半島冰室

營業中

休息中

最近公司派左我去附近商業大廈番工，我係網上搜尋到有間好出名既半島冰室，就同朋友過來試下。最後我叫左個沙嗲牛肉煎蛋麵，因為人多所以等有點耐，但碗野好有驚喜，牛肉夠淋好入味，杯熱奶茶都很滑很好飲。雖然排左成廿分鐘先有位，但值得再來一試

以前係炮台山做嘢嘅時候，半島仲係一間好細嘅舖頭。後來越黎越多人排隊，老細就租埋隔離，但人龍依然係咁長😂。呢日咁啱係北角返學，落堂之後即刻行去半島食嘢。條人龍好長，以為要等好耐啦，好彩一個人好快可以入座。嗌左索女餐，即係番茄通粉，多士連我平時唔食包嘅人，都覺得好味。份量足，服務態度冇因為多人而差左，反而係好nice，而且唔會因為多人不停收你嘢，想你食快d走。當然相對地客人都會好識做，食飽就走。所以有d嘢真係相向嘅，好似紅x咁，真係唔想食第二次。希望老細可以係九龍開分店😂

最近睇咗YouTube MM 介紹茶餐廳 見到呢間嘅叉燒肥靚正🥰 搵日我就去左試吓😋去嗰日係平日11點左右，一個人就唔使排隊💫🍜叉燒公仔麵配炒滑蛋多士($38)既然要試吓佢哋即叫即斬嘅叉燒就嗌咗佢嘅叉燒公仔麵，叉燒一上枱就睇得出係靚叉，偏向瘦叉，但係汁好夠😋唔係求其應付嗰種 公仔麵都煮得都好彈牙 爽口🍜上OpenRice見到啲人平日去都要等位，可能唯一嘅缺點就係要排隊 🙈➡️#hapifriday_北角📍 半島冰室 (北角)北角炮台山宏安道14-28號威德閣地下2號舖

常餐 ｜蕃茄免治牛肉意粉配炸雞髀🍝🍗 及 日式芝麻醬雜菜沙律🥗 $53 8/10 炸雞髀份量足、啖啖肉，不算油膩，肉質嫩滑，味道帶鹹香🤤有肉味，無隔夜的冷藏雪味👍🏻算是吃得滿足開心🥳🥳可謂MVP🏆 可惜！雞髀温度僅微暖，估計非即叫即炸，純粹炸好後翻熱或靜置，但味道及份量足以彌補，加上$價錢抵食，絕對可以接受😎肉醬意粉雖淪為配角😂但同樣不錯👌🏻意粉正常，為一般茶記做法，口感偏軟腍，煮得少許過熟，但不影響整體味道及口感，不過不失。肉醬非舊式茶記，酸甜味較濃、螢光茄汁做法，較接近西式，鹹味較突出，牛肉味較濃，甜味相對較少，配搭雞髀一樣好食，兩者能互相平衡配搭，整體不錯😙下午茶餐｜芝士煎蛋豬扒包🍔 跟餐飲 $35 7.8/10芝士煎蛋豬扒包，份量看似不多，實質果腹感重，吃完感覺超飽🫃🤰。麵包鬆軟有彈性，豬扒煎至厚身金黃，口感厚實，調味較淡，能嚐到豬香味。不過！整體配搭較乾，翻熱時易焗燶或烤乾麵包水份，加上豬扒不算多汁，僅得蛋汁增加濕潤度，故吃到一半感覺難吞嚥😳，放置久了更甚，建議趁熱食，或者歎啖茶滋潤喉嚨😹總括來說，豬扒包好食耐看，蛋汁及半融芝士增加食慾，豬扒厚身足料，飽肚感重，首次到訪也建議

睇MM介紹常餐，睇到呢一間即叫即斬嘅叉燒麵早餐，收工過炮台山試吓。一上枱就好驚喜，一睇就知啲叉燒即叫即切，冇預早切定嗰啲風乾嘅問題，食落去冧滑好味。個公仔麵都煮得好好，爽滑彈牙⋯⋯讚！早餐另外一樣例牌餸就係炒蛋，可惜呢間冰室嘅炒蛋係我食過嘅早餐常餐茶餐裏面，數一數二冇蛋味嘅炒蛋，冇味到我要加鹽，但係都只係多咗少少鹹味，吊唔起雞蛋味。而且佢最唔合格嘅地方係：佢啲蛋漿仲未完全攪勻，因為炒滑蛋嘅關係有少少半熟，就會出現嗰啲好似鼻涕一樣嘅蛋白，呢樣係我接受唔到嘅。整體嚟講，如果下次再去食我可能會食煎蛋，如果你鍾意食叉燒嘅話，個叉燒麵極推！！！而繁忙時間就要搭枱，出餐堪比澳牛咁快，所以就算排隊都應該好快入到去。另外我發現呢間冰室，有好多食物配搭口味都比較特別，因為隔離坐咗啲熟客喺度討論午餐個Menu，發現佢竟然有原隻蒸蟹嘅臘味肉餅飯。仲有粟米肉粒配生炸脆雞髀飯。⋯⋯等等，好鬼搞鬼，若果住喺附近又有興趣真係可以試吓。

