半島漁港/阿翁火鍋館

營業中

休息中

最近同家人去左天水圍T TOWN半島漁港食晚飯，慶祝喜事，咁當然要賀一賀啦！睇到餐牌燒味$1，有3款選擇，分別係：至尊燒鵝、極品bb豬及海南文昌雞，亦有多款小菜、海鮮、鮑參翅肚等等，咁吸引一定要點啦～至尊燒鵝      $1賣相都幾好，仲有火熱住保持溫度，就算慢慢食都唔會咁快凍，而且份量都唔少，必食首選！ 燒鵝即叫即切，食落啖啖肉，皮脆肉嫩，陣陣濃郁嘅鵝油香味散發出嚟，高質燒鵝好好味。半島金牌炒飯       $168半島金牌炒飯以海鮮為主，蝦同乾貝份量好多，蝦肉鮮甜爽口，乾貝彈牙，瑤柱炸到脆脆，好香口，炒飯粒粒分明，每一啖食落去都滲出瑤柱鮮香，依個炒飯真係好足料，看似簡單但又較矜貴。菠蘿脆皮咕嚕肉         $128這款式與菜名一樣，食落真係好脆，帶少少拔絲嘅咕嚕肉，甜絲絲嘅味道，好有肉味，質地嫩滑，配合新鮮菠蘿、洋蔥、彩椒一齊食，感到很幸福！魚香茄子煲        $98一上枱熱辣辣，茄子煲至啱啱好，有咬口，唔會過淋，肉碎質地嫩滑，魚香味濃郁，唔會太鹹，用來拌飯真滋味。最後，送上糖水紅豆沙，香甜潤喉，滿足了！

依日係天水圍想搵間酒樓食晚飯，見到網上介紹半島漁港晚市3揀1燒味$1優惠，咁抵食我哋就入去啦！另有多款小菜選擇，炒粉麵飯同海鮮都有，種類繁多。入到酒樓，環境都好光亮，地方好大，覺得唔會有壓迫感，近門口有幾張卡位，舒適寫意。至尊燒鵝見到晚市有好多優惠，極品BB豬、至尊燒鵝及海南文昌雞全部都係 $1，真係好抵食呀。另外，優惠三寶 $398 及 優惠四寶 $568，一樣都好划算㗎。三款 $1 燒味優惠，我揀咗燒鵝，皮脆肉嫩，新鮮即切且啖啖肉，聞到濃郁嘅鵝油香氣，好好味。優惠三寶      $398    㰖角骨、清蒸富貴斑 及 白汁明蝦球㰖角骨呢款小菜比較少食，用㰖角加排骨煮製而成，味道特別，散發淡淡欖角嘅鹹香味，肉質惹味香脆，唔會過鹹，亦有少少甜，排骨煮得好入味。清蒸富貴斑富貴斑蒸到啱啱好熟，魚皮柔韌又濃郁鮮味，魚肉亦非常嫩滑而且好新鮮，清蒸可保留魚肉嘅原汁原味。白汁明蝦球大大隻蝦球，好吸引呢！蝦肉結實而彈牙，口感豐富，配搭白汁，味道少少酸，真係好開胃。白飯每粒都有咬口，軟硬度剛剛好，米飯香氣四溢，用嚟伴小菜最啱。最後送埋糖水紅豆沙，香甜潤喉，滿足了！

收工返嚟已經好攰懶得煮，去T Town搵食，經過半島漁港門口先醒起之前都食過佢其他分店。原來$1嘅海南文昌雞、至尊燒鵝王及極品BB豬仍然做緊優惠，咁就俾佢個優惠吸引左入去。酒樓燈光光猛、空間寬敞，晚市見除左食小菜外，亦有做埋火煱，都幾多人食。坐低叫左壼茶，點左幾個菜，唔駛十五分鐘已經已經上齊曬，上莱速度超快，啱曬我呢啲心急嘅人，唔駛食完一道菜坐喺度等食🤪酒樓其中一個賣點係即燒燒鵝，依家咁抵食，非點不可。 燒鵝以玻璃器皿上枱，要讚嘅係全程以蠟燭保溫，燒鵝真係唔錯，外皮燒至又薄又香脆，肉質依然嫩滑juicy，好正。家常菜菠蘿咕嚕肉，酸甜度剛好又啖啖肉，幾鐘意佢個菠蘿放旁邊，唔會沾上個汁。平時食茄子肉醉煲最怕就係太鹹，我幾鍾意呢度個茄子煮出黎唔會成pat 野咁，送飯好正。鮑魚金錢鵝掌煲係必點的，冬菇超大隻，厚肉又爽口，鮑魚肉質軟又煙靭，食完個煲感覺食左滿滿的骨膠原。最後食埋個煮到好綿嘅紅豆沙，真係好滿足。今晚整體食物好味、份量足，坐得舒服。但今晚做左大嘥鬼，下次都唔可以再眼闊肚窄。

