千両 (又一城)

營業中

休息中

千兩既lunch set一向性價比高，款式多兼扺食，於是平日lunch同朋友黎午膳，每人叫左一個set。 呢個價錢包左前菜（蒸蛋,刺身,漬物），主菜，飯，味噌湯及甜品 牛肉烏冬定食($128)：包天婦羅，沙律，壽司x 4及牛肉烏冬。 全部都好新鮮，冇失望。百兩定食（$108)：包天婦羅，沙律，壽司x 7及齋烏冬。 角切魚生飯($98)：包味噌湯，沙律，茶碗蒸，南瓜及一個魚生飯。魚生全部都好新鮮及值得Encore。

平日lunch嚟食飯都幾多人等位，要預時間排隊，幸好上菜速度快。🔸炙燒壽司·牛肉烏東定食🍣前菜有青瓜粟米沙律菜配胡麻醬🥗 牛肉熱湯烏東🍜 烏東唔會煮得過淋，唔錯。四款壽司中最喜歡炙燒帶子壽司，一層牛油🧈響面好香。其次係炙燒三文魚壽司🍣 炸物有吉烈蝦🍤 同一款徧腥嘅炸魚。🔸百両定食🍣同樣有沙律🥗，清湯烏東🍜，六款壽司🍣，天婦羅都有三款。一個lunch set入面嘅款式都幾多，啱樣樣都想試嘅朋友。

星期五晚第一次去呢間分店食晚飯等咗15分左右有枱一入去第一個感覺係好嘈！！！唔知係啲卡枱太密定係裝修問題...嘈到好似入咗間快餐店咁😵‍💫坐低後有位店員好細心咁介紹下當晚有咩推介..但真係太嘈嘅關係...有一半係聽唔到佢講乜😶‍🌫️食物方面不過不失刺身夠新鮮 （係個馬糞海膽麻麻地）個青口夠大隻，幾好食，係清酒味唔夠比較驚喜係呢個小卷好足料好好食😋好似佢個英文名咁真係Overflow👍🏻Overall食物係唔錯個別員工都好好服務不過收呢個價錢..呢個環境真係令人唔會想再返嚟食

食評：1) 千両嚴選壽司拼盤（18件） $467壽司非常新鮮！海膽無怪味，食落口感稠密。三文魚肥美，入口油脂感恰到好處。至於吞拿魚蓉同樣肥美香滑，值得一試~入面最鍾意係帶子同赤蝦，鮮甜得黎又有好香蒜味，一口入去非常滿足。2) 松葉蟹腳海鮮鍋 $148海鮮鍋集多款海鮮，第一下先飲咗啖湯，非常鮮甜！松葉蟹腳亦鮮甜嫩滑，鍋物仲配有煙靭薯粉同白菜，佢地都浸滿曬湯汁><好正~3) 味醂魚乾 $58口感偏淋身的魚乾，食落去油脂清香，配埋沙律醬，非常開胃。

千両係間相對貴既日本餐廳，但係全日最抵食就係午餐啦😆逢星期一至五先有，而且午餐供應時間係去到下午五點半！有時遇上早收工，就趕得切食到水尾既午市定食優惠😆為左想試多2款小食，於是乎點左最平既午餐：🐟豐州魚鮮角切刺身丼定食睇餐牌以為份量細啦，點知比想像中多🤭定食包括麵豉湯、沙律、茶碗蒸，角切刺身丼用正方形飯盒盛著，魚生量都多同新鮮👍🏻 茶碗蒸有驚喜喎，外形普通內裡有一隻蝦及細細粒帆立貝，最緊要蒸蛋滑溜溜👍🏻🌽鐵板牛油粟米粟米令我心軟🤣望餐牌時發現即刻落單😆半條粟米再細開6份，牛油掛面散發焦糖香，甜甜蜜蜜🥰🐔串燒雞腎本身鍾意食雞腎，雞腎比人感覺係Q彈，但係千両做到係軟身得嚟又Q彈👏🏻吾錯丫，唔知點整先做到呢個口感呢😋😋千両係我個人至少3個月至半年先會食一次，今次比對上一次好似係優惠左，所以有驚喜！加上整體表現都好好😊

