十字冰室 (禮頓道)

營業中

休息中

十字冰室原來真係有十字鮮奶早餐，今次特登黎試吓這裏的早餐，網上也有好評。懷舊蔥花蛋牛治烘底五香肉丁米配牛油多士加餐肉煎蛋，極之豐富才$34。價錢合理呀，一定會再來。

細細個最中意飲十字奶🥛但而家啲味好似淡左😭😭蛋治啲蛋份量幾多‼️但覺得佢蛋治普普通通😕冇話特別令人深刻🙈反而燉奶幾出色🍮滑得黎充滿牛奶味🥛🍼可以一試✌🏻

茶記相信都係香港其中一個特有文化，無論早餐，午餐，下午茶，晚餐，宵夜緊有一款野食係岩你，今次去左十字冰室醫肚仔冰室裝修都係模仿返以前香港茶餐廳，很有懷舊既感覺呢間冰室係同十字牌牛奶合作，好似軟雪糕，燉奶，炒蛋都加左十字牌牛奶黑松露炒滑蛋菠蘿包其實我覺得菠蘿包本應係甜食，無啦啦加d咸既餡入去真係好格格不入，但呢個黑松露炒滑蛋菠蘿包我竟然覺得好夾，炒蛋滑，菠蘿包皮夠鬆脆，仲熱熱辣，好好味Nutella朱古力榛子醬厚西多士西多炸得好鬆軟，入面仲搽有Nutella, 真係美味又邪惡椒鹽雞全翼配懷舊雜果沙律雞翼新鮮炸起，又香又脆，雜果沙律正好解左雞翼既油膩，永遠的絕配傳統茶餐廳就係想平平地食個快餐，不過呢度個價錢就真係有違茶餐廳宗旨，係好食但也未免有點貴罷！

經過銅鑼灣禮頓道附近見到呢間十字冰室應該都開咗有一段時間今次係第一次去幫襯星期日來講大約3:00都坐滿晒人👈🏼👈🏼👈🏼咁我就兩個人一人叫咗一個餐首先講個常餐先。我覺得價錢方面其實係偏貴嘅或者可能係港島區所以價錢會貴少少咁$70.1個常餐就包一杯嘢飲一個粉麵包同炒黑松露味雞蛋味道方面就一般啦冇話特別出色即係就係好普通嗰種味道囉湯底方面唔算太濃郁個顏色睇落去好似好深色咁雞蛋都有少少黑松露味麵包都係普通到冇得再普通啦係啦咁樣就$70呀🤣🤣🤣🤣🤣👏🏽👏🏽 哈哈 普通人都可以去食下一個普通餐嘅$70呢個價錢就唔係普通餐嘅價錢！ 我食開隔離敏華都好似五十零蚊咋喎🖐🏾🖐🏾是但啦一次半次！

意外發現冬天有牛奶火鍋供應，呀仔話想試一試！－人－爐夠衛生！有牛肉，雞肉及蝦滑任揀！另有心思配菜，見附圖。吃完配菜加埋芝士同蛋煮辛辣麵，超好味！亮點是甜品薑奶撞薑雪糕，又凍又辣好好味！

一行3人去冰室晚膳，撞正佢哋嘅韓式火鍋新登場，我哋3個人，一次過可以試晒3款火鍋。牛乳雪濃肥牛鍋 X 韓式雞翼(2隻)$98 牛乳大醬彈彈鮮蝦滑鍋 X 韓式雞翼(2隻)$88牛奶鮮魚雞肉鍋 X 韓式雞翼(2隻)$82跟餐送的「韓式鷄翼」，味道少甜少辣夠野味火鍋用料正，D「粟米」食得出唔係八街超市個D無味蔗渣貨一定要讚下D「湯底」，食得出唔同連鎖快餐店果D溝味粉的湯底。「至愛牛乳雪濃湯」，牛乳配肥牛，簡直係絕配，湯都飲多幾啖另外，「牛奶鮮魚湯」，飲得出真材實料，啖啖魚湯香味仲有$88火鍋餐，居然跟「蝦滑」呢D貴價貨，抵食跟餐送嘅「韓國辛辣麵(加送一塊芝士＋一隻蛋)」，隻蛋D蛋黃是橙黃色，果然落重本，食埋個辛辣麵真係飽到無朋友，下次一定要早啲通知個侍應，想打包走個辛辣麵，請佢哋唔好打開個包裝袋。最後個甜品，正到呢佢哋用左「十字牌的薑粒雪糕＋十字牌薑母低脂牛奶(D奶上枱前先座熱)」，剩係呢隻雪糕，我之前係便利店買過，要$22，果隻牛奶就要$7.5，依家跟餐送，呢云真係有賺啊將啲牛奶自行倒落個雪糕度，配埋一齊食超正，薑味雪糕內有細細嘅真薑蓉，加埋薑母牛奶，入口啖啖薑粒，天寒地凍，食完個甜品，好

第一次到訪， 有驚喜。 食材新鮮。 沒想到會飲到香滑奶茶是用上鮮奶， 真是超滑，又有茶味。另外公司治用上滑蛋厚蛋，勁推， 好味。 室內光線夠， 又有外景， 懷舊色色彩濃。 服務員有禮貌。一定會再光顧。 簡單又好味。

