千海水產海鮮火鍋放題

近排「肥牛哥」出晒名🤣連帶主打海鮮火鍋放題嘅千海水產都人氣急升🔥之前去過觀塘店，覺得啲即撈海鮮好新鮮、選擇又多，火鍋配料同熟食都好高質，於是今次去旺角店再拜訪。旺角店位於新世紀廣場，佔地頗大，海鮮區嘅生猛海鮮可能比街市仲要豐富😎黃金時段嘅2小時晚市放題只需$358一位，就可以任食活海鮮、燒物、和牛、雪糕、各款酒類等，性價比極高🤑🍲金湯花膠鍋養生之選湯底，金黃色嘅湯底裡面有唔少大隻爽彈花膠及雞件，好足料🤩🦀即撈活海鮮嚟到海鮮區一定要同啲生猛海鮮練過😏所有海鮮都係自己撈，好好玩，花蟹、藍花蟹及大頭蝦跳跳紮🤪花蟹好鮮甜；藍花蟹爆晒膏，食落好甘香😋蜆類選擇甚多，有刀貝、白蜆、虹口、蕃薯蜆等，大隻無沙。生蠔超大隻肥美，蠔味濃；特別啲有蘭花蚌、花膠及海螺片，另外仲有鮑魚及花螺，款款新鮮，淨係海鮮都食到好滿足🥰🦪燒物、炸物炸物及燒物都有好多選擇，必食鐵板鵝肝多士，外脆內軟😋川味燒鮮蠔肥美惹味；皇牌燒乳鴿王出面少見；脆皮鮮奶卷酥脆香甜😋🍛自助區熟食、沙律、小食、火鍋配料自助區嘅火鍋配料及熟食都琳瑯滿目😍海鮮粥、蛇羹、烤榴槤、麻辣小龍蝦、蒸點心等講得出嘅都有。另外仲有中式前菜、煙三文魚、水果等。火鍋配料有雞子幾特別😛🍦甜品、雪糕食完火鍋必食軟雪糕去平衡下，雪糕帶點冰感，奶味頗香😙另外仲有Haagendaz雪糕、韓國雪條等。甜品櫃仲有脆皮麻糬、tiramisu、楊枝甘露、開心果慕絲等細細件甜品選擇👏🏻🍻飲品呢度嘅飲品都有極多款式，酒類已經將紅白酒、真露、梅酒、清酒包羅萬有🍾唔飲酒嘅仲有菊花蜜、羅漢果茶、椰青、甘蔗汁、珍珠奶茶、白桃烏龍、洛神花茶、汽水啤酒等等。打邊爐我就鍾意飲椰青同甘蔗汁，好解膩😽推介指數（10分為滿分）：8分…查看更多

附近也有一間超熱門的日式放題店，但也沒有分薄這裡的人流，晚上８點多門口排了長長的隊伍呢，這間第一間主打活海鮮的火鍋放題店果然人氣十足！晚市放鍋放題（３５８元）這間好像比我之前吃的另一間分店的海鮮選擇更多，除了有大量不同的蜆外，鮑魚，基圍蝦，草蝦也不少得，還有三款不同品種的蟹，最明顯都一定是紅花蟹了。而且全部都是活的，補貨也很快，我這麼晚才吃也是滿滿的海鮮可以選的，而且全部都會幫你清潔處理好，吃起來更方便。而是全部都是活海鮮，味道更鮮甜，肉質更結實。我也吃了很多的蟹和蝦，真的非常新鮮！而且還有我喜歡的白鱔件可以自取，蠔也很多人吃。除了主角海鮮外，其他的選擇也是非常多了。湯底我們選了胡椒豬肚湯，味道很香濃，胡椒味很足。而且牛肉也有M５和牛和牛小排可選，油花都不錯呢！還有多款不同的熟食，如很多人喜歡的乳鴿，必食的鵝肝多士，惹味十足的燒蠔！自取的地方也有大量蔬菜，丸類，生的食材可以自取，其中有大大隻的牛蛙可以拿，肉超厚呢！還有很多雪糕和甜品，最驚喜的是連日本版Häagen-Dazs也可以任食，超滿足呢！…查看更多

呢間撈海鮮嘅火鍋放題真係好出名，原來而家旺角都有分店啦😉 呢間分店真係好大間，聽講係全港最大嘅分店嚟㗎 。鍋底我哋揀咗芫荽皮蛋豆腐鍋同埋秘製麻辣鍋，想清清地食吓蔬菜，又想過下口癮食辣，鴛鴦鍋就滿足到我哋兩個嘅要求啦😝即撈海鮮有一個好大嘅區域即撈海鮮，我哋呢日試咗大頭蝦、鮑魚、藍花蟹、沙白等。呢度啲海鮮好多都好生猛，夾佢哋上嚟佢哋仲扎扎跳㗎😚 撈好之後就可以交俾店員清洗。撈嘅過程已經覺得好好玩，仲可以食自己親手撈嘅新鮮海鮮，真係好正🥳肉類呢個套餐包括咗豬、牛同埋羊，有特上牛小排、澳洲M5和牛、美國牛肩胛片、澳洲羊肉片及美國豬梅肉片。每份肉類都係三至四片，方便預算份量🥩 咁就唔怕做成浪費啦。小食除咗肉類係用QR code落單之外，都有多款炸物、炸物同精選推介可以嗌㗎。鐵板鵝肝多士、皇牌燒乳鴿王、川味鮮燒蠔同埋芝麻雞翼我地都encore左好多次🙈 多款食物都係即叫即製，所以上碟時熱辣辣🫢 我地仲嗌咗西京燒比目魚、蒲燒鰻魚同埋鹽燒牛舌👅自助區自助區嘅範圍都好大，除咗海鮮區，其他食物都排列整齊👍🏻 多款丸類同蔬菜都有供應，另外有啲開胃前菜、烤榴槤、粉絲大蝦等等都有得揀。烤榴槤勁受歡迎，齒頰留香🥰飲品區有汽水、無糖茶、啤酒等嘅飲品任飲🍻 連日本嘅水果汽酒同埋生啤都有，適合同朋友過嚟飲返兩杯。甜品區呢日有四款Häagen-Dazs雪糕，仲有期間限定嘅推介，真係夠晒特別🍦 榴槤雪條同埋韓國品牌嘅雪條都有㗎。鍾意食甜品嘅，千祈唔好錯過佢嘅甜品櫃，朱古力布朗尼味道幾濃郁🍫大家嚟食放題記得食得晒先好嗌，食唔晒啲食物都唔可以拎走㗎😂…查看更多