天水圍朋友聚會，大家都想打邊爐，一定係頌富輕鐵站旁一出商場就見到嘅「半島漁港/阿翁火鍋館」。招牌鴛鴦鍋：芫荽皮蛋拼沙嗲湯 （微辣）4款刺身：厚切三文魚文、北寄貝、甜蝦、帶子。款款超鮮甜。二人分量，海洋拼盤。個𧐢好大隻，新鮮到𧐢瑤柱連住個殼。滾一陣就食得，超鮮甜雪花牛，入口即溶，又香牛味！兩個人食啱啱好仲有至尊水餃王：滿滿蝦肉，一啖咬落去爆汁再叫其他火鍋配料：好腍羊肉片、脆肉鯇、鮮鵝腸、鱔片。可以任叫任食。但我哋食完主菜，叫咗一次就已經好飽。另外汽水、啤酒、響鈴、蔬菜亦係任食。今餐大滿足

今晚去到天水圍探朋友，她帶我到T Town North這個商場逛逛，原來這商場都有好多食肆，最後我們決定吃火鍋，來到這間「半島漁港/阿翁火鍋館」，有無限時任飲任食海鮮火鍋。這裏環境夠晒大，想吃小菜的主要在大堂中間，而我們吃火鍋的，可以內盡另一邊卡座，而且還有自助區，有不同的飲品、調味、蔬菜、菇菌及丸餃類等數十款火鍋配料任食，抵呀！湯底都有幾個選擇，今晚想試一個清清地嘅冬瓜瑤柱鍋，有好多瑤柱，好清甜。火鍋原來仲包一碟刺身拼盤及極級牛頸脊，擺盤精美又新鮮！然後仲有海鮮拼盤、水餃王及燕窩羹，頭輪已經有咁多嘢食，夠晒飽！餐廳店員招呼非常殷勤，主動問我哋有冇揸車過嚟，還可以免費泊車呢！

今天和很久沒見的老朋友吃晚飯，天氣剛好轉冷，我們決定來吃火鍋。 這間餐廳我吃過幾次了，食物的品質都很不錯，價格實惠，重點是汽水和啤酒都是免費任飲的。 一如既往，先上一份刺身拼盤，然後再上一份海鮮拼盤，最後上一碟雪花肥牛。 就連湯底也有很多款可以選擇。自助區還有蔬菜，午餐肉，丸類，豆類製品，等等。 我和老友由七點吃到十點。 吃了快將三個小時。 特别想推薦的菜是鱔片和墨魚滑。 雲吞也是很不錯的，足料又大隻，不過是需要另外收費的。

平日下午三點九，就會有點心特價每盒十蚊🤩，有時仲會係啱啱蒸出嚟仲好熱嘅😋雖然佢係外賣,而且價錢平咗，但啲點心質素就keep住，性價比都幾高架。有時買個包都要十至十幾蚊啦，買幾款點心食咪仲開心😉約唔到朋友飲茶都可以過下口癮🤭

天氣冷了，我們第一時間就想起打邊爐，天水圍區打邊爐就係半島漁島，原因是吃過幾次，食物質素真的不錯，頭輪酒樓會送上極級牛頸脊，海鮮盤，刺身盤，燕窩羹和水餃王。吃完這一輪，然可以任點餐紙上的食物，有美國雪花牛肉，羊肉，四寶丸，脆鯇片，鱔片，炸魚皮….這裡職員招待很週到，每次加湯都自動性，啤酒任飲，不限時間吃到打烊，在香港很難找到另一家了，我吃過他們所有分店，在南昌，灣仔，秀茂坪，都吃過，可以想像難像我都不會回頭啦。以$260左右價錢吃個火鍋，香港的確會有多選擇，但是提供有質素食材的不多。

最近同屋企人去咗天水圍嘅半島漁港食晚飯🤤 佢哋依家做緊超抵嘅優惠，「至尊燒鵝1/4隻」，只係$1咋，抵到爛🔥 🌟至尊燒鵝1/4隻重點推介！燒鵝皮脆肉嫩，油脂分布均勻，$1就食到咁高質嘅燒鵝，真係無得輸！ 🌟 章魚粉葛赤小豆湯（2-3人用）呢個湯好足料，仲有雞腳添！飲落好清甜，啱晒一家大細飲，暖笠笠好舒服😛🌟 潮式煎蠔餅蠔餅煎得金黃香脆，點埋魚露食，真係停唔到口！ 🌟 魚香肉鬆茄子煲茄子煮得啱啱好，軟腍入味，加埋魚香肉鬆，送飯一流！ 🌟炸乳鴿乳鴿炸得外脆內嫩，肉汁爆棚臨尾仲送一人一碗紅豆沙，真係勁飽🤣

