半島漁港/阿翁火鍋館

營業中

休息中

今日天氣轉冷，一行八人去到荃灣千色匯一期6樓半島漁港的阿翁火鍋館打邊爐，因為今天是星期日又加上天氣轉冷，所以來到已見到人頭湧湧，幸好來得尚早能夠坐得一個近窗邊的較佳位置。這裏的火鍋是任食的，而且亦不限時。首先有三個鍋可以選擇，分別是羊腩鍋和豬骨鍋，而雞鍋還可以無限加添。我們揀了羊腩和豬骨鍋，食材分量足和新鮮而且醬汁味道還不錯。跟著環球海鮮盤上枱時，真的可用壯觀來形容。 一大盤插在冰上的海鮮：海蝦、元貝、花膠、龍躉片、藍青口、 魷魚、鱔片、龍蝦尾每樣都有三件。 另外還有一個刺身拼盤：有三文魚、日本魷魚、帶子、北寄貝等。因為我們有八人所以有兩份特級牛頸脊肉，肉質新鮮。另有水餃皇、鮑魚、和鵝掌各人都有一隻，還有雞茸燴燕窩亦每人一碗。至於其他火鍋的食材亦很多，例如海產類、肉類、餃子類和蔬菜類等就是無限量供應 ，而且啤酒汽水亦是任飲；不過種類就不是很多。總括今次的火鍋經驗：真是可以用吃到捧著肚子走來形容，因為不只分量足，而且食材都很新鮮，吃來味道不錯。食物種類繁多更重要的是沒有限時，可以讓我們盡情的大吃一頓，下次吃火煱一定會再來這裏光顧。

食咗個鮮蝦腐皮卷，炸兩下微波爐訂熱，外皮唔脆，簡直猶如食臘。椒鹽魷魚須，完全咬唔斷，牙唔好嘅唔建議食。旋風金沙包，甜到食唔到。唯一唔錯嘅，馬拉糕幾松下，都幾好。姜蔥牛百葉，又系咬唔斷，蘿卜唔刨皮，全部都系筋。叉燒酥都幾正常嘅，可能我係星期日過來食，太過忙？所以啲野失咗水準？再講下服務，兩張單一齊俾果個女服務員，盡系有一個落咗單，另外一個等咗半個鐘出聲先有！再講一次可能系星期日，但系我唔會再有下次。

話說屋企人早幾日帶我去食任食火鍋，星期一至四晚每位$298，20:30後入座仲有8折優惠！抱住不懷期待的心去試，估唔到又有驚喜喎⸜(*ˊᗜˋ*)⸝♡ᐝ/任食套餐每枱有指定菜式一份，共有五款：(1)海鮮盆龍蝦：份量比想像中多，啖啖肉之餘彈牙而且都有甜味，估唔到喎！蟶子：爽甜彈牙，唔怕有沙龍躉肉：啖啖肉又彈牙熟帶子、鮮蝦：兩者都有甜味，爽甜👍🏻田螺：我不吃/(2)蠔皇鮑魚、炆鴨掌鮑魚：非常軟腍入味，廢胃的我食完都唔怕胃痛，又唔洗慢慢細嚼鴨掌：我不吃，不過聽聞軟腍度一半半/(3)牛頸脊肉質相當腍滑，亦都有牛味，唔錯唔錯！可惜每枱只有一份免費，再叫要加錢/(4)刺身拼盆有：三文魚、帶子、北寄貝和赤貝，質素正常，和普通放題差不多/(5)至尊水餃王鮮蝦水餃爆大粒，皮薄又滑，蝦肉滿滿又爽，美中不足高鈉左少少../其他任食的火鍋料都比得好闊綽，絕對唔係比細細碟對番人頭就算！我最鍾意食既白鱔片和鯇魚片一碟都有成十塊八塊，彈牙有魚味，係鱔片稍有泥味，不過愛吃魚的我可接受！墨魚滑、蝦滑都彈牙同好好食😋豬潤、鵝腸都沖洗乾淨；老公話魚腐同午餐肉都唔錯👌🏻/當然，質素同精緻火鍋冇得比，我食既都係好清既芫茜皮蛋湯！

同班friend一起食呢間中餐館，首先講下菜式，一般既中菜茶樓都有，例如烤鴨，炒飯，粥粉面飯基本都會有。環境算一般，但如果係靠窗邊既位置有風景食得都會開心D，臺與臺之間距離比較近，睇落去冇乜問題，衛生唔係幾好，好油。海鮮會按人頭數比相應數量（每人一隻），份量睇落唔算少，每個人每樣海鮮都可以食到，推薦帶子龍蝦同青口，味道OK。湯底冇乜特別，得鹹味，落左味精同鹽既味道，好普通。鮑魚好大隻，味道中規中矩，但係可以試下。而雞煲份量都算多，但唔夠入味，得表面有味道，不過有落香菜調味係咁上下。總體黎講其實就普通茶樓feel。

