千鳥屋台

終於試到呢間主打用新鮮三黃雞燒串燒嘅舖頭，因為平時佢星期日都休息嘅，之前前師傅喺度時仲係人氣店~大約等咗15分鐘就有得食，全部都係即叫即燒！坐嘅地方衛生企理，所以下次想食宵夜都會過嚟🤣而且價錢合理‼️✨新鮮三黃雞全翼$28✨新鮮三黃雞尾 $20如果對燒嘢食有要求，而平時都會買新鮮雞嘅部位嘅人都應該知道，新鮮雞價錢上唔會平，所以呢度收費真係好合理，而且燒嘅火候好好，用少少簡單嘅鹽調味已經外皮香脆夠油香👍-推薦度：⭐️⭐️⭐️⭐️⭐️/5想企理少少食宵夜，可以揀呢度‼️-…查看更多

第三次食，水準依然好高！今次叫左雞翼，雞皮，雞腎，雞軟骨，雞氣喉管，菠蘿，芝士年糕同玉子燒雞翼好Juicy, 同埋雞味好濃冇過多嘅調味，实出食材原本ge味道一般雞皮都係炸嘅，呢間係真係燒嘅，雖然唔會好似出邊街嗰啲咁脆，但多咗一份雞嘅油脂感雞腎爽脆，但又唔會有雞腥味雞氣喉管出邊比較少見，好爽脆菠蘿好甜，好多汁玉子燒好滑嫩芝士年糕，正常發揮，表皮燒得脆，入面好軟糯…查看更多

有不同雞部份的選擇，單看雞肉串法，便知道是有水平。雞肉多汁嫩滑，其他食材例如粟米豬肉都不妨一試。我最愛嘅雞胸軟骨，比起其他高價串燒店，我覺得呢度好食好多。性價比高。，我連續兩晚幫襯。加油！…查看更多

睇完影片分享平台介紹又咁啱經開就一定嚟試試佢，星期五晚7點到要等一個鐘，係太安樓梗係無問題啦，咪食住其他野先囉。見佢主打鮮雞生燒，雞又多款多部位，可惜痛風唔敢試太多內臟，所以內臟叫咗肝only，另外叫咗雞翼，橫隔膜，雞皮，雞頸，雞肉棒，雞窩肉，菠蘿同粟米。 質素嚟講係有水準，你話收貴50%嘅話又住開附近，都會耐無耐想嚟食下。但係始終形式上係有硬傷，要等成個order齊先拎得，無得襯最熱辣辣嗰陣食。環境就係太安樓嚟講有得坐已經no complain. 不過調味方面個人就希望可以重手少少，鹹多丁C少少應該會更加帶到個雞味出D。個千島醬同草莓醬就唔覺特別夾，好處係多咗唔同既味囉，但係寧願唔落好過。雞肝坦白講唔差，再嫩番少少就掂喇，但係我冇quota嘅情況下就唔會encore。粟米就如果可以再勁D牛油就好喇。總括嚟講，咁嘅價錢真係滿足有餘。提外話，唔記得雞窩肉定橫隔膜有舊未熟透，唔係舊肉中間而係邊位，我覺得係串得唔好先係咁。咁我反映嗰陣就話係提醒番啫，都唔駛換番俾我，老細都有認真望下就話係刻意嘅，可以食架，不過佢都可以幫我燒番熟，燒完仲親自拎番過嚟。成個過程態度語氣都無問題。不過我之前睇咗影片分享平台就自己腦補佢會心諗又一個唔識食嘅客。老實講再嚟多次我都會咁要求，一來我試完覺得燒番係好食D(咁可能係夠生鮮滾熱辣啦),二來雖則我明白佢對貨源品質好有信心，但係係嗰個環境我都係保守D好。…查看更多

得閒過海去試下呢間千島屋台， 收銀小姐話要等1小時， 唔緊要反正都嚟咗🤩8:00落單8:45先有得食😊， 目測雞心燒得不太平均， 每寸最後的兩粒雞心， 勉強燒過🥲 吃落所有串燒味道都是黑椒😬完全沒有驚喜🙊， 雞肉串燒的味道被黑椒完全覆蓋浪費咗食材, 因我睇過youtuber介紹佢哋係用新鮮雞做串燒， 本來有期望食落有少少失望。…查看更多