呢間野平時食都唔平，但係佢午餐時間就有做特價優惠，閒日午市都會有呢幾個定食揀。一個定食都係一百蚊倒，有晒湯，飯，魚生，小食，都好抵食呀。絕對係性價比之選。千兩 定食成六舊壽司咁多。再加個烏冬，應該正常男仔食都夠晒飽。仲有幾塊天婦羅添，新鮮炸的，有蝦同南瓜。d壽司都有基本吞拿魚，三文魚，帶子。應該都滿足晒食魚生壽司ge朋友。豐洲魚鮮角切刺身丼定個蛋好滑，好好味。d魚生撈飯啱啱好。沙律都係普通食材啦，不過不失。

千両♡ 記錄下自己好耐都冇放監食壽司喇⁽⁽ଘ( ˊᵕˋ )ଓ⁾⁾主要想記錄有份壽司叫 特上彩虹卷但我竟然唔記得咗影相呀😭😭大失策｡ﾟ(ﾟ´Д`*ﾟ)ﾟ｡不過呢間餐廳𝘾𝙥值都幾高嗌咗好多舊壽司買單都係四百幾🫶🏻ෆ 推介菜式ෆ 特上彩虹卷 $ 𝟴𝟴#hkig #hkfoodie #foodiehk #foodiegram #foodiegraphy #foodlovers #foodstagram #happysharing #hkfood #foodphotography #foodie #hkfoodblogger #hkfoodstagram #momofoodie #香港美食 #美食 #吃貨 #相機食先

刺身唔新鮮 完全冇刺身嘅鮮味 海膽啲質素做炒飯都唔會用佢 握壽司舊飯，一係好易散 一係握得好核突爭鮮都好食過佢 新鮮過佢 你話個價錢係食環境 個環境又唔係特別靚 食物材料簡直可以用垃圾嚟形容 一定唔會返轉頭幫襯

又一日熱辣辣嘅下午，今日同朋友嚟到又一城食晏；可能天氣太熱，朋友二話不說就提議去千両食日本菜。呢度都有好幾款Set lunch，其中我哋揀咗魚山角切丼，幾好嘅就係除咗跟Shara同Tong之外，仲有一個茶碗蒸。呢度食魚生飯就最正，另外，我哋仲叫咗滑蛋吉列豬扒飯，咁佢因為已經有蛋啦，所以係呢一個set就唔好跟茶碗蒸，但係就送多個前菜俾你。😋🥰😋🥰😋🥰😋🥰😋🥰😋🙂🥰🙂🥰🙂🥰😋🥰😚🥰😋🥰😋🥰😋🥰😋🥰😋

睇戲前食吓刺身先好耐無食千兩，突然好想食刺身等位等咗15分鐘我哋叫咗2人份「極上刺身拼盤(2人用）」$337隻蝦超大隻，鮮甜新鮮其他刺身都唔錯唯獨是帶子一件切開一半扮兩件就有啲奇怪，明明原隻食更有口感雜錦天婦羅冰見烏冬 $62細細份啱啱好，烏冬柔軟啱口味但湯底比較咸咗啲香蔥吞拿魚腩軍艦 $56吞拿魚腩無得頂，係太少蔥牛肉冰見烏冬 $60一樣味道唔錯，係湯底咸咗啲啲牛油果軟殼蟹卷 $98夠大份，香脆軟殼蟹加清新牛油果，好夾千両 (又一城) (九龍塘)九龍塘達之路80號又一城L1樓L1-19A號舖

又一城店裝修完，第一次幫襯，點知就領嘢，以前，都試過兩次同樣情況（我住附近），這間分店、時不時會出現魚生海產唔新鮮的情況，就睇你好唔好彩，我同男友二人，是晚已經點豐州嘅級數都咁，真係冇話好說～ 其實，見刺生個樣都知唔新鮮（冇光澤、乾燥冇乜彈性），貝類海膽仲有腥味，我已經吐了一半出來，以為無事，點知都係痾痾地、個肚咕咕聲，我男友比我仲痾多啲，睇嚟都係暫別這間分店為妙，寫梗食評仲痾梗！尖沙咀分店，幫襯兩次、兩次都幾好，我諗要轉場～

