，一蚊雞黎講真係無得輸。最後最後，仲送埋糖水俾我地食，400蚊食4個送加糖水，真係平到笑出黎，2個人食唔曬仲打包左一半聽日帶飯，真心平到笑   

聽講話而家半島做緊1蚊雞優惠，心諗同屋企人都好耐無出過街食野，所以即刻嚟咗半島漁港嚟到之後發現唔止得1蚊雞！仲有乳豬同燒鵝，咁識食嘅我梗喺第一時間揀咗極品BB豬~另外仲交咗個328優惠三寶，呢個價錢有齊雞、豬、魚、蝦，真喺好唔錯架啦。 其他仲有啲398套餐/自選套餐，下次叫多啲人試多啲小菜講咗「乳豬」先，皮脆肉嫩，完全啱曬我口味，我會點好多海鮮醬再點糖，簡直喺非一般嘅享受，先至1蚊！鐘意乳豬嘅人真喺要黎試下 個「鮮菠蘿咕嚕雞蝦球」攞半個菠蘿盛上黎，菠蘿、雞球同蝦球比例大概1：1：1啦，其實我自己就最鐘意食甜酸味嘅菠蘿嘅，呢到嘅咕嚕菠蘿就喺酸味多啲，都唔錯，雞球同蝦球都幾大舊 「富貴班」真喺今晚嘅明星菜式！！！！！想強調翻我平時喺好討厭食魚嘅，特別唔鐘意有魚味（我覺得腥）嘅魚，不過呢條魚真喺不愧酒樓質素，大大條，時間控制得啱啱好，肉質嫩滑唔腥，食得出喺新鮮嘅質地，我自己都不停夾食咗半條，強烈推薦呢條富貴班！！ 「蜜汁叉燒皇」都ok嘅，口味偏咸，我地加咗個飯埋單400左右，飽了！有下次！

今日2:30去嘆下午餐，真的非常不快，首先食物冇貨落單時冇講，到先催單先知原來賣晒，點解唔一早講呢?????係要催單時先知話冇晒只簡單一句替你取消了😤😤😤😤，好戲在後頭，我媽媽食梗個灌湯餃，仲有小小未食完，(p.s我媽媽個動作係食梗中)，個侍應都可執其他嘢時收埋我媽媽個個灌湯餃呢??佢係盲定有心呢？😡😡😡真係定一定神望住執嘢個個侍應，佢當睇我地唔到，由另一位侍應走過來，我地話未食完仲咩收走左，又只講唔好意思我地收四點半喎，送番紅豆沙比我地，我地話唔駛，p.s個時只係3:30😤如收四點半點解入座時唔講收四點半，? 係咪錢就照收，差唔多就收左d未食完既食物呢？???以後都唔會再去，，好心呢d酒樓做好d服務及質數啦，，，就算冇疫情，你地d服務咁差，d客都唔會再去啦

疫情反覆，萬萬想不到，只享受了短暫的放寬期，又再面對令人無奈的「限聚令」！ 每年7月，本是 BeautySearch 與最多朋友相聚的好日子，如今也不得不暫停了......  幸好，上星期也來到久違了的酒樓，雖然當日只約了閨蜜二人相聚，但也有機會感受到酒樓難得的熱鬧氣氛！ 當晚每枱食客，都必點選燒味部的其中一款食物，皆因酒樓推出「 $1優惠」，不是單一的「一蚊雞」優惠，而是有選擇的，除了海南文昌雞，還有極品BB豬及至尊燒鵝，大家可按自己的喜好揀選，很不錯喔！  而我倆便點選了至尊燒鵝。別以為「 $1優惠」便是便宜貨色，揣來的至尊燒鵝，外皮油潤有光澤，皮脆肉香，啖啖肉，最細心的是至尊燒鵝一直以微溫加熱，令燒鵝保持最佳狀態，不會出現肥油凝固現象，蘸上酸梅醬，份外滋味。 魚香茄子煲雖說是一道常見的家庭小菜，但 BeautySearch 總是未能掌控主理的技巧，在外進餐也喜愛點選，因為實在太惹味，加上茄子煮得十分軟稔，用來佐飯一流。 不過我倆並未有點選白飯，皆因我更喜歡材料豐富，並滿載湯汁的瑤柱福建炒飯。這種簡單的幸福味道，實在令人懷念！