8點後入座8折坐底半粒鐘 個煲都未上9點鐘 所有魚冇 鵝腸冇 最值錢嘅嘢全部冇 得番一肚氣食物質素極差懷疑啲牛係合成 ，紋路一啲都冇總結：垃圾到極點嘅邊爐，想俾人激死可以一試

年29晚，唔算爆，book 1930 大約8-9成滿座。套餐定價都幾貴，6人餐$2299，菜式唔算吸引。決定散叫。燒鵝半隻好似$298 好咸又肥，冇鵝味叉燒唔錯，肥瘦適中，幾好食蝦同魚是孖寶$398，魚一斤左右，蝦唔夠一斤小炒王叫咗少油都真係少油，幾好。咕嚕肉百幾蚊好細碟，得好少。後面碟上湯豆苗要$148 勁咸。近過年預咗貴啲，不過真心唔係太好食，到揾個地方做節冇計。最好笑想叫碗甜品都冇，連紅豆沙都冇，依家啲酒樓好hea。知你過節就要食，佢冇心做好。7人埋單$1900

訂左兩圍枱,招呼親戚長輩團拜食餐飯,打完牌20:30開飯,首先上乳豬都很好食,之後就勁失望,發財好市唔熱,上湯焗中蝦,蝦肉霉唔好食,紅燒翅又係暖唔熱,清蒸沙巴龍躉又係暖唔熱,蠔皇鮑魚鵝掌又係暖唔熱,燒鹅凍,炒飯暖,紅豆沙凍,全部煮好唒擺定喺度攤凍唒等上菜,趕住收工,差差差,年初一費事揾交嗌,咁嘅服務質素,以後都唔會再去幫襯.

今年跟家人提早食團年飯，呢次揀咗間喺佢哋屋企附近嘅酒樓，叫咗以下菜式: 豉油皇海中蝦配清蒸老虎斑仔 - 海中蝦新鮮彈牙，配以豉油煎香，味道不會過咸，係剛剛好，勁惹味，食到停唔到口。老虎斑仔蒸得剛剛熟，肉質嫩滑鮮味，加埋蒸魚豉油就好送飯。燒鵝 - $1菜式我哋揀咗燒鵝，燒鵝燒得皮脆肉嫩，呢個價錢食到高質燒鵝，好有驚喜。蜜桃冰梅骨 - 冰梅骨用上一字排，肥瘦相間，因外層已煎香，再加上酸酸甜甜嘅冰梅醬，開胃之餘，食落香口唔覺油膩，蜜桃雖是伴碟，但亦可解膩。蒜蓉粉絲蒸聖子 - 聖子新鮮爽甜，配上蒜蓉清蒸更係絕配，令香味大大提升，粉絲索晒所有精華，呢個組合無得輸。蟲草花燉龍骨湯 - 呢個湯除咗蟲草花，仲落咗茶樹菇，飲落好香菇菌味，用上龍骨就更加鮮甜，好味。紅豆沙 - 是贈送的糖水，但都是用心之作，紅豆沙少甜好足料，唔錯。

今晚同朋友約好去天水圍半島漁港食晚餐，去到整壺鐵觀音飲下先。今晚我地點左蜜桃冰梅骨，蒜蓉粉絲蒸聖子，蟲草花燉龍骨湯，孖寶豉油皇海中蝦配清蒸老虎斑仔仲有1蚊3選1既燒鵝皇。蜜桃冰梅骨：冰梅骨個肉質唔錯，味道甜甜地又唔會過甜，加埋蜜桃真係正。蒜蓉粉絲蒸聖子：聖子新鮮，大大條肉質好好，有咬口。味道鮮甜好味道，加上生熟蒜同粉絲完全將鮮味吸收又將蒜香提昇聖子鮮味。蟲草花燉龍骨湯：好足料，湯有著濃郁既湯味，飲得出煲左好耐，飲完冇口乾即係無味精。豉油皇海中蝦：比我想像中份量多好多，豉油味好香又唔會咸配起洋蔥回鑊爆炒更加香味四射。清蒸老虎斑仔：魚肉質好，魚夠滑，蒸既時間岩岩好，唔會鞋口。燒鵝皇：一蚊真係超值，望到掛晒係度即燒就知新鮮啦，皮脆肉嫩，肉質好好。仲有紅豆沙送同樣好味道。

最近工作很忙，天天加班，今天晚上終於有時間可以放鬆一下，便約了同事去打邊爐。這間店是不限時的，啤酒汽水和飲料都可以無限畅飲。主角是一個海鮮拼盤+刺身拼盤+雪花牛肉...刺身很鮮甜牛肉油脂很足拼盤不錯。今天點了鴛鴦湯底，中规中矩。原來他們也有羊腩鍋/豬骨鍋/辣雞鍋，可惜是下單前没有看到。今天戰鬥力還不錯，從七點一直作戰到十點，今天晚上吃飯的人不算多，可能是平日的關係，所以環境不會很吵，飲飽食醉後，最近的身心疲累好像也得到了釋放。