百兩定食焰燒壽司 • 牛肉鳥冬定食兩份定食都好高質💕刺身有三文魚 吞拿魚 甜蝦 帶子 熟食都有鰻魚 炙燒三文魚等等🥰定食黎講種類都算繁多🤤我一向都鍾意食千両嘅鰻魚壽司同埋三文魚腩 肥瘦剛好 🥳天婦羅🍤都炸得好好食 唔會好炸得太over😫🦐都有兩款 仲有蔬果like南瓜🎃同埋鯽魚🐟另外仲有一細碗牛肉烏冬😍同埋沙拉🥗🫶🏻整體來說性比價是很高的👍🏻鍾意食日本嘢嘅朋友有機會可以trytry🫶🏻人均HKD100（連加一服務）好多地方都有分店💕

千両主打日本刺身壽司🍣 就黎到情人節就推出咗個情人節限定嘅外賣餐目 嚴選新鮮食材 精心設計前菜、刺身、壽司 可於即日起至2月14日網上訂講 我同男朋友就訂咗黎試吓情人節外賣盛盒 $698盛盒包括二人刺身盛、二人壽司盛(22件壽司)同埋三文魚親子牛油果沙律🥰 賣相精美 包裝細心 仲比埋乾冰我地拎走最吸引嘅一定係馬冀海膽🤭 鮮美、濃厚、甘甜 仲附送咗兩塊紫菜可以包住食😋 其他嘅刺身壽司都新鮮鮮甜又多款式 好豐富好滿足～ 情人節舒舒服服喺屋企一齊歎呢個精緻嘅外賣盛盒係一個唔錯嘅選擇😛

對日餐的執著，必須依次序頭盤、刺身、壽司，飲碗熱湯暖暖胃，再黎炸物、燒物、鍋物，最後粥粉麵飯先夠完美。人家想食毛蟹，等成個鐘竟然無落單，飲支一滴就暈冷靜一下。一滴入魂純米吟釀，香氣酒度甜度滑度厚度都滿意，可以再飲。千兩海鮮蒸蛋配柚子，嫩嫩滾燙蒸蛋與柚子硬係格格不入，可能本身我都不好柚子皮的，沒有柚子皮的原味海鮮蒸蛋更可口。日本松葉蟹肉蟹膏豆腐，豆腐比以往淺色，蟹膏味比以往淡，幸好依然滑彈，搭著鮮味蟹肉及咸鮮三文魚子再配淡醬油，仍然使我讚口不絕。醋漬鮟鱇魚肝，都係較喜歡早年浸在淡醬油濕潤的演繹，現在像沙律的做法，在表面淋上汁，梗係覺得偏乾了一點點。不過魚肝天然濃郁的甘甜味使我著迷，質地油潤黏黏，鍾意就是鍾意。伴碟的日本小黃瓜意外地爽甜清新，就算不愛菜蔬的我都忍不住食多兩舊。日本直送海膽刺身，肥美彈牙濕潤，只有鮮甜味沒有半點腥味。特選大吞拿魚腩刺身，亮麗閃令令的粉紅色，油潤反光，滑嘟嘟跣入口，鮮甜味爆棚，甘香魚油無得頂！油甘魚刺身，實淨彈牙的魚肉，每口滲著勁極鮮油脂魚汁，食到欲罷不能！牡丹蝦刺身，黏膠加上富光澤的顏色，新鮮度無從置疑，爽甜的蝦肉食唔停口！日本特大帶子壽司，特大帶子唔夠特大、

今年媽媽生日竟然臨時先話唔想食中菜，想食日本嘢，咁啱我哋喺九龍塘就揀咗千両✨ 雖然知道都算係大集團，之前食過質素都唔錯👍🏻👍🏻 因為知道係星期六晚，所以我哋提早6:30就入座，果然一到七點開始就要排隊～～ 我哋一共三個人首先就叫咗個壽司拼盤，估唔到壽司拼盤入邊都有拖羅（但係就得兩件我冇份食🥲） 另外我哋仲嗌咗啲卷物同埋刺身仲有個牛肉鍋，三個人食都好夠👍🏻👍🏻 最後仲嗌咗支清酒，清酒用嚟配刺身真係世界級！！成餐飯全部都好滿意，無伏位～ 店員好有禮貌，座位亦都闊落舒服，適合聚會✨