星期日就是母親節, 今晚提早同媽媽慶祝食飯, 我們家從不喜歡正日慶祝, 一來酒家會設計了套餐、二來太多人上菜不夠熱, 大家認同嗎😜今晚點了燒鵝雙拼選擇了叉燒, 這間酒家燒味水準高, 絕對是必食推介, 叉燒肥瘦適中, 有明火炭燒香氣, 蜜汁味濃, 可以配上幾碗白飯, 燒鵝皮脆肉嫩、啖啖油香, 酸梅醬有梅的香氣、甜酸適中蒜蓉粉絲蒸元貝新鮮熱辣, 蒜蓉味重、元貝蒸得剛剛好, 粉絲十分入味野生大花蝦乾煎魚露大蝦, 啖啖肉、略嫌味道較淡、魚露味不夠出西蘭花炒帶子西蘭花炒得爽口, 帶子大大粒, 份量很多, 鮮甜彈牙, 必點小菜推介鮑汁竹笙山水豆腐豆腐先炸再用鮑汁炆腍, 又香又入味, 每口都有濃濃醬汁, 很適合拌白飯的一道菜色飲品可樂 + 啤酒糖水酒家送的甜品, 紅豆沙正常水準服務不錯, 全部新鮮熱辣、上菜快又主動換碟, 坐位寬躺舒適這間酒家除了晚市小菜外, 還有無限時任食火鍋

今天外出辦事，又到12點午飯時間，所以就近近地到千色的半島漁港吃。可能已經到了午市時間，所以都要等了廿多分鐘。進入後見半島漁港裝修和之前一樣，保持光猛整潔，但疫情關係所以擺枱距離更加狹窄了點！因為今天一個人吃所以點只點了一個套餐就算，海蜇拼雞肉和一個海皇炒米粉。先上的海蜇拼雞肉雖然是冷盤，雞肉的口感和肉味一般，欠缺了入口實肉的感覺;另外海蜇皮就覺得更加霖了一些，不像平時吃的有那種爽口彈牙的感覺，可能是冷藏放得過久了。到海皇炒米粉上枱，返倒有些驚喜，先見到有大蝦、魷魚、蚌片， 全部入口都覺得爽口和彈牙，都各有著該有的鮮味。再配上洋蔥絲、芽菜絲、黄黄的蛋絲來炒，紅紅的辣椒來配搭，令色澤和外觀賣相當吸引。而且米粉炒得十分乾身，不會有那種滿嘴油油的感覺，而且每條米粉都有咬口，但個人覺得米粉如果用較粗的那種來炒，相對會有更好的咬口感。因為今天叫的是套餐，因此價錢相對經濟;餐的分量也就不多，一個人吃就剛剛好，總的來說今餐算是不錯的選擇。

疫情期間樓下幾間茶樓都無開，所以落去荃灣飲茶🫖 我哋兩點幾先入去，全場爆滿，下午茶時段有張點心紙係下午茶優惠點心粉麵飯，款式多幾抵食 ，本身叫咗乳鴿但話賣晒嚕🥲 豉椒炒青口雖寫明小食$48 份量都唔少，醬汁整得幾濃味；薑粒菜粒蛋白炒飯就一般般，食落唔覺有薑味，飯粒有啲硬。整體覺得點心好食啲⏰食到三點幾差唔多清場，可以用消費卷埋單！

員工內部溝通非常差，明明訂左2位6：30火鍋，居然一張枱都冇留過，還要對我們說沒有火鍋枱，要坐晚巿啲枱上面加gas 爐，之後想點雞煲，兩位職員不停話冇雞冇雞，不如食羊腩煲，但轉頭隔離枱叫雞煲居然又有。有新客入黎打邊爐，嗰兩個員工話，下又火鍋，好唔願意做咁。跟住本身有將$30現金卷，31/12/2021到期，冇列明邊啲日子唔用得，諗住問下經理可唔可以用，點知經理態度差到爆，話過左架喇，跟住走左去。本身呢間火鍋係唔差，但啲人就差到爆，食到一肚氣，

嗰日咁啱去荃灣，於是乎諗住是但搵一間酒樓飲茶，舒舒服服坐吓傾吓偈。 我個心明明係想去稻香(因為心諗稻香唔會咁易中伏嘛)，點知我個friend死都話要試吓呢間，佢話稻香好多地方都有喎 ( ´▽` )ﾉ 好啦好啦，出事啦咁！ 眼見中午時間外面唔使等位，都心知不妙，但我個friend好似完全冇為意，仲話好嘢唔使等🙄 點知入到去先留意到原來係要搭枱。。。咁冇計啦，都入咗去，鬼叫自己又冇留意。但係呢度環境真係比較污糟，嗰啲枱布、垃圾，周地都係 ╮(￣▽￣"")╭ 鹹水角同蘿蔔糕好快就到，等咗唔使三分鐘。 鹹水角一上枱我以為個friend叫嘅係豆沙角，好深色。不過對比其他食物，呢個鹹水角已經唔係太差(外型對我嚟講唔係咁重要，最緊要係味道)，只係唔夠熱暖暖哋啫。 蘿蔔糕反而煎到脆脆咁，熱辣辣上枱，感覺還好。 之後上嘅百花釀魚肚同牛柏葉，真係完全冇眼睇。 嗰碟白花釀魚肚，舊肉完全淋到好似魚蛋咁，一啲彈性都冇ಠ_ಠ，食落口完全唔知自己咬緊乜。 嗰兜牛柏葉，韌到咬都咬唔開，老人家一定食唔到🤦🏻‍♀️不過味道其實唔係咁差嘅。 特點嘅燒賣皇，更加係失望至極，啲肉完全冇咬口，同碟百花釀魚肚一樣，放落口都唔知