今日被1蚊一隻雞優惠吸引左去試下半島漁港。之前有聽過呢間酒樓，但一直無機會食。一坐低梗係嗌左一蚊雞優惠島嗌，其實仲有有燒鵝同燒肉供選擇，同朋友選左雞。我地兩個人食叫左一隻乳鴿，一碟白菜仔金銀蛋泡肉鬆時蔬，沙嗲粉絲肥牛煲，蒜泥節拍青瓜。首先講一講隻雞先，一蚊雞半隻雞，份量足夠兩個人食，配埋沙薑汁，咪道都吾錯，吾會話一蚊優惠就俾少份量我地。跟住上左沙嗲肥牛煲，酸甜辣味都係呢個煲裡面食到，的確係吾錯既，我地食到見煲底😀蒜泥拍青瓜無乜特別就吾多提了。金銀蛋泡肉鬆時蔬，聽個名都幾特別，令人好想叫黎試一試，其他佢取名係因為咸蛋（金）同皮蛋（銀），佢特別的軒汁，師傅特別煮法，食落真係幾好味，值得再次去食！另外，半島既環境都優美，有圓檯同卡位供我地選擇，我想靜啲選擇了卡位。整體黎講，我哋食到飽晒都係三百幾蚊，性價比黎講絕對

話說懶懶地唔想煮飯，於是就去咗半島漁港酒樓食飯，呢度裝修幾靚，圓枱座位間格都算闊落，今日係平日，但酒樓都非常多人。酒樓做緊一蚊優惠，之前試過好多一蚊雞食到驚，所以我地叫左極品BB豬。size較乳豬還要細，但每碟7件大大碟驚喜滿分～肥廋均勻，肉同油脂分佈得好平均，食落去肉質鬆軟，加上外層脆皮脆口美味，我會點上酸甜醬汁，十分美味。魚香茄子煲$98魚香茄子煲一上枱就聞到非常香，賣相吸引，咸魚及肉碎十分惹味，咸魚肉碎同茄子份量幾多。食落帶點鹹香，味道不會太咸，叫人食指大動它的蔥頭同蒜頭都好入味，且送飯一流。食唔停好開胃。夠送晒成碗白飯。竹笙海皇豆腐羹$138用料豐富，材料有彈牙的蝦、竹笙、菜粒、豆腐，味道較為清淡，但豆腐味突出，口感滑嫩滑，營養豐富。茶界$12一位，都算ｏｋ。free紅豆沙一蚊優惠真係好抵食，加多１餸１湯１飯岩岩好！一蚊極品BB豬都算係幾有驚喜，比想像中做得好，大家都去試下啦～

星期日晏晝，同屋企人去荃灣城市中心飲茶。因為樓下太多人，見最頂間半島冇人等，就入去試下。上到去即刻有位，坐廚房熟食櫃台對出，冇咩冷氣。因為疫情問題， 就叫左個樓面阿姐攞兩對公筷俾我。但佢可能聽錯，淨係攞左一對筷子。當我叫佢再攞過，接過對筷子時，個阿姐聽完竟然攞住對筷子唔肯放手，話：「你要一次過講啊麻！」，我地當場呆左，再同佢講返係佢聽錯，佢先肯去攞。。。。。。。。。到啲點心黎左，想去倒左碗入面嘅水，我地已經係自己行出去倒，有禮貌咁問咗邊到可以倒水，倒完行返個位時，另一名樓面經理又對我地講：「呢到咪有水兜囉，又要走去個邊倒！」此時，我地已經徹底失去耐性。淨係想快啲食完走，已經冇心情再食。真係第一次食飯食到要俾人鬧，我哋全程有禮貌地詢問，但服務員態度非常差劣，面對客人嘅要求，全部講一句駁十句咁，明顯撩交嗌。以後都唔會再幫襯，食到一肚氣。

非常之令人惡心，今早與家人飲茶，點知在牛雜內發現己經煮爛之成隻曱甴屍體漂係殘留在其中，極之噁心當時屋企人立即嘔吐(吐到七彩)，及作出投訢.換來衹是抱歉。於是立即離場表示不滿.當前疫情如此嚴重，此餐廳對於衛生問題都不加一重視，今次係蟑螂下次可能係武漢病毒，寫出黎係希望大家為咗自己生命著想千萬冇幫襯，你睇可以想像蟑螂身上有幾多細菌病毒，同埋去會有幾多人中招，衛生是小病毒係大，呢個餐廳無係黑心問題。分分鍾有機會係呢間餐廳中招問題。生大病問題。希望大家有警戒。依架呢個疫情時間可以安全健康