睇完之前有篇街知巷聞嘅報道，燃起我鋪海鮮火鍋癮，所以決定與朋友二人搵晚去咗旺角MOKO新世紀廣場嘅千海海鮮火鍋放題，展開一場任食海鮮大戰。由旺角地鐵到Moko 再拎飛等位，前後唔使10分鐘，十分方便。夾啱食晚上8:15嘅場次，可以食足2小時45分鐘，時間十分充裕。一入門迎面而來係舖面寬敞、卡位多到數唔晒，枱距仲闊過一般火鍋店。拎住個鐵桶去揀海鮮，一眼望過去海鮮BAR，足足十米長，藍蟹、蜆、鮑魚、大頭蝦、蠔、螺，應有䀆有，俾我地實現真正嘅：海鮮自由！餐廳職員補貨極快，見邊樣少咗啲就即刻補，完全唔使驚熱門海鮮會搶唔到。隻隻都十分生猛紮紮跳，眼見有啲男士都俾啲海鮮嚇親，哈哈。海鮮隔離就有大量熟食、甜品、飲品，蒸點心，沙律等等都一應俱全。其中必食：焗榴槤，榴槤焗完無咁大陣味仲好香甜，朋友都食咗4/5舊。除咗自助區，QR code可以點咗澳洲M5和牛、美國牛肩胛片、鐵板鵝肝多士、川味燒鮮蠔等熟食。牛肉雪花唔錯，燒蠔久夠惹味。可以食多幾round飲品方面更係齊備咗日式清酒、梅酒、啤酒、益力多、台式珍珠奶茶、檸檬汁，應有盡有，朋友係酒鬼都飲到好開心。配菜區任攞各種蔬菜，連羽衣甘藍、豆苗等都有，牛柏葉、丸類、菇類總之打邊爐諗到想食嘅，呢度都一定滿足到。最後食返啲甜品做Ending，Häagen-Dazs雪糕、楊枝甘露、Tiramisu、芋頭牛奶布甸、巴斯克蛋糕、自家製軟雪糕，每一樣都好吸引。成晚由8點入座食到差不多11點，我地食到捧住個肚行出餐廳，真係好滿足。如果都想挑戰「極上海鮮自由」同埋熟食、甜品任食嘅盛宴，千海都一定唔會令你失望。食物美味又豐富，唔使拎返屋企嘅，即場享用最啱feel。…查看更多

自助海鮮放題，每檯比一至兩個小桶子，然後自己選擇自己撈起想食嘅海鮮，跟住俾職員沖洗，再拎返自己枱烚嚟食，個形式幾好玩幾得意。海鮮種類方面都好多選擇，有大頭蝦、草蝦、基圍蝦（括住大頭蝦同草蝦比較好）。花蟹嘅肉較實，偶然有藍花蟹提供，味道鮮甜，肉比較鬆。切開嘅時候都見到膏，不過烚咗之後啲膏都跌晒喺個湯到冇晒。另外都有唔同嘅貝殼類，花甲、沙白、美國蜆、厚皮蜆（厚皮蜆最好味)。另外仲有瀨尿蝦（麻麻哋）、鱔等等。除咗自助撈海鮮，用手機都可以點到唔同類型嘅熟食，有粉絲蒸蟶子、粉絲蒸蟹、鵝肝多士、烤牛舌、烤乳鴿、烤魚餃、照燒銀鱈魚、燒蠔等等。居然熟食都唔會太求其，樣樣味道都唔錯。另外仲有榴蓮小吃滿足榴蓮愛好者添。至於打邊爐湯底方面，叫咗椰汁雞湯底，不過就只係普普通通冇咩特別。主要都係食海鮮。另外都可以叫牛肉，就係普通肥牛質素，牛肉方面唔好有期待。另外仲有自助飲品、Häagen-Dazs雪糕同少量甜品等等。總括嚟講，海鮮種類好豐富，熟食都唔錯。因為我自己口味覺得海鮮打邊爐對比起蒸來食係喪失左d 鮮甜味，所以我嘅評分係“okay la" 。但如果你係鍾意拎啲海鮮嚟打邊爐，就會超滿足，同埋好抵食。…查看更多