間野員工應該同佢老闆有仇，完全唔想做人生意。真係膠都費事畀。事原星期六下午想去試下，一行三人，一入到去，茶記格局，諗住自己搵位啦見到埋邊有張四人位，咪諗住行埋去啦，根住冷不提防有位玩住手機既大叔叫我地唔樂坐嗰張，叫我地同一地搭台。我地同佢講：「得兩位喎，我地三個。」佢望都唔望我哋就話：「坐住先啦！就走架啦！」大哥三個人點坐兩個位呀，疊羅漢呀？定係你唔喜歡食緊野個客要人走呀？事到如今，好啦，我走啦！我喺度呼籲十字冷室個老闆，如果你睇到哩段文字，唔該你執下班樓面啦，咁落去成個飲食業都畀你地攪到唔知似咩咁呀

Met up with one of my best buddies in Causeway Bay for a mini food tour. We went to this nostalgic cafe for breakfast as we didn’t want to go for dessert straight away. We quickly decided on a breakfast combo of beef and macaroni in tomato broth,scrambled eggs, toast and milk tea. I was craving pineapple bun so we got one with truffle scrambled eggs and a bottle of Trappist milk as well. I am usually a sucker of tomato broth but this one was bland and not appetising at all. Scrambled eggs and to

之前外賣APP成日做優惠，勁抵食所以成日都叫外賣做下午茶。呢間外賣雖然基本上得麵包類揀，但係做下午茶就一流。我叫咗幾次沙嗲牛肉炒蛋菠蘿包，好惹味好好食，菠蘿包皮夠脆，唯一係沙嗲牛肉啲汁會搞到菠蘿包有啲太淋，如果可以分開就真係好啦！未試過呢間堂食，希望堂食會仲好食。佢哋叫得十字冰室真係有好多十字牌嘅牛奶賣。不過我反而希望佢哋外賣餐牌會有更多選擇唔係剩係得麵包同埋牛奶。咁樣我就可以成日叫外賣食唔同嘅嘢啦哈哈。

早上來食早餐，人多，但都有位坐，不過自己搵位冇人招呼。坐低，揮手好多次叫落單，得兩個侍應，唔得閒理我。我要「截停」一個唔想理我的侍應先有機會落單，但點了一樣非早餐餐牌食物後，侍應回：「而家冇。」就走左，唔係攞埋張單。出聲叫了多次，終於落到單。但食物遲遲未到，隔離枱遲我10分鐘坐低的，已經食物飲品全齊食得，我問侍應，只是公式答「出緊」。等了15分鐘再追，要求check 有冇漏單，先有人check。check完結果就係漏單！唔想怪侍應但作為食客去大排檔都好招呼冇咁谷氣！我本來唔趕時間但花了20幾分鐘等得個吉，再落單唔知等幾耐，我冇再落單就走了。餐廳多人但得兩個見侍應，仲要係不停忙入外賣盒。食客唔催就冇人理，人手同管理好有問題。

最近真係好攰 攰到連食咩都唔想諗但又唔想食得差黎到銅鑼灣想簡簡單單食個茶記於是黎左呢間 十字冰室位置都算係銅鑼灣既邊緣位置當日六點半去到 未需要排隊入到去menu都唔想望 直接叫左常餐之後加左個懷舊薯條配松露蛋黃醬果然係茶記 上菜速度好快首先黎左十字牛奶豬骨湯意粉上面豬扒好足料 厚切 咬落去肉質好軟可惜意粉稍微硬左小小個湯飲唔出有牛奶 唔係我想像中既creamy湯牛奶炒滑蛋同塊多士係普通 正常味係好貼心咁幫我搽左牛油薯條好好味 岩岩炸出爐係唔同d店員仲主動問要唔要茄汁最後叫左熱奶茶做餐飲味道係普通茶記既奶茶呢間可以話係銅鑼灣既平價餐廳之選

接近中午時經過銅鑼灣，不知為何很早便餓了。一望看見這間名字好特別的冰室，十字冰室，便進了去。哈哈，仲有早餐。看中了松露炒蛋菠蘿包餐。果然十分美味。蛋炒得很嫩滑，加上了適中的黑松露。黑松露炒蛋塞滿了大大個的菠蘿包。黑松露炒蛋本身已十分美味，加上甜美的菠蘿包更把美味提升。大熱天時配上一杯濃味的凍奶茶，需然不是十分飽，但我會選擇美味而足夠。冰室內的報置都十分有趣。

第一次用openrice外賣自取服務，點左十字冰室既燒汁雜扒飯，係好好味架！由落訂到取外賣成個過程都係20分鐘內，方便快捷！而家有新function 仲有里數儲添。

十字冰室每日有五款指定午餐可供客人選擇，每款午餐包一杯熱飲（另可加錢轉凍飲或特飲），午餐價錢在$52-$68內，這個價錢在銅鑼灣地區，都算合理！今日我選擇了溫泉蛋芝士豬扒焗飯，聽個名就覺得好吸引了！雖然係焗飯但因為係指定午餐，一早就可能準備得比較充足，所以等待的時間唔需要好耐。溫泉蛋芝士豬扒焗飯名副其實有一粒超級滑嫩的溫泉蛋，食用時一定要將蛋，飯，肉攪拌在一起之後一口吃下去，每一口焗飯都被嫩滑的蛋漿及芝士包住，十分惹味。