前言：以人均$350，有一次性海鮮拼盤，刺身拼盤，鮑魚炆鵝掌，一碟牛頸脊，一個羊腩煲或雞煲，附送一個窩底，及基本火鍋料及飲品任飲任食，聽到呢度已經算唔錯了。環境：普通火鍋場格局，但坐得闊落，枱與枱之都唔會太近，餐具都乾淨，服務亦周到。食物：一次性的海鮮拼盤，有波士頓龍蝦，生蠔，扇貝，聖子，海蝦，以呢個價錢，真係抵食了。海鮮質素正常，唯獨龍蝦有點霉。一次性刺身拼盤，有帶子，赤貝，甜蝦，三文魚，正常魚生質素，中規中矩。一次性鮑魚炆鵝掌，中式菜，一樣係正常質素。一次性羊腩煲，正常既羊腩，有10舊度，反正邊爐先係主菜，少少地過下口癮都唔錯，佢啲配料，如2冬姑，支竹都足料加入味。一碟牛頸脊，終於都唔止中規中矩，雪花均衡，有牛味，厚切有咬口，而且份量算係多。一碟水餃皇，堅大隻，好好食，爽口彈牙，足料好大隻蝦。湯底方面都有幾款選擇，我就揀咗姬松茸什菌湯，呢個比較失望，比較淡，同埋到水少時係加水，唔係加上湯。任食火鍋料，基本既野都有，質素正常，飲品種類就比較少，得可樂，橙汁，道地烏龍茶，提子汁同柑桔，仲有一款啤酒。雖然少，但都叫齋全同埋用貴野。總結：呢個價錢，又海鮮，又靚牛，又刺身，又鮑魚炆鵝掌，又羊

同屋企人嚟過呢間酒樓食點心兩三次質素都ok所以諗起中菜飯聚就想試下呢間酒樓原來平日呢間酒樓有套餐組合比起散叫優惠很多，點左個$598套餐就有一個小食、燒味拼盤、海皇羹、三個小菜仲有甜品🤟🏻🤟🏻👍🏻👍🏻👍🏻醋撈海蜇同一般海蜇差不多，都是好爽但加了醋和小辣椒調味，味道多了層次而且更開胃半肥瘦叉燒最好食不會太肥不會乾質感最好燒朒仔皮夠脆竹笙海皇羹同其他酒樓食既味道差不多但呢間都幾足料蒜蓉炒時蔬時蔬係小白菜🥬香、爽老干媽乾葱豆鼓雞d雞肉係切粒炒，醬油味重，雞粒入味沙嗲金菇肥牛煲粉絲軟淋淋好入味，牛肉都軟淋淋無筋，大煲糖水好早賣晒，得返紫米糕同桂花糕味道不過不失，正正常常

門口見甘多人，應該冇伏掛，點知，真系賴野，叫左個一蚊雞，隻雞有血不在講，而且系有一種怪味，係一種身體自然反應係唔想食，既然一蚊雞就算啦，不過甘差既野，雖然系一蚊，但茶介，加一，差不多半隻價錢，都唔平架，叫咗個帶子豆腐，求其到呢真係一蚊都唔值，啲帶子又細粒又鯹，賣相又核突，仲要$138，叫咗個脆骨鯇酸菜魚湯，啲脆骨鯇咪，又係怪怪地，人太多，廚房做唔切，求其比D野你交數。大家自行判斷啦。

星期一行荃灣，行到累去了飲下午茶，叫了燒鵝瀨，送來時已經覺得唔熟，同職員講聲要求更換，佢好無禮貌話熟左啦！然後行開，結果我無食D又唔熟又肥的燒鵝，下午茶係平D，需唔需要比垃圾我食

首先食物還算OK，但服務態度非常之差，每一次落單都要三催四請，職員們只顧傾偈完全不理會客人，但眼觀四周圍非常之多空位，亦有足夠的職員。其次本人剛剛忘記取回雨傘，竟然要尋找五個職員才可以找到，每一個職員只叫我尋找下一個職員，完全不想幫忙。去到最後一個職員竟然都是指我在枱下面自己搵完全沒有理會。

真心講食物算不錯, 但佢哋嘅"五星級"服務建議東張西望去望下, 首先入咗單要人催數次先出(藉口話好多單實質得几枱火鍋客), 大部份職員好似好忙但反應遲鈍兼視野模糊, 最搞笑埋單都會拎錯其它枱嘅信用卡比你......