今晚是年27，我和家人出來食團年飯，因為年30，一定訂唔到位，我地係上星期已經開始訂枱，好彩都有位，原先想食火鍋既，但因為滿了，所以改食晚飯，我地共8人，叫了半圍，再加多2個菜，先睇下菜單，一來到全場爆滿，彩有訂位，好快就有野食，我地叫多個咕嚕肉及菜，雖然只有半圍，但見到份量都好足，雖然爆場，但伙記及廚房都無馬虎去做，特別欣賞侍應門既態度，係咁爆場底下經常笑面迎人，至於味道方面，特別好味嘅就係咕嚕肉及蟹鉗，其他既都正常，份量都多，之前經常去下面嗰幾間食晚飯，第一次嚟呢間都有驚喜下次會再嚟。

$298+1/位 任飲任食火鍋，係荃灣黎講唔算抵食~但住荃灣已經食厭咗大鴻輝嗰邊啲火鍋，所以今次就試下位於千色匯的酒樓火鍋~一入到黎職員已經好好招呼，我地今次湯底就揀食咗雞煲先~雞煲味道一般，唔中意可以直接試其他湯底~ 呢度食完雞煲之後可以再揀返其他湯底打邊爐。我地就揀咗鴛鴦湯底~~ 係皮蛋芫茜湯底 & 沙嗲湯底~ $298+1/位係會包埋1份海鮮拼盤，1份刺身，1碟牛，每人1隻水餃皇，同埋1碗雞蓉燴燕窩，味道都唔錯。海鮮好新鮮，龍蝦有啲少 haha 另外還有其他火鍋配料，全部都幾新鮮，冇咩特別好食或唔好食。飲品會包汽水同埋呢隻啤酒，都幾唔錯。總體黎講，呢個價錢唔算CP值高。如果荃灣人食厭啲大路火鍋可以一試，專登黎就冇必要。

之前朋友介紹已經來過一次，今晚出去食飯諗起想打個正嘅邊爐，就諗到半島漁港阿翁火鍋 去到佢首先會送一人一隻鮑魚或者燕窩，一個牛頸脊拼盤、一個海鮮拼盤同埋一個刺身拼盤。雖然我哋只係兩個人打邊爐，但係佢哋嘅份量一啲都唔孤寒。而且個牛頸脊雪花超靚，超嫩滑好好食。海鮮亦好新鮮鮮甜。刺身高質，全部都係厚切。湯底我地叫左鴛鴦湯，即係沙嗲加莞茜皮蛋，好足料，湯底都好夠味其他任食嘅食材都好正，完全唔會因為任食所以降左Grade。另外啤酒同汽水都係任飲架

跟家人到玄圓學院後，打算一行十位到荃灣飲茶。聽說朋友提過荃灣這半島漁港飲茶及晚市也不錯，所以就去試一試。到了酒樓，座位很滿也很多人。點心紙上有很多款有特式的款式，跟平時的酒樓不同。例如有牛雜，也有一款包子叫燕麥糕，也有合桃包。更點了一款是甜的薄餅，很有新鮮感！牛雜很入味，同行親友也讚不絕口！我較為喜歡舊式的甜薄餅，熱辣辣又夠香軟。食物都很夠熱，味道大部分也算很不錯，價錢也不貴。有機會想試試他們的晚市火鍋。

中秋前一家人都各有各忙，所以已打算節日過後先補做節！為左遷就媽咪放工後唔使頻撲，特意揀左媽咪公司附近的酒樓用餐！揀選了優惠三寶(清蒸富貴斑、菠蘿咕嚕蝦球、叉燒皇)、蒜蓉炒油麥菜、海南文昌雞、鮮果冰梅骨、半島小炒皇及紅燒野菌豆腐。富貴斑蒸得剛好，新鮮肉嫩；咕嚕蝦球唔太新鮮；叉燒皇夠熱，有肉汁，幾好味；小炒皇比較辣；文昌雞唔夠熱，但肉嫩入味；冰梅骨及野菌豆腐味道還可以。食物味道不過不失，環境寬敞舒適，價錢大眾化，若平日用餐會有更多優惠，價錢更划算！

周末同家人飲茶，到處都好多人，最好都系去半島，最緊要快，因為可以搭枱。早晨孖寶好掋食，30蚊左右。今天點了牛腸，釀茄子。牛肉，牛栢葉。鮮竹卷，脆魚餅。咸水角。點心不錯，幾好食，今日d鮮竹卷好似包左d菜頭菜尾，唔新鮮。2個人連茶錢食左150蚊，不錯啊。