今日7點幾送左三千返學，約咗個住附近嘅媽咪一齊食早餐😋問佢自己最常食嘅早餐店，佢帶我嚟咗呢間。半島冰室嘅【下午茶】好抵食，性價比高！推薦～每日精選都有四款日【午餐】經常會換款式餐牌度個位靚仔哥哥就係老闆啦平時佢都會喺度招呼，人好Nice👍晚市好早收，全部熱門嘢都要早啲嚟，唔然就賣晒。如果係用餐時間，無論係早、中、晚都要排隊😺餐廳轉台率好高，估10至15分鐘～所以唔使排太耐。門口有餐牌，排隊嘅時可以諗好食咩，坐低就落單。【排骨土豆番茄通粉】真係早餐好推薦，份量好足夠。一大碗滿滿嘅排骨，我食到好飽，土豆好粉，入口即化，湯亦好好飲。你一早肚子餓就會再想返呢個通粉嘅好食。而且呢個餐仲會配多士，我鍾意烘底，好香脆。

🇭🇰半島冰室·呢個我之前有朋友推介話唔錯 所以就諗住買外賣做下午茶啦 點知最後等左九個字🤯·我中間等左半個鐘已經覺得唔對路 問個職員幫我跟跟 但係職員態度好敷衍 淨係識話有就會嗌我。。。最後我等左九個字 忍無可忍黑曬面再問 佢先肯幫我跟進 原來佢一早準備好 但係根本冇人攞出嚟 最後個麵係浸到連啲湯都無曬 完全唔食得😑·型男餐$50同埋我都係第一次見餐廳將跟餐個炒蛋 火腿係放埋落個麵度😅個湯渾濁到呢😅😅·#rbyeat#rby港式#rby炮台山·📍北角宏安道14-28號威德閣地下2號舖

下午茶 2:15pm到，排左15mins..一早諗定食咩 坐低即落單叫左蔥油叉燒同雞脾轉意粉配紅豆冰$6除左意粉偏硬身之外 叉燒同雞脾都滿意👍🏻叉燒配飯應該會更好味更夾😆

超級欣賞呢間冰室好有心思，午餐menu每兩日就會轉一次，客人可以上佢社交平台睇有咩午餐，當然仲有平啲既常餐揀，常餐名都好有趣，其中有個叫女神餐😂 。仲有，食材好似唔洗錢咁，用料毫不吝嗇 (當然佢應該有賺既🤣)原條鰻魚配日式紫菜煎蛋飯 ($68)上碟速度好快，份量好大，鰻魚唔洗慳住食，配上少量饅魚汁，令鰻魚的味道更出色，亦都唔會feel到有好多骨/刺🫰，紫菜同煎蛋令白飯冇咁dry ，仲有少量沙律菜，食完都冇咁內疚🫣結論🫰大份🫰店員服務態度有善🫰上碟快⚡️多人等但客人來去如風😂⚡️環境有啲逼又多人 一個人有機會搭枱CP值：8/10🎡餐廳資料餐廳名稱：半島冰室餐廳地址：北角炮台山宏安道14-28號威德閣地下2號舖營業時間：星期一至六及公眾假期 06:30-18:00 (收好早嫁)

行過附近，朋友就推薦呢間茶記。門口分兩條隊：一條係排隊落單，另一條係落完單再等位。雖然好多人等，但turnover rate好高，等咗唔使10分鐘就入去有得坐～佢既常餐改名幾有趣：暖男餐、女神餐、商務餐、頭等餐小編叫咗個商務餐😎：蕃茄免治牛肉意粉配炸雞脾配 日式芝麻醬雜菜沙律 $53野食黎既時候，第一反應係：佢係炸雞脾？似滷多啲喎🫣但，都係好食既，大大隻，算係滑既👌🏻第二反應係：嘩😂，碗菜好大碗🥗🥗🥗小編大大話話都好幾年冇食肉醬意粉，成日覺得有啲頹😛，去cafe更唔會叫。但呢間個樣好似唔錯就試下，結果真係唔錯喎👍🏻意粉唔會太淋🫶🏻，肉醬個肉同脂肪比例幾平衡，肉碎都算多，亦唔會太瘦，唔會太咸！可能加埋太耐冇食，小編覺得好食😋

今午去逛完香港花卉展2024，友人推薦了2間茶記tea tea，這間真的不錯，聽友人話每次到訪都要排長龍，我們到訪時已3pm，故排隊人士不太多，約15mins便順利入座✌️。👉馬來咖哩牛筋腩意粉配熱奶茶+$9 鮮油厚多士 >>咖哩微辣，牛筋超多又彈牙😋(my favourite)， 牛腩一般，意粉軟硬適中份量多。 >>鮮油厚多士烘太燶😅 但友人形容咬開後，方飽有層次的拉絲感🤣👉扒丹佛芝士三文治配熱奶茶 >>香葱芝士滑蛋火腿粒(侍應話煙肉😅) 充塞在三文治內，而方飽則是塗上牛油煎， 牛油味香濃，芝士蛋香滑，口感滿足🤤👉奶茶就失色🤭，茶味不夠濃。。。。😅整體員工服務好，食物質素不錯😄下次會再試試其他口味😋

茶記香港人的一個文化遺產，代表一間經濟實惠，但又地道口味的食店。亦代表一種粗劣的文化，就係不要求茶餐廳質素，只要求餐牌上的價錢。伙記態度不能評價。時移世易，茶餐廳已經可以很高級，$200焗豬扒飯也可以。近來亦都有很多餐廳的菜單，花了一點心思，為不影響成本下依然可以令到客人快樂地光顧。但我亦看到沒有一間餐廳是完美的，這間餐廳我已經跟蹤了六次之多，每次午餐包括茶餐一次早餐。我是開車來的，成本就不要計了，所以只能說一種堅持。吃了三次叉燒煎蛋飯，第一次真係確實有一種就係叉燒煎蛋飯的感覺。兩次之後當然這個興奮到就已經刪除了。交往女友一樣，慢慢會體驗很多東西出來。叉燒其實真係唔係靚嘅叉燒，不過係比其他茶鐺係優勝一點這個是不能爭辯的事實。奶茶苦澀，凍奶茶又無味。這些都是茶記一般常犯的毛病。始終他們不是有一位沖茶專家，但以他的人流來講其實沖茶絕對可以做到水滾茶靚，用上靚的茶葉，他的茶確實留不到人，係價錢才係背後的動力。吃了一次白汁焗雞柳飯。，總算比其他茶當係好一啲。總括來講，呢間茶記沒有什麼特別，就係人多。速食但係環境又好擠迫。，街坊生意多。遺憾一點就係他們的策略係啱的，但係始終都敵不過茶當最難改的地

港式茶餐廳，半島冰室係做到價廉物美。叫個下午茶，叉燒蛋飯，$45又包熱飲，抵食又夠飽！叉燒肉質同味道幾好，隻蛋煎得靚，飯就正常發揮。杯熱檸檬茶都可以，檸檬同茶比例幾好，唔會好似某啲連鎖店求其放一兩片薄片咁小家賺盡人血咁。呢個價位，呢個質素，無嘢投訴，係要排吓隊咁囉，你要有哂心理準備至少企返十幾分鐘。環境就逼啲，茶餐廳係咁㗎啦！餐廳侍應都好快手又爽手，默契好好。家下寫個寫評要有200字先俾出街，不計標點符號。

打電話去叫外賣個男人態度勁差 好似得罪咗佢咁知你哋忙我都諗定好晒食乜嘢即刻叫都冇一刻係er er er。我第一句已經話外賣叫兩個餐「L餐 叉燒飯 凍檸茶 加薯條」佢：乜啊 我聽唔到你講乜嘢咁我咪分開講囉每講完一樣嘢佢就想收線講完第一個餐就已經：好啦拜拜叫停佢先落到第二個餐講完第二個餐未叫嘢飲嘅時候，佢又想收線點知佢小我話：咁你講完食餐咩講飲咩呀嘛！大佬講得快又你話聽唔到分開講你又嫌我慢想收線我講完一樣 你覆人一句聽到唔得架咩？我點知你今次聽唔聽到啫打個電話歷時30秒叫外賣都要受氣

衝着叉燒來的，特登由新界專登搭車嚟，點知嚟到話午餐冇得食"叉燒煎蛋飯"，咁都冇辦法啦，唯有退而求其次叫佢午餐嘅"鳳梨咕嚕叉燒飯"，點知啲叉燒整開炸皮之後啲肉柴到咬到牙骹都軟除咗柴就係肥膏。食到